رواية أحببت روح الفصل الثاني 2 بقلم سلمى سيد
 |
| رواية أحببت روح الفصل الثاني 2 بقلم سلمى سيد |
رواية أحببت روح الفصل الثاني 2 بقلم سلمى سيد
صحي ادم علي حد مايه علي وشه وقام مخضوض وكانت نفس البنت واقفه
ادم: اعوذ بالله من الشيطان الرجيم انتي ميته صح
البنت: اه
ادم بصراخ مضحك: يالهوووووي الحقوني يا ناس طلعتي روح واحده يا حزني
البنت بزعيق: اخرص والا اقسم بالله اصخطك قرد
ادم وهو يحط ايده علي بقه ويهز راسه: لا لا خلاص مش هتكلم
-ايوه كده صحيح رجاله مبتجيش غير بالعين الحمرا
ادم: ايه إلُيَ حدفك عليا بس واشمعنا انا
حظك بقي
ادم: حظي الاسود والهباب اكيد يا حزني عليك يا ادم بقي علي اخر الزمن تطلعلي عفريته يا لهوووي
انت ايه مش بتتعب من الكلام يا ادم
ادم: لا ثم اكمل بفزع انتي عرفتي اسمي منين صح ما انتي عفريته واكيد تعرفي عني كل حاجه صح ايوه صح انتي عفريته والعفاريت بيعرفوا كل حاجه
يا جدع ما تسكت بقي ايه رغي رغي بطل شويه وبعدين انتي كنت بتقول لسه اسمك وانت بتندب
ادم بتذكير: اه صح ثم نظر اليها وقال اسمك ايه
ساره اسمي ساره
ادم: طيب انتي موتي ازاي يا ساره بقي
ساره: معرفش
ادم: ازاي يعني متعرفيش
ساره: يعني معرفش زي الناس
بصلها ادم وهو حاسس انهارده بتكدب واكيد عارفه وبعدين دقق لملامحها فكانت بشرتها قمحاويه وشعرها طويل جدا ومفرود فكانت جميله جدا سرح ادم في شكلها وجمالها ثم فاق لنفسه وقال
بتفكر في ايه يا ادم دي عفريته فووق لنفسك
ساره: ايه روحت فين
ادم بتنهيده: معرفش بس يعني تخيلي تكوني نايمه وفجاه تصحي علي صوت حاجه وتكون بنت لا وكمان عفريته
ساره: انا عارفه انك ممكن تكون خايف ومستغرب وحاسس بحاجات كتيره اووي بس صدقني انا مش هاذيك انا مش وحشه ولا شريره انا برضو في يوم من الايام كنت انسانه عاديه بس صدقني انا مش هاذيك
ادم: واشمعنا انا
ساره: كده كان لازم اضهرلك عشان انت الوحيد آلُيَ هتقدر تساعدني
ادم: اساعدك طيب اساعدك ازاي وبعدين انا ورايا شغل وحاجات تانيه
ساره: نام دلوقتي وبكره نبقا نشوف الحكايه دي
ادم: هو الواحد هيجيله نوم بعد الي شافه دا
ساره: نام نام يا ادم وارتاح شكلك كان تعبان انهارده نام
وكان كلامها كان تعويذه بالنسباله وبالفعل نام ادم وابتسمت ساره وخرجت من الاوضه وبدات تتجول في الشقه
وفي صباح يوم جديد صحي ادم كالعاده علي صوت احد البائعين في الشارع وهو يقول
الراجل: البطاطس التلاته بعشره
ادم: يا بووووي كل يوم كده مبتزهقش يا عم رجب
ثم قام من علي السرير وافتكر ايه الي حصل امبارح وبص حواليه ولكن مسمعش صوت ابتسم بفرحه
يعني انا كنت بحلم…. صح دا. حلم مستحيل يعني يكون في عفريته في بيتي
ثم فتح باب اوضته واتخض لما شافها واقفه قدام الباب وهي بتقوله
صباح الخير يا ادم
ادم: اعوذ بالله من الخبث والخباث ايه يا ست هتقطعيلي الخلف وانا لسه متجوزتش وبعدين أنا فكرت آنِ بحلم
ساره: لا متقلقش ال حصل امبارح مش حلم دا حقيقه
ادم: وبتقوليها في وشي كمان يا شيخه يا ساتر عليكي ايه دا ثم زقها بعيد عنه وهي يضرب كف علي كف ويستغفر ربه وذهب الي الحمام
ساره باستغراب: مالو دا
وبعد قليل كان يقف امام المرايا وهو يلبس قميصه ويقفل ويقول
وانا قولت لا يعني لا
ساره: ارجوك خدني معاك انا مش هفضل هنا لوحدي
ادم: لا يعني لا برضو وبعدين انتي مجنونه هو انا رايح اتفسح انا رايح شغلي ياما فوقي بقي
ساره: ايوه ما انا عارفه انا كمان عايزه اروح
ادم: لا وبعدين افرضي يعني مثلا ها مثلا روحتي معايا اقولهم ايه زمايلي في الشركه اقدملكم ساره عفريته طلعتلي امبارح وانا نايم ومش عارف عنها حاجه ثم ضحك بسخريه
ساره: ها ها ها خفيف يلا وبعدين هو انا مقولتلكش
ادم: لا مقولتش
ساره: انا محدش هيشوفني غيرك يعني لو روحت الشغل معاك محدش هيشوفني
ادم: يا حلاوه يعني محدش هيشوفك غيري
ساره: اه يلا بقي خدني معاك
ادم: وانا قولت لا انتي مفكراني مش راجل ولا ايه عشان كلمتي متمشيش مفيش مرواح في حته واخر كلام
بعد 10 دقايق
كان يقعد ادم بالميكروباص وبص جانبه بغيط فكانت تقعد معه
ادم بهمس: ربنا علي الظالم والمفتري
ساره: بتقول ايه
ادم: وانتي مالك
احد الجالسين:اقعد يا بني هناك ما الكرسي فاضي
ادم بسماجه:لا انا مرتاح كده
السائق:ما تستاخر يا استاذ استغفر الله العظيم يارب
ادم:ما خلاص يا اسطا انا هدفع كرسيين حاجه تانيه
السائق:الي يريحك
ادم بغيط لساره:اهو والله بصي اخر عندك
ساره:وانا مالي ايه دا
بصلها بعصبيه وهي لم تتكلم
وبعد دقايق وقفت العربيه ونزلوا ومشيوا
ساره: احنا هنروح فين
ادم: امشي وانتي ساكته
ساره بتافف: طيب طيب
وهما ماشيين وقفهم صوت بينادي
ادم ازيك
لف راسه وانصدم من الي شافه
يا تري ادم شاف ايه؟ وايه حكايه ساره؟ واشمعنا ظهرت لادم؟ اتوقعوا كده واكتبوا في كومنت
يتبع…..
لقراءة الفصل الثالث : اضغط هنا
لقراءة باقي فصول الرواية : اضغط هنا
نرشح لك أيضاً رواية أنتِ لي للكاتبة سمية عامر
