رواية عفواً لقد أتممت الثلاثون الفصل العشرون 20 بقلم هند حمدي
 |
| رواية عفواً لقد أتممت الثلاثون الفصل العشرون 20 بقلم هند حمدي |
رواية عفواً لقد أتممت الثلاثون الفصل العشرون 20 بقلم هند حمدي
ريهام.. بعد ان تركتها والدتها تستريح وتفكر بما ستفعله
قامت ريهام توضئت وصلت واخذت تتضرع الي الله ليريح قلبها وينير بصيرتهااا فليس لها سواه
فلم تاخذ الكثير من الوقت.. وجدتها والدتها امامها بكامل اناقتها
رايحه علي فين يا ريهام..
ريهام.. رايحه علي بيتي يا امي هو اوله بيا
والدتها.. بس الساعه لسه 8 هتروحي بدري ليه
ريهام.. انا اتصلت بمصطفي وطلبت اقبله بدري بس متكنش هي هناك عشان اقدر اخد راحتي معاه فالكلام
والدتها… طيب وقررتي ايه يا بنتي هتعملي ايه هترجعي بيتك ولااا بعد الشر
ريهام… متقلقيش يا ماما خير ان شاء الله.. صحيح هي وعد فين
والدتها… بتعمل اكل اخوكي طلبه لناس شغاله معاه
ريهام.. ربنا يقويها عموما ليا كلام معاها لما ارجع.. خلي بالك من الاولاد لحد ما اجي اخدهم.. ماما ادعيلي وارتمت باحضانها
والدتها وهي تملس علي ظهرها.. ربنا يصلحلك الحال ويهديلك جوزك.. ويردك لبيتك يابنتى يارب
..
..
..
معتز.. الو يا ياسامي اه روحت وجبته وفالطريق اهو
سامي.. طيب فين نصيب اخوك
معتز.. اجبلك منه اذي بس ياعم ليك عندي عزومه معتبره بس لو حصل.. ادعلنا.. ويلا اقفل احسن التقديم اخره الساعه 9 سلام
..
..
..
حسن…الذي كان ينتظر خارج غرفه الكشف ليطمئنه الطبيب علي حاله زوجته سميه
يا الله يا الله يا الله.. يارب نجيها يارب عشان بنتها
نظر فوجد الطبيب يخرج من الغرفه
حسن خير يا دكتور طمني
الطبيب… بصراحه هي انكتبلها عمر جديد مجرد ردود وكدمات بسيطه.. بس المشكله ان نص وشها انا اسف اتشوه.. ودا هيحتاج علاج وعمليات وصبر لحد ما يرجع ذي الاول
هي لسه مفقتش ادامها خمس دقايق ياريت توصلها الخبر واحده واحده
حسن.. لله الامر من قبل ومن بعد
..
..
..
عاد مختار. بعد ان قررت النيابه تشريح جثه ناجي لتحديد سبب الوفاة
انتشر الخبر بسرعه شديده عن طريق زوجه ناجي ووالدلها
الذين نقلوا الاخبار سريعا.. ان ناجي توفي فاحدي الشقق المشبوهه.. نتيجه جرعه مخدر ذائده لم يتحملها
مختار.. كان يستمع لهمهمات من حوله ولم يبالي فالصدمه فوق قدرته علي التحمل
دخل الي منزله.. فوجد زوجته وابنته يقيمون مناحه ولم يكفوا عن العويل والنواح
ذهب الي ابنته.. نجاة فين الازازه اللي ادتهالك
نجاة.. وهي تصرخ.. وهو دا وقته متلاقحه فالمطبخ كانت شوره سوده يا خويااااا يا حرقه قلبي عليك يا غالي يا كسر ضهري من بعدك با خوياااا
ذهب الي المطبخ وظل يبحث عنها حتي وجدها وذهب الي ابنته
أخوكي.. ذي ما توقعت اخد نص الازازه وشربها.. انا اللي جبتلوا السم بايدي.. انا اللي قتلتلك يابني
اخذت نجاة تصرخ وتنوح بانهم من تسببوا بمقتل اخيها
..
..
..
ريهام ذهبت الي منزلها وانتظرت زوجها حتي ياتي وحمدت ربها ان درتها لم تكن بالمنزل كما اتفقت مع زوجها
ظلت تفرك بيدها والعرق يتصبب منها.. كانها طفله صغيره ارتبكت خطاء وتنتظر عقاب والدها
اتي زوجها بعد عشر دقائق من الموعد وبوجه جليدي.. ذهب وجلس علي كرسيه المفضل..ورمي مفاتيح الشقه امامه علي المنضدة ووضع ساق فوق الاخري
خير… طلبتي تتكلمي معايا انا سامعك.. بس مش هقبل ايه تجاوز سمعه
ريهام… بصوت منخفض يشوبه التوتر
انا اسفه
مصطفي صدم منها ولكن قرر عدم الاستعجال
اسفه علي ايه بظبط ياريت توضحي كلامك.. وسبب التواضع دا
ريهام.. مصطفى انا اسفه علي كل اللي صدر مني صدقني انا مش زعلانه انك اتجوزت.. انا لما قعدت مع نفسي وحسابتها اتفاجئت بحاجات كتيره كنت غلطانه فيها من غير ما احس وانت عمرك ما زعلتني
مصطفي انا اسفه علي اهمالي ليك ولبيتي واولادي.. اسفه اني مكنتش معاك فالحظات كتير كنت محتاجني فيها وملقتنيش… اسفه علي عجرفتي الفارغه.. اسفه علي قله زوقي معاك
اسفه علي كل ليله نمت وانت غضبان عليا
مصطفي.. افهم من كدا انك اخدتي قرارك
ريهام.. ايوه انا مش هطلق يا مصطفى انا موافقه علي جوازك.. دا كان امر بديهي لتصرفاتي.. غلطي ولازم اتحمله
وموافقه علي اي قرار هتاخده.. واللي هتامرني به هنفذه ايآ كان
بس ليا رجاء واحد..ياريت متجبهاش هنا في الشقه مش هقدر استحمل.. خدلها شقه فالمكان اللي يعجبك بس بلاش بيتي اللي فيه ذكرياتنا انا بترجاك
مصطفي بشك… يسلام وايه الحنان والطاعه دي من امتي
ريهام..من وقت ما حسيت انك هضيع مني وان انا السبب
ريهام والدموع تلألأت بعينها مصطفي.. انت حب عمري كله حب مراهقتي الراجل اللي عنيه فتحت ولقيته ادامها
انا عمري ما اقدر اتخيل نفسي مع غيرك.. انا من غيرك ابقي تايهه ذي مركب من غير شط ترسي عليه
موافقتي علي جوازك دي السكينه اللي بدبح روحي بيها وبادبها علي غلطي معاك
انا اللي اهملت وانا اللي هدفع التمن.. سامحني يا مصطفي عشان ربنا كمان يسامحني
كان لازم اخد قلم قوي عشان افوق.. بس يا خساره كان بعد فوات الاوان
مصطفي… ياه يا ريهام اخيرا حسيتي انك مقصره فبيتك وفحقي ياااااااه اخيرا سمعت كلمه اسفه وسامحني
ياه يا ريهام دانا كنت قربت افقد الامل الله يكرمك يا معتز يا عسل
ريهام وهي تبكي.. معتز داخله ايه بالموضوع
جذبها من يدها واخذها باحضانه.. هقولك بس اوعديني متقوليش لحسن يعلقني ههههههههههه
ريهام.. انا مش فهمه حاجه
مصطفي هفهمك بس تعالي معايا عوزم فموضوع عائلي
ههههههههههه
نسبهم ونكمل مع ابطالنا
..
..
صلي على النبي وتبسم
بقلم #هندحمدي
حسن.. حمدلله علي سلامتك يا سميه ان شاء الله هتبقي ذي الفل
سميه.. انا سمعت كلام الدكتور يا حسن انا خدت عقابي اللي استهلوا انا فعلا مستهلكش انت تستاهل واحده احسن مني بكتير
حسن.. اهدي يا سميه الكلام الكتير مش كويس عشانك ارتاحي ونتكلم بعدين
سميه.. مفيش بعدين يا حسن انا لازم اعترفلك بالي كنت ناويه عليه يمكن ربنا يسامحني
فلاش باك
سميه.. هشوهك يا حسن عشان لا تبقي ليا ولا لغيري
وذهبت دون ان تري الطريق امامها فاتت سياره سريعه امامها وضربتها بالفعل ولكن كانت من طرف فقط من السياره مما ادي لرتفاع يدها فانسكبت الزجاجه علي يدها ووجهها وارتمت فوق الرصيف واخذت تصرخ مما شعرت به من حروق بوجهها ويدها
اول من تواجد هو حسن واخذ يصرخ سميه حد يطلب الاسعاف.. وهو من حملها معهم وظل بجوارها حتي يطمئن عليها
عوده لوقتنا الحالي..سامحني يا حسن الغل والسواد ملئ قلبي واهو ربنا عاقبني عشان يبقي الجزاء من جنس العمل
حسن استمع لها بقهر.. عوزه تشوهيني يا سميه.. بقي دي اخرتها تركها وذهب وهو يردد لله الامر من قبل ومن وبعد
..
..
..
شاهين.. الذي جلس بمفرده منذه الصباح تحامل علي نفسه وذهب للخارج ليبحث اين ذهبت زوجته وتركته بتلك الحاله
ساعده بعض الماره بالطريق ليصله لبيت زوجته.. وقص عليه وفاة اخو زوجته ناجي وما يدور حوله من اقاويل فاصبحوا حديث المنطقه باكملها (اراد تشويه سمعت غيره فاذاقه الله من نفس الكاس)
وعند وصوله لمنزلهم سمع زوجته نجاة تنووح.. كدا يابا اهو شاهين مخدش السم يابا اللي اخدوا ابنك
شاهين عايش وابنك اللي مات.. هنعمل ايه قتلنا بادينا
كنا عوزين نورث شاهين اهو ناجي اللي مات ومش هنلاقي اللي يورثنا يالهووووي
اسمتع شاهين لكل كلمه تفوهت بها… فذهب امامها
كنتي عوزه تقتليني عشان تورثيني يا نجاة.. هان عليكي ابو عيالك.. عوزه تسميني عشان الفلوس.. مش مستحمله يومين فضلنلي.. حسبي الله فيكي
اهو ربنا انتقم منكم صحيح ربنا اسمه العدل.. انتي مبقتيش تلزميني انتي طالق بالتلاته
..
..
..
ريهام بعد ان قام مصطفي بحكي تفاصيل مخططته مع اخيها..
فلاش باك..
مصطفي.. الذي نظر للهاتف وابتسم ايوه يا معتز اتصلت ذي ما توقعت واتلككت عشان تتخانق وترجع البيت عندك وانا ساعدتها.. ايه الخطوه الجايه
معتز.. هقولك.. ميوجعش الست الا ست زيها.. هنشوف بنت صغيره وحلوه وهنقدمها ع انها مراتك وساعتها ريهام هتعرف ان الله حق
مصطفي .. يسلام طيب ماهو ممكن الخطه تجيب نتيجه عكسيه وتجيب سيكنه من المطبخ وتريحني من الدنيا. والعيشه معاها????????
معتز.. ههههههههههه يبقي نصيبك يا صاحبي
اسمع مني ريهام قلبها طيب بس شيطانها غلبها هي بس عوزه قلم يفوقها وصدقني هترجع ريهام ام قلب دهب
مصطفي.. خلاص هشوف ونبقي علي تظبيط المعاد سلام
عوده لوقتنا الحالي..
بتهزر يعني انت مش مجوز.. اومال البنت اذي وانتوا لوحدكوا ????
مصطفي.. اتلهي البت ابوها كان معانا.. والبواب اول ما دخلتي اتصل وبلغني.. فالراجل دخل وحنا ظبطنا الحكايه عشان تشفيها ذي ماحنا عوزينك تشفيها
ريهام.. يا ولاااد ال……
مصطفى بضحك بنت عيب وهو يتفادي تلك الوسادات التي تلقيها عليه
ريهام بس تعرف دا احسن مقلب اتعمل فيا.. عرفني قمتك فحياتي وغلوتك ومدي حبي ليك
وصرخت.. يعني انت مش مجوز هاااااااااه
مصطفي.. بعد ان جذبها بجانبه ووضع وجهها بين يديه
ريهام انتي حبيبتي وام اولادي وعشرت عمري كله
البنت اللي حبتها وهي لسه بضفاير.. تفتكري هتنازل عنها بسهوله كدا من غير ما احاول مره واتنين والف كمان
ريهام.. وهي تقبل كفوف يديه ربنا يخليك ليا وميحرمنيش منك وصدقني اتعلمت الدرس كويس وان شاء الله هكون زوجه صالحه بمساندتك ليا وحنانك وحبك واحتوائك وهكون زوجه وام تفتخروا بيهاا
..
…
..
مختار.. قام بغلق الباب علي نفسه بعد ان سمع لكل ما تفوه به شاهين فطلاق ابنته قضي علي اخر ذره عقل لديه
فاخذ يصرخ. ابني مامتش شاهين هو اللي مات ونجاة ورثت وعملنا مشاريع وكسبت وبقيت غني غني بدوس علي ايه حد يقف ادامي
ووعد اطلقت ومستنيه مني نظره عطف.. ايوه انا اللي كسبت وقام بتكسير كل ما بالغرفه.. ولم يستطع احد السيطرة عليه
حتي قاموا باستدعاء الطبيب الذي حقنه بمهدي ونقله الي احدي مشافي الامراض العقليه للسيطره عليه وتحديد حالته
..
..
حسن وهو بالمشفي ولكن خارج الغرفه سمع شهقات سميه وتوسلها الي الله ليسامحها فشعر بغصه فحلقه كلما تذكر ما كانت تنتويه
صدح صوت هاتفه فوجده الصبي الذي يعمل لديه
الوو.. بتقول ايه مات امتي ياساتر يارب.. والحاج مختار اتجنن.. ااايه والحاج شاهين طلق مراته
كل دا حصل فيوم واحد لا اله الا الله طيب اقفل انا جاي حالا
ولن يشعر الا وهو يتصل بمعتز ويبلغه تلك الاخبار ليذهب معه.. ويعملوا ما حدث بالفعل
بعدها ذهب معتز الي وعد واخذها معه وذهبوا الي منزل والدها للاطمئنان عليه
ذهبت وعد الي والدها.. وارتمت باحضانه وظلت تبكي لتفرغ ما بقلبها وتستريح
..
..
..
من قام باقامه عزاء لناجي هو حسن وصمم معتز ان يشاركه العزاء وهم من تكلفوا بالامر
وهم من اكملوا الاجراءات.. وعجلوا دفن الجثمان.
وظلوا بالصوان حتي انتهي العزاء
معتز…حسن انا كنت عايز اتكلم معاك كلمتين مش قادر اشلهم فقلبي اكتر من كدا
حسن.. كنت حاسس انك شايل حاجه من جواك كنت بشفها فعنيك بس كنت مستني تجي بنفسك وتفتحلي قلبك..
تعالي معايا الورشه اهو نبقي علي راحتنا.. عشان عايز اروح اطمن علي سميه هي كمان بعد كدا
..
..
معتز… انا هكلمك بصراحه يا حسن ومش هلف وادور فالكلام.. انا حاسس انك بتكن لوعد مشاعر والاحساس دا بياكده اهتمامك بيها وسوالك عليها.. حتي هي بحس انك اهم عندها من ايه حد… وان مكنتك محدش يقدر يمسها
حسن قبل ما تجاوب.. كلامك اللي هتقوله هيترتب عليه حاجات كتير اووي.. ارجوك صارحني مهما كانت اجابتك
حسن ابتسم.. تعرف لو كلامك دا جه بدري كام يوم كنت هندم ندم عمري.. انا هريحك يا معتز وهحكيلك كل شي
انا امي الله يرحمها……
وقص كل كل ما حدث… انا حكتلك اللي عمري ما صرحت حد به وكان سر بيني وبين ربنا..بس وعد كانت دايما بتلاقيني فضهرها وسند ليها اخ وقت الشده
بس احلفلك علي كتاب الله عمرها ما شفتني اكتر من اخ وسند ليها..وانا عمري ما حولت المحلها عن اللي فقلبي
تجهم وجه معتز عند سماع اعتراف حسن بحبه لوعد حتي واذا لم يصارح احد به.. فمن لديه عقل سيلاحظ ذلك
حسن.. لكن يا معتز……دا قبل ما تحط فموقف خلي قلبي اهتز بين ضلوعه حقيقه كنت غافل عنها
..
..
..
شاهين.. كفايه دموع يا وعد.انا كويس يا بنتي وبخير
وعد.. مش عارفه يا بابا ليه الحقد والكره اللي فقلوب الناس ليه.. معقوله ست يهون عليه تقتل ابو اولادها.. ملعون ابو الفلوس اللي تخلينا نعمل فبعض كدا
شاهين..واكتر من كدا يا بنتي الا من رحم ربي.. سامحيني يا وعد انتي اكتر حد اتظلم وانا جيت عليكي كتير
وعد… انت اللي تسامحني علي تقصيري معاك الفتره اللي فاتت بس خلاص مش هسيبك لحظه بعد كدا
سمعو من يتنحنح ورائهم..
معتز… السلام عليكم ورحمه الله وبركاته
وعد..معتز اخيرا جيت.. ايه دا اومال ابيه حسن فيه
معتز غمز لها بعينه.. راح مشوار.. فيبدوا انه لم يريد التحدث امام ابيها.. فذهب له
اذيك يا حاج شاهين.. معلش ربنا اتلطف بيك.احنا دفنا جثه ناجي
ونظر لزوجته وجدها تبكي. مالك يا وعد انتي زعلانه عليه
وعد… زعلانه علي روح ماتت قبل ما تتوب لربها.. ربنا يخرجنا منها علي خير
وبعدين يا معتز.. لو قلوبنا بقت سوده يبقي مفيش فرق بنا وبنهم.. ادعيله بالرحمه والمغفره
وعد لمعتز.. كنت عوزه استاذنك ياريت لو ناخد بابا يعيش معانا الفتره دي لحد حالته ما تستقر
معتز… لاااا…مش هو اللي هيجي.. انتي اللي هتعيشي معاه الفتره دي ومفيش نقاش اليوم دا من اطول ايام حياتي
وعد.بحزن لانها شعرت ان معتز سئم منها ومن مشاكلها التي لا تنتهي فاردات الا تثقل عليه
اللي تشوفه….
معتز. عوزك فكلمه لوحدنا يا وعد
صدح رنين معتز.. الووو ايوه يا سامي بتقول ايه بتتكلم جد.. اتقبلت.. الله يبارك فيك يا وش الخير
لااا جيلك حالإ.. سلام يا وعد هبقي اكلمك فالفون
شعرت وعد ان معتز.. يريد ان يصل لها رساله انها اصبحت غير مرغوب بها فزاد ذلك من حزنها…فقد تعلقت بمعتز كثيرا
يارب..وحدك قادر علي كل شئ..يارب اكتبلي الخير في كل شي..
..
..
..
حسن..اذيك دلوقتي يا سميه معلش اتاخرت عليكي..
الدكتور كتبلك علي خروج
سميه.. هروح فين يا حسن علي بتنا
حسن بصلابه.. هروحك بيت ابوكي وعد كمان هناك وهتراعيكي انت ووالدك
سميه.. حسن انا اسفه.. انا عرفه ان خلاص بس مسامحتك هتفرق معايا كتير
حسن.. هبعتلك الممرضه تساعدك.. لحد ما ادفع فاتوره المستشفي واعرف نظام العلاج
بكت سميه قهرآ علي ضياع كل شيء من يدها.. وعلمت ان السند ليس بالمال ولكن برفيق درب وقت الشدائد
