رواية عشق حياة الفصل الثاني والعشرون 22 بقلم زوزة
 |
| رواية عشق حياة الفصل الثاني والعشرون 22 بقلم زوزة |
رواية عشق حياة الفصل الثاني والعشرون 22 بقلم زوزة
في منزل محمد الصافي ليلا .
نادي محمد علي حياه وقال لها أن تأتي لهم بمشروب .
فاتيت حياه تحمل اكواب بخجل وخلفها عهد تحمل حلويات .
مؤيد بصدمه : انتي…
عهد بصدمه : انت…
محمد الصافي باندهاش : انتوا تعرفوا بعض.
مؤيد بهدوء : انتي عامله ايه طمنيني عليكي .
عهد : لا يا بابا اتقابلنا مره وبس ،ثم وجهت نظرها الي مؤيد وقالت بابتسامه : انا الحمد لله كويسه .
محمد الصافي : تعرفيه منين يا بنتي .
عهد وهي تحكي لابوها
فلاش بااااك
في الشارع نجد فتاه تعدي بسرعه ولا تنظر إلي الشارع وتأتي سياره سريعه ولكن الشاب الذي يقودها تحكم بالسياره في اخر دقيقه .
الشاب بعصبيه : مش تفتحي يابنتي كنتي هتموتي .
البنت بخوف : اسفه اسفه مكنتش اخده بالي .
الشاب بهدوء : طب انتي اتاذيتي او اي حاجه اوديكي المستشفي .
البنت بشكر : لا شكر انا حلوه واسفه تاني بس كنت مستعجله . وتركته وغادرت وهي ترتجف وخائفة.
الشاب لنفسه : ده ايه الحوريه الي طلعتلي من السما دي هو ف كده .
ورجع وركب سيارته وقادها وذهب .
عوده من الفلاش بآاااك.
مؤيد : كان نفسي اقابلك تاني عشان اطمن عليكي لأن يومها كان باين عليكي التعب والخوف .
عهد : انا اتخضيت بس كنت كويسه وشكرا تاني لحضرتك لأن لولا أنك في اخر لحظه وقفت كان الله اعلم ايه اللي هيحصل .
محمد الصافي: اهم حاجه.انك بخير يا بتي .
احمد الاسيوطي باندهاش : بس كيف كان الداكتور متكلم معاك علي حياه وخطيبها والاولاد ميعرفوش بعضهم .
كنان بكذب : ماهو يا حاج كان لسه مجرد كلام وكان قابل عدي اخويا بس لكن مؤيد لا .
ابراهيم الصافي : وانت يا ولدي اهلك فين يعني احنا مشوفناش غير اخواتك .
كنان بحزن : بابا وماما توفوا من فتره واللي موجود في عيلتي هو جدي وعمتي .
ابراهيم الصافي: البقاء لله يا ولدي بس جدك مجاش ليه .
عدي : جدي تعبان شويه ياعم الحج فمعرفش يجي معانا .
احمد الاسيوطي: ربنا يعافيه ويخليه ليكوا يااارب .
كنان وهو ينظر الي حياه : هاخدك بكرا بعد اذن ابوكي والحاج ابراهيم والحاج احمد وننقي شبكتنا .
حياه بخجل : بس انت جبتلي شبكه .
كنان بابتسامه : لا دي كان هديه لكن شبكتك انتي هتنزلي تنقيها ومعانا ولدك والعيله كلها.
محمد الصافي بابتسامه : لا يا بني انتوا روحوا نقوا الشبكه مع بعض وهتكون معاكوا عهد واحنا هنروح بيتك واخوك يجابلنا هناك عشان نشوف البيت هيعوز ايه .
كنان بابتسامه : اللي تشوفه ياعمي.
عدي وهو يقوم ومعه مؤيد وكنان ثم قال : نستاذن احنا بقا ياعمي .
محمد الصافي : لا طبعا تروحوا فين لازما تتعشوا معانا يلا يا حياه انتي وعهد قوموا جهزوا العشاء .
كنان : ياعمي ملوش داعي ولله احنا يدوب نمشي .
احمد الصافي ؛ البنات عاملين عشاء مينفعش تكسفوهم قوموا يلا جهزوا يا بنات .
وبالفعل قامت حياه وعهد واجهزوا الطعام علي سفره وجلسوا الرجال جميعا يتناولون الطعام .
ثم انتهوا منه .
مؤيد : تسلم ايديكوا ولله الأكل تحفه .
كنان بابتسامه: تسلم ايدك يا حياتي الأكل حلو .
عهد بضحك ؛ لا بقا انا عامله معاها .
كنان بضحك: تسلمي يا ست عهد اكلك حلو بس اكيد اكل حياتي احلي ثم غمز لحياه دون أن يأخذ أحد باله غيرها .
فخجلت حياه وتوردت وجنتيها باللون الاحمر .
عدي : نستاذن احنا بقا ياعم محمد عشان يدوب .
محمد الصافي: ماشي يا ابني ونتقابل بكرا .
وبالفعل ذهبوا الي قصرهم
ومحمد وعائلته في بيته .
في غرفة حياه وعهد .
عهد وهي تجلس علي السرير وتقول بمرح : بقا الموز ده جوزك يا حياه ولله وقعتي واقفه يابت .
حياه: ايوه .
عهد : بس نفسي اعرف ايه اللي يجبركوا تكتبوا الكتاب هناك .
حياه بكذب : ماهو ماهو انا قولتلك يا عهد جدك زمان كان خطبني وانا صغيره هناك لواحد من عيله كبيره وبعد لما جيت ايجوا الناس دي وقولوا اني ابقي خطيبه ابنهم فكنان لما شاف كده قال إني مراته وبعد كده قال لجدك احمد وجدك احمد قال احسن حاجه عملناها عشان ابن الناس دول وحش ومش حلو .
عهد بابتسامه : بس ربنا رزقك بالاحسن وباين علي كنان أنه بيحبك من نظراته ليكي ربنا يفرح قلبك يا حياه ياااارب .
حياه بخجل : نظراته ازاي يعني .
عهد وهي تغمز لها : كان نفسه يخبيكي جوا قلبه وباين عليه أنه محترم ربنا يخليكوا لبعض يااارب.
حياه : ياااارب ، ونامي يلا لسه ورانا حاجات كتيره بكرا .
عهد وهي تحتضنها : تصبحي علي خير يا حياتي وهنام في حضنك عشان بقالك كتير بعيده عني وناموا …..
~~~~~~~~~~~~~~~~~~~~~~~
في الصباح في شركة المعز .
وعد وهي تجلس علي مكتبها ومعها سجده : بس يا ستي وده كل اللي حصل والحوت ده انقذني .
سجده : يعني مشوفتيش وجهه الحوت .
وعد بهدوء : لا كان نفسي أشوفه بس كان لابس قناع علي وجهه المهم طمنيني انتي عملتي ايه في الشركه .
سجده بهدوء : كل حاجه ماشيه زي ما هي ولما عرفت انك اختفيتي من لندن بعدت ناس تجيب ورق الصفقه واحنا شغالين اهو فيها وهنسلمها كمان ست شهور .
وعد : ماشي .
ثم اتي إليهم محمد واستاذن بالدخول ودخل .
محمد الصافي: السلام عليكم ازيك يا بنتي .
وعد بابتسامه: وعليكم السلام عامل ايه ياعم محمد .
محمد الصافي : انا بخير يا بنتي كنت جاي اطمن عليكي لما عرفت انك رجعتي من السفر .
وعد بابتسامه : انا بخير يا عم محمد طمني انت علي شغل الحسابات .
محمد الصافي وهو يناولها ملف : انا جبتلك شغل الحسابات في الفتره اللي غبتي فيها وكنت جاي استأذن منك اخد اسبوع اجازه .
وعد : خير يا عم محمد حضرتك تعبان .
محمد الصافي: لا يا بنتي ده فرح بنتي بعد اسبوع وكنت عايز اخد اجازه عشان بنجهزهله وحضرتك طبعا هتنورينا .
وعد بابتسامه : طبعا يا عم محمد وخد من الحسابات تحت مكافاه شغلك ديما مظبوط .
محمد الصافي: بس ده كتير يا بنتي .
وعد بابتسامه : لا طبعا ده حقك يا راجل يا طيب وخد اجازه زي ما انت عاوز .
محمد الصافي: تسلمي يا غاليه عن اذنكم انا وتركهم وغادر .
سجده : عم محمد ده راجل طيب اووي .
وعد بابتسامه ؛ ايوه وأمين جدا .
وظلوا يتحدثون في أمور الشغل .
~~~~~~~~~~~~~~~~~~~~~~
في شركه الشناوي الخاصه بعدي .
عدي وهو يحكي لحازم كل ما حصل : وبس يا سيدي وده كل اللي حصل ومفروض كمان ساعه اروح استنا أهل حياه في البيت .
حازم : بس جدي عمل كده ليه ده احنا كلنا عارفين أنه هو روحه في كنان اكتر واحد عشان شبه ابوك الله يرحمه .
عدي بتفكير : لسه مش عارف بس اكيد ورا الموضوع ده عمتي وتالا .
حازم : هي تالا لسه بردو .
عدي : ايوه واتجننت اكتر لما عرفت أن كنان اتجوز .
حازم : بس بصراحه يا عدي حياه مرات كنان احلي من تالا بكتير مش شكل بس لا ده ونعمه التربيه والاخلاق ودكتوره زي اخوك بردو يعني حاجه كده تالا متجيش ضفرها .
عدي بابتسامه : وأنا فخور جدا باختيار كنان ليها هي اصلا باين علي وجهها أنها شخصيه طيبه وعيلتها ناس طيبين ومحترمين جدا .
حازم بتأكيد : فعلا .
عدي بضحك: بس لو تعرف طلع عندها اخت صغيره بس قمر والولا مؤيد عينه كانت هتطلع عليها .
حازم بضحك : لا بقا ده ظلم انا قايلها لو عندها اخت يبقي انا اخدها .
عدي بضحك : مظنش مؤيد هيسمحلك ده طولت ما كانوا قاعدين امبارح كان عينه عليها ولما ضحكت مع كنان كان هاين عليه يشوح كنان من الشباك .
حازم بضحك : وانت مراقب كل ده بقا والا ايه .
عدي بابتسامه : طبعا مش اخواتي لازم اخد بالي منهم وبعدين الصراحه البنت الصغيره محترمه جدا زي حياه وفعلا لو اللي في بالي حصل يبقي خيررر اووي .
حازم بضحك : وانت يا باشا مش ناوي تتجوز والا ايه .
عدي بتفكير بأحد: قريب أوووي .
حازم بشك: ايه ده بقا انت واقع والا ايه طب هيا مين احكيلي ياعم اله .
عدي بضحك : واقع مين ياعم بس هتعرف قريب اللي هيحصل .
حازم : حااسس أن فيه حاجه كبيره اووووي هتحصل قريب .
عدي بغموض : اه وقريب اوووي المهم همشي انا دلوقتي وابعتلي حد من الخادمين اللي عندك ينضف القصر عندي ويطبخ لغايه اما اشوف ناس كويسه .
حازم : ماشي هتروح تلاقيهم في البيت .
عدي بابتسامه: شكرا يا صاحبي وهات مفتاح عربيتك عشان سبت عربيتي لكنان .
حازم وهو يناوله المفتاح : طب عربية كنان ومؤيد فين .
عدي : سبوهم في القصر .
حازم : اكلم معرض العربيات يجيب عربيتين والا ايه .
عدي بابتسامه : ماشي بس احسن موديل وياريت تبقي تكلم مؤيد لان انت عارف أنه عنده زوق معين كده في آلعربيات .
حازم بابتسامه : ماشي .
~~~~~~~~~~~~~~~~~~~~~~
في قصر عدي الشناوي .
كنان وهو يركب سياره عدي وجد مؤيد ينادي عليه.
كنان : نعم يا مؤيد محتاج حاجه .
مؤيد بحرج : الصراحه عايز اجي معاك مش عايز اقعد لوحدي هنا .
كنان بضحك : مش عايز تقعد لوحدك بردو .
مؤيد بضحك : ياعم خدني معاك ومتخفش هبقي بعيد بعيد.
كنان بضحك : ماشي اركب يلا عشان حياه مستنينا .
مؤيد بعد أن ركب ثم قال في حرج : انت هتجيب الشبكه ازاي وجدك وقف الفيزات اللي معانا .
كنان بضحك : ما يا عم قولنا احنا لينا شغلنا لوحدنا .
مؤيد : ما انا عارف بس انا جربت الفيزا امبارح مردتش تطلع فلوس.
كنان وهو يناوله فيزا أخري ثم قال : دي فيزتك انت خاصه بيك انت انا كنت عاينها معايا عشان عارف انك بتصرف من التانيه .
مؤيد وهو يمسكها : بس مين عملها دي .
كنان : مش احنا قولنا لينا شغلنا لوحدنا وانت كان ليك نصيب معانا في كل حاجه حتي لما عملنا فيزا خاصه بكل واحد فينا عملنا ليك .
مؤيد : يعني دي اقدر اصرف منها .
كنان بابتسامه : ايوه دي بتاعتك انت من مالك الخاص بيك انت .
مؤيد بابتسامه : ماشي
ثم بعد فتره وصلوا أمام منزل حياه ونزلت حياه وعهد .
حياه بابتسامه : السلام عليكم .
عهد بابتسامه : السلام عليكم .
كنان ومؤيد : وعليكم السلام .
ثم ركبوا الاثنين معهم .
كنان بابتسامه : عامله ايه يا حياتي .
حياه بخجل : الحمد لله .
كنان بحب : فطرتي والا اخذك مطعم تفطري .
حياه بخجل : لا شكرا الحمد لله فطرت .
عهد بضحك : ايوه وانا الحمد لله كويسه يا زوج اختي العزيز وفطرت الحمد لله .
كنان بضحك : ايه زوج اختي العزيز ده اسمي كنان .
عهد بضحك : ماشي يا استاذ كنان .
كنان بضحك : يابنتي كنان من غير استاذ ولا زوج اختي العزيز انا اخوكي الكبير .
عهد بابتسامه : ماشي .
مؤيد بضحك : طب وانا ايه بقا .
عهد بحرج : احم حضرتك عامل ايه .
حياه بابتسامه: عامل ايه يا مؤيد .
مؤيد : بخير الحمد لله ثم نظر إلي عهد وقال حضرتك مين انا مؤيد بس مش اخوكي ها هو اخوكي لكن انا لا .
عهد بحرج : اه اه أن شاء الله .
ثم بعد مده وصلوا الي محل مجوهرات يبدو عليه الفخامه .
ونزلوا الي محل المجوهرات الذي كان فخم جدا .
عهد وهي تهمس لحياه : المحل ده باين عليه فخم اوووي .
حياه : ايوه .
كنان وهو يمسك يد حياه : تعالي يا حياتي ثم اخذها ودخل الي المحل وعندما رآه صاحب المحل رحب به جدا ثم قال : امال مدام تالا مجتش مع حضرتك ليه ده انا عندي ليها تشكيله تجنن .
نظرت له حياه بعينين دامعتين عندما سمعت ذلك .
عهد بصدمه : تالا مين .
ثم وجهت نظرها الي كنان وبعصبيه قالت : تالا مين دي رد عليا فهمني .
مؤيد وهو يسحبها من يدها وياخذها خارج المحل وقال : اهدي كده وسيبي كنان وحياه يتكلموا .
عهد بعصبيه : طيب مين تالا اللي راجل جوا بيقول عليها دي .
مؤيد بهدوء : ممكن تهدي وتالا دي بنت عمتي وكانت بتيجي مع كنان ساعات هنا .
عهد بعصبيه : وبتيجي مع كنان ليه .
مؤيد : بصراحه كانت هي وكنان بيحبوا بعض بس من فتره كنان سابها معرفش ليه وانتي بردو بلاش تدخلي وسيبهم وهما هيتفهموا جوا سوا .
عهد بعصبيه : وحضرتك مسكتني من أيدي ليه .
مؤيد : ممكن تهدي شويه ومسكتك من ايدك لان شوفت في عنين اختك الدموع وانتي كنتي هتبهدلي الدنيا ممكن تسبيهم وكنان هيعرف يراضيها .
عهد : هما خمس دقايق بس .
مؤيد : تعالي اعزمك علي كوبايه عصير هنا في الكافيه ده وربع ساعه ونيجي نشوفهم علموا ايه ممكن ده كله عشان اختك .
عهد ؛ ماشي بس قولهم .
مؤيد بابتسامه : ماشي ثم ذهب وقال لكنان أنه سيأخذ عهد ويجلسوا سويا في الكافيه الذي بجانبهم هنا يشربون شئ إلي أن ينتهوا .
كنان وهو يمسك يد حياه بهدوء ثم قال للرجل : عن اذنك خمس دقائق وهنيجي تاني ثم اخذها الي سيارته وجلسوا سويا .
كنان بهدوء : ممكن اعرف حياتي عينيها فيها دموع ليه .
حياه بعينين دامعتين : لا مفيش دموع ولا حاجه .
كنان وهو يقبل يديها : يا حياتي انا عارف انك اضبقتي بس انا حكيتلك عن كل حاجه وياستي تالا بنت عمتي كانت بتحب المجوهرات ديما فكانت تجبرني اني اجي هنا علي طول واجبلها مجوهرات ومش اي مجوهرات دي كانت بتجيب مجوهرات تقيله جدا وبتحب المناظر وكده .
حياه بدموع : بس ليه قال مدام وليه كنت بتيجي معاها .
كنان وهو يزيل دموعها : يا حياتي انا معرفش هو قال مدام ليه لاني لما كنت باجي معاها كنت اسيبها تدخل معاهم هي تتفرج وتجيب اللي عايزاه وانا قاعد بحاسب بس ، وكنت باجي معاها لان كان ببقي قاعد معاها اتلاقيها زعلت فكانت عشان تتصالح لازم يجيلها مجوهرات أو هديه غاليه وكانت بتحب تنقي هي مش انا .
كنان بابتسامه من بين دموعها : يعني انت مكنتش بتنقي معاها ولا تقف تختار معاها .
كنان وهو يزيل دموعها : ايوه يا ستي لكن معاكي انتي هدخل واقعد اختار احلي حاجه لحياتي .
حياه بفرحه طفوليه : يعني مش هتزهق مني .
كنان وهو يقبل رأسها : عمري ما ازهق منك انا ما صدقت لقيتك .
حياه بخجل : انت عملت ايه .
كنان بضحك : معملتش حاجه علي فكره انتي مراتي ها .
حياه بخجل : بس احنا متفقين ها .
كنان بعصبيه خفيفه : علي فكره بقا انا اعترفتلك بحبي وانتي اعترفتيلي بحبك ورجعت طلبتك من ابوكي تاني يبقي جواز ورق بقا خلاص هيخلص .
حياه بخجل : لا احنا متفقين هتديني وقتي .
كنان وهو يهدي من نفسه : حاضر يا حياتي الوقت اللي عايزه تخديه خديه بس وانتي معايا وفي بيتي بس مش هتحرميني من حضنك وجو المخدات والاسدال ده لا هتاخدي راحتك خالص وموضوع جوزانا ده وقت ما تكوني جاهزه يبقي براحتك .
حياه بخجل : ماشي .
كنان بابتسامه وهو يقبل يديها : طيب يلا عشان ننقي شبكتك يا مراتي يا قمر انتي .
ثم ذهب إلي الداخل وتحدث مع صاحب المحل وقال له : اعرفك الدكتوره حياه ومراتي .
صاحب المحل : اعذرني يا فندم انا كنت مفكر أن تالا هانم زوجه حضرتك .
كنان بهدوء : لا تالا بنت عمتي بس ودي مراتي .
صاحب المحل: معلش اعذرنا يا فندم هي اللي كانت مفهمانا كده اعذرينا يا حياه هانم .
كنان بهدوء : خلاص حصل خير بس عايزين من حضرتك كام طقم الماس كده كويسين وخاتم عشان حياتي تنقي شبكتها .
صاحب المحل : طب اتفضلوا اقعدوا وكل حاجه هتيجي عندكوا .
ذهب كنان وحياه وجلسوا واتي صاحب المحل ومعه ناس أخري يحملون اطقم كثيره لهم .
حياه بابتسامه: هي كل حاجه حلوه بس ممكن حضرتك تجبلي حاجات رقيقه وياريت طقم واحد بس يكون رقيق .
صاحب المحل : انا عرفت طلبك وعندي حاجه هتعجبك جدا هي لسه مطلعتش لحد .
ثم بعد مده اتي إليها بعقد علي شكل فراشات رقيق جدا وجميل ومعه خاتمه واسورته.
الطقم عجب حياه وكنان ثم اتي إليهم مؤيد وعهد وعجبهم أيضا .
كنان بابتسامه : طب نقي حاجه كمان .
حياه بابتسامه : لا كده حلو اووي .
مؤيد بصدمه : حلو مين انا عايزك تدفعيه ده كنان ده طلع علي قلبه فلوس كتيره.
عهد بابتسامه : الطقم اللي جبتيه جميل يا حياه .
كنان بابتسامه : طيب انتي يا عهد نقي حاجه.
عهد بحرج : لا شكرا ويلا عشان منتاخرش .
مؤيد وهو يمسك يديها ويقول لها : تعالي بس اوريكي حاجه وأخذها باتجاه مجموعه سلاسل وكانت جميعها جميله ثم قال لها : اختاري واحده .
عهد : بعد كده لو مسكت ايدي هولع فيك .
مؤيد بضحك ؛ حاضر حاضر بس اختاري واحده .
عهد : واختار ليه بقا انا مش عايزه حاجه ولسه قائله لكنان .
مؤيد : اختاري واحده اديها لبنت معجب بيها .
عهد : ما تختار ليها انت ياعم انا مالي.
مؤيد : يا ستي مش احنا صحاب اختاري بقا واحده .
عهد : اووف حاضر هخترلك .
ثم بعد مده نقت له سلسله شكلها جميل جدا ورقيق وكانت علي شكل قلب بأجنحة .
مؤيد : تصدقي زوقك حلو .
عهد بفخر : طبعا .
مؤيد : طب اختاري واحده ليكي بقا عشان كنان ميزعلش .
عهد بحرج : لا طبعا انا لو كنت عايزه حاجه كنت هقول لبابا ويلا عشان نروح لكنان وحياه .
وذهبوا إليهم واخلصوا كل شئ واتجهوا الي السياره ثم قال لهم كنان : استنوني هاجي اهو بس نسيت حاجه جوا ……
يتبع..
لقراءة الفصل الثالث والعشرون : اضغط هنا
لقراءة باقي فصول الرواية : اضغط هنا
نرشح لك أيضاً رواية عروسة ديسمبر للكاتبة هند حمدي
