رواية وفاء البارت الثاني والعشرون 22 بقلم آية عبده

بعد قليل استأذنت وفاء لتدخل المكتب 

اتفضلي

حضرتك خلصت صلاه انا خلاص صليت نمشي دلوقت ،لكن لاحظت وفاء هو كما تركته قاعد في نفس المكان ولم يصلي سكتت وهو رد باحراج

ايوه يالا نمشي 

ردت وفاء اوكي اتفضل حضرتك 

خرجو من الشركه وركبت وفاء معه في عربيته ،

ممكن بعد توقفنا هنا 

رد خالد ليه هنقف هنا

ردت وفاء انا جعانه وقفني اشتري سندوتش كبده اتغدا بيه

رد خالد عايزاني اقف علشان سندوتش كبده مااحنا رايحين الاوتيل اتغدي هناك

ردت وفاء بس انا ااكل من سندوتشات عم عزب 

رد خالد عم عزب مين بت انتي متنرفزنيش

ردت وفاء وانرفز حضرتك هو انت هتاكلني بمزاجك وقفني ونزلني هنا وانا هبقي احصل حضرتك 

اوقف سيارته اتفضلي وهستناكي نروح الاوتيل مع بعض 

ردت وفاء هه طيب اعمل حسابك 

رد خالد بغضب انزلي

نزلت مسرعه خوفا منه وذهبت لتشتري سندوتش كبده من عم عزب ،بعد قليل جاءت بالسندوتش وركبت سياره خالد ،خالد ظل ينظر لها قالت

ايه مش بتقول ورانا معاد اتفضل هنتاخر 

بغضب شغل خالد سيارته واكمل طريقه اثناء الطريق

اتفضل 

رد خالد شكرا مبكلش من الاكل ده

ردت وفاء انا عملت حسابك وهتاكل معايا سندوتشك اهو

رد خالد قلتلك مش عايز انتي هتاكليني علي مزاجك 

ردت وفاء حضرتك زيي مااكلتش من الصبح اتفضل كل ده 

نظر لها بغضب علي اصرارها وقال بقولك مش بأكل الاكل ال الله اعلم معمول ازاي وبايه يااع بتكليه ازاي ده

ردت وفاء حضرتك معمول بحب وده كافي 

رفع حاجبه ونظر لها معمول بحب ازاي يعني

ردت وفاء وبدئت تأكل سندوتشها الله علي جماله واو وكمان حار ومدت يدها تاخذ قطمه طعمه يشهي ولا ريحته ياخرابي

ظل ينظر لها باستغراب من افعالها

قال بغضب انتي ياانسه راعي شعوري واني جعان 

ردت وفاء طب ماقلت خد السندوتش اهو 

اخده من يدها بقوه وامسكه واكله 

وفاء باستغراب طب ماانت بتاكل اليع اهو هه

رد خالد وقال ممكن سؤال 

ردت وفاء قول

رد خالد هو مين ال بيشتغل عند التاني

نرجع من الفلاش ظل يضحك علي تلقئيه وفاء ال مش بتزورها تحت اي مسمي حدث نفسه وقال لو مكنش فرق السن كبير بينا كنت اعترفت اني بحبك وعايز اكمل حياتي معاكي لكن للاسف ودمعت عيناه دخلتي حياتي متأخر قبلتك بعد مابقيت بعشق المال والجاه لكن والله انا حبيتك من قلبي حبيت كل حاجه فيكي ونفسي اكمل بقيت ال باقي في عمري معاكي لكن كل شئ ضدي وانتي عمرك ماهتحبيني 

**************

في المستشفي 

ايه الناس ال بره دول ياماما

ردت منال دول الحراسه ال مدام ساميه جابتها تحرصك 

ردت وفاء هه هتحرصني من ايه وايه الحنيه ال ظهرت فجأه دي الست دي انا بكرها من كل قلبي 

ظلت تنظر لها ولكلماتها تريد ان تقول لها دي مامتك ياوفاء لازم تحبيها وتحترميها لكن لو عرفتي هتكريها اكتر 

وفاء مااااما 

ترد منال هاا

ترد وفاء هاا ايه بنادي عليكي من بدري 

اقتربت من وفاء وقالت بصي ياوفاء الناس بتبان في وقت الشده والست دي معدنها الطيب بان في شددتك وبانت انها اصيله ممكن تكون شديده الظروف حكمت عليها كده اوعي ياوفاء تغرك المظاهر ياما ال مش ظاهر في الناس بيكون مدارينه ورا شددتهم وقسوتهم

نظرت وفاء لمنال وقالت عندك حق ياماما بس هي ملهاش الحق تتحكم فيا هي دايما عايزه ال تامرني بيه انفذه وبس حتي خالد كذلك الامر ست غريبه متعرفيش هي طيبه ولا قاسيه مش عارفه هي مين فيهم 

**************

في منزل سليم

سليم يتحدث مع مهندس الديكور ال بيجهز عيادته القديمه وعياده عمر 

متشكر جدا الصراحه المجهود ال بتعمله يتحسبلك وطبعا انت مهندس بارع واشهدلك بكده

رد المهندس يادكتر شهادتك فيا دي حاجه اعتز بيها خصوصا لما تبقي من حضرتك علي معادنا العيادتين كمان اسبوعين هتقدر تستلمهم مني ان شاء،الله جاهزين

رد سليم إن شاء الله 

قفل سليم الهاتف من خلفه

كنت بتكلم مين يابابا

رد سليم دا المهندس بيقول العيادتين هيجهزو كمان اسبوعين 

رد عمر طب كويس هتفتح عيادتك علي طول ولا هتستمر في اجازتك

رد سليم لا كده كفايه اجازه علي طول هفتحها اه فكرتيني قابيل ابن عمك في السكه جاي يتعشا معانا

رد عمر طب كويس يجي يسهر معانا بقالي فتره بقوله يستقر معانا مصمم يفضل في بيت عمي الله يرحمه ورافض عايز يفضل لوحده

رد سليم وانا كمان اترجيته كتيروالله بس سيبه علي راحته

بعد قليل اتي قابيل وتناولو العشا مع بعض ودخل سليم يحضر الشاي ودخل عمر وقابيل البلكونه 

ها اخبار المطعم ايه 

رد قابيل خلاص علي اخر تكه وهفتحه بقا

رد عمر علي بركه الله 

رد قابيل مالك شايفك كده مش رايق

رد عمر مفيش مضغوط كده في الشغل 

رد قابيل عليا الكلام ده بردو ياابن عمي

رد عمر مفيش الحاله ال كنت كلمتك عنها وفاء 

رد قابيل مالها هي جميله الاخت وفاء

رد عمر هتفضل تنكت مش هكمل كلامي 

رد قابيل ولا كأني اتكلمت كمل كلامك يادكتر

رد عمر عمه جوزها ست كده بحس من ناحيتها باحساس غريب مش عارف الست دي فعلا شفتها قبل كده بس مش عارف فين وهي كمان حركاتها كلها غريبه 

رد قابيل مش فاهمك ياعمر شاغل نفسك ليه بيها مايمكن هي طريقه كلامها مع الكل كده وده طبعها 

رد عمر لا صدقني هي معايا انا بالذات كده

رد قابيل تكون يعني مثلا بتحبك

رد عمر بتحب مين يامتخلف انت بقولك اد امي

رد قابيل ايوووه ده ال عايز اقوله يمكن علشان انت مفتقد حنان الام بعد مامتك الله يرحمها فحاسس من ناحيتها بالامومه ال اتحرمت مها ومتاثر علشان مرضها 

رد عمر يمكن ياقابيل 

رد قابيل إسمها ايه الست دي

رد عمر مش فاكر اسمها بالكامل اظن ساميه عمار

من خلفهم  يسمع اسم ساميه عمار ويقع من يد سليم الشاي

يجري عليه قابيل وعمر 

في ايه ياعمي مالك انت كويس

انت كويس يابابا 

رد سليم بقلق انا كويس ياولاد جت خير مفيش بس الظاهر اتكعبلت فوقعت صنيه الشاي من ايدي

لاحظ عمر ارتباك والده وقال طيب يابابا قوم حضرتك وانا هظبط الدنيا

قام سليم واتجه للداخل ودخل غرفته وظل عمر ينظر له 

نظر قابيل لعمر وقال مالك ياعمر بتفكر في ايه

رد عمر هاا لا ابدا مفيش هعمل شاي تاني بس اظبط بس المكان من الازاز

رد قابيل تمام هساعدك

**************

في منزل الحاجه عفاف 

بتقول ايه يارامي ياسر هرب وهما بيرحلوه اوعي تجيب سيره لاسماء انت عارف هي بتترعب منه ازاي

رد رامي حاضر ياماما بس خليها تقلل الخروج 

ردت عفاف ليه هو ممكن ياذيها

رد عزت ابنها الاخر ياامي دا هو اكيد هياذيها

ردت عفاف ياساتر استر يارب 

رد رامي من رأيي اسماء لازم تعرف

رد عزت مش دلوقت بعدين اسماء جبانه ومن اقل شئ بتخاف وبتترعب 

ردت عفاف ياحبيبتي يابينتي انتي مش مكتوبلك راحه ابدا 

**************

في منزل منال 

ترجع ريم من المستشفي 

السلام عليكم 

وعليكم السلام حمدلله علي السلامه فين ماما

ردت ريم مش هتيجي هتبات مع وفاء ولما هروحلها بكره هتيجي هيا وفاء الصغيره اخبارها ايه 

ردت منه الحمدلله وفاء اختي اخبارها ايه 

ردت ريم كويسه انتقلت من العنايه لاوضتها النهارده 

ردت منه طب الحمدلله بكره هروح معاكي ازورها

ردت ريم بإذن الله 

ردت منه في اخبار جديده عنك 

نظرت لها ريم وصمتت لثواني بيسألني هنسمع خبر حلو قريب

ردت منه باستغراب مين ده ويقصد ايه

ردت ريم عماد كنت بتكلم معاه وقالي كده 

ردت منه ويقصد ايه بخبر حلو

ردت ريم يقصد ان بالخبر الحلو ان هتخطب قريب لاسماعيل

ردت منه والله حرام عليكم انتم الاثنين نفسكم بتعذبو بعضكم ليه كده ياريم فكري قبل الخطوه دي علشان متندميش بقيه عمرك

بكت ريم بحرقه قعدت بجوارها منه واخذتها في حضنها وقالت

طيب ليه بتعيطي دلوقتي

ردت وهي تتنهد من البكاء بحبه يامنه ومقدرش اعيش من غيره هو روحي 

ردت منه طيب في ايدك ترجعيله الحقيه قبل مايضيع منك 

ردت ريم انت شايفه كده

ردت منه المفروض ميحصلش الا كده هو بيحبك وانتي بتحبيه يبقي متعندوش علي بعض

توقفت عن البكاء بكره لما اروح المستشفي هقوله اني لسه بحبه ومتمسكه بيه

ردت منه هو ده عين العقل ربنا يخليكم لبعض

ردت ريم يارب

**************

في المستشفي والوقت متأخر

يدخل غرفتها دون استأذن

تقوم مفزوعه من قفل باب الغرفه

انت ايه ال جابك هنا

رد كمال ها ايه مش من حقي ازور مراتي حبيبتي

ردت بقرف منه عيب علي سنك اختشي حبيبتك ايه محدش يعرف اني مرتك قوم امشي 

رد كمال ياااه مش طايقه تشوفيني ماكنت انا حبيبك وروحك

ردت ساميه انت مش حبيبي ولا عمري حبيتك انت كنت مجرد بنك ودفتر شيكات  وبس وانا دفعتلك الثمن شبابي  ال دفنته

رد كمال ههههه ياااه شبابك ال دفنته طيب ماانتي اخدتي الثمن مكانه اجتماعيه مكنتيش تحلمي بيها وفلوس ذي الرز

ردت ساميه ملعون فلوسك وملعون كل دقيقه قضيتها جنبك صدقني انا بقرف منك 

رد كمال ليه كده هاتزعليني 

ردت ساميه ماتزعل ولا تتفلق ربنا يخدك

رد كمال بعصبيه نفسك اني اموت علشان تورثيني بعقد الجواز ال معاكي ساعتها هتعترفي اني جوزك امام الجميع احب اقولك بليه واشربي مايته

ردت ساميه باستغراب مش فاهمه 

رد كمال يعني ياحلوه وحياه شيبتي دي مش واحده زيك ال هتعلم عليا انا مأمن نفسي كويس اوي

ظلت تنظر له بصدمه انت تقصد ايه

رد كمال مش وقته ياسوسو كله هيظهر في وقته ومعاده ال انا اختاره واه تعقلي ابن اخوكي وتخليه يرجع لبنتي بدل مايبقي انتي وبس هيبقي انتم الاتنين واقترب ولمس وجهها

تمسك يده وتدفعه لبعيد وتقول انا بكرهك وعمري ماحبيتك كل لما تقرب مني بشمئز منك ومن تصرفاتك انت مشترتنيش بفلوسك وخالد مش هسيبه يغرق في الوحل ال غرقتني فيه

رد كمال يبقي اختارتي نهايتك ونهايته ونهايه الاموره الصغيره اه هي اسمها ايه اسمها ايه ياربي اه وفاء

ردت ساميه بعصبية بحظرك لو مسيت ظفر حد فيهم انا ال  هقتلك بايدي دي 

رد كمال واقترب منها وهمس في اذنها وكمان الدكتور عمر

ابتعدت وتنهدت ونظرت له برعب

رد كمال ايه فكرك اني مش عارف لا دا انا مراقب كل تحركاتك من يوم ما عرفتك من عشرين سنه بصي ياسوسو انتي ملكي واتحكم فيكي زي ماانا عايز ها واه ال اقوله يتنفذ خالد يطلق وفاء ويرجع لساره وكمان يبقي ندمان ويتوسل لها ويبوس رجليها وانتي ترجعي شقتك تحت امري وطوعي وان منفذتيش المستخبي هينكشف ها ياحلوه وتركها وذهب 

وهي غاضبه ظلت تكسر في كل ما حولها وتقول ربنا ينتقم منك اااااه وظلت تصرخ كالمجنونه ،دخل عليها الممرضين واعطوها حقنه مهدئه 

*************

في منزل سليم 

في غرفته يحدث نفسه 

ياترا الاسم ال سمعته ده صح لا اكيد مش صح ،فضلت اخبي وفي الاخر هينكشف شافها ازاي بس وايه ال وصلها بيه وياترا تعرف انه ابنها تذكر حديث عمر انها تتهرب منه،طالما بتتهرب منه يبقي عرفت انه ابنها ،بس دي عندها ورم في المخ اقول لعمر ولا مقولش طيب ايه هي رد فعله طيب هرد علي اسئلته واقوله خبيت عنه انها عايشه ليه ، طيب لو عرف الحقيقه هيفضل يحترمها ذي ماكانت في نظره قام من مكانه والتفكير سيدمر عقله اعمل ايه يارب دبرني

************

في منزل ساميه

يااخذ شاور واثناء خروجه يرفع المنشفه من علي وجهه ينصدم ويقول ايه ده انتي دخلتي هنا ازاي

تقوم وتتحرك نحوه وتقول انا ادخل اي مكان عايزة ادخله يابيبي 

يبتعد عنها ويرمي المنشفه من يده ويقول ايه ال جابك

ردت ساره معقول ياروحي اعرف انك خرجت ومجيش اسال عن جوزي حبيبي واسيبه يبات لوحده 

اقترب خالد منها وقال انتي انسانه مستفزه انا مش طايق اشوف سحنتك دي 

ردت ساره هه ليه مش سحنتي دي كانت عجابك وماليا عينك ولا انت ياروحي عنيك فارغه عايز كل حاجه 

رد بعصبيه اسمعي بقا انا صبرت عليكي وخلاص صبري نفذ مش عايزك ولا طايق اشوف وشك انتي طا

تقاطعه وتقول استني قبل ماتكمل وتطلقني متنساش ان كل املاكك بإسمي

رد خالد باستغراب بإسمك ازاي انا مكتبتش ليكي اي حاجه 

تمسك حقيبتها وتخرج منها صور اوارق تنازل عن ملكيته لها تقترب منه وتعطيه اياها وتقول 

طب خد شوف دول بس يابيبي 

اخذ الاوراق انصدم وقال يابنت ال…

تقاطعه بس يانونو محبكش وانت كده 

اقترب منها ومسكها من رقبتها وقال

انا متنزلتش عن حاجه الاوراق دي مزوره

ردت وهي تتنفس بصعوبه مش مزوره كلها امضتتك وانت ماضي عليها بارادتك

رد خالد الامضا دي مزوره 

ردت ساره اثبت كده دا انا ساره وابعدته عنها 

رد وقال ازاي حصل

ردت ساره مش مهم ازاي حصل المهم ان لو عايز تعيش زي ماكنت هستناك في فيلا بابي وترجع وتترجاني وتتوسلني وكمان قبل ده كله تطلق السنكوحه بتاعتك وفكرتني حتي الشقه دي باباي مش هيسيبها لعمتك ،يعني هتبقي شحات ومفيش اي شركه هترضي تشغلك حتي عندها ،فكر كويس لهدمرك ياخالد احسنلك تنفذ ال انا عايزاه من سكات واقتربت منه واكملت هستناك يابيبي وتركته وذهبت

ظل واقف مكانه مصدوم وظل ينظر لصور الاوراق ويقول يابنت……

اخذ هاتفه واتصل علي محمد صديقه وقص ما حدث بينه وبين ساره

رد محمد اهدا ياخالد مفيش غير حل واحد

رد خالد ايه هو 

رد محمد تنفذ لها كل طلباتها

رد خالد انت بتقول ايه انت كمان انا مش عايزها تغور هي وفلوسها

رد محمد اهدا ياخالد انت ال هتخسر فلوسك وشركتك وكل ال حققته 

رد خالد طب وايه ال اتغير ما انا هبقي ذليت نفسي وهي اخدت ال عايزاه

رد محمد ياخالد انت ذكي وافهم انا قصدي ايه انت بتكسب وقت مش اكتر وال اخدته بطريقتها هتعرف انت ترده بطريقتك وبعدها اعمل ال انت عايزه اما بقا موضوع المحاكم والتزوير امره وهيطول تمثيلك هيبقي اسهل واقصر فهمتني ياصحبي

ضحك خالد وقال طبعا فاهمك ياصحبي 

**************

في بيت سليم

دق بابا غرفه والده 

بابا انت نمت 

رد سليم لا ياحبيبي ادخل 

دخل عمر وقال جيت اقولك تصبح علي خير قبل ماانام انا كمان

اقترب سليم من عمر واخذه في حضنه وظل ينظر له واخذه مره اخري في حضنه استغرب عمر وقال 

في حاجه يابابا مالك انت كويس

رد سليم وقال انا عايز اقولك عن شئ مهم 

رد عمر اتفضل يابابا قول