رواية من وحي الخيال الحلقة الثالثة والعشرون 23 بقلم هايدي يسري
 |
| رواية من وحي الخيال الحلقة الثالثة والعشرون 23 بقلم هايدي يسري |
رواية من وحي الخيال الحلقة الثالثة والعشرون 23 والأخيرة بقلم هايدي يسري
رقيه قاعده بتشوف الصور بصدمه صور مراد وساره سوا فجأه انهارت وقعدت تعيط وتكسر في الحاجه في البيت في الوقت ده جالها اياد زي ما كان مغتعود يعدي عليها كل يوم
فتحتله بشكلها اللي يخض ده
اياد بفزع : رقيه مالك في ايه
رقيه راحت حضناه وفضلت تعيط
اياد : ممكن تهدي فهميني في ايه طيب براحه
سابته وراحت قعدت علي الكنبه وهي بتديله فونها
اياد : اعمل ايه بالتلفون
رقيه بعياط : افتحه شوف انا شوفت ايه
فتح اياد الفون علي الصور اللي رقيه شافتها
اياد بصدمه : لا مستحيل ايه ده
رقيه بعياط : انت بتسالني انا ايه ده انت اكتر حد هتحس بوجعي دلوقتي يا اياد اعمل ايه
اياد : علشان كده رفضتني الواطيه .. قومي تعالي معايا يلا مش هسيبك هنا
رقيه : لا انا مش همشي غير لما مراد يجي واوجهه
اياد: انتي مجنونه ده ممكن يعمل فيكي حاجه
رقيه : لا مش هيعملي حاجه
اياد : طب هو البيه هيرجع امتي
رقيه : بكره الصبح .. بس اياد استني علشان خاطري متقولش لحد استني وانا هبقي أقول ليهم كلهم
اياد بزعيق : هو لسه همك ده واحد خاين
رقيه : مش عايزه اواجه حد دلوقتي لما اكلمه هو الأول
اياد : طيب حاضر براحتك هعمل اللي عيزاه .. انا هبات معاكي انهارده
رقيه : لا انا كويسه متخافش عليا عايزه اقعد لوحدي بس
اياد : طيب براحتك لو احتاجتي حاجه كلميني
رقيه : ماشي
رقيه قعدت لوحدها وفضلت تعيط وتفتكر ذكرياتهم سوا وان ليه ساره اعز صاحبه ليها تعمل معاها كده
تاني يوم الصبح
في القاهره
ساره : مراد ممكن توصلني في طريقك
مراد : بصي ياساره هطلبلك اوبر بس انا لازم امشي علشان رقيه مكلمتنيش من امبارح وخايف عليها تمام
ساره : اه اكيد طبعا روح شوفها
قي بيت مراد ورقيه
مراد دخل لاقي رقيه قاعده علي الكنبه وشها وارم من كتر العياط
مراد بخضه : مالك ياحبيبتي انتي كويسه شكلك عامل كده ليه
رقيه ببرود : ماليش انا كويسه حمد الله علي سلامتك
مراد باستغراب : كويسه ايه انتي مش شايفه وشك عامل ازاي
رقيه بزعيق : كويسه يامراد خلاص بقي هقوم احضرلك اكل علي ما تاخد دوش وبعد كده هنقعد نكلم
مراد بعدم اقتناع : طيب
دخل مراد الاوضه لقي شنطه سفر متحضره
مراد : رقيه تعالي ثواني
رقيه واقفه علي باب الاوضه : نعم
مراد : شنطه مين دي
رقيه : شنطتي
مراد : ورايحه فين وواخده حاجتك كده
رقيه : هتعمل عليا عبيط ومش فاهم
مراد : عبيط ومش فاهم ايه لا انا فعلا مش فاهم
رقيه : كمان خاين وبجح
مراد : رقيه ايه اللي بتقوليه ده انتي اتجننتي
رقيه : اه اتجننت لما جوزي يخوني ومع صاحبتي اقرب صاحبه ليا يبقي اكيد اتجننت
مراد : انتي بتقولي ايه انتي اكيد بتخرفي
رقيه طلعتله الصور : شوف انا بخرف ازاي اتفضل شوف
مراد خاد منها الصور بذهول : ايه ده ايه الصور دي ده كدب محصلش
رقيه بزعيق : هتفضل تكدب عليا كتير ما خلاص عرفت كل حاجه
مراد : انا مبكدبش محصلش حاجه بنا محصلش انا مخونتكيش
رقيه : فهمني الصور دي ايه وازاي هي كانت معاك أصلا في السفريه الزفت دي
مراد : هي كانت معايا فعلا مش هنكر علشان ساره تبقي السكرتيره بتاعتي في الشركه
رقيه : اه وطبعا السكرتيره بتاعتك فا براحتك بقي تعمل اللي انت عايزه وانا ولا هعرف صح ياخاين ياكداب
فجأه مراد ضربها بالقلم
مراد : انا مسمحلكيش تقولي كده انتي سامعه
رقيه بعياط : طلقني يامراد
مراد : مش هطلقك يارقيه
رقيه : لو عندك كرامه وراجل طلقني لو راجل طلقني يامراد
مراد : انتي طالق يارقيه
صوت جهاز القلب في المستشفى عالي حركه سريعه للدكاتره بيشوفو ايه حصل
الممرضه : الحق يادكتور استاذه رقيه فاقت
رقيه بوجع : اه انا فين
دعاء : اهدي ياحبيبتي انتي بخير وسطينا
رقيه بوهن : مراد فين
دعاء : مراد مين يابنتي
رقيه : هو ايه اللي حصل
الدكتور : انتي في غيبوبه بقالك تلات شهور
رقيه : هو انا عندي كام سنه
الدكتور : انتي مش فاكره
رقيه : انا عندي 23انا عيشت سنه زياده من حياتي طب هو انا متجوزه
دعاء : انتي بتقولي ايه يارقيه لا طبعا
الدكتور: لا انتي عندك 22 سنه ممكن تحكيلي براحه انتي شوفتي ايه
رقيه بدات تحكيله عن مراد وعن اصحابها في الجامعه اللي هي شافتهم في الغيبوبه وكل اللي حصل
الدكتور : التفسير الوحيد دلوقتي ان كل ده كان من وحي خيالك شخصيات واحداث مش في حياتك اصلا ممكن كل ده بسبب تاثير الحادثه اللي عملتيها يعني كل ده مجرد حلم وخيال في دماغك بس
رقيه : حلم كل ده كان حلم وفضلت تضحك بهستريا
الدكتور: متقلقيش انتي صحتك كويسه جدا مفيش اي مضعفات عندك وهكتبلك خروج كمان
دعاء: هتنوري بيتك ياحبيبتي هروح اقول لاياد يخلص اجراءات خروجك
بالفعل رقيه خرجت من المستشفي وكملت حياتها عادي وهي كانت بتفكر ان هي ليه حلمت حلم زي ده ومين دول وليه كانو في خيالها
يعدي شهرين
في كافيه رقيه قاعده وسرحانه فجأه سمعت صوت الصوت ده من غريب عليها الصوت ده حد قريب منها بتلف لقت مراد ايوه هو مراد اللي كان في حلمها اللي شافته وهي في الغيبوبه
رقيه بكل تلقائيه بصتله وضحكت
مراد يقرب عليها
مراد: هو انا محظوظ اوي كده علشان القمر يضحكلي
تمت بحمد الله
لقراءة باقي حلقات الرواية : اضغط هنا
نرشح لك أيضاً رواية عروسة ديسمبر للكاتبة هند حمدي
