رواية وفاء البارت الثالث والعشرون 23 بقلم آية عبده

في منزل سليم 

كنت عايز اقولك شئ

رد عمر اتفضل يابابا 

نظر له سليم ثم ابتعد عنه قليل وتوتر

بقلق يتقدم نحوه في ايه يابابا قلقتني 

التفت له سليم وقال كنت عايز اكلمك في موضوع زواجك 

رد باستغراب طيب وليه متوتر كده 

رد سليم بقلق انا ياعمر فرحان علشان خلاص ابني هيتجوز ويبقي ليه عيله 

رد عمر ربنا يخليك ليا يابابا بس انا لسه مشفتش العروسه مش يمكن انا معجبهاش

رد سليم سواء الموضوع تم او متمش ال فيه الخير ربنا يقدمهولك

رد عمر كان نفسي امي تبقي معايا الله يرحمها

ذاد توتر سليم وقال الله يرحمها

رد عمر مش غريبه يابابا انك مروحتش تزور قبرها رغم انك كنت مواعدني نروح نزور قبرها

ادار ظهره لعمر لكي لا يظهر هذا التوتر وينكشف من معالم وجهه ثم قال انشتغلت وانت كمان استلمت شغلك فمكنش في وقت

رد عمر خلاص احنا فيها نروح بكره

رد سليم مش هينفع ورايا مواعيد مهمه وطمان هنروح نزور الدكتور مازن المعاد بكره

رد عمر خلاص يابابا بعد بكره

تمالك اعصابه سليم وقال بص ياعمر  انا هشوف معاد مناسب ليا وليك ونكون فاضين احنا الاثنين ونروح نزورها

وقف عمر مستغرب والده وحركاته وطريقه كلامه وقال هي امي مكنش ليها اهل يعني اخوات ام واب 

رد سليم بقلق لا ليها اهل طبعا

رد عمر طيب وليه مفيش علاقه

رد سليم اصل لما مامتك اتوفت وسافرنا انقطعت الاخبار عنهم 

رد عمر طيب نروح مكان ماكانو ساكنين ونسئل عليهم

رد سليم بعصبيه ونرفزه وصوت عالي قلتلك لما اشوف الوقت المناسب اتفضل علي اوضتك

بلع ريقه وجهه تغيرت معالمه من الاحراج وقال اسف وخرج مسرع الي غرفته 

قال سليم إيه ال انا هببته ده ماانا عارف انه كان هيجي اليوم ال هيعرف فيه الحقيقه ربنا ينتقم منك ياساميه ان بسببك موجود في موقف زي ده ذنبه ايه يتحرم منك وذنبه ايه لما يعرف حقيقتك ياترا رد فعلك ايه ياابني انا خلاص مش هخبي وبكره هزورها في المستشفي لازم كل شئ ينكشف تغبت وانا بداري وبخبي 

***********

عمر في غرفته 

ليه بابا رد فعله عصبيه كده كل لما اسأله عن الموضوع ده بيتعصب بس انا من حقي اعرف واتعرف علي اهل امي مش كفايه اتحرمت منها 

بعد شويه يدق باب الغرفه

اتفضل

ايه هتنام

ايوه هنام يابابا 

دخل سليم واقترب من عمر ولمس كتفه بيده وقال 

ياعمر انا مقصدش انفعل انا بس مضغوط ومش من حقي احرمك من انك تزور قبر مامتك او تتعرف علي اهلها ،بس انا كل الطالبه منك وقت ،شويه وقت وهنقعد مع بعض ونتكلم 

رد عمر باستغراب نتكلم في ايه يابابا انت في حاجه مخبيها عني

قام سليم وقف وقال مش وقته طالما وعدتك اننا هنقعد ونتكلم يبقي انت عارف اني هفي بوعدي وهفهمك وهعرفك علي اهل مامتك

رد عمر انا مش فاهم حاجه 

رد سليم هتفهم بعدين ثم حضن عمر وقال له متزعلش علشان اتعصبت عليك وتصبح علي خير ثم اتجه خارج الغرفه

ذاد قلق عمر من حديث والده ثم قال انا كده تأكدت ان في شئ انت مخبيه ياترا ايه ال انت مخبيه عني يابابا وقلقك وموترك بالشكل ده

*************

في فيلا كمال 

يتقابلا خالد وساره عند دخولهم الفيلا 

داخل الفيلا

ايه يابابي كنت فين

رد كمال مفيش كان عندي معاد عملتي ال قولتلك عليه

ردت ساره ايوه يابابا

رد كمال وايه كانت رد فعله

ردت ساره مفيش اتعصب قعد يلبخ في الكلام وفي الاخر قلتله ال قولتهولي وجيت

رد كمال طب كويس كده الامور ماشيه زي ماانا عايز

ردت ساره ماشيه ازاي يابابي مش تفهمني

رد كمال بغرور هجبهولك تحت رجليكي مش ساره بنت الدكتور كمال يجي حته جربوع ويذلها وانا عايش

ضحكت بخبث ميرسيه يابابي بس ايه سر الحنيه دي

رد كمال ها ابدا عايز اخلص ثأر قديم كده 

ردت ساره ثأر

رد كمال متخديش انتي في بالك اطلعي اوضتك ونامي وانتي مرتاحه بكره الجربوع ده اكيد هيجيلك

ردت ساره هيرجع بس ياترا هتبقي ايه نيته

رد كمال هو هيبقاله عين اصلا

ردت ساره يابابي انا اعرف خالد كويس علي اد مابيحب الفلوس وبيعشقها عمره ماهيهين كرامته او حتي يبقل مخلوق يزلها ولو حد حاول بيرد الصاع عشره

رد كمال قلتلك سيبك من كل ده قرصه الودن المره دي هتوجعه اوي ولو حاول بس يعمل حاجه هيلاقي مصايب وتعابين حوالين رقبته

ردت ساره نفسي افهم دماغك بس لو قعدت للصبح احاول مش هعرف انا اطلع اوضتي انام باي بابي

رد كمال بمكر باي ياروح بابي وضحك ضحك هستيري علي منظر ساميه اثناء حديثه معها في المستشفي وتذكرها وهي منهاره وقال والله الوش ال بتقولي مش،عجبك  ده وبتقرفي منه ياساميه هخليكي تيجي تبوسي رجل الوش ده دا انا ماسك عليكي ال يدمرك ومش هسيبك غير لما ادمرك انتي وابن اخوكي وولادك بس اصبري 

**************

في المستشفي 

في غرفه ساميه

فاقت قليل وفتحت احدي عينايها ترقبتها منال وهي تفوق 

مدام ساميه انتي كويسه

بدءت ساميه تتذكر حديث كمال  ودمعت عيناها وبكت بحرقه وقالت

ولادي يامنال وخالد 

ردت منال مش فاهمه انتي ليه انهارتي بالشكل ده

ردت ساميه باكيه وقصت حديث كمال لها

ردت منال بنتي وفاء ممكن يأذيها والدكتور عمر 

ردت ساميه مش هيقدر قبل ما هيعمل كده هكون قتلاه 

ردت منال اهدي يامدام ساميه قتل ايه بس خلاص نفذي ال هو عايزه واخلصي من كل ده

ردت ساميه عايزاني ارجعله واتوسله يسامحني انا بقرف منه

نظرت لها منال بس ده جوزك ال ضحيتي بولادك والدكتور سليم علشانه هو وفلوسه

ردت ساميه باكيه وندمت هو الندم مش كفايه 

ردت منال بس يامدام انتي صحيح ندمانه بس مش كفايه الندم في ناس حواليكي انتي ظلمتيهم وبسببك اتعذبو ابنك وبنتك ال حرمتيهم منك ،ردي الحق لاصحابه اعترفي بالحقيقه وهما ال يقررو بعدها اوعي تخلي شخص ذي كمال ده يتحكم تاني فيكي لمي ولادك حواليكي الحقي خليهم يشبعو منك يامدام ساميه انتي عندك ورم في المخ وفي مرحله متقدمه ده ال ابنك اكتشفه ومخبيه عليكي ،اسفه اني اعترفتلك بس  علشان تفوقي دي اشاره ليكي انك تردي الحق لاصحابه وابن اخوكي يطلق وفاء انهي المهزله دي

صامته لاتتحدث صدمه مرضها اوقفتها حتي عن البكاء قالت انا عندي ورم 

ردت منال وهي تتأسف ايوه وكلنا مخبين عليكي لحد ما نشوف النتيجه التانيه

اعتدلت وقالت ساعديني يامنال

ردت منال علي فين 

ردت ساميه مفيش وقت عايزه ارد الحق لاصحابه مسكت يد منال وقالت اوعي تعرفي عمر ان عرفت بمرضي اوعديني

ردت منال بعد تفكير اوعدك يا مدام ساميه ،بس انتي رايحه فين دلوقت 

ردت ساميه هشوف وفاء وبعدها همشي من المستشفي

ردت منال استحاله اساعدك في كده انتي مريضه وحالتك متسمحش

ردت ساميه يامنال اسمعي الكلام ساعديني اخرج بره المستشفي خلاص فعلا دي اشاره ارد الحق

فكرت لثواني وقالت حاضر تعالي تشوفي وفاء

داخل غرفه وفاء 

وفاء نائمه اقتربت منها ساميه ومنال خلفها وقبلتها ومسحت بيدها علي رأسها

افاقت وفاء ثم نظرت لها وجدتها تبكي 

قالت مدام ساميه مالك انتي كويسه

ردت ساميه انا كويسه طول ماانتي كويسه يابنتي

ردت وفاء بتعيطي ليه

ردت ساميه مفيش يابنتي جيت اطمن عليكي قبل ماامشي

ردت وفاء مش حضرتك تعبانه هتمشي تروحي فين

ردت ساميه لا ماهو انا خلاص بقيت كويسه وهخرج دلوقت بس هسرق منك منال توصلني للبيت

ردت وفاء خلاص تمام ثم نظرت الي منال وقالت بس ترجعيلي ياماما بسرعه

ردت منال حاضر ياوفاء مسافه السكه

ظلت ساميه تنظر لوفاء ثم مسكت يدها وظلت تقبلها وتبكي بحرقه وتركتها وذهبت بصحبه منال 

استغربت وفاء تصرف ساميه ودمعت عيناها وقالت صحيح ياماما كلامك كله صح في ناس تبان قاسيه بس مع الشده بيبان الطيبه ال بيداروها في  قلوبهم ،بس انا ليه قلبي اتوجع عليها كده 

**********

خرجت ساميه بصحبه منال دون ان يشعر احد 

خارج المستشفي 

هتروحي شقتك يامدام

ردت ساميه ها لا انا عايزه ابعد مش عايزه حد يراقبني

ردت منال تيجي شقتي 

ردت ساميه دا ده اول مكان متراقب 

فكرت لدقائق وقالت مفيش غير المكان ده محدش يعرفه او حتي يتوقع انك هتبقي فيه

رد ساميه مكان ايه ده يامنال

ردت منال تعالي معايا يامدام

اثناء ذهبهم بس انا عايزه منك حاجه يامنال 

ردت منال اتفضلي يامدام

ردت ساميه موبايلي سيبته فوق علشان لو كمال مراقبه ثم فتحت حقيبه يدها واخرجت فلوس وقالت خدي المبلغ ده وهاتي ليا موبايل وخط جديد بس ميكنش باسمك اتفقنا

ردت منال حاضر بكره هيكون عندك

ردت ساميه يالا واديني المكان ال قولتي عليه

وبعد  حوالي ساعه عادت منال الي المستشفي كأن شئ لم يكن

*************

في منزل سليم 

صباح الخير ياعمر

صباح النور يابابا ايه علي فين

رد سليم ها مفيش هشتري شويه لوازم للبيت وهرجع بسرعه انت هتروح المستشفي دلوقت 

رد عمر وقال لا رايح انا وقابيل اشتري شويه لولازم للمطعم قالي تعالي معايا وبعدها هروح المستشفي 

رد سليم تمام الحق اشتري الحاجه وفطارك انا جهزته افطر قبل ماتنزل وذهب سليم واتجه الي سيارته واطمئن وقال ده وقت مناسب اروح لساميه المستشفي واتجه مسرع ليقابلها

****************

داخل المستشفي 

ريم ومنه بصحبه رامي واسماء يزرون وفاء

ايه بقا عيني عليكي بارده يابت انتي محلويه كده ليه

ضحكت وفاء وردت منال الله اكبر في عينك يامنه قولي ماشاء الله

ردت منه ماشاء الله كنا فين الحمدلله ياقلبي انك بخير

ردت وفاء الحمدلله اخبار وفاء الصغيره

ردت منه حلوه ياختي طالعه لخالتها لسانها طويل 

ضحكت ريم وقالت مين دي هي لحقت يابنتي 

رد منه يابنتي معروف طريقه عياطها ياكدلي انها نسخه من هذا الكائنه وتشير علي وفاء 

يرد رامي وليه ياقلبي متقوليش انها طالعه عصبيه لمامتها

ردت منه ولا كأني موجوده ولا سمعت شئ ونظرت لهم جميعا وقالت في حد سمع شخص اسمه رامي اتكلم دلوقت

ضحك الجميع ورد رامي دي اخرتها ابقي هوا ومش موجود ثم نظر الي وفاء وقال اخره ال يتجوز اختك

ضحكت وفاء وجميع مافي الاوضه عمزت منه لريم وقالت لها روحي لعماد واعترفي ليه

ردت طيب  استأذنت وغادرت الغرفه 

واثناء مغادرتها دق الباب ممكن ادخل 

ردت ريم اتفضل ياخالد وغادرت الغرفه وهو دخل نظر الي وفاء وقال اخبارك دلوقت 

ردت وفاء وابتسمت ابتسامه خفيفه وقالت الحمدلله

ثم نظر لجميع مافي الغرفه وقال صباح الخير

ردت منه وهيجي منين الخير طالما انت موجود

رد رامي منه مينفعش كده ايه ال بتقوليه ده واكملت منال مينفعش كده يامنه انتي جرالك حاجه 

ردت منه انا دلوقت كلمتي ال وقفت في الزور انا ماشيه وغادرت الغرفه بصحبه رامي واثناء خروج رامي قال لخالد انا اسف ياخالد متزعلش

رد خالد لا ابدا مش زعلان هي فعلا عندها حق تضايف مني

ردت اسماء وفاء انا هخرج بره شويه وهرجعلك 

هزت وفاء راسها وقالت طيب

خرجت اسماء بصحبه منال وبقا خالد بصحبه وفاء فقط

نظرت له وقالت اتفضل اقعد واقف ليه

قعد بجوارها ثم نظر لها وقال انتي كويسه

ردت وفاء وقالت الحمدلله وانت اخبارك ايه

رد خالد انا كويس وفاء انا مش هخلي حد يغصبك علي حاجه بعد كده

ردت وفاء مش فاهمه تقصد ايه

رد خالد ودمعت عيناها ثم تمالك نفسه وقال هنفذلك رغبتك وهخلصك مني ثم نظر لها مره اخري وقال وفاء انا هطلقك

*************

ريم ذهبت لعماد لتخبره حقيقه مافي قلبها 

قبل ان تدق عليه الباب كان يتحدث علي هاتفه وهي خلفه سمعته يقول

خلاص يوم الجمعه معاد كويس نلبس فيه الدبل ونكتب الكتاب يومها علي طول 

من خلفه لم يراها هي في حاله صدمه وزهول منعت يدها ان تدق الباب  مسرعه واختبئت قبل ان يراها مشت وهي في حاله انهيار وصدمه لا تصدق ما سمعته تردد معقول ال سمعته لا اكيد ودخلت الي غرفه كشف الدكتور اسماعيل 

وقف مسرع من منظرها وقال

ريم مالك 

قالت بصوت منخفض ومتقطع ولا تستطيع التنفس 

انا موافقه اتجوزك