رواية أهدتني معاقاً الفصل الرابع والعشرون 24 بقلم أم عائشة (أسماء عبدالهادي)

نظر اليها امجد بغضب شديد تكاد حدة نظره تخترقها من قوتها ،اثارت كلماته انفعاله،اهى تراه هكذا ،اتكرهه لهذه الدرجه ،لم يكن هو ،لم يكن من فعل هذا،لقد بدأ يتغير حقا ،بدأ يصبح شخصا افضل ،علم ان مكث امامها اكثر فسوف يؤذيها ،لذا ضغط قبضه يده بشده كدليل على انفعاله واستدار عائدا للشركه فى اتجاه اسر وادهم ،ثم همس لادهم بحزن_اتصرف علشان انا على اخرى ،وصعد الى اعلى فى الشركه ولحق به اسر ،

وقفت فى مكانها غاضبه ،تلعن امجد الذى لا يتركها وشأنها ابدا ظانه انه من فعل بها هذا كى يجبرها على الزواج به ،اقترب منها ادهم وهو ينظر لها وهو يهز راسه بيأس _ظلمتيه يافرح ،مش امجد السبب فى الموقف اللى حصل من شويه ده ،،بدل ما تشكريه على مساعدته ليكى ،

نظرت له بعدم تصديق فتابع كلامه بحزن اظنك جربتى ان حد يظلمك ده قبل كده ،وانتى ظلمتى امجد المرة دى

فرح باستخفاف_ياسلام ومين اللى له مصلحة انه يعمل كده غير امجد

ادهم بغموض_فى يافرح ،،فى حد له مصلحة يعمل كده وامجد هيوقفه عند حده ،،يلا اطلعى الشركه كملى شغلك واكمل بحدة_ وممنوع تنزلى من الشركه بدون اذن مهما حصل ،مفهوم

فرح على مضض_مفهوم واستدارت عائدة الى عملها

****

جلس على مكتبه بغضب شديد أسند برأسه على يديه على المكتب ثم اغمض عينيه لثوانى معدوده قبل أن يتكلم أسر_امجد ،انا كنت جاى علشان اقولك أن عمى كارم ،عايزك ضرورى ،طنط امال كلمتنى اكتر من مرة من الدار بتقول أن والدك محتاجك

رفع امجد رأسه وهو مازال على وضعه مستند على المكتب ونظر الى اسر_ماشى

اسر_ ماشى ايه مش هتروحله

امجد _اقفل الموضوع ده دلوقتي،دماغى فيها شىء اهم

نظر اليه اسر بغضب جلى _امجد اهم من ابوك يا امجد

زفر امجد بضيق وارجع رأسه للخلف مستندا على الكرسي _ابويا ،مش بيسمع الكلام وعايز يخرج من الدار قبل ما يكمل علاجه ،انا كنت عنده امبارح وفهمته بس مش راضى يقتنع

كاد اسر الكلام لكنه وجد اعين امجد يشوبها الحزن والالم ،ويغمض عينيه وكأنه يعصرهما فى الم اقترب منه وهزه بلطف_امجد ،انت كويس

فتح امجد عينيه بالم_لا يا اسر مش كويس

حزن على حاله اسر فلاول مرة يراه ضعيف هكذا _مالك ياصاحبى ،ايه اللى تابعك

امجد بغموض_كتييىر يا اسر،كتير

اسر _فضفضلى علشان ترتاح ياامجد

امجد وكأنه فى عالم اخر تخيلها امامه فى اخر موقف لهما وهى تصرخ فيه بحده وتنظر اليه بكل كره_فرح يا اسر ،بتكرهنى ،ليها حق اللى عملته فيها مش شويه،بس انا حبيتها يا اسر ،كان نفسى حتى بس تتقبلنى ،مش هقول تحبنى

اسر_اظهر ليها انك بدأت تتغير يا امجد وهيه مع الوقت هتبتدى تتقبلك ،صعب تنسى اللى عملته معاها بسهولة وخاصه اخوها

دخل ادهم الذى استمع لاخر حديثهم _تماسك يا امجد اول مرة اشوفك كده،مش امجد كارم اللى ينخ كده ،فرح هتحبك مع الوقت زى ما اسر قال ،ثم اكمل ممازحا _اول مرة يقول حاجه عدله

اسر بضحك_يابنى لو بس تعطونى فرصتى هتلاقونى بقول حكم

ادهم _اهو شوفت ،ماصدق ومش هيسكت

ابتسم امجد لهم ،فهم يحاولون التخفيف عنه

اسر_بس مين اللى عمل كده فى فرح

امجد بشر _هو فى غيره ,شهاب الزفت ,بس هدفعه ثمن اللى عمله ده غالى اوى مش فرح اللى يتلعب بيها،فرح بتاعتى وبس

ادهم_امجد انا هروح انا المشوار اللى اتفقنا عليه

امجد _ماشى

*******

الفيومى يجلس فى فيلته بضيق ينتظر شهاب الذى اعلمه انه وجد اخيرا ابن كارم الحقيقى وانه سياتى خلال لحظات تأخر قرابة الساعه

عندما رآه يدخل ،جرى اليه قائلا بحدة _شهاب ،كنت فين كل ده ،فاضيلك انا افضل استنى جنابك ساعه

شهاب بابتسامة صفراء _ اللى هقوله لك يستاهل الانتظار يا فيومى باشا

الفيومى بغضب_شهاب ،قول وخلصنى

شهاب بخبث_ابن كارم الحقيقى يبقى اخو حبيبة امجد ،يعنى حبيبته تبقى اخته

الفيومى يكاد ينفجر _مش فاهم حاجه يازفت

شهاب بابتسامة ماكرة_عارف البنت اللى امجد حاططها فى دماغه علشان علمت عليه ،طلعت اخته ،ويامن اخوها المعاق ده بن كارم الحقيقى

صدم الفيومى _ايه؟!فرح اخت امجد

شهاب _بالظبط كده ،انا فرحان فى امجد اوى ،،بهدل اخته اخر بهدلة ،ده غير اللى اتعمل فى يامن وكان هيموت فيها ،لازم استغل كل ده

فرح بصراحه دخلت دماغى وعايزها ولازم احرق قلب امجد عليها ????????

الفيومى_سيبك دلوقتى من البنت دى وركز مع يامن ،عايزه فى صفنا باى ثمن

شهاب_بسيطه ،بس ليه

الفيومى_لازم نمضيه على شيكات ع بياض من غير ما ياخد باله علشان وقت ما يعرف الحقيقه ،نطالبه بالشيكات دى وبالتالى تركة كارم كلها تبقى لينا

رفع شهاب احد حاجبيه اعجابا بوالده_وتفتكر امجد لو عرف هيتخلى عن كل ده بسهوله ،معتقدش ،ده رجع الشركه وبيحاول يوقفها ع رجعليها بمساعدة ادهم واسر

الفيومى_يعنى ايه امجد عارف الحقيقه وساكت ؟!

شهاب _مش متأكد من ده

فجأة سمعوا صوت صراخ نغم فخرجوا يستطلعون الامر

الفيومى _نغم كانت هنا فى الفيلا

شهاب_لا شكلها لسه جايه من برا ،خرجوا وجدوا نغم تبكى فى احضان المربيه المسؤله عنها منذ الصغر

الفيومى بحدته المعهودةمعها_ايه فى ايه ؟!ايه الصداع ده على الصبح

خافت المربيه على نغم _فيومى بيه انا بعتذر لحضرتك ،هاخدها ونطلع على فوق حالا

شهاب بسخريه_فى ايه يانغم ،مش من عادتك يعنى ،ولا حبيب القلب مش معبرك لسه

نظرت اليه باعين دامعه _امجد هيتجوز صاحبتى فرح خلاص ،اتقدم لاهلها وهيحدد الفرح قريب،ثم اكملت بنحيب،امجد راح منى يا شهاب ،لا وهيتجوز صاحبتى

نظر كل من الاب وابنه الى بعضهم فى خبث شديد،وعلموا ان امجد لا يعلم شيئا ،لانه لو كان يعلم ما اقدم عى الزواج من اخته ،ففرحوا فيه كثيرا

شهاب لنغم بدون شفقه_مش قلتلك طول عمرك غبيه،اسمعى لازم تنتقمى منه لازم توجعى قلبه زى ما وجعك يا نغم

نغم بعد ما استمعت لما قاله،قالت بشر_اعمل ايه ياشهاب ؟!،

شهاب ببسمه خبيثه_هقولك ياحلوة ،بس فى وقته ،اطلعى اوضتك دلوقتى ،اخذتها المربيه وصعدتا لاعلى

شهاب ينظر لابيه_هتعمل ايه،هتسيب الاخ يتجوز اخته ????

الفيومى بنظرة شيطانيه_وماله احنا مالنا،ثم رفع حاجبيه بخبث_ده لو حصل واتجوزها وبعدها عرف الحقيقه ممكن يتجنن ويروح فيها

ابتسم بخبث ايضا_وده المطلوب يا باشا،،ياااه مش قادر اتخيل اللى هيحصل ،ده احنا داخلين على ايام فل نظر الى ابيه وجده منشغل بشىء اخر _

_مالك بتفكر فى ايه تانى

الفيومى _بفكر نضمن يامن لتجارة المخدرات معاانا

شهاب_معتقدش الواد مش من النوع ده، طيب ،وبتاع حلال وحرام

الفيومى _هيشتغل معانا من غير ما يعرف ده

شهاب باستنكار_وايه اللى عاجبك فيه ده

الفيومى_وجه جديد محدش يعرفه ،الملف بتاعه مفهوش ولا غلطه يعنى البوليس مش هيشك فيه ،العمليه اللى جايه كبيرة وخطيرة ومحتاجه حد زى ده يمشيها

شهاب باعجاب_الله عليك لما تخطط يا كبير

الفيومى _نفذ يلا ،

شهاب_عيونى ،ادرس مداخله كويس ،بعدين اكلمه

*****

فى الهاتف مع دخول الليل

حلا_نغم ،انتظرتك تكلمينى كتير،انا مليت اوى

نغم وهى تحاول ضبط انفعالها_معلش ياحلا انشغلت شويه

حلا_انتى قلتى هتعرفينى على صحبتك اخت يامن

نغم_اه ،اكيد هتتعرفوا

حلا_متشوقه اوى اشوفها،تعالى نروحلها ،بدل الزهق ده

نغم بصدمه_نروح فين

حلا بتلقائيه_بيتها ،طبعا،ارجوكى يا نغم انا ملانه خالص

نغم _ماشى ،هكلمها ابلغها اننا جايين

حلا بسعاده_وااو دقايق واكون عندك

ارتدت ملابسها الكاجوال على عجل وتركت لشعرها العنان خلف ظهرها ونزلت كى تستقل سيارتها

ادهم وهو يدخل من بوابه الفيلا _حلا ،رايحه فين

حلا ببسمه_هفوت على نغم علشان تعرفنى على فرح اخت يامن ،ثم نظرت له فى خبث_فرح ها

ادهم بضيق_طيب ياختى ،عرفت انك رايحه لفرح ها

حلا لمحاولة مضايقه اخيها_شايفه ناس غيرانه انى رايحه ،وهتموت ياعينى لو مجتش معانا

ادهم بتأفف_حلا حلى عنى ،مش ناقصاكى هيا ،اصلا

معتقدش فرح بتخرج بالليل كده

حلا_لا رايحه عندها البيت

ادهم _كمان

حلا بابتسامة انتصار_اهو شفت والله غيران

ادهم _طب تعالى اوصلك

حلا بخبث_شكرا لخدماتك ،رايحه مع نغم

ادهم بخبث ايضا_بقى كده ،طب ايه رايك ،انتى مش خارجه

حلا بغضب طفولى وهى تضع يدها حول خصرها_بقى كده يا ادهم ،ماشى وامرى لله

ادهم ف نفسه حلو كده اقدر اشوفها واهى حجه _ كده تعجبينى ،انا رايح لصاحبى عندك مانع

حلا وهى ترفع احد حاجبيها_ صاحبك بردو،عليا انا ياادهومى

ضربها على راسه بخفه_طب يلا ياختى قدامى

اتصلت حلا بنغم واتفقا على اللقاء عند منزل فرح

****،

كانت تدور هنا وهناك تبحث فوق الدولاب وتحت الاسره وبداخل الادراج

على_بتدورى على ايه يا ماما

_بدور على حاجه كده ،كنت عايناها بس تاهت منى

على _حاجه ايه دى

سماح بابتسامه واسعه فلقد وجدت مبتغاها_اهى لقيتها

نظر على لها باستغراب_وانتى عايزة الشنطه الكبيرة دى ليه

سماح بانكشاح_هروح بكرة الصبح ،اسحب الفلوس بتاعتى من البنك

*****

امجد وهو يجلس على حاسوبه ،ويأخذ كورس فى ادارة الاعمال عبر النت

حالما انتهى ،اتصل بادهم

_انت فين ،تعالى عايزك

_رايح لفرح ثم سريعا ما استعاد نفسه_اقصد اوصل حلا عند فرح

امجد وقد تجهم وجهه _ادهم ،ملكش دعوى بفرح انت فاهم

ادهم بامتعاض_فاهم يا امجد ،هوصل فرح واطمن على يامن واجيلك ،خلصت الكورس ولا لسه

امجد_اتنيلت خلصته ،على اخر الزمن ارجع للمذاكرة تانى

ادهم بنبرة جادة_امجد احنا اتفقنا على ايه؟!

امجد _خلاص يا ادهم ،بذاكر اهو ،عايز ايه تانى،خلص وتعالى

ابتسم ادهم _ماشى ،كمل على ما اجيلك

انهى امجد المكالمة وهو يزفر فى ضيق وينظر الى شاشه الحاسوب يدرس من اجل اختبار الكورس

***

وصلوا تقريبا فى وقت واحد

كانت فرح فى إنتظارهم فتحت لهم الباب بحبور ،ورحبت بهم

حلا بسعادة_انتى فرح اخت يامن بجد ،،انا مبسوطه انى اتعرفت عليكى يابختك باخ زى يامن بجد

فرح _تسلمى ياقمر ،تعالى ادخلى مش هنحكى على الباب

تنحنح لتعلم انه يقف خارجا

_انتوا معاكم حد

حلا_ده ادهم اخويا ،كان بيوصلنى

ادهم_ازيك يا انسه فرح

فرح_اهلا يا باشمهندس ،اتفضل يامن جوه

فرح ادهم بهذه الدعوه للدخول فاستغلها ناظرا لحلا بانتصار _شكرا ،هدخل اسلم عليه

دخل ادهم لغرفه يامن

والفتيات لغرفه فرح

فرح_نغم حبيبتى ،حاساكى مش مظبطه الايام دى ،اسفه اتشغلت عنك

نغم _ولا يهمك يافرح

حلا_متقلقيش انا جيت هشغل فراغها

نغم بسخريه _ده أن سمح لك ادهم ،انتى ناسيه أن عندك دراسه،وادهم مش بيحب التهاون فى المذاكره

حلا بتأفف طفولى _يووه فكرتينى ليه ،انا كنت مفكرة هنزل مصر اتفسح واخد راحتى،لقيت الاستاذ مانع الخروج بحجه المذاكره ،قال يعنى هتضيع المذاكره

ضحكت فرح لعبثها الطفولى هذا

حلا موجهه كلامها لفرح_بقولك ايه تيجى نبدل ،تاخدى انتى ادهم اللى مفيش تفاهم عنده ده

وانا يامن العسل ده ،واالله حبيته من كلام ادهم عنه

لم تستطع فرح كبت ضحكتها بسبب تلك الحلا والتى تشبه قطعه الحلا فعلا

فرح _لاا متشكرة ،يامن اخويا مفيش منه اتنين ومفيش بديل عنه ابدا

نغم_ياسيدى تعالى يا يامن اسمع الاطراء ده ،بجد كان نفسى يكون عندى اخ بحنيه وطيبه يامن

فرح بادعاء الحزن_وانا روحت فين ،انا كمان اختك و كيوته وطيوبه

حلا بمزاح_تواااضع

فرح بحركه تمثيليه وهى تعدل من ياقتها_احم يا بنتى طول عمرى

ضحكت الفتيات

نغم_واضح انكم اخدتم على بعض بسرعه

حلا بفخر_يابنتى انا كل اللى يشوفنى يحبنى

****

فى الصباح

امجد فى الشركه يطلب من فرح احضار بعض الملفات الهامه

طرقت الباب وعندما سمعت اذن الدخول ،فتحت الباب ودخلت

امجد وهو ينظر لفرح نظرات لم تستطع تفسيرها

فرح فى نفسها ماله ده _اتفضل يا فندم

امجد وما زال نظره مثبت عليها _شكرا يا فروح

فرح باستهجان_نعم ؟

امجد بعدم فهم_ايه؟

رمقتها فرح بضيق ثم خرجت ،ابتسم امجد ابتسامها يشوفها الحزن_مسيرك هتحبينى يافرح

_ايه مالك ،نفسى مرة تخرجى من عنده مش ضاربه البوز ده

فرح_ انا كده ،امجد مش بينزلى من زور نهائى ،عن اذنك

ادهم فى نفسه _ربنا يستر امال لو عرفتى أن فرحكم الاسبوع الجاي هتعملى ايه

دخل ادهم لمكتب امجد قائلا بسخريه_الظاهر أن فرح بتحبك اوى

امجد بامتعاض_اه وانت جاى تشمت فيا

أدهم _اشمت ايه انا بس،انا مبسوط فيك ،مصلحه وجات لى

امجد بغضب_ ادهم متهزرش فى الموضوع ده

ادهم بجديه_هتقنعها ازاى ،فرح عمرها ما هوافق على الجواز منك

امجد بعصبيه _هتوافق باراداتها او غصب كمان لو لزم الامر

ادهم_طب وهتقنع اهلها ازاى

امجد_طنط احسان مرحبه جدا وكمان عم محمود ويامن يعنى حاسه ع الحياد

ادهم_حلو باقى موافقه فرح

امجد _قلت لك حتى لو مش موافقه هتجوزها

ادهم_امجد كده مش هينفع ،لازم تفكر فى حيلة

امجد_ممم ماشى سيبنى ارتب الموضوع ده ،المهم اوصل لفرح وتبقى معايا أنا وبس

****

كان خارجا من الشركه بصحبه حازم

يامن _بجد الشغل هنا جميل جدا،الشركه هنا ممتازة اتعلمت حاجات كتير اوى

حازم بتأفف_عاجبك النفخ اللى احنا فيه ،يابنى ده كل حاجه شغل شغل انا حاسس انى بقيت زى الألة بالظبط

يامن _يا بنى هوا احنا جايين نلعب ،ده شغل يا بابا مصالح ناس

سمع يامن احد يناديه باسمه

التفت اليه _افندم ،حضرتك تعرفنى

_ممكن اتكلم معاك ع انفراد لو سمحت

حازم _طيب يا يامن هستناك ف العربيه

يامن_اتفضل

شهاب بخبث_انا سمعت عنك كتير اوى ،سمعت أن شغلك ممتاز

يامن_شكرا لك

شهاب_ايه رايك تشتغل معانا فى الشركه ،بالمبلغ اللى هتحدده انت

يامن وهو يهم بالرحيل_انا اسفه انا مبسوط فى الشركه اللى بشتغل فيها

شهاب مسرعا_انا مقلتش تسيب شركه الصياد,اعتبره عمل اضافي فترة مسائية يعنى،انا عارف ظروفك ،اختك على وش جواز ولازم تجهزوها وكمان انت محتاج تعمل العمليه علشان رجليك ترجع لطبيعتها

يامن باستغراب _انت تعرفنى منين ،وايه مصلحتك فى كده

شهاب بخبث_انا بحب اساعد الشباب اللى زيك ،علشان يقفوا على رجليهم ويكونوا مستقبلهم،ها قلت ايه

صمت يامن يفكر ،،شهاب ناوله كارت به عنوانه وارقام هواتفه

شهاب_ده الكارت بتاعى منتظر مكالمة منك بالليل ،انا لو منك مرفضش عرض زى ده ،انا مش هخسر حاجه لكل انت هتستفاد كتير

****

بعد عدة ايام لا شىء فيها جديد

احسان_فرح،تعالى قيسى كده الفستان ده

فرح باستغراب _اقيسه ليه يا ماما ،

احسان _يعنى بزمتك مش فستان ولا فى الاحلام ونفسك تجربيه

فرح _صحيح فستان خرافى يا اماما تسلم ايديكي،بس طالما مش بتاعى هعلق نفسى بيه ليه

احسان بصوت منخفض _وانا متأكدة انه بتاعك

فرح _بتقولى حاجه ياماما

احسان _تعالى بس جربيه اشوف محتاج تعديل ولا لا هوا بس محتاج فينش بسيط

فرح باستلام _حاضر ياماما ،ارتدته فرح وخرجت لامها

احسان باعجاب شديد _ماشاء الله لاقوة الا بالله،عروسه قمر ياخواتى

فرح بلا مبالاه_هروح ابدله بقا،كده اصحابه يزعلوا

يامن وهو يقبل اخته من ناصيتها_انتى صاحبته ياقمر ،الفستان هياكل منك حته

احسان مؤيده_اه والله ذوقه يجنن امجد طلع مش سهل عارف اللى هيليق على فرح

فرح بانزعاج_انتوا بتقولوا ايه مش فاهمه

احسان _خطوبتك من امجد بكرة يا فرح ،مبروك يا قلب ماما

فرح بصدمه _ايه؟! امجد ازاى ده،انا مش موافقه

احسان بصدمه _ليه يافرح ،امجد شاب محترم ومركز وجاه وشاريكى

فرح _لا مش عايزاه يا ماما ،ولا هتجوزونى غصب عنى ياماما

يامن _فرح انا لو كنت شايفه مش مناسب كنت هرفض،لكن هو اتغير يا فرح وادهم معاه بيساعده يتغير ،امجد شاريكى ،جه وكلمنى وحكا لى ظروفه اللى خلته شاب غير مسؤل بس هوا دلوقتى غير

فرح _حتى ولو انا مش موافقه مستحيل

احسان _طب وبعدين احنا اتفقنا على بكرة والفستان كمان جهز

صرخت فرح بحده _فى داهيه الفستان ،انا مش هتجوز اللى اسمه امجد ده انا بكرهه

يامن _خلاص اللى تشوفيه ،هبلغه رايك ،عن اذنكم

فرح _رايح فين

يامن _اشتغلت شغل اضافى فى شركه تانيه

فرح باستغراب _ليه؟!

يامن _عايز اكون نفسى يافرح ،لقيتها فرصه مش خسران حاجه

احسان _ربنا يبارك فيك يا وييسرلك طريقك

يامن وهو يقبل يد والدته_ايوة يا امى ادعيلى محتاج دعواتك

يامن_سلام يافرحه قلبى

فرح _سلام يامن

دخلت فرح سريعا وازاحت عنها الفستان وكأنه به ماس كهربائي ،كانت لا تحبه لكونها تعلم أنه ذوق امجد رغم اعجابها الشديد به فهى لم ترى مثله قط

****

فى المساء

وجدت فرح نغم وحلا مع احسان يتحدثون سويا ،فرح باستغراب _نغم وحلا غريبه مقلتوش يعنى انكم جايين النهارده

نغم_امجد اتصل بيا وقالى اجيب حلا ونيجى

فرح بصدمه فهى تخشى أن يكون ما تفكر به صحيح_امجد؟!

حلا_واااو الفستان امازنج يا فرح انا مشفتش زيه بجد ،تسلم ايدك يا طنط ،انا هاجى اعمل الدرسيسز بتاعتى عندك

احسان _تنورى ياقلبى

فرح _؟؟؟؟

دق جرس الباب فتحت احسان وجدت الرجال يحملون صناديق عدة من العصائر والكانز وعلب الجاتوه والحلويات وباقه ورد غايه فى الروعه

الرجل _اتفضلى يا فندم الورد ده جاى مخصوص لانسه فرح

فرح بصدمه _ايه اللى بيحصل هنا ؟!!

_فى ايه يا ماما

احسان_علمى علمك يابنتى

الرجل _فين انسه فرح علشان التعليمات بتقول اسلمها الباقه فى ايدها

تقدمت فرح على مضض واخذت الباقه وشكرته فانصرف بعد أن وضع بقيه الاشياء جانبا

نظرت الورد باعجاب شديد وكذلك الفتيات

حلا بصراخ واعجاب_ذوق امجد تحفه فى كل حاجه بجد

نغم بحزن تحاول اخفاءه_فعلا ذوقه يجنن ثم تنهدت لتخرج ما بها من ضيق

مسكت فرح الكارت على الباقه بيد مرتعشه هى تعرف ان امجد عندما يريد شيئا يفعل المستحيل للحصول عليه_قرات ما به”من الافضل توافقى يا عروسه ،العقد معايا مقطعتوش ولا تحبى ابوكى يبات الليله فى التخشيبه ومش هيطلع منها صدقينى ،فخليكى شطورة ووافقى بدل البهدلة “

قطعت فرح الكارت بكل غيظ ودهست باقة الورد تحت اقدامها بعصبيه شديدة ونفور وقال بصوت هامس يشوبه الدموع_اه يا حيوان ،منك لله يا امجد ،وذهبت الى غرفتها تبكى

نظرت الفتيات الى بعضها فى باستغراب

احسان بدهشه_فى ايه مالها فرح

نغم _هدخل اشوفها يا طنط

دخلت نغم الى غرفه فرح وجدتها تبكى بحركه وتزيح كل شىء امامها

حاولت نغم تهدئتها _فرح اهدى فى ايه

فرح ببكاء شديد_الحقينى يا نغم انا بضيع بجد انا لا يمكن الجوازة دى تتم ،الحيوان بيهددنى بالعقد تانى

نغم بصدمه _ايه ،،هوا مقطعوش

فرح بغضب _المخادع الحقير،بيبتزنى علشان اتجوزه ،اعمل ايه يانغم لو رفضت بابا هيضيع بسببى

نغم_مش عارفه اقولك ايه امجد فاجئنا كلنا

فرح باستهزاء _قال ايه امجد اتغير ،،امجد عمره ما هيتغير ابدا ،انسان ندل ميعرفش غير مصلحته وبس

نغم_والعمل ايه

فرح _مش عارفه ،مش عارفه انا هتجنن ،بفكر اهرب واسيب البيت

نغم بصدمه_فرح انتى اتجننتى

فرح ببكاء _اعمل ايه ،ارمى نفسى للجحيم امجد ده

نغم _فرح عندى فكرة

يتبع..