رواية رياس الفصل الثامن والعشرون 28 للكاتبة شيماء عسكر

في فيلا سليم

كانت لميس قاعده علي نار..

طبعا رياس عرفت ان النهارده هيكون اخر يوم مع جاسر

لميس… تفتكري هيقدر يجيب ماما

رياس قاعده ساكته من غير اي رد

لميس… رياس مالك

رياس… ولا حاجه انا هطلع ارتاح شويه

لميس.. ماشي

بتطلع رياس فوق تدخل الاوضه و تقعد ورا الباب علي الارض

رياس… انا ليه مش مكتوب عليا افرح خالص ليه كدا ياربي انا ايه الذنب اللي عملته في حياتي

بتقوم رياس من علي الارض تروح تفتح الشنطه و تلم الهدوم بكل هدوء بس الدموع هي اللي علي عيونها

تخلص رياس من الهدوم تروح علي المكتب اللي في الاوضه تقعد عليه تفتح الدفتر و بتمسك القلم بيد كلها خوف و رجفه من المستقبل

(( انا عارفه غيابي عنك هيكون صعب عليك و عليا بس الحمدلله انا حاسه انك هتكون في حضن اهلك النهارده و علشان تقدر ترجع اهلك كان لازم اتنازل عنك اسفه ي حبيبي سامحني اول ما توصل بيهم هيكون انا مشيت بس صدقني انا حبيتك اوي من كل قلبي و اكيد هنشوف بعض في يوم من الايام))

بتحط رياس القلم بدموع تقفل الورقه و بتحطها علي المكتب بشكل يجذب النظر ليها

بتقوم علي البلكونه بتفضل واقفه علي احر من جمر نفسها تفضل بس خلاص مبقاش ينفع

بتدخل عربية جاسر من باب الفيلا بترجع رياس لورا بس في نفس الوقت شايفه جاسر

بتسيب الستارة بوجع في بطنها وهي شايفه اهل جاسر وهما واقفين جنب منه و لميس في حضن محمود و نيسان

بتنزل رياس بسرعه و تاخد الشنطه كان الكل برا الفيلا لسه

بتروح علي المطبخ و بتطلع من باب المطبخ اللي علي الحديقه الخلفيه بتسيب الشنطه علي جنب و الاخر مره بتشوف جاسر و هو واقف بكل شموخ

رياس بوجع… هتوحشنى

بتمسك الشنطه و بتفتح الباب اللي ورا بتاع عمال الفيلا

بتوقف تاكسي وهي مش عارفه هتروح فين

اما عندهم

قبل عشر دقايق اول لما وصل جاسر بيهم

طلعت لميس تجري عليهم… بابا ماما انا مش بحلم صح

محمود بحنان اب…لا ي حبيبتي انا اهو قدامك كبرتي اوي ي حبيبتي

سليم… لا مش يغرك شكلها ي خالو دي طفله اوي كمان

بضحك محمود عليهم اما نيسان في هي،، في عالم تاني خالص مع نظرات معتصم ليها

اميمه… ايه ي جاسر هنفضل واقفين هنا

جاسر…لا ي عمتو

اميمه… طب يلا علي جوا

بدخل جاسر هو اول واحد بس بلف عيونه في المكان علي رياس مش موجوده

جاسر ل لميس..امال رياس فين

نيسان…مين رياس دي ي جاسر

جاسر ببرود..مراتي

لميس…هي بترتاح شويه

اميمه…سيبها نايمه ي حبيبي

جاسر بقعد علي الكرسي بكل هيبه…ها بقا ايه حكاية ان معتصم اخوي دي

اميمه بصدمه… انت عرفت منين

جاسرر…الله دي شكل العيله كلها عارفه وانا اخر من يعلم

معتصم…انا زايك كدا عرفت من قريب

جاسر بنوع من السخريه .. الله ازاي ي جدع

محمود…جاسر بلاش طريقه كلامك دي

لميس…يعني اي معتصم اخويا

نيسان…انا هحكي علي كل حاجه

محمود…لا عندك انتي

اميمه… علي فكره مش وقت كلام في الموضوع ده ي محمود هما عرفوا خلاص قوم رايح جسمك انت و مراتك وبعدين نتكلم

نيسان … لا ي اميمه كفايه لحد كدا لازم الكل يعرف انا هقولك ي جاسر

من ٢٨ سنه كانت مسافر خارج مصر

فلاش باك

نيسان… والسفر ده لازم ي محمود

محمود…ايوه ي حبيبتي دي صفقه العمر ي نونا

نيسان… بس انت عارف مش برتاح لما يكون اخوك هنا

محمود…ههههههه دي اخويا يا بنتي و بعدين بابا موجود معاكي

نيسان زي اي ست مصريه اصيله… ارتاح ي حبيبي انت و ربنا يرجعك لينا بسلامه يارب محمود…يارب ..خدي بالك من نفسك ومن جاسر

شيماء عسكر

نيسان….حاضر ي حبيبي

بطلع محمود من البيت

بتفضل نيسان كانت بتلعب مع جاسر في صاله البيت الكبير بطلع عمها من اوضة المكتب

عزيز… انا طالع شويه ي بنتي عايزه حاجه

نيسان.. لا ي عمي عايزة سلامتك

بمشي عزيز من البيت مش فاضل غير نيسان و جاسر بس ،،، بعد شويه بتعب جاسر من العب و بنام في حضن نيسان بتقوم نيسان تدخل جاسر اوضة النوم و بطلعت تجيب مايه علشان تنام “في الوقت ده بوصل هاني البيت و هو سكران “

بتخرج نيسان من المطبخ علشان تشوف مين .. مساء الخير ي عم هاني محتاج حاجه قبل لما انا

كانت عيون هاني كلها شهر و شهوه

هاني… ايوه عايزك انتي

انصدمت نيسان من كلامها بترمي كوباية المايه علي الارض و بتروح علي اقرب اوضه جنب منها علشان تقفل الباب عليها خوف منه بس هو كان اسرع منها بفتح الباب بقوه

هاني و عيونه رايحه جايه علي جسم نيسان.. مالك خايفه كدا

ـ نيسان وهي بترجع علي قد ما تقدر منه لورا .. عم هاني انت مش في واعيك دلوقتي ارجوك اطلع برا

هاني بقلع القميص اللي عليه بعنف.. انتي ليا لوحدي يا نيسان عمري ما هسيبك فاهمه يعني ايه طول عمري وانا بحبك بس ابويا اختارك لـ محمود علشان هو احسن ليه زي ما بقول هو احسن مني في ايه انا بكره محمود كره العمه و بكره ابويا بس بحبك انتي تعالي نهرب من هنا و انا هخليكي ملكه

نيسان بتحاول تسيطر عليه شويه.. لا انت احسن منهم و كمان انت طيب و ربنا هيعوضك خير

هاني بضحكة شر… ها ها ها خير مين انتي مجنونه ولا ايه ولا عايزه تهربي من تحت ايدي ده بعضك يا نيسان

في الوقت ده نيسان بتحاول تهرب منه بس حتي الباب هاني قفله

هاني و هو بجري ورا نيسان في الاوضه…افضلي اجري كدا في الاخر ده كله هيطلع عليكي انا مش هسيبك

نيسان…انا هصرخ و الم عليك الناس لو مفتحتش الباب ده

هاني…ناس مين مفيش حد هيقدر يخلصك مني الليله ي حلوه

و اللاسف نيسان وقعت تحت ايد هاني

هاني وهو ماسك بؤي نيسان و قال بكل حقارة

و قلة احترام انها عرضه و كان لازم يخاف عليها من القريب قبل الغريب بس استحل مرات اخوه ليه هو…

هاني… متعرفش قد ايه كنت مستني الحظه دي من زمان

نيسان وهي بتبكي علي الحال ده مش قادرة تعمل حاجة قدام وحش زي ده

تاني يوم الصبح كانت نيسان فاقده الواعي و هو كمان نايم بسبب الخمره

و عزيز رجع بالليل و دخل ينام من غير ما يشوف اي حاجه

باب البيت اتفتح دخلت اميمه وهي شايله سليم .. و كان جاسر بعيط جامد في الاوضه بتروح اميمه علي جاسر و بتنادي علي نيسان بس مفيش اي رد منها

فاقت نيسان وهي بتلطم علي وشها بقوه بتلم الباقي من هدومها و بتخرج برا الاوضه والصدمه لما شافت اميمه في وشها

اميمه مستغربه من شكل نيسان… مالك ايه اللي عمل فيكي كدا

بتدخل اميمه الاوضه و بتشوف هاني نايم علي الارض و قالت بغضب .. ايه اللي حصل هنا

نيسان طلعت تجري علي الاوضة الخاصه بيها

و اميمه واقفه مكانها مش عارفه تتصرف ازاي راحت ورا نيسان

بتدخل عليها كانت نيسان واقعه في الارض بتعب شديد و عيونه حمرا من كتر العياط

اميمه بتاخد نيسان في حضنها… ايه حصل قوليلي علشان اقدر اساعدك

نيسان بتحاول تجمع الكلام بس مش قادره

اميمه… طب قومي خدي دش دافي علشان جسمك يرتاح

بتدخل نسيان الحمام و بتخرج اميمه وفي ايديها كوباية مايه ساقعه تلج بتدخل الاوضه و ترميها علي وش هاني… قوم دي انا هوديك في داهيه

هاني بصوت عالي…ايه في ايه

اميمه… مش عارف في ايه

هاني…بقولك ايه حلي عن دماغي انا مش ناقص وجع راس

اميمه وهي بتمسك في دراع هاني جامد.. بقا مش عارف في ايه مراتك اخوك اللي المفروض تحافظ عليها من نفسك بلاش الغريب بقت فريسه تحت ايدك النجسه دي حسبي الله ونعم الوكيل فيك يا هاني و انا مش هسكت هروح اقول لبابا و لـ محمود

هاني… ما تروحي هو انا هخاف منهم يعني ولا ايه

اميمه…ماشي بتروح اميمه عند عزيز بتحكي ليه كل حاجه

بنزل عزيز بغضب شديد بضرب هاني..

عزيز.. اه يا كلب انا مش عرفت اربيك طالع نجس لخالك

هاني بكل تحدي… و ليه مش اكون ليك انت

عزيز… كلب اطلع برا مش عايز اشوف وشك هنا تاني

عوده من الماضي الي الحاضر

بتدخل المي عليهم

المي… السلام عليكم

الجميع وعليكم السلام

معتصم… اختك فوق

المي… طب أسلم علي اهل جاسر

معتصم بغضب… قولتلك اختك فوق

وكان الوضع متوتر بين الكل

بتطلع المي

معتصم.. اتفضلي كملي كلامك

جاسر بغضب .. مش وقت كلام تاني دلوقتي مش عايز اسمع اي حاجه تانيه

معتصم بقوم و بروح عند جاسر بغضب… بس انا عايز اسم ماهو مش انت الابن الغير شرعي انت عارف معنه كدا ايه ها انا ابن حرام

محمود…معتصم متقولش كدا انت ابني و ابن نيسان كمان

معتصم بتريقه… لا والله بجد مكنتش اتخليت عني لو انا ابنك فيك تقولي عملت اي غير انك روحت اديتني لـ صحبك لا وهو طلع واحد مجنون كانت بشوف العذاب تحت ايده ها اكمل ولا كفايه كدا .. كانت فين بقا لما انا ابنك دلوقتي… يعني لو مش هيثم جالي و قالي الكلام ده مكنتش هعرف ان الست دي امي

محمود… انا اسف يابني

معتصم… تاني ابني ههههه كفايه ضحك بقا علي نفسكم

نيسان… معتصم الغلط كله عندي اني سبتك بس غصب عني و سفري مع محمود بعيد عن عيون الناس كان لازم لان وقتها كان لازم تكون ميت في عيوني علشان مش احس بذنب إتجاه نفسي اني مقدرتش احمي شرفي ارجوك سامحني يا معتصم

معتصم وهو قاعد بهم الدنيا كلها و الدموع في عيونه معتصم القوي بقا عباره قطعه من القزاز مكسوره… طب و لما كانتي بتشوفيني عمر ما ضميرك وجعك وانا بتعذب طبعا لا انا فاكر كويس اوي انك كانتي بتهربي من وجودي بس عادي انا اهلي خلاص ماتو معرفتي دي مش هيكون ليها اي لازمه بس أوعدك اني هنتقم منكم واحد ورا تاني

بطلع معتصم من البيت بسرعه من غير ما يسمع كلام حد من الموجود انه يفضل

اما فوق عند المي بدور علي رياس في كل مكان بس مش موجوده

بتشوف المي الرساله.. ينهار مش فايت

بتنزل المي بسرعه علي تحت و بتنادي علي جاسر بصوت عالي … جاسر الحق

بروح جاسر عليها بخوف ان رياس يكون فيها حاجه..

جاسر…في ايه رياس فيها حاجه

المي… رياس مشيت

جاسر بضحكه مش مستوعب كلام المي… ههه مشيت فين يعني

المي… اقرأ دي وانت تعرف

بمسك جاسر الورقه من المي و بشوف اللي فيها..؟ ومش مصدق الكلام ده بقع جاسر علي الارض

بتروح لميس عنده

لميس… جاسر فيها ايه الورقه .. بتاخد لميس الورقه .. يعني ايه علشان اهلي يرجعوا رياس تمشي جاسر رد عليا

نيسان وهي واقفه فوق راس جاسر… وفيها ايه لما تمشي يعني دي حايلا مراته لكن انا امه ومش هتعوض

جاسر بعيون كلها صدمه من كلام امه .. لا بجد انتي شايفه كدا يعني مراتي دي حامل في قطعه مني عارفه يعني ايه بقا حايلا مراتي

سليم.. جاسر مش تفضل قاعد كدا اطلع شوف راحت فين

جاسر… عندك حق

بقوم جاسر من علي الارض بقف قدام امه… كلامنا لسه مش خالص ي نيسان هانم

بطلع جاسر من الفيلا

جاسر… هتروح فين يعني يا البيت القديم يا الشقه

اما عند رياس بعد لما طلعت من الفيلا بتوقف تاكسي و بتطلع فيه…

رياس..طب هروح فين جاسر عارف كل مكان انا ممكن ارحله … بتكلم صاحب التاكسي راجل كبير في السن شويه… احم لو سمحت ي عمو متعرفش اي شقه مفروشه اقعد فيها كام يوم لحد لما ادبر اموري

الراجل.. والله ما اعرف يا بنتي في المناطق الراقيه اللي زي دي

رياس.. لا لا ي عمو مش اقصد في المناطق دي ممكن في مكان شعبي عادي

الراجل وهو بلف ل رياس و بعدين قدام منه… بس انتي شكلك يعني ست راقيه ايه يا خدهاا للمناطق دي يا بنتي

رياس… عادي ي عمو علي العموم اسفه علي سؤالي

الراجل.. كان نفسي اخدمك بس انا راجل في حالي مبحبش المشاكل

رياس… تمام

بتطلع رياس من شباك العربيه تشم هوا بس للأسف كان ورا منها عربيه مراقبه كل حركه رياس بتعملها

اما عند جاسر بروح عند ياسمينا…

انتي فين يا بنت الكلب

بتطلع ياسمينا من المطبخ وفي ايديها تفاحه… خير ي جاسر في ايه تاني

جاسر… مراتي فين

ياسمينا… و مراتك هتعمل ايه عندي

جاسر بلعب عليها… مش انتي قولتي لـ رياس علشان ارجع اهلي لازم هي تخرج من حياتي

ياسمينا بنفس العب… هههه انا ايه علاقة بمراتك اصلا و اقولها كدا ايه

جاسر…ما بلاش العب ده رياس قبل لما تمشي قالت كل حاجه

ياسمينا بتبلع رايقه… انا معرفش حاجه يا جاسر عن رياس روح شوفها مع اي راجل دلوقتي

جاسر… راجل يا بنت الكلب اما ربيتك مبقاش انا جاسر و مراتي هترجع لحضني تاني

ياسمينا… وماله

بطلع جاسر بتصل ب عايش.. عايز كل الرجاله تقلب البلد كلها علي رياس مفهوم ي عايش

بقفل جاسر و بسوق العربيه بسرعه

عند ياسمينا بتكلم الشخص اللي ورا رياس … نفذ في اسرع وقت مفهوم

الشخص… مفهوم

اما عند رياس بتنزل من التاكسي علي النيل

بتروح تقعد في نفس المكان اللي شافت فيه اميمه اول مره

رياس.. مين كان يصدق اني اقعد القعده دي تاني بس المره دي وانا طالعه من بيتي غصب عني بتعيط رياس من غير صوت بس دموع زي العاده … انا لازم اشوف مكان اقعد فيه مش هفضل كدا في الشارع

بتقوم رياس علشان تقطع الطريق بس العربيه اللي كانت ورا منها بتخبط رياس و تجري… بتقع رياس علي الارض وهي بتنزف من كل مكان

الناس اللي كانت موجوده في المكان بتروح عند رياس والخوف علي وشهم

اما في الفيلا

لميس… انتي ايه ياريتك ما رجعتي لو هتفضلي انانيه كدا

بتطلع لميس و ورا منها المي

اميمه… ليه كدا ي نيسان بدال ما تكوني جنب ابنك تعملي فيه كدا البنت مشيت علشان ترجعي لحضن عيالك

سليم…خلاص ي ماما مفيش داعي للكلام ده اطلع ي خالو أرتاح و ان شاء الله خير

محمود بتعب.. و هياجي منين الخير بس الدنيا كلها بقيت فوق راس ابني

في المستشفى عند رياس بتدخل العمليات..

ومفيش حد معاها خالص

بدور الممرضه في شنطة رياس علي اي معلومه عنها بتشوف التليفون بس كان مقفول اول لما فتحت التليفون جاسر اتصل عليها..

جاسر…رياس انتي فين

الممرضه… الو مين حضرتك

جاسر…ده تليفون مراتي فين هي

الممرضه… صاحبه التليفون عملت حادثه و الحاله خطيره

جاسر اول لما سمع كلمة حادثه راح في دينا تانيه خالص وقف بالعربية في نص الشارع

الممرضه..الو يا استاذ انت معايا

جاسر… مستشفى ايه

الممرضه… مستشفى*******

بقفل جاسر و بطلع علي المستشفى بسرعه رهيبه

بعد ربع ساعه بدخل جاسر علي المستشفى و بسأل بتكون هي لسه في غرفة العمليات بروح جاسر و بقعد قدام منها بتعب و بدعي ربه ان ينجي مراته و ابنه

عند لميس و المي

كانت لميس في حضن المي بتعيط علي الحال ده

المي… اهدي ان شآء الله رياس هترجع

لميس… معتصم طلع اخويا يا المي و بتعيط اكتر

المي بصدمه وهي بترفع راس لميس من حضنها… نعم ازاي

لميس… بلاش ازاي لاني نفسي مبقتش عارفه ازاي

المي…ايه الهبل ده طب قوليلي افهم بس

لميس.. مش قادره اتكلم انزلي لـ عمتو وهي تفهمك

المي…طب نامي و ارتاحي دلوقتي

عند معتصم بروح لـ هيثم.

هيثم… ايه كلامي طلع صح

معتصم بضرب هيثم جامد بطلع فيه غله من اللي عرفه… ابوك ميت ولا لسه عايش

هيثم وهي تحت ايد معتصم … ههههههه تعجبني كدا انت ابن ابويا فعلاً بس ليه الضرب نتكلم بعقل احسن

نروح المستشفى..

بعد ساعه و نص بطلع الدكتور و ورا منه رياس نايمه مش حاسه بالدنيا

بجري عليها جاسر و بمسك ايديها بحزن .. انا السبب كله منه سامحيني كان لازم افهم ان مقابل اهلي لازم حاجه غاليه عليا

الممرضه… لو سمحت يا استاذ لازم ندخل المريضه للاوضه

الدكتور.. حضرتك تكون مين

جاسر… انا جوزها

الدكتور…تمام اتفضل معايا ي نتكلم في المكتب

بروح جاسر ورا الدكتور

بقعد جاسر قدام الدكتور بحزن و خايف من احساسه

الدكتور .. استاذ جاسر انا اسف في اللي هقوله بس للاسف المدام خسرت الجنين و هيكون صعب عليها انها تخلف في الفتره الحاليه لان الحادثه كان قويه عليها

جاسر بحاول يمسك دموعه… هي هتقوم امته

الدكتور…بعد ساعه و شويه كدا

جاسر…تمام شكرا ي دكتور

بطلع جاسر من عنده بروح علي الاوضه اللي فيها رياس و بقعد علي الكرسي بعيد عنها

بتعدي ساعتين و هو لسه قاعد زي ماهو

رياس بتفتح عيونه بتعب بروح جاسر بقف فوق رأسها… حمد لله علي السلامه

رياس…جاسر ابني

جاسر ببرود وعدم اهتمام لصحة رياس … احب اقولك ان ابنك مبقاش موجود وكمان جوزك مش هيكون موجود انتي طالق

رياس بصدمه… جاسر

بطلع جاسر من الاوضه و بحاسب علي علاج رياس وبمشي من المستشفى

اما هي لا حول لها ولا قوه

يتبع..