رواية البيت المسكون الفصل الثاني 2 بقلم إيناس فكري
 |
| رواية البيت المسكون الفصل الثاني 2 بقلم إيناس فكري |
رواية البيت المسكون الفصل الثاني 2 بقلم إيناس فكري
قومت روقت البيت ولقيت حاجه غريبه صدمتني وهي عروسه مصنوعه من القطن وشكلها مُلفت، شيلتها وفضلت ألفها من كل الجوانب.. عروسه عاديه ومفهاش حاجه بس انا مجبتهاش فأكيد يوسف هو اللي جابها ولما ييجي هسالو.
اتشغلت في شغل البيت وجهزت الأكل وكلمت يوسف قال نص ساعة وهكون عندك، قعدت اتفرج ع التلفزيون واول ما فتحتو لقيت قناه عليها فيلم رعب… طب ده ازاي انا هتجنن انا متأكدة اني قفلاه ع القرآن ويوسف أصلا مفتحهوش خالص، معداش دقيقتين بالظبط ولقيت النور قطع، مخوفتش لا قرأت قرآن وفتحت الشباك ولان الدنيا لسه مش ليل اوي فضي النهار مدخل نور بسيط الصاله..قومت أجيب الكشاف أحسن عشان لو يوسف أتأخر انوره…لان الموبايل ع الشاحن، قبل ما أقوم فجأة لقيت الشباك بيتقفل وبيترزع جامد، خوفت واتكومت ع نفسي وقربت من الفون كان فاصل ومرضيش يفتح رغم انه ع الشاحن بس حاولت كتير انه يفتح بس مكنش بيفتح. وقتها افتكرت اني النور اصلا قاطع واكيد الفون مشحنش خالص..حاولت أتسند ع الحيط وأجيب الكشاف من الأوضه كان في خيالين مش واخد بصيت ورايا ملقتش حد قريت قرآن بصوت عالي وعافرت لحد فعلا ماوصلت الاوضه وقبل ما أفتحه لقيت ايد بتتمد ع كتفي صرخت بصوت عالي
– اهدي يا بنتي انا يوسف
= بعياط: متسبنيش لوحدي تاني انا خايفه
– من اي بس يا حبيبتي؟
= بعد ما فتحت التلفزيون لقيت قناه رعب وانا قفلاه ع القرآن و..
– طيب اهدي بس يا يارا، يمكن وانتي بتقفليه جبتي القناة وانتي مش واخده بالك!
= لا انا متأكدة..طب سييك النور قطع وده عادي طبعا بس ازاي الشباك يتقفل لوحده ازاي انا هتجنن!!!
– النور قطع!! ما النور موجود أهو يا حبيبتي ورنيت الجرس كتير وكان فيه صوت بس انتي مفتحتيش..قولت يمكن نمتي او في الحمام ففتحت بمفتاحي
= موجود .. موجود ازاي!!
– تعالي معايا متخفيش..اهو النور انتي اللي مكنتيش فاتحه مفاتيح النور والشباك مقفول بالأوكره كمان…
= بصدمه: ده ازاي!! يوسف صدقني النور قطع من شويه وانا فتحت الشباك بإيدي صدقني مقفلتوش
– انتي بس تلاقي أعصابك تعبانه ويمكن عشان كنتي لوحدك، ولسه مخدتيش ع جو البيت فترة وهتتحسني
” معرفش ليه يوسف مش مصدقني، وفاكر اني كل اللي بحكيه تهيؤات بس انا متأكدة اني كل ده حصل.. وقتها افتكرت العروسه
– تعال معايا أما أوريك حاجه
= حاضر بس اهدي
– العروسه دي مين اللي جابها هنا! انا مجبتهاش
= انا اللي جبتها، كنت بشتري شويه لعب لاولاد اخواتي وعجبتني فجبتها نسيبها في شقتنا.
– ماشي
” يوسف دخل غير لبسو ولاني عامله أكل و ع الغرف بس، طلب مني أرتاح وهو هيجيب الأكل
– مش كنت قومت بدالك؟
= ارتاحي انتي وانا دقيقه وجاي
” خرج بصينية الأكل وقعدنا اتغدينا وشيلت الاطباق غسلتها..ويوسف دخل الاوضه فدخلت وراه
– يوسف
=……………
– سرحان في اي يا حبيبي
= ها…
– ها اي بس، مالك
= مفيش، تعالي يلا نامي
– مفيش ازاي! هنخبي ع بعض
= معرفش بس حصلي انهارده حاجه غريبه اوي
– اي هي!
= وأنا ماشي الصبح ع الشغل لقيت عربيه سوده كبيرة وقفتلي وفيها راجل عمره تقرييا ٤٠ سنه ومعاه بنوته صغيره..كانت قاعده ورا وشكلها زعلانه ولابسه شنطة حضانه… بس اللي انا مستغربو هو ليه وقفلي! اتكلم معايا كتير وكل شويه يبص ع بنته ورا ويقولها ينفع القمر يفضل زعلان. …..والاغرب انه وصلني مكان شغلي من غير حتا ما اقوله، الكلام أخدنا ونسيت اقوله وده هيجنني
– طيب ومسألتوش ليه عرف مكان شغلك ازاي؟؟؟
= الموضوع مشغلش بالي ووصلت الشغل اتلهيت فيه، ومكنش عندي وقت أفكر…وانا خارج لقيت نفس العربية جايه ووقفت قدامي وركبت وقتها قولت أكيد الموضوع مش صدفه ويمكن ده شخص عارفني.. فسألتو
-انت ليه وقفتلي الصبح؟ رغم اني اول مره نشوف بعض وشخص بعربيه فخمه زيك ليه يقف لواحد زيي!
= لقيتك واقف ع الطريق ويمكن كنت متأخر ع شغلك فحبيت أساعدك،. ولاني مفيش غيري في العربيه فعادي يعني لما تركب معايا
– طيب و…..
= وصلت
” نزلت م العربية وهو ساق بسرعه كبيره غير ما كان سايق. كنت لسه هسألو ازاي عرف مكان شغلي بس مدنيش الفرصه دي ومشي”
– لو صدفت وتقابلتو تاني متركبش معاه ووقتها اسألو هو ازاي عرف مكان شغلك
= تمام…..المهم انتي وحشتيني
– بضحكه: وانت كمان
……………
-بصي يا ماما انا مش معترضه ع العريس خالص بس أهله ناس مش كويسه، وديما بيعملو مشاكل وانا خايفه منهم انهم مثلا يكونو بيكرهوني او يلبسوني تهمه وقتها حضرتك أكيد مش هتبقي فرحانه
= اللي تشوفيه يا حنان، لازم كل عريس يا تطلعي فيه يا في أهله العبر
” انا يمكن ضد الجواز.. بس ماما عايزه تفرح بيا وده أكيد حقها بس ملقتش حد مناسب وفيه كل الصفات اللي اتمنيتها….احيانا بيبقا أهله وحشين واحيانا هو ومش وحش كشكل لا كأسلوب او كروحه وحشه وانا مبحبش كده، انا بشهادة الكل جميله وأكيد استاهل حد شبهي!
…………. .
– يارا
= نعم
– شوفي…
= اي ده!
يتبع…..
لقراءة الفصل الثالث : اضغط هنا
لقراءة باقي فصول الرواية : اضغط هنا
نرشح لك أيضاً رواية فوزية القوية للكاتبة اسراء ابراهيم
