رواية حلاوة روح الفصل الثاني 2 بقلم ياسمين الشريف
 |
| رواية حلاوة روح الفصل الثاني 2 بقلم ياسمين الشريف |
رواية حلاوة روح الفصل الثاني 2 بقلم ياسمين الشريف
اتصدمت من كلمه بابا مناخيرك الكبيره؟؟؟
العيله كلها ضحكت واخويا قاله عندك حق انا مش عارف هي ازاي كدا ضحكو كلهم وانا ضحكت معاهم بأحراج ورجعت دخلت اوضتي
وفضلت اعيط من الكلام اللي اتقال
عارفين الكلام ده لو قاله حد غير بابا وعيلتي مكنتش هزعل
أصعب وجع انك تبقى موجوع من أهلك
انك تبقى موجوع من اقرب الناس ليك
لما تكون موجوع من أهلك صعب الجروح اللي جواك دي تتعالج
صعب أن حد يحاول يعالجك ويعالج نفسيتك
كسر النفسيه صعب اووي
عارف لما تبقى وحيد وحيد تماما
اه انت باين من برا كويس
بس من جواك بتتقطع
فضلت اعيط لحد ما عنيا ورمت من العياط ودماغي وجعتني
نمت من كتر الوجع والتعب النفسي نمت
اه هي ممكن تكون كلمه بهزار هما مش متخيلين انها هتزعلك
بس الكلمه بانسبالك سكين نزلت على قلبك بتقطع فيه
صحيت تاني يوم الصبح
ماما: اي دا يا بنتي مال عينك
روح؛ مفيش يا ماما وجعاني وهتخف
كان نفسي احكيها ع اللي واجعني
نفسي اتكلم معاها تاخدني ف حضنها
احس بس اني بنتها بجد
كاما:تمام يا حبيبتي
وسابتني ودخلت المطبخ
بابا: روح اعمليلي كوبايه شاي
روح حاضر يا بابا
عملتله كوبايه الشاي وادتهاله
ورجعت دخلت اوضتي
قعدت اعيط لحد ما نمت محدش مهتم محدش بيكلمني
حتى صحابي مش بيكلموني غير لو عايزين حاجه
بقيت مع الوقت اسأل نفسي هو انا وحشه بجد؟؟
طب هو ليه محدش بيحبني
طب هو انا عملت ايه يخليهم يكرهوني
فوق كل دا كان بابا شديد ف التعامل معايا
تقريبا مكانش بيحبني علشان بنت
كنت بشوف دايما صحابي بيخرجوا ويتفسحو ويتصورو
مع بعض
كانوا اه مش حارميني من حاجه اكل وشرب ولبس كل حاجه مجابه
الا حاجه وحده
وهي الحريه دايما بشوف دي أهلها مدينها حريتها بتروح هنا وهنا
كنت دايما حاسه اني مختلفه عن الكل بس اختلاف بشع
روح:بابا انا رايحه خطوبه صحبتي
بابا: لا هتروحي تعملي اي
روح:بابا انا هروح فرح فلان قريبنا
بابا:لا هتروحي ليه احنا مالنا
روح :بابا انا هروح عند خالتي شويه اقعد مع بنات خالتي
بابا:لا متروحيش
لا لا لا اكتر كلمه بكرها ف حياتي هي لا
اكتر كلمه بتوجع قلبي حرفيا هي لا
برغم صغر سني
بس كنت دايما بقول لما اتجوز مش هخلي بنتي تعيش حياه زي حياتي
رغم صغر سني بس كنت شايفه ان التربيه الصحيحه لينا
ان مش كل حاجه لا
احنا نقدر نقول لا ل أولادنا لو الحاجه فعلا تستاهل الكلمه
كنت بقول
انا بنتي ان شاء الله لو طلبت مني حاجه والحاجه دي هتبسطها مش هقولها لا
انا مقولتش ان لازم كل طلبات أولادنا تبقى مجابه
بس ف نفس الوقت مينفعش كلها تترفض
أصعب حاجه ف الحياه انك تبقى وحيد وضعيف مفيش حد ف ضهرك
تعب الدنيا كلو فيك وانت مش حاسس
دلوقتي انا ف سنه رابعه كليه تجاره
ف يوم بعد ما رجعت من الكليه
ماما: اتأخرتي كدا ليه يا روح
بابا:ما تردي يا هانم كنتي فين
روح :كان عندي 3محاضرات والطريق زحمه
او مش مصدقين انا هعملكم جدول بمحاضراتي
سبتهم ودخلت اوضتي
بالرغم اني مبقتش صغيره بس لسه الدخول بحساب والطلوع بحساب
حياتي كانتي بالنسبالي نار كل يوم بعيط ومحدش حاسس
محدش بيكلف نفسه انه يفكر ف كلامه اذا كان هيوجع ولا لا
وف يوم وانا ف الكليه وقع مني قلم ع الارض مخدتش بالي
نادي عليا شاب :يا انسه!!!!
يا انسه
اول ل بصيت ليه لقيته بيقول
يا ساتر يا رب
يتبع….
لقراءة الفصل الثالث : اضغط هنا
لقراءة باقي فصول الرواية : اضغط هنا
نرشح لك أيضاً رواية النصيب للكاتبة ياسمين الشريف
