رواية أحببت قدري بعد أن التقيتك الفصل الثاني 2 بقلم رنا طارق
 |
| رواية أحببت قدري بعد أن التقيتك الفصل الثاني 2 بقلم رنا طارق |
رواية أحببت قدري بعد أن التقيتك الفصل الثاني 2 بقلم رنا طارق
حمزه حاول يصحيها مصحتش وجسمها بدل يسخن قرر انه ياخدها البيت عنده لحد ما تلاقي نينتها او تلاقي شقة تقعد فيها
خدها البيت ونيمها ع السرير وغطاها كويس وعملها كمادات عشان السخونيه وفضل يتاملها لحد اما نام ع الكرسي جمبها
مني صحت وحاسه نفسها فرحانه مش عارفه اي السبب بصت جمبها لقته نايم
مني: يالهوووووووووي انت بتعمل اي هنا
حمزه قام اتفزع من مكانه
حمزه: يشيخه حسبي الله حد يصحي حد كده
مني: انا اللي جابني هنا انا مش كنت قاعده ع الرصيف اي اللي جابني هنا انطق…. انطق
حمزه: جبتك عشان كنتي تعبانه ومفيش مكان تروحي تقعدي فيه وكان مغمي عليكي
مني: وانت مالك اتعب والا اولع انت مالك
حمزه: صح انتي صح الغلط مني انا كنت سبتك تولعي ولا تموتي ف الشارع انا اللي غلطان
مني: صح انت غلطان وبعدين مش هعرف اقعد مينفعش اقعد مع حد انا معرفهوش وخصوصاً لو كان راجل
حمزه: بس انتي معندكيش بيت تقعدي فيه ولسه كمان مشتغلتيش ولسه موصلتيش لنينتك وعمك الحيوان سابك ف الشارع
مني: لو سمحت متقولش ع عمي حيوان
حمزه: ده اللي لفت نظرك ف كل الكلام
مني: اه مسمحش لحد يتكلم عنه هو اه واطي وكل حاجة بس مهما كان عمي
حمزه: صح انا غلطان طب اقعدي معايا عما توصلي لنينتك ومتخافيش مش هقعد ف البيت علطول هاجي بس ساعه النوم
افضلي ف الاوضه دي وانا هروح ف اوضه تانيه
مني: دي اوضتك
حمزه: لا اوضه بابا الله يرحمه
مني: يامااااا مش قصدي بس هخاف انام ف اوضه كان بتاعت حد ومات ممكن يطلعلي بالليل يعم لا اخاف
حمزه ضحك: لا يستي متخافيش بابا طيب مش هيطلعلك بالليل
مني: خلاص يعم هنام هنا بس مش لازم انت تفضل بره علطول مهما كان ده بيتك مش هطردك منه يعم بس انا طيبه ازاي
حمزه: لا كتر خيرك حقيقي
مني: طب انا جعانه
حمزه: بتعرفي تعملي اكل
مني: لا مش بعرف افقش بيضه حتي ها انت بتعرف
حمزه: لا والله محصليش الشرف وبعدين انتي عندك 20 سنه ومبتعرفيش تفقشي بيضه لي محدش علمك
مني بحزن: لا امي مكانتش بتحبني عشان كده معلمتنيش حاجه ف المطبخ
حمزه وحب يغير الموضوع: طيب نطلب دليفري
مني: ماش ماش
حمزه: طيب هتوصلي لنينتك ازاي
مني: مش عارفه
حمزه: طب هي عندها فيس او انستا او اي حاجه ع السوشيال
مني: اه عندها فيس
حمزه: طيب كلميها
مني: طيب انا مش معايا رصيد ومش هعرف افتح داتا هعمل اي
حمزه: هاتي فونك ادخلك الواي فاي بتاعي
مني: الله نت ببلاش
حمزة: لا دا عما تكلميها وبعد كده هقفله متخديش عليها
مني: خلاص يعم ده انت بخيل
حمزه ؛ عاجبني هقوم اطلب الاكل عما انتي تكلميها
مني: ماش
مني كلمتها وطلبت منها رقمها ورنت عليها
امينه: اذيك يمني يحببتي عامله اي
مني: بخير ينينه كنت عايزاكي ف موضوع
امينه: اي يمني
مني: اصل انا.. جيت القاهره امبارح عشان اشتغل وكنت هقعد عند عمي بس هو رفض ييجي ياخدني وقالي روحي ف اي حته عما ابقي افضي اجي اخدك وانا معرفش حاجه هنا قولت اجي اقعد عندك كام يوم عما اشوفلي شقه بس انا معرفش عنوانك وكمان مكنش معايا رقمك ارن عليكي قعدت ارن ع بابا وماما محدش رد عليا وانتي عارفه اللي فيها ممكن يعني اجي اقعد عندك لحد اما اشتغل واقعد ف شقتي
امينه: تنوري يحببتي بس انتي كنتي فين من امبارح ونمتي فين
مني: نمت عند واحده صحبتي كنت عرفاها من زمان.. مني اتكسفت تقول لها انها نامت عند حمزه
امينه: طب بصي يا مني انا قاعده عند اختي انهارده وبكره ومش هعرف ارجع البيت غير بعد بكره عشان هي تعبانه فخليكي قاعده عند صحبتك عما ارجع وهبقي اكلمك تيجي اكون انا رجعت وظبتلك المكان معلش يحببتي اصلها تعبانه ومش هعرف اسيبها عما عيالها يجولها
مني: تمام ينينه
امينه: طب هقفل انا دلوقتي عشان هروح اكشف ع اختي
مني: تمام ينينه خلي بالك من نفسك
امينه: ماش يحببتي مع السلامه
مني قعدت تعيط عشان مش هتلاقي مكان تقعد مع ان حمزه قالها تقدر تقعد لكن ازاي لازم النكد يشتغل
حمزه دخل لاقاها بتعيط ووشها احمر وكانت زي القمر
حمزه ف نفسه: الاه وده وقته
حمزه: مني انتي كويسه بتعيطي لي
مني: كلمت نينه وقالتلي ان هي عند اختها ومش هتعرف تيجي الا كمان يومين وقالتلي افضلي عند صحبتك
حمزه: صحبتك مين
مني: انت
حمزه: انا وصحبتك انتي اتهبلتي يبنتي ع الاخر الزمن بقيت صحبتك
مني: يعم من قولتلها كده امال كنت هقول لها اني بايته عندك تقول عليها اي بقي
حمزه: خلاص انا اللي غلطان اني سألت……. طيب بتعيطي ليه
مني: عشان مش هلاقي حته اروح فيها
حمزه وقعد يمسح ع وشه: يا مصبر الوحش ع الجحش انا مش قولتلك تقدري تقعدي لحد ما تقدري تلاقي حته تانيه انتي دماغك فيها
مني: ولا احترم نفسك
حمزه: خلاص يا وحش اسفين
مني: خلاص هفضل هنا لحد اما هي ترجع بس بشرط
حمزه: هنشرط كمان اتفضلي يستي اشرطي براحتك
مني: هتروح شغلك براحتك وبعد كده تيجي تقعد معايا عشان بخاف اقعد لوحدي ونبي
حمزه: ماشي… هنزل انا الشركه دلوقتي ومش لازم انزل ع التاكسي وهاجي اقعد معاكي عشان يعيني النونه بتخاف
مني: بطل تريقه احسنلك
حمزه: ماشي انا هنزل عايزه حاجه اجبهالك
مني: لا
راح حمزه الشركه ورجع لاقه الصدمه….
يتبع..
لقراءة الفصل الثالث : اضغط هنا
لقراءة باقي فصول الرواية : اضغط هنا
نرشح لك أيضاً رواية أحببت مريض منفصم للكاتبة مريم سمير
