رواية عشقت ميمونة الفصل الحادي والثلاثون 31 بقلم هاجر محمد

جلست ميمونة في غرفتها لفتره بعد خروج مالك  شارده فلم تشعر بدخول فرح إلا حينما اقتربت منها وطبعت قبله علي وجنتها

فرح بطفوله :- أسفه ياماما مش هلبس حاجه من بتاعتك تاني بس ما تزعليش ولا تزعلي بابا

أبتسمت ميمونه وأخذتها في أحضانها وقبلتها عدة قبلات و:-  ماما كلها بتاعت فرح  وأي حاجه عندها ملك فرح

عشقت ميمونه. هاجر محمد. حبيبة

رفعت فرح رأسها و:- يعني إنتي بتحبيني

ميمونه :- أكتر حاجه في حياتي كلها   إنتي حته من قلبي

فرح :- طب لو بتحبي فيح مش تزعلي بابا علشان هو بيحب ميمو وفيح كمان بتحب ميمو أوي بس ميمو بتدلح

فتح ميمونه فمها و:- فرح أنا بدلع  مين قالك كده

فرح :- بابا هو اللي قالي ميمو بتدلح  وتمان قالي ميمو مخها اللي في راسها هنا  صخنون خالث2

نهضت ميمونه بغضب وعصبيه و:- هو قال  كده عليه

وقفت فرح علي الفراش و:- أيوه قال تده بث ميمو ده ثر1

وضعت ميمونه يدها في خصرها بعصبيه و:- سر   سر مين يابنت مالك  .. أنا بقي هوريك يابن أمينه اللي عقلها صغير دي هتعمل فيك إيه

نظرت إلي فرح وأمسكتها من كتفها و:-  قولي هو فين

فرح :- تحت في المتب 

تركتها ميمونه وركضت إلي الاسفل وهي تتمتم بعصبيه وغضب  وهي تتوعد له.. دخلت ميمونه علي مالك كالعاصفه و :- ماااااااااااالك

أغمض مالك عينيه للحظات ثم استدار بالكرسي لها  و:-  نازله ورايا علشان تتخانقي هنا تاني

تقدمت ميمونه منه  و:- أيوه نازله إيه الكلام اللي بتقوله لفرح عليه ده

وقف مالك ببرود ووضع يده في جيبه و:- خير اللهم اجعله خير

اقتربت ميمونه أكثر واصبحت أمامه مباشرةً و:- أنا بدلع وعقلي اللي في راسي صغير

أردف مالك بتأكيد :- أيوه ياقلبي إيه اللي يزعل في كده  دي حقيقه

عشقت ميمونه. هاجر محمد. حبيبة

رفعت ميمونه سبابتها في وجهه بعصبيه و:- ماااااااااااالك

رغب مالك في إثارة عصبيتها أكثر فتابع باستماع وتسليه و:-  إيه اللي مالك إنتي فعلا عقلك صغير جدا وبتعملي عقلك بعقل طفله صغيره  يبقي ده إسمه إيه 

ضربت ميمونه في الأرض بغضب والتفت لتغادر إلا أن مالك منعها وقيدها بين ذراعيها محتضنا ايها و:- وهبله ومجنونه كمان

تحركت ميمونه بضيق وهي تحاول فك ذراعيه من حولها و:- طب وسع بقي ياعاقل إنت وسيبني وابعد عني خالص

أحكم  مالك ذراعيه حولها أكثر و:- ما أقدرش أبعد عنك إنتي أسرتي قلبي  من زمان

ميمونه بعبوث :- ده كان زمان إنت دلوقتي ما بقتش تحب ميمونه خالص

أدارها مالك ليصبح وجهها له و:- فعلاً مش بحبك زي زمان  لأنه بقي أضعاف مضاعفه 

عبث ميمونه بملابسه وقوست فمها بدلال و:-   يعني بتحبني  أكتر من فرح

رفع مالك رأسه لأعلي وضحك و:- هههههههه وزعلانه علشان بقول مخك اللي في رأسك صغير ده طلع أصغر من فرح بكتير4

٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

في مكان أخر يجلس ذاك المهموم علي فراشه في منتصف الليل كحاله منذ سنوات فقد  أبعدها عن نظره لكن لازالت صورتها تؤرق منامه  كان شاردا في آخر لقاء بينهما حينما عاد في الخفاء ليرها قبل أن يغادر  ولكنه تفاجأ بها تقف خلفه  وتنادي بإسمه بصوت جعل قبله ينبض باسمها و:- حمزه

التفت إليها بسرعه غير مصدق أنها هي وما إن وقعت عينيه عليها حتي الجم لسانه ولم يستطع الكلام حتي تحدثت هي مره اخري :-   انت مش قولت إنك هتقولي علي حاجه لما أخرج من العمليات طب ليه بتهرب مني دلوقتي

رسم حمزه ملامح الجمود وهتف بنبرة  قاسيه :- أهرب منك إنتي ده ليه إن شاء الله  كل الحكايه إنك صعبتي عليه  وأشفقت علي حالة اخوكي  فما ترسميش في خيالك كلام واوهام كتير 

أعطاها ظهره وهم أن يغادر إلا أنه توقف  حينما تحركت هي سريعاً ووقفت أمامه فاتحه ذراعيها تمنعه من التحرك و:-  وكلامك اللي قولته  وأنا في التخدير برده كان شفقه

نظر إليها حمزه وقضب حاحبيه بغضب و:- كلام إيه إنتي هتألفي  أنا ورد عليه منك كتير 

بادلته ريم بتحدي وعناد :- إنت قولت إنك بتحبني وأنا سمعتك وانت بتقول كده

حمزه بغلظه :- ده خيال حضرتك اللي رسملك الكلام  ده لو سمحتي  أنا مش فاضي للعب العيال ده ولتفكيرك المراهق ده

هم أن يرحل إلا أنها أوقفته مره اخري و:- إنت ليه بتكذب عليه إنت مش قولت للدكتور مالك  إنك هتكلم حازم وتتقدم بعد ما اخرح من العمليه

ازداد غصب حمزه  وهدر بقوه و:-  جبتي الكلام الفارغ ده منين

تراجعت ريم بخوف من نظراته الغاصبه ووجهه المحتقن و:-  د د دكتور م م مالك ه هو اللي قالي

تمتم حمزه بهمس و:- مالك  الله يسامحك  بس أنا اللي غلطان .. تخطي ريم  واتجه مباشرةً إلي مكتب مالك وبدون مقدمات فتح الباب و:- انت قولت إيه لريم

تفاجأ مالك من دخوله بتلك الطريقه نهض من علي الكرسي و :-  طب قول سلام عليكم الأول

حمزه بغضب :- لا سلام ولا كلام أنا سايب البلد كلها ومسافر ومش راجع تاني بس قبل ما امشي أنا غلطان  اني قولت لك حاجه من الأول

عشقت ميمونه. هاجر محمد. حبيبة

حاول مالك تهدئته والكلام معه ولكنه رفض واتجه ناحية ميمونه وسلم عليها وعلي صغيرتها واخبرهما بأنه سيسافر في مهمه عمل  وبالفعل في ظرف أيام كان في المطار متجها ناحية نداء الطائره إلي الولايات المتحدة الأمريكية  وفي استراحة الركاب تفاجأ بها تقف أمامه بعيون دامعه و:- حمزه ما تسافرش علشان خاطري

نهض حمزه غير مصدق أنها تقف أمامه  و:- إنتي بتعملي إيه هنا

ريم بنبره باكيه وراجيه و:- جايا أقولك ما تسافرش علشان خاطري و و وقولي ليه رافض إني أكون ليك مع إنك إنت اللي خليتني أتمني إني ارجع أشوف النور وأنا بغيب عن الوعي ماكانتش سامعه غير صوتك وانت بتقولي بحبك  يبقي ليه عايز تمشي

رفع صوت الإعلان عن ذهاب الرحله المتجهة نحو الولايات المتحدة الأمريكية انصت حمزه إلي الصوت  وبعدها  أمسك بحقيبته وجرها ورحل و:-  أنا لازم امشي ولما أبعد هتعرفي إن اعجابك ده شيئ مؤقت وبس  بعد إذنك

صرخت ريم بنحيب و:- أنا هستناك ومتاكده إنك هترجع لي حتي لو استنيت عمري كله

_أكمل حمزه طريقه  وهو يدهس علي قلبه بجمر من نار ورحل وهو يظن أنه برحيله عنها ستبتعد عن قلبه كما ابتعدت عن نظره لكن للأسف هي سكنت قلبه وعقله وباتت تعيش في أحلامه وفي يقظته

#فاق حمزه من شروده علي صوت آدم  و:- هتفضل كده لحد امتي حرام عليك ليه بتعذب نفسك كده

عاد حمزه بظهره إلي الوارء ووضع يده خلف رأسه و :- مش أحسن ما كنت اتسبب في عذاب واحده مالهاش ذنب

جلس أدم أمه وهو يحتسي فنجان الشاي و:- ومين قالك إنها مش متعذبه دلوقتي   ده غير عذابك انت مش واخد بالك إنك بقيت تشتغل بإجرام حرام عليك نفسك3

نهض حمزه بغضب وهو يضرب بيده بقوه و:-  انت كل ما تشوفني تقولي الجملتين دول  خليك في نفسك أحسن وما تدخلش تاني في الموضوع ده مفوهم  وتركه وخرج

خرج حمزه وتوجه إلي عمله وما إن وصل حتي توجه مباشرة نحو غرفة التحقيق  يصب غضبه في أحد السجناء الذي يحقق معهم في قضيه دوليه

كان معلقا إياه علي الحائط ويضربه بقوه  ليخرج منه الاعترافات التي يريدها ولم يتركه إلا وهو كالجثه بين يده تحت امر صارم من رئيسه اللواء نور الدين الذي هتف بحده وبلهجة صارمه و:- حمزه إيه اللي بتعمله ده  سيبه حالا

تركه حمزه علي مضض والتفت إلي اللواء وهو يؤدي التحيه العسكريه

هدر اللواء بغضب وهو يلتفت مغادرا :-   حصلني علي مكتبي

*لحق حمزه به  وأمام مكتب اللواء نور الدين  وجد آدم يقف في انتظاره فعلم أنه أخبر بشيئ ما ولكنه لم يتلفظ معه بحرف ودخل وأغلق الباب..

في مكتب اللواء  وقف حمزه بانتظار أن يوبخه علي فعلته ولكن بعد صمت لفتره بسيطه وجده يمد يده بشيئ ما و:- خد ياحمزه

أخذ حمزه من يده بتعجب و:-   إيه ده يافندم!!!  دي تذكرة لمصر

أومأ اللواء براسه و:- أيوه الفريق كله راجع مصر   اجازه فتره طويله شويه تريح فيهم أعصابك شويه..

حمزه باعتراض :-  بس أنا مش محتاج اجازه 

عشقت ميمونه. هاجر محمد. حبيبة

اللواء نور الدين بحده :- ده أمر ومش بمزاجك ترفض أو توافق ده أمر  وغصب عنك هتنفذه ومش هتبقي أجازه أوي انت هتكمل شغلك في مصر

حاول حمزه الاعتراض مره أخري ولكنه منعه باشاره من يده أوقفته عن الكلام و:- جهز نفسك انت وزمايلك

*خرج حمزه من المكتب ونظر إلي آدم بغضب و:- أنا متأكد إنك قولت له حاجه   بس أنا اللي غلطان إني حكيت لعيل زيك وتركه ورحل

_لم يؤثر هذا الكلام في آدم وإنما ابتسم بنصر و:- انت ما كنتش هتيجي غير كده.. أخرج هاتفه وأجري اتصالا هاتفياً  و:- السلام عليكم

_وعليكم السلام ورحمة الله وبركاته.. إزيك ياادم باشا

_آدم برسميه :- الحمد لله يأنسه ريم  …. راجعين مصر بكره قبل المغرب ان شاء الله .1

نهضت ريم من مكانها بعدم تصديق :- حضرتك بتتكلم بجد.. و و وحمزه راجع معاكم

ابتسم آدم و:- أيوه طبعا راجع معانا أومال هقولك علشان  تيجي تستقبليني أنا ولا إيه

ادمعت ريم من فرحتها و:- أنا متشكره أوي توصلوا بالسلامه وبسرعه ان شاء الله

ادم بضحك :-  هههههه هنحاول نوصل باقصي سرعه استعدي يابطله حمزه باشا أساسا ممكن يقتلني قبل ما نلحق نوصل هههههه أسيبك تستعدي للمهمه الصعبه دي بقي سلام عليكم

أغلقت ريم معه وعاودت الإتصال بأخيها لتخبره بعودته فرح حازم لأجل سعادتها   وأخبرها بأنه سيأخذها في الغد إلي المطار لاستقباله

٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

في اليوم التالي  قبل المغرب بفتره عاد مالك مبكراً الي المنزل وهو ينادي علي ميمونه وفرح بصوت عالي

خرجت فرح من المطبخ وهي ترتدي مثل أمها ويدها ممتلئه بالعجين وكذلك وجهها هي وميمونه

فرح :- بابا وطي ثوتك علشان ميمو تغرف تركز وفيح كمان

وضع مالك حقيبته في الأرض واقترب منها و:- يانهار  ابيض إيه اللي عملاه في نفسك ده

فرح :- نعمل بيتزا أنا وميمو

حملها مالك و:- ده إنتي اللي بقيتي بيتزا خالص فاضل بس تتحطي في الفرن

قبلته فرح من وجنتيه ثم وضعت يدها علي فمها وضحكت بطفوله و:- مالك عنده هو كمان

فتح مالك فمه بمزاح و:- اااه يابنت الذين بتضحكي عليه طيب أن هعرفك.. وبدأ يدغدها وهي تضحك بصوت عالي حتي توقف علي صوت ضربات قدم ميمونه المتتاليه  فنظر الإثنين إليها  وهي تتابعهم بغيره واضحه وبعدها تركتهم وعادة إلي المطبخ

مالك بهمس :- ميمو شكلها هتعملنا إحنا بيتزا.. خدي شنطة بابا طلعيها فوق يافرح

فرح :- وانت هتثالح ماما

وضعها مالك علي الأرض و:- أكيد هصالحها ياأم نص لسان يلا خدي الشنطه واخلعي

عشقت ميمونه. هاجر محمد. حبيبة

أخذت فرح الحقيبه وصعدت وتوجه مالك خلف ميمونه ليجدها  تعمل في المطبخ وملامح الغضب باديه علي وجهها.. اقترب منها وضمها من الخلف مقبلا وجنتها و:-  ريحة البيتزا تجنن  وإنتي شكلك يجنن أكتر

زمت ميمونه شفتيها وقضبت حاجبيها بغضب و:-   إنت خلاص مش هتعرف تضحك عليه تاني بكلامك ده روح لبنتك ياحبيبي وأنا بقي سيبني للمطبخ ما بقاش ليا لازمه ولا مكان في البيت غيره

لفها مالك ليصبح وجهها مقابل وجهه و:-  إنتي مكانك في قلبي  ومليون مره قولت لك أنا مجنون بفرح علشان بشوفها إنتي وعلشان منك

ميمونه بدموع :- وأنا بغير عليك حتي من فرح أعمل إيه وانت بتفكر إني مش بحب فرح وهي كمان بس فرح روحي وحياتي كلها وانت قلبي  وحب حياتي كلها  بس بغير عليك

مالك بابتسامه :- من فرح ياهبله

قوست ميونه فمها و:- أيوه من فرح ياجوز الهبله

مالك :- وضعك خطير كده ولازم نشوف له حل سريع بس لما نرجع

ميمونه :- نرجع منين

مالك :- عاملك لك مفاجأة يلا اجهزي بسرعه وجهز فرح  علشان كده هنتأخر

ميمونه :- استني بس علي الاقل أعرف رايحين فين

ابتعد مالك بخطوات سريعه و:- تؤ تؤ مفجأه

٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

_صهيييييب  صهييييب

أغمض صهيب عينيه وهو يضرب علي راسه بحنق و:- يارب مش هخلص أنا عارف .. نعم ياسجود نعم1

_انت بترد عليه غصب عنك أنا حاسه إنك متغير معايا من فتره  وما بقيتش تحبني تاني ….وبدأت في البكاء

أمسك صهيب وجهها وقبل جبينها و:- سجود ياعمري أنا عارف إنك بتمثلي علشان عايزاني أفضل معاكى بس والله عندي إجتماع مهم  ولازم  أرجع الشركه تاني

سجود :- يعني الاجتماع أهم مني وقدر ولدت بقي وحصلي حاجه أنا واولادي هتفيدني بحاجه انت والاجتماع بتاعك

_صهيب بضيق وهو ينظر الي ساعة يده و:- ماما تحت وكمان مالك وميمونه وفرح هيجو بالليل ومش هتبقي لوحدك وأنا والله هحاول أرجع بسرعه

حركت راسها برفض و:- لللا بتضحك عليه  وبدري دي بتبقي الفجر

صهيب :- لا صدقيني أنا عمري كذبت عليكي

سجود :- كتييير  

ضيق صهيب عينيه و:- بقي دي أخرتها طب والله لمشي واختطف قبله سريعه من وجنتها وركض من أمامها

_صهيب صهيب استني….

*في الأسفل كانت أمينه تعد طعاما كثيراً . دخل صهيب إليها وقبل يدها وراسها و:- إيه ياست الكل الأكل ده كله أنا الروايح جوعتني

أمينه :- إيه ده انت خارج تاني ولا إيه

صهيب :- أيوه عندي إجتماع ولازم أرجع الشركه

أمينه :- يابني حرام عليك خليك مع مراتك شويه 

صهيب :- يعني اعمل إيه ياست الكل أنا نفسي بس غصب عني

أمينه :- ما فيش حاجه إسمها غصب عنك انت اصريت إنها  ما تنزلش شغلها غير لما تولد يبقي لازم تعوضها بوجودك جانبها

صهيب :- عارف إني مقصر معاكي ومعاها ياست الكل بس خلاص هخلص الصفقه اللي معايا وبعد ولادتها بكام شهر أنا ومالك محضرين ليكم مفاجأة نعوضكم بيها علي كل التقصير

أمينه :- أنا تعويضي إني اشوفكم سعدا في حياتكم واولادكم يكبروا حواليا 

عشقت ميمونه. هاجر محمد. حبيبة

*في ذالك الوقت صدح صوت فرح وهي تنادي علي جدتها وصهيب الذي خرج  سريعا واستقبلها بين ذراعيه  و:- حبيبة قلبي وحشتيني جدا جدا

فرح :- وأنت كمان ياثاثا وحثتني خالث

أتت أمينه وأخذتها منه وقبلتها عدة قبلات :- فرحة قلبي 

مالك :- نحن هنااا

لوح صهيب يده بمزاح :- خليك مكانك مش عايزين النهارده

دخل مالك وميمونه وسلموا علي الجميع

صهيب :- مش جاي لي قلب اسب فروحه وأخرج بس عندي اجتماع ضروري لازم أروح  بس وعد مش هتأخر

نهض مالك معه و:- وأنا خارج أجيب حاجه وجاي

ميمون :- حاجة إيه

أمينة :- أيوه ياابني حاجت إيه أنا كل حاجه بتحبوها هنا

فرح :- تيتا حملتي جيلي بالموز

أمينه بابتسامه و:- طبعاً هو أنا أقدر أنساها ياعيوني تيتا

مالك :- مش هتأخر وهجيب معايا حاجه ماما مش عملاها

رحل مالك مع صهيب وأصرت ميمونه علي أمينه الا تنهض من مكانها وهي ستكمل ما تبقي بعد أن تطمئن علي سجود

٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

في المطار وصل مالك إلي هناك ظنا أنه الوحيد الذي يعلم بعودة حمزه ولكنه تفاجأ بحازم وريم هناك سلم عليهم وظلو في الانتظار حتي اعلنو عن وصول الطائره وأول من استقبلت حمزه هي ريم التي ركضت في اتجاهه بلهفة  ووقفت أمامه

خلع حمزه نظارته ونظر إليها بعدم تصديق  و:- ريم إنتي إيه اللي جابك هنا وعرفتني منين.. امممم نظر الي آدم وهو يغرس شفتيه السفليه تحت أسنانه بوعيد و:- حسابك بقي تقيل أوي وإن شاء الله نهايتك علي ايدي بس انت قول يارب

ريم يتبرير و:- أنا اللي الحيت عليه علشان يقولي كل أخبارك أصبر نفسي بيها وأنا مستنياك هنا

قضب حمزه حاجبيه و:- نعم ياختي وإنتي بتتكلمي معاه أصلا

ريم بخوف من هيئته وملامح وجهه الغاضب :- و و والله ب ب بس ك كنت ببقي عايزه اتطمن عليك

حمزه بغضب :- وانتي مالك ومالي علشان تطمني عليه  أصلا

عشقت ميمونه. هاجر محمد. حبيبة

فجأته ريم بكلمه لم يتوقعها أن تخرج صريحه هكذا و:- بحبك.. بحبك ونفسي أقضي معاك كل لحظه في عمري علشان خاطري ما تبعدش تاني

لم يستطع حمزه أن يتفوه بكلمه وظل محدقا بها  غير مصدق ما تفوهت به  حتي لكزه آدم واقترب منهم مالك وحازم

تنحنح مالك ليخرجهم من شرودهم و:-   احم احم.. أ أنا بقول نقرأ الفاتحه مكنا هنا

حمزه بدون ادراك :- لأ هات المأذون1

ضحك الجميع وصفوقوا لهم بفرحه  والتفت جميع الموجودين إليهم  وتابعوا معهم التصفيق

همس آدم بأذن حمزه و:- خد الخاتم يامعلم   وسجل الحدث ده

نظر حمزه إليه و:- انت عارف الخاتم كمان

آدم بضحك :- ده انا سارقه منك من زمان وانت مكشوف من زمان أوي يعني من مش عايز خالص ل هاتوا المأذون طب اتقل شويه ياباشا1

كور حمزه قبضته و:- مش بقولك نهايتك علي إيدي

ابتعد آدم خطوه إلي الخلف و:- يالا ياعم لبسها الخاتم وخلصنا من العرض المجاني ده

أمسك حمزه بالخاتم وهم أن يمسك بيد ريم ليضعه في اصبعها ولكن منعه مالك و:- لا ياباشا كده هندخل في المحظور

فهم حمزه مقصده ومد بيده إلي حازم و:- خد ياحازم إنت لبسه ليها

. ريم بدهشه :- وليه انت مش هتلبسه لي

اتكأ مالك علي حمزه و:- لأنه حرام هو دلوقتي لسه غريب عنك . ومش عايزن الباشا يبدأ بمعصيه ابدؤها بطاعه هنتنتهي معاكم بسعاده

أبتسمت ريم برضا ونظرت إلي حمزه و:- خلاص مش هلبسه غير بعد كتب الكتاب علشان حمزه هو اللي يلبسه لي

تصنع حازم الزعل و:- يعني مش عايزاني البسك

احنصنته ريم و:- لا طبعاً بس انت تلبس مراتك إن شاء الله.. وأنا حمزه هو اللي يلبساها لي

مسح حازم علي راسها و:- بقالي كتير ما شوفتش الفرحه دي في عنيكي ربنا يسعدكم ويبارك في حياتكم  يارب

*اتجه مالك بالجميع علي بيتهم ودخل أولا  لينبه الجميع بدخول رجال   دخل حمزه وكانت ميمونه تحمل طبقا لتضعه علي طاولة الطعام فوقع منها أرضا وصرخت بفرحه وهي تجري عليه . ليستقبلها هو بين ذراعه

ميمونه بفرح :- حمد الله على السلامة

أنزلها حمزه علي الارض وقبل رأسها و:-  تسلمي لي من كل شر ياغاليه.. فين البت فرح أم نص لسان هموت واشوفها واخدها في حضني

نادي مالك عليها فهبطت سريعا وفي  منتصف السلم وجدت حمزه يقف لها في آخره

فرح :- خالو حمزه .. وركضت إليه بسرعه

حملها حمزه ولف بها عدة لفات و:- ما شاء الله إيه القمر ده حبيبة خالو

عشقت ميمونه. هاجر محمد. حبيبة

فرح :- أخيرا رجعت مش هتخرج تاني كنت بتخلي ميمو تعيط كل ما تكلمنا 

حمزه بتأكيد :- لا خلاص مش هرجع تاني ولا هخلي ميمو تعيط خالص

قاطعهم مالك وهو يلكز حمزه و:- لا بقولك إيه خليك انت مع فرح والعروسة وسيب ميمو عليه أنا مش هخليها تعيط

ضحك الجميع .. وبعدها وصل صهيب واتجه الجميع إلي غرفة الطعام    وقضو مده في جو مليئ بالفرح والمزاح  تشارك فيه الجميع بكل ما يحلو لهم من الكلام

٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪

بعد عدة أشهر  حل الشهر الكريم ليستقبله  مالك وصهيب بمفجأه لأهل البيت جميعا  وذهبوا إلي رحلة مباركه في الأرض المباركه وكانت زيار تجمع فيها كل الأحبه عند أحب الأحبه1

في البيت الحرام بعد صلاة أول يوم في القيام  في الأرض الطاهره  وقفت ميمونه أمام مالك بعد أن أخذته بعيدا عن الأعين و:-  عايزه اقولك علي حاجه

قبل مالك يدها و:- قولي لي علي حاجات مش حاجه واحده بس

أمسكت ميمونه بيده ووضعتها علي بطنها و:- أنا حامل يامالك

صمت مالك قليلاً وظل يتابع الفرحه الواضحه في عينيها وانتظرها منه أن يبدلها إياها ولكنه عبث وتجهم وجهه :- حامل يا ميمونه أنا مش قايلك2

تجمعت الدموع في عين ميمونه وقاطعته وهي تضغط علي يده و:- علشان خاطري  يامالك  أنا فرحانه إني حامل تاني  وفرحانه كمان إني عرفت بحملي هنا في بيت ربنا بلاش  تزعلني بردة فعلك دي

لف مالك يده حولها وضمها و:-  وأنا ما اقدرش أزعلك أنا نفسي يبقي بينا عشر عيال بس لو العالم كله حوليا وإنتي مش فيه هبقي وحيد

شددت ميمونه من احتضانه و:- وربنا مش هيفرق بينا أبدا

_بتحملوا إيه هنا….

التفت الإثنين علي صوت فرح وحملها مالك وميمونه تقف بجوارهم و:-  هنجيبلك نونو صغنون يلعب معاكي

هزت فرح رأسها برفض و:- لللا هات النونو الثخنون لميمو ومالك يبقي بتاع فيح بس

لكزتها ميمونه بحنق و:-  بت يابنت ميمونه مالك ده بتاعي أنا وبس وما فيش حد هيشاركني فيه

تعلقت فرح برقبة مالك وعي تنظر إلي ميمونه بعناد و:- لا مالك عايز فيح بث ثح يامالك

قبلها مالك من وجنتها و:-  صح ياروح مالك

  صرخت ميمونه بغضب و:- بقي كده يابن أمينه ماااشي

عشقت ميمونه. هاجر محمد. حبيبة

مالك بسرعه و:- لالا والله  ده إنتي قلبي كله

نظرت إليه فرح وهي تزم شفتيها فقرب ميمونه منه وضمها بالذراع الاخر و:- إنتم الاتنين حياتي ما تنفعش من غيركم   نظر الي ميمونه و:- إنتي روح قلبي والحب الأول والأخير اللي عيشته  وسكني وراحة قلبي معاكي وسندي في كل صعب عيشته  واللي بتهون عليه الدنيا كلها أنا لو اتكلمت عمر بحاله مش هيكفي  بعشق كل حاجه فيكي .. ثم نظر الي فرح و:-  وانتي فرحت قلبي وبحبك علشان أول حاجه  إنك بنتي انا وميمونه وإنتي الهديه الأولى من ربنا اللي رسخت حبنا  وبقيت عايش السعاده بسببكم إنتم الاتنين أنا بعشقكم إنتم الاتنين

ضمته ميمون هو وفرح و:- وأنا روحي متعلقه فيكم ربنا ما يحرمني من حد فيكم  ويجمعنا مع بعض في الدنيا وفي جنته إن شاء الله في الاخره

التفت الاثنين ينظران إلي الكعبه والناس تدور حولها وتمتم الاثنين في صوت واحد :- ااااااامين يارب

# وكده تكون انتهت حكاية مالك وميمونه بكل الصعاب اللي واجهتهم وحبهم اللي اللي ابتدي وانتهي بالتضحيه والتنازلات والأهم من ده كله رضا ربنا.. يارب تكونوا استمتعتم بيها ونالت اعجابكم

يتبع…..