رواية رياس الفصل السادس والثلاثون 36 للكاتبة شيماء عسكر

في الفيلا كانت لسه نايمه علي رجل جاسر بحاول يفوق فيها و الكل واقف قلقان عليها معاده نيسان  اللي واقفه مش مصدقه ازاي ده حصل رياس بنت فريد العزيزي مستحيل  

قاعد فريد علي الارض جنب رياس و ماسك ايده بحب و حنان ابوي و خوف 

جاسر.. لو سمحت اقعد علي الكرسي هي هتقوم دلوقتي 

فريد مش رد عليه و فضل قاعد اما محمود فهو ماسك حاتم علشان مش يخرج من البيت قبل لما الكل يفهم في اي و ازاي كل ده حصل 

بعد شويه رياس بتقوم و عيونه في السقف بتحاول تفتكر حصل اي معها..  

جاسر وهو برفع راسها شويه علشان تقعد..  انتي كويسه يا حبيبتي  

رياس بتلف راسها في بتشوف فريد قاعد قدام  منها.. ها اه كويسه  بس عايزه افهم  

فريد..  انا اسف يا بنتي مش عارف اوصف احساسي بندم ازاي 

رياس بتوقف من علي الكنبه و بتقول لفريد انها عايزة  تتكلم معه ومع حاتم علي انفراد  

و مسافه ما كانوا خارجين برا باب الفيلا حاتم هرب منهم و طلع برا القصر لكن رياس مش فرق معها و جوده اصلا..  هي بس عايزه تفهم حصل كل ده ازاي 

بتقعد رياس قدام  فريد و مية سؤال في راسها لكن عيونه  هي اللي بتتكلم مكان لسانه 

فريد فهم هي بتفكر فى  ايه…  فاهم عيونك  كويس والكلام اللي جوا منها  

رياس..  ازاي  

فريد بصدق..  معرفش ازاي بس اللي اسمه حاتم ده جه علي البيت و قالي….  

وقص عليها كل كلام حاتم 

رياس بصدمه..  نعم اللي هو ازاي ده امي متوفيه من قبل حتي ما المي تاجي علي الدنيا  ازاي بقا امي خطفت  المي 

فريد..  صدقني  معرفش  

رياس بسؤال  و كانت خايفه من الاجابه  ..  انت فعلاً  كانت متجوز امي 

فريد بصدق..  ايوه يا بنتي بس كان جواز عرفي  مكنش  حد يعرف  ،،  انا مش عايز  منك غير تيجي معايا بيتي انا عارف انك ست متجوزه  دلوقتي  لكن ده مش يمنع انك عندك اهل و بيت و كمان المي لازم تعرف  و فيروز  هتفرح اوي ان المي عايشه و كان قلبها حاسس وانا مش حبيت أخبرها  غير لما اتاكد  علشان مش تاخد امل علي الفاضي 

رياس بعدم استوعب.. كل ده حصل بين يوم و لليله ازاي حاتم مش يطلع ابويا  ،،  تعرف انا دلوقتي مبسوطه  

فريد بابتسامه..  ليه مبسوطه 

رياس.. علشان هو مش ابويا لانه مكنش ينفع اب ربنا حرمه من اكتر نعمه في حيات الانسان  

فريد..  انا كان عندي نعمه واحده بس لكن دلوقتي بقا عندي تلاته و رعد الرابع 

رياس..  مين رعد 

فريد بضحكه..  ابن عمك 

رياس..  كمان ليا عم 

فريد..  انا مبقاش ليا حد في الدنيا دي غير رعد  و انتو،، عايز منك تسامحيني  واسف ليكي يا بنتي 

رياس..  انت حبيت  ماما 

فريد..  جداً  بس هي اللي بعدت عني 

و معرفش هي قالت ايه للكلب ده عني بس اكيد كل كلامه كذب    

رياس بتمسك ايد فريد..  حصل خير و الماضي مبقاش يهم دلوقتي لان ماما في دار الحق دلوقتي و مش نعرف مين الصادق من الكذاب يا بابا 

اول لما فريد سمع كلمة بابا منها قام اخد رياس في حضنه  بشوق و حب ابوي  

اما جوا 

نيسان كانت واقفه علي الشباك عيونها علي رياس و فريد 

نيسان  ..  شكل كل حاجه تمام وهي ما صدقت  الراجل يكون اب ليها ما يمكن  مش ابوها  

محمود  بنظرة غضب عليا.. وانتي مالك  

جاسر مبقاش قادر يقعد اكتر من كدا طلع برا عند رياس..  ممكن افهم بقا الحوار ده 

رياس ببرود..  مش وقته احنا هنروح ل المي مش كدا يا بابا 

فريد.. ايوه يا حبيبتي 

جاسر اتعصب من طريقة رياس في الكلام بس هي مشيت حتي من غير ولا حرف مع جاسر  

بتجي نيسان ليه بتحاول تكون زي الأفاعي بخ السم و بس 

نيسان.. اهي مشيت من غير ما تقول حصل ازاي ده كله مش عامله ليك اي اعتبار كان اختيارك من الاول غلط عملتها هانم وهي من الشارع،، لكن دلوقتي بنت أكابر شوف بقا هتعمل فيك ايه 

رمت الكلام و مشيت من قدام جاسر  اللي كان فيه بركان من الغضب هينفجر في اي لحظه 

اول لما رياس طلعت مع فريد برا الفيلا كان رعد واقف علي مسافة قريبه شويه 

نزل رعد راح لعمه علشان يعرف في اي 

فريد..رعد انت بتعمل اي هنا 

رياس و عيونه علي رعد.. ده رعد  ابن عمي يا بابا 

رعد بصدمه  و بؤبؤ عيونه انفتح علي وسعه من الصدمه.. بابا عمي دي المي انا ا مش مصدق 

فريد..لا مش المي دي رياس بنتي 

رعد.. هي طنط فيروز كان عندها كام بنت 

فريد.. دي مش من فيروز يا رعد لينا قاعده المهم نروح عند المي دلوقتي 

رعد بتفهم..طيب تمام،،  بس علامة  السؤال كانت علي وشه.. بس هي بتعمل اي عند جاسر المهدي 

فريد..رياس تكون حرم جاسر المهدي 

رعد..كمان 

فريد..انا مش متعود عليك كتير كلام يلا عايز اشوف بنتي تالته 

رعد..وانا جاي معاكم

بطلع فريد و رياس جنب منه و رعد ورا منهم 

اما عند المي 

كانت قاعده  في حضن معتصم 

معتصم بمكر.. انا كدا متأخر علي الشغل بسببك 

المي وهي بتلعب في قميص معتصم.. بس انا عايزاك النهارده تكون معايا مش حابه انك تروح مكان 

معتصم بخبث.. ليه 

المي وعيونه في عيون معتصم.. عايزه افضل كدا يمكن البيبي يطلع شبهك 

معتصم  .. بيبي اي بس دلوقتي لسه بدري 

المي بزهق منه..  اوف بقا يعني حرام تفضل معايا لو يوم واحد انا حابه اقعد معاك بقا  ونطلب اكل او انا أعملك  اكل حلو  و نشوف  فيلم سوا  

معتصم  بضحكه خبيثه.. بس كدا حاضر 

وكان لسه هيقوم ب المي علي المطبخ جرس الباب دق 

المي بتعجب.. مين ده اللي جاي من علي وش الصبح

معتصم وهي لسه في حضنه..  انزلي و ادخلي جوا لحد لما اشوف مين 

المي..  طب انا هطلع فوق بلاش يكون جاسر يشوفني كدا 

معتصم..  اوك  بس لو جاسر  هطفشه و اجيلك

بفتح معتصم الباب بتكون رياس في وشه 

رياس.. صباح الخير 

معتصم..صباح النور 

رياس..معايا ضيوف ممكن ندخل ولا نمشي 

معتصم..ضيوف مين دول 

بترجع رياس لورا علشان تنادى علي فريد و رعد..دول 

معتصم عارف فريد و كمان رعد.. اهلا فريد بيه اتفضل 

بدخل فريد و وراه رعد اما معتصم مسك كتف رياس و بصوت واطي.. بت انتي تعرفي فريد و رعد منين و جاسر وافق كدا انك تخرجي معاهم 

رياس .. وفيها اي هو شاف فريد معايا لكن رعد لا هههه 

معتصم بعالي صوته..نعم ياختي 

فريد اتكلم.. ف حاجه يا معتصم 

معتصم بسيب رياس و بروح عند فريد و رعد 

.. لا مفيش حاجه بس بحب اهزر مع رياس شويه 

رياس..امال فين انت 

معتصم.. فوق 

رياس بتطلع ل المي 

اما معتصم قعد مع فريد و رعد.. اهلا و سهلا  البيت منور والله 

فريد..بيك طبعا 

(كلمه مني قبل لما انسي انا مش حبيت الفصل يكون اوفر و كدا بالعكس انا حبيت كل حاجه تكون بسيطه فيه يعني لقاء رياس و فريد مع بعض و دلوقتي لقاء المي كمان 

و كلمه كمان معلش هل انا رواياتي فيها سفاله لان جالي تعليق ان كل ابطال رواياتي مش كويسين واني بكتب كلام مش كويس اللي شايف اني فعلا كدا ياريت يقولي بعد اذنكم)  

بتطلع رياس الي اوضه المي بتدخل علي طول…المي 

المي بتطلع من اوضه الملابس.. ايه يخربيتك قطعت خلف 

رياس بتقرب منها.. انتي امبارح كأنتي بتقولي اي 

المي.. وانا ايش عرفني 

رياس..ي سلام لو حاتم مش يطلع ابونا 

المي..ههههههههههه دي حلم يا بابا بتسيب رياس واقف وهي راحت تكمل لبس 

رياس بتمشي وراها.. لا وحيات امك فيروز مش حلم 

المي بترمي عليها تيشرت.. فيروز خانم 

رياس بترمي التيشرت علي الارض.. لا فوقي كدا و سيبك من جو العشق الممنوع ده  انا بكلمك بجد ابوكي هنا تحت 

المي..وانتي من امتا بتمشي مع حاتم في مكان يكونشي غدير عملت عمل اسود ليكي يابت انتي 

رياس بترش برفان من بتاع المي علي ايديها.. غدير مين بس.. يلا البسي هننزل تحت 

المي..ما انا لبسه اهو 

رياس..لبسه بيجامه بيتي 

المي.. امال البس ايه 

رياس بتروح اطلع طقم من الخزانه.. هشوف 

بطلع ليها بنطلون جينز و تيشرت طويل شويه بم ان المي مش محجبه  .. يلا دول بس بسرعه 

المي مصدومه من حركات رياس..رياس انتي فيكي حاجه هي نيسان خانم دي عملت فيكي حاجه 

رياس وهي بتخرج من باب الاوضه..لا دقيقه تكوني عندي يلا 

بتخرج رياس تقعد علي السرير شويه لحد لما المي تخرج 

رياس.. طب و بعدين ايه هيحصل  ربنا يستر في اللي جاي 

بتنزل رياس و المي 

وكان معتصم عمل قهوه ليهم 

و اول لما فريد شاف المي انصدم من الشبه الكبير بنها و بين فيروز 

بحضن فريد المي بحب.. شبه مامتك بظبط 

المي..ماما مين يا عم الحج انا مش شبه غدير خالص 

معتصم مستغرب

رياس.. معتصم احب اعرفك فريد العزيزي بابا و بابا المي كمان 

معتصم وقع علي الكنبه اللي كانت وراه بس من رميت جسم معتصم عليها رجعت لورا في وقع علي الارض قام وهو ماسك ضهر و قعد عليها تاني.. مين ابو مين انتي بتقولي ايه 

المي..رياس اكيد ده هزار منك صح 

رياس.. لا مش هزار قولتي و نولتي يا بنت فيروز 

بتترمي المي في حضن فريد بحب  

و اتعرفت المي علي رعد و اليوم عده كدا 

لكن فريد كان حابب يعمل مفاجاه ل فيروز ف استني شويه علشان حابب تكون ذكره كويسه ليها بعد غيب طويل 

بتروح رياس علي البيت و كان جاسر قاعد في الاوضه بشتغل علي الاب توب 

بتدخل رياس و قالت..مساء الخير بتروح علي الحمام 

اما هو قفل الاب توب و فضل قاعد مستني رياس تخرج من الحمام و اول لما خرجت وقف قدامها  .. ممكن افهم اللي حصل 

رياس ببرود و كانت ريحه علي السرير ..انا تعبانه و عايزه ارتاح 

جاسر بغضب ومسك ايديها جامد..انا بكلمك و تاني مره لما اتكلم مش تمشي من قدامي فاهمه ولا لا 

رياس بقوه..لا مش فاهمه روح ليها 

جاسر..هي مين 

رياس.. رزان ايه مش كانت بتحسس علي ايدك زي كدا