رواية مقايدة تغير حياتي الفصل الثالث 3 بقلم رحمة أيمن
 |
| رواية مقايدة تغير حياتي الفصل الثالث 3 بقلم رحمة أيمن |
رواية مقايدة تغير حياتي الفصل الثالث 3 بقلم رحمة أيمن
= اي
_ اي
= احم انا هنام هنا وانتي نامي جوه
_ في حوالي 4 اوض هنا ، نام في اي وحده .. عن اذنك
دخلت جوه و تحدفت علي السرير وانا بسال نفسي .. انا بعمل اي هنا ؟ يترا الي جي اصعب من الي راح ول لاء ولحد امتى الدنيا هتقوى عليا كده وتحطني في مواقف انا مش قداها
غيرت الفستان وصليت والبست البجامه الحمره الي بحبها وعملت شعري ديل حصان ورحت اشوف التلاجه عمله اي ..
_ امم يعني الفلفل ده اعمل بي اي مثلا اكله طيب لما يغمى عليا مين هيوديني المستشفي امي
= “بنعاس” بتكلمي نفسك لي
_ “تلف بسرعه ” عااا ، اي خضتني !!
=؟؟!
_ اي
= شعرك ده ول بروكه
_ ها ها ها
= المهم انا جعان
_ متاكل
= يا رااجل اي الفكره الجهنميه دي عاااش
صراحه موت ضحك علي منظره بس في سري طبعا ، كان لابس تشرت كده اسود قمر علي بنطلون مخطط وشعره منكوش وطبيعي كده اومال عباس الرخم الي بشوفه ده راح فين
_ يعني عايز اي
= مش انتي بنت اعملي اكل
_ بص انا مبعرفش اعمل اكل فانت ساهم كده خلي ربنا يكرمنا ونعرف نعمل حاجه
= اساهم اي معلش ؟
_ اطبخ معايه
= يعني قصيره ومعندكيش دم ومبتعرفيش تطبخي
_”ترفع السكينه في وجهه ” لاء انا مسمحلكش اتهني ومتعصبنيش عشان مغزكش بيها
= جربي كده وشوفي هعمل فيكي اي
كان نفسي ارشقها في زوره ورخامته دي بس صراحه جماله خلاني اضعف ههه بهزر كان هيشدني من قفايه كده ويعلقني في دولاب المطبخ والا البجامه سعاتك دي حمره !
= اي ده
_ اكل
= بيض وجبنه ؟
_ والله ده الي موجود وبعرف اعمله
= طب قومي اعملي شاي
_ وانت اتشلت متقوم تعمل انت
= لاء مهو مبحبش حد يعندني
_ ولاه .. انا مبحبش حد يستفزني ومتخلنيش اخرج عن شعوري
= اي رئيك بقي انك هتعملي ويا انا ينتي انهارده
وبعد خناق حوالي ساعتين ونص كل واحد دخل نام لليوم التاني بكل ادب وزوق
__________________________
ترن ترن ترن
_”بنعاس” الو مين
* ايوا يا عم الناس الي لسه صاحيه دي
_ اتوكسي علي عينك ، هنا تعالي خديني من هنا
* يا بت هتشليني اقسم بالله .. رحمه انتي عايشه في فله وخده بالك يا حببتي
_ يستا خدي انتي الفله وخرجيني من هنا
* نغير الموضوع عشان انا مش حمل سكر والله انا لسه صغيره … جوزك اعمل اي
_ ييييع ! تفي من بقك
* يا بنتي انتي حوله انتي مش شايفه القمر ، هو عادي لو قطعت علاقتي بيكي صح
_ يا بنتي انا اخلص بس من الي انا فيه ده وصدقيني لو شوفتك صدفه في الشارع مش هقلك باي حتى
* النداااااله يا جدع
بعد ما قفلت المكالمه الي كانت حوالي 3 ساعات بس دي ، وروحت اشوفه لمقتوش فزغطت كده واتمشيت في الفله شويه وروقت المكان وقعدت اقرا كتاب بقي …
= “بتعب ” اه ياني
_ كنت فين من الصبح
= وانتي مالك
_ ؟؟!
= ههه اهدى ليجيلك ارتجاج في المخ
_ بموت في خفت دمك عثل كده عثل
بعد ساعه …
=”يقوم بدخول المطبخ ” هفطس من الجوع ، فين الغدا
_ غدا اي هو انت بتتغدا
= لاء انا بتشل بس بيجيلي شلل نصفي كده
_ بجد اومال مش ظاهر في حسنتك لي
= رحمه جعان وربنا
_ معملتش اكل والله مبعرفش
= خليني اسالك سوال انتي اي لزمتك في الحياه بتعرفي تعملي اي غير الازعاج وتعصيب الناس
_ امم بعرف اكل كمان
= يا صبر ايوب
_ يبني انت رايح فين طيب انا جعانه كمان .. استني
راح قاعد علي الكنبه بعصبيه ورن بحد كده اسكت لاء طبعا اتسنط عليه حصل
= يستا عامل اي ، كنت عايز سندوتش شورما من..
_ اي حضرتك مش معاك بني ادمه هنا
= بجد ، انا مش شايفك غير قرده الحقيقه
_ غلطت بقي وهقلب عليك وربنا ما يوريك شر قلبتي
= طب روحي العبي بعيد يا شاطره يلا
_ شاطره دي تقلها لبنت اختك ، واعرف انك لو جبت لنفسك بس هخده منك وهنتخانق ويومنا مش هيعدي انهارده
= امم عشان صراحتك الي ملهاش لزمه دي هجبلك
_ شالله يخليك يبني يا رب ويسترك قادر يا كريم و..
= اي انتي هتشحتي
صديقه : ممكن تتخنقوا بعيد عن وداني لاني صدعت
_ احيه !
= احم ، عايزه اي بسرعه
_ بص جيب واحد كريب تمام مينكش عليه كاتشب كتير ويحط مايونيز ويكتر مخلل ويجيب ببسي معاه لانه بيديلو طعم، بعد كده يجيب سندوتش بطاطس و…
= جبلها زي سندوتش شورما .. شكرا
_….
= لما ابقي نجيب ساويرس هبقي اجبلك الحاجات دي
_ علفكره انا كنت هدفع احم ايوا كنت هدفع
= ولله
_ اه والله ، ثم اي 100 جنيه يعني فدايه
= طب جيبي الرموت ده ايوا ، انصرفي من هنا بقي
_ رخم
= مجنونه
وفعلا جيه الاكل وكلنا كده بكل زوق سمحني يا رب ، ودفع لينا وعمل فيها بقي احمد السقا وراح بصصلي بثقه كده وقلي جدعنه مني رغم انهم 150 جنيه ملزقين عادي وضربنا اخناقه تاني علي الاطباق والموعين والشاي اما الحمد لله هو ايده اتعضدت وانا رجلي ورمت
= عايش مع سنجاب
_ ول اني مش قادره اقملك كنت قومت عضيتك تاني
= “يقوم باخراج علبه السجاير ” انا ول اني محترم انك بنت مكنتش وقعتك علي الأرض بس كنت قعدت عليكي كمان
_ ثانيه بس انت بتشرب سجاير !
= امم
_ انت مجنون انت عارف خطيره ازاي وبتعمل اي في الرئه دي بدمرها
= اتصدقي تخضيت
_ يا باااارد
= ……
_”بكح” لاء مش قادره اتخنقت هقوم
=”ببتسامه ” تحبي اسندك لتقعي
_ هموت مضحك مش قادره
مستغربه جدا ، انا قولت مش هنتكلم بقي واعيط واكتئب وحزن اسود ول افلام هوليود واعمل صفقه بقي وممنوع تشيل حاجه من مكانها تخصني ول مسلسل تركي ونتقمص بقي الاحداث
هو في حاجه غلط صح ؟!
اليوم التالي …
ظبطت المنبه وصحيت بدري عشان اخرج اشوف هنا لقيته نايم في الصاله..
_ صبا…. !
= امم الساعه كام
_ يخربيتك !
= …
_ علبتين ! شارب علبتين سجاير امبارح
= لاء تلاته في وحده وقعه تحت اهى لي
_ لاء ول حاجه خالص
= اوعي تفكري تهتمي بقي وتحبيني وكده احنا اه في مسلسل تركي بس ملناش دعوه
_ يبني هو انا ابصلك اصلا
= لاء تمام طمنتيني ، رايحه فين
_ “برخامه “اوعي تفكر تتحكم فيا وتسالني انا ريحه فين وجيه منين وكده احنا اه في مسلسل تركي بس ملناش دعوه
“يقوم بالابتسام وتغادر بغيظ ”
يتبع ……
لقراءة الفصل الرابع : اضغط هنا
لقراءة باقي فصول الرواية : اضغط هنا
نرشح لك أيضاً رواية النصيب للكاتبة ياسمين الشريف
