رواية أنتي نبض قلبي الفصل الثالث والأربعون 43 بقلم عائشة أحمد

الكل روح من الفرح ومليكه سألت الدادة على مراد وقالتلها انو مجاش من لما خرج معاهم وطلعت فوق تستناه 

********””””””

اما عند مراد فهو راح عند اسراء 

اسراء: دكتور مراد اتفضل 

مراد ببسمه : احنا مش قلنا مراد بس 

اسراء : اتفضل 

مراد بتوتر انا جبت عشا وقلت نتعشا سوا اى رايك

اسراء بفرحه : اكيد هجهز الاطباق 

وبعد مدة قعدوا عالاكل 

اسراء: فيك اى شكلك مهموم 

مراد : مش عارف حاسس ان على صدرى جبل 

اسراء: طب احكيلى متخانق انت ومليكه 

مراد بصراحه : انا متعودتش اخبى عن مليكه حاجه وجوازى منك مخبيه عنها ومش قادر ابص فى عنيها لو بصيت بلعن نفسى 

اسراء بحزن : بس احنا جوازنا عالورق والظروف هى اللى اضطرتنا لكدا

مراد : عارف كل دة بس مليكه لو عرفت هتقوم الدنيا 

اسراء: حضرتك لو عايزنا ننفصل انا

مراد : لا يا اسراء انا وعدتك انى هفضل جنبك وثانيا انا بفضفض معاكى 

اسراء: طب كل 

مراد : قعد وباله مع مليكه وقرر ينام عند اسراء وميرجعش البيت : بعد اذنك يا اسراء انا هنام هنا اليوم 

اسراء بفرحه : طبعا دا بيتك 

مراد : تمام هنام فالاوضه دى 

اسراء: اتفضل

********************

مليكه قاعدة ومستنيه وقررت تكلم المستشفى وتسالهم عن مراد 

مليكه : الو انا دكتورة مليكه عايزة اسال على دكتور مراد موجود

الموظف: دكتور مراد خرج من فترة طويله ومرجعش تانى 

مليكه: انت متاكد 

الموظف : ايوة يا افندم 

مليكه : تمام شكرا وقفلت معاه وقعدت قلبها بياكلها عليه رنت عليه كتير مغلق فضلت مستنياه لحد ما نامت مكانها 

******************

صباح يوم جديد عالفطار قاعدين يفطرو ومراد دخل عليه 

مراد راح لبنته وباسها : صباح الخير 

اياد صباح النور كنت فين كدا

مراد : كنت فالمستشفى 

مليكه اتصدمت ومردتش ترد وسكتت 

مراد : انا هطلع اغير عشان اروح المستشفى 

رهف : انت مش لسه جى منها 

مراد بتوتر: اه بس فى حالات لازم اتابعها 

كل دة ومليكه قاعدة ساكته ومش بترد 

مراد طلع غير ومليكه راحت على اوضه ملك لانها مش عايزة تشوف مراد او تحصل بينهم مواجه 

مراد لبس ونزل راح عالمستشفى 

وعدى اليوم طبيعى لحد اخر النهار 

مراد لسه طالع من المستشفى تليفونه رن 

مراد : الو

اسراء: مراد الحقنى 

مراد : مالك فى اى 

اسراء: تعبانه اوى 

مراد : انا جيلك حالا 

مراد راح عند اسراء ولقاها سخنه جدا وتعبانه عطاها دوا سخونه وبدأ يعملها فكمدات وعملها اكل

مراد : قومى يا اسراء عشان تاكلى

اسراء ببسمه: تعبت نفسك لى مكنش ضرورى

مراد ببسمه: لا طبعا دى حاجه بسيطه بس يارب يعجبك

اسراء وهى بدوق الاكل : تحفه 

مراد باستغراب بجد ومسك المعلقه وداق وكح : اى دة تحفه ازاى انتى بتكليه ازاى اصلا

اسراء ببسمه: يعنى بعد اللى بتعمله دة اجى اقلك وحش دا انا ابقى انانيه 

مراد : طب متكمليش انا هطلب اكل 

اسراء بفرحه: ماشى 

********************

عند مليكه 

مليكه ببكاء: رهف الحقينى ملك ملك سخنه جدا والحرارة مش نازله 

رهف بخوف : طب اتصلى على مراد 

مليكه : رنيت كتير مردش عليا وبعد كدا قفل التليفون 

رهف : طب اجهزى ونروح المستشفى 

مليكه : لا خليكى انتى عشان الولاد هروح انا اكيد مراد هناك 

رهف : ماشى يا حبيبتى 

مليكه شايله ملك ونازله من عالسلم جرى قابلت مهاب 

مهاب: فى اى مالك كدا

مليكه : ملك سخنه جدا وهوديها المستشفى 

مهاب بخوف: طب يلا انا جى معاكى 

###$$$$$$$$$$$$$$

بعد مدة وصلوا المستشفى 

مليكه : ها يا دكتور 

دكتور: دكتور مليكه تحاليلها مش كويسه لازم نعمل عمليه اللوز حالا 

مليكه بخوف : طب هتبقى كويسه مش كدا 

دكتور: متخفيش حاجه بسيطه 

جلال جه بسرعه : فى اى 

مهاب : ملك لازم تعمل عمليه اللوز 

جلال : تمام يا دكتور حضر العمليات وجهز كل حاجه 

مليكه راحت لجلال : هو مراد فين 

جلال بتوتر: مش عارف هو خرج من المستشفى من مدة ورنيت عليه كتير تليفونه مقفول 

مليكه بحزن : عن اذنكوا هدخل اشوف ملك 

جلال مسك التليفون : افتحه يا اخى افتحه 

اياد من وراه : برضوا مصمم انك متعرفش

جلال بتوتر: انا رايح اشوف ملك

اياد بص عليه ومشى

******************

عند مراد قاعد جنب اسراء وبيعملها كمدات وبدا ينعس على نفسه وقرر ينام عالكنبه اللى فالاوضه وراح نام عليها 

******************

مليكه ومهاب واياد وجلال قاعدين مستنيين الدكتور يطمنهم على ملك 

الدكتور خرج والكل راح عندة

مليكه : طمنى با دكتور بنتى عامله اى 

الدكتور: كويسه الحمدالله هتخرج دلوقتى وبكرة الصبح خدوها البيت 

معتز جه بينهج : مليكه ملك عامله اى 

مليكه بصدمه : انت بتعمل اى دا انت لسه متجوز امبارح 

معتز : ماما كانت بتكلم رهف تتطمن عليكوا وقالتلها وماما خافت فكلمتنى فجيت متنسيش انى انا اللى مربيها 

مليكه بحزن وبسمه : اكيد هى كويسه روح لمراتك انت 

معتز : لا طبعا انا هفضل لحد ما تخرج 

جلال قاعد بيحاول يوصل لمراد 

اياد راح عند جلال: برضوا مش هتتكلم وتقول اللى تعرفه

جلال بتوتر: اعرف اى يعنى انا همشى عشان عندى عمليه وهبقى اجى اطمن على ملك 

######################

صباح يوم جديد 

مليكه روحت هى وملك والكل ومليكه اخدت ملك اوضتها وقعدت جنبها 

********************

عند مراد 

اسراء: مراد اصحى 

مراد قام مخضوض : انتى كويسه 

اسراء ببسمه : اه الحمدالله تعالى عشان حضرت الفطار 

مراد قام وفطر ودخل الحمام وغير : انا همشى بقه ومسك التليفون ياه التليفون فصل شحن انا لازم امشى مليكه اكيد خاربه الدنيا 

اسراء: طبعا اتفضل وشكرا على تعبك 

مراد : ولايهمك لو تعبتى تانى رنى عليا وابقى خدى الدوا

اسراء ببسمه: ماشى 

#######$$$$$$$#$$

مراد روح ودخل عليهم لقاهم بيفطروا 

مراد : صباح الخير 

محدش منهم رد 

مراد : فى اى مليكه وملك فين يعنى مبيفطروش 

زياد: اصلك ملك عملت عمليه

مراد بتوتر: اى عمليت اى وهما فين

مليكه الصغيرة: فى اوضه ملك

مراد طلع جرى ودخل عليهم 

مراد : راح عند ملك وباسها من راسها وبص لمليكه 

اى حصل 

مليكه ببرود : تعبت وودناها المستشفى وعملنا العمليه لانوا كان لازم 

مراد راح عندها : طب مكلمتنيش لى 

مليكه بغضب : بجد انت عارف انت بتقول اى حضرتك انا رنيت عليك فوق الالف مرة من لما ملك سخنت لحد ما تليفونك اتقفل اى مكنتش فاضى ولا هتكدب عليا زى ماكدبت وتقول كنت فالمستشفى 

مراد بصدمه : اكدب 

مليكه بصوت عالى : ايوة كداب امبارح لما اياد سالك كنت فين قلتله كنت فالمستشفى وانا سكت رغم انى كلمت المستشفى وقالولى انك خرجت بالنهار ومرجعتش وامبارح انا روحت المستشفى ببنتى على امل انى القيك ملقتكش كنت محتجاك جنبى بس ملقتكش

مراد بحزن : مليكه انا انا 

مليكه متكملش  انت انانى انانى عايز كل حاجه ليك ملك بنتى لوحدى مش عايز حد يشاركنى فيها ولازم تعرف انى ابوها وعرفتها انك ابوها بس الابوة مش بالاسم يا مراد انت مكنتش موجود بس عارف مين كان موجود ابوها الحقيقى اللى رباها اللى كان لسه فرحه امبارح ساب مراته وجه لما عرف وفضل معاها للصبح هو دة ابوها هو دة اللى انت خرجتوا من حياتها ومنعتوا يشوفها لى عشان انانيتك 

مراد ؛ مليكه انا اسف بس حصلى ظرف 

مليكه : بطل كدب بقه انا مش عايزة اعرف انت كنت فين لانى مش عايزاك تقل من نظرى اكتر من كدا كفايه اوى لحد كدا واتفضل اخرج عشان تعبانه وملك لازم ترتاح 

مراد بوجع : حاضر وراح عند ملك وباسها ومشى 

وهو ماشى قابل اياد 

اياد بصله من فوق لتحت : انت خسارة فيك الابوة وخسارة فيك ملك ومليكه وسابه ومشى 

**************

مراد دخل اوضته وحط الموبيل عالشحن ورن على جلال

جلال : انت كنت فين يا بنى ادم وازاى تقفل التليفون

مراد : اسراء كانت تعبانه وروحت ومقدرتش اسيبها وحدها 

جلال بغضب: بس سبت بنتك ومراتك كانوا دايرين فنص الليل عشان دكتور سبت بنتك اللى المفروض تكون دعمها وسندها انت بقيت انسان غير مسؤل وصدقنى النهايه هتكون وحشه ومش هتعجبك 

سلام 

*********************

عند اسراء قاعده بتكلم نفسها: مش مشكله وجودها بحياتك انا هقدر اخليك تنساها بس ادينى فرصه اقرب يا مراد انا هخليك تكون ليا انا بس

يتبع..