نوفيلا تزوجت ملتزم الفصل الرابع 4 بقلم إيثار حسين

_هتفضلى كدا لغايه امتى_

هتفت بها صابرين بعدما دخلت غرفه مريم بينما نظرت اليها مريم بجمود

                           _جايه ليه_

           _جايه عشان اخليكى تفضفضى لى_

_انتى شايفه كل حاجه قدامك افضفض ايه بقى_

جلست صابرين بجوارها على الفراش هاتفه

        _طب انا عندى فكره تخليه يرجعلك_

     _وايه هى بقى الفكره دى يا فيلسوفه_

            _لو سمحتى متقاطعنيش_

هتفت بها صابرين بغرور مصطنع فنظرت لها مريم باشمئزاز وقالت بنفاذ الصبر

          _اخلصى يا ختى عايزه انبهر بافكارك_

       _عنيا، اسمعى بقى يا ستى …………….._

قصت عليها صابرين فكرتها ثم نظرت لمريم التى تنظر لها بغباء قائله

             _انتى مجنونه ولا مجنونه_

نظرت لها صابرين بغيظ وقالت

       _بقى انا مجنونه وانا الى مضيعه من وقتى وجيت اقعد معاكى واقولك افكارى، اما انتى خساره فيكى انى اشغل دماغى يا دوجه_

(مؤنث dog يعنى????????)

  _طب اطلعى برا بقى عشان لسانى ميفلتش_

 _طالعه يا ختى طالعه متنسيش بس تعملى الى قولتلك عليه وهتدعيلى_

 _او ممكن بردو ادعى عليكى وعلى افكارك المتخلفه دى_

خرجت صابرين بغيظ بعدما استمعت الى مريم بينما ظلت مريم تفكر هل هذا صحيح ام لا.

                           ******

                  _هو دا الى حصل_

هتف بها حازم ليقول ساجد 

       _بص يا حازم انت صاحب عمرى بس مينفعش انك تروح تكلم بنت، حتى لو انتى هتتقدملها حافظ عليها عشان لما تتجوزها تحافظ عليك، انت فاهمنى_

 _اه فاهمك بس دا الى اجى فى بالى معرفتش اقول ايه طنت عايز اعرفها انى هتقدم عشان متوافقش على حد لغايه لما اجى اتقدم_

      _ماشى، ايه رأيك بكرا نروحلهم وتتقدم_

              _طب افرض رفضت_

    _مش هى قلتلك لما تبقى تيجى تتقدم ابقى كلمها_

                        _اه_

_خلاص هنروح نتقدم بكرا وبعد ما تتخطبوا هات الشقه_

                       _ماشى_

         _هتيجلى بعد العشا عشان هنروح_

                       _ماشى_

اغلق ساجد الهاتف ثم خرج ليقف قليلا خارج المحل فرأى نفس رجل امس ولكنه يجلس بجوار بيت ويضم جسده ببروده فاشفق عليه ساجد واتجه اليه وجسى على ركبتيه ليقول الرجل

                     _س سقعان_

نظر اليه ساجد بشقفه وحزن ثم خلع سترته ووضعها عليه ثم اسنده واتجه الى منزله.

دخل المنزل وهو يضم ذلك الرجل المسن ولتقابله والدته 

           _ايه الى حصل يا حبيبى ومين دا_

        _اعملى اكل يا امى وتعالى اوضتى_

                        _ماشى_

اتجهت هى الى المطبخ لتعد طعام دافى بينما دخل ساجد غرفته ومدد الرجل على فراشه ثم ذهب الى غرفه والديه واخرج ملابس خاصه بوالده ثم عاد إلى غرفته مره ثانيه، ساعد الرجل فى ابدال ملابسه وبعد ساعه تقريبا دخلت والدته ومعاها حساء ساخن والدجاج المسلوق.

اخذ منها ساجد الطعام قائلا

                         _شكرا يا امى_

               _العفو يا حبيبى ربنا يشفيه_

جلس ساجد بجوار ذاك الرجل وبدأ فى اطعامه ليقول الرجل

                 _ربنا يكرمك يا رب_

                          _يارب_

بعد مده ليست قصيره جدا كان انتهى ساجد من اطعامه فنادى والدته لتأخذ الطعام ثم هتف موجه حديثه الى الرجل

                     _بقيت احسن_

          _الحمدلله يا بنى، لسه مرجعتلكش_

                    _ههه لاء لسه_

           _انت عارفه ايه الى وصلنى لكدا_

                            _ايه_

             _انا كنت شاب صغير زيك كدا، حبيت واحده وخطبتها رغم انها كانت رافضه بس وافقت عشان اهلها المهم فتره الخطوبه كانت اسبوعين وبعد كدا اتكتب كتابنا، مكناش بنتشاكل بس فى مره اتشاكلنا على حاجه تافهه ولما انا قولتلها مش هكلمك غير لما تعتذر هى زعلت بس لما اجت تعتذر عربيه خبطتها قبل ما تجيلى وماتت ومن ساعتها وانا متجوزتش عشان كنت بحبها وعايزها تحبنى، انا مش بقولك كدا عشان تشفق عليا انا بقولك كدا عشان لنا جيتلك امبارح وانت قولتلى ادعى انها ارجعلك فبقولك متستنهاش ترجع انت الى روحلها ومتستسلمش لغايه لما تبقى مراتك، الدنيا تلت ايام امبارح والنهارده وبكرا استغلهم عشان تعيش حتى لو يوم سعيد_

      _فعلا الدنيا مش مستهله زعل او خصام_

 _طب يلا بقى روحنى وشكرا على الهدوم_

                        _حاضر_

اسنده ساجد حتى خرج من المنزل وبعدها سأل على عنوان منزله واوصله ثم ذهب الى مسجده لصلاه العصر.

                          *****

كانت تجلس على الفراش كالعاده ولكنها نهضت بعدما حسمت رأيها على انها هى من ستعتذر ولكن دخول والدتها المفاجىء قاطعها عن اكمال ارتداء ملابسها.

   _ساجد برا مستنيكى غيرى هدومك وتعالى_

                       _مين برا_

هتفت مريم بصدمه لتعيد والدتها كلماتها

      _ساجد الى برا غيرى هدومك وتعالى_

                   _حاضر هغير وهاجى_

خرجت والدتها بينما هى فبدلت ملابسها بفرحه ثم خرجت وعندما رأته اتجهت اليه وبتلقائيه ضمته وبكت.

      _انا اسفه والله مش قصدى بس انا مش بحب حد يصحينى من النوم_

              _خلاص اهدى متعيطيش_

هتف بها ساجد وهو يربت على ظهرها لتأتى صابرين قائله بمشاكسه

             _الله الله انتو استحلتوها بقى_

فقالت مريم بغيظ ولم تبتعد عن ساجد

                     _بس ابت_

    _اكمنى لا ليا لا حبيب ولا قريب ولا غريب ولا بعيد_

هتفت بها صابرين ليقول ساجد

               _بكرا هيكون ليكى حبيب_

                          _ازاى_

هتفت مريم وهى تبتعد باستغراب ليجيبها  ساجد 

                      _بكرا هتعرفى_

      _طب انا هدخل اريح شويه، عايزين حاجه_

هتفت بها صابرين ثم دخلت ليقول ساجد ومريم فى نفس الوقت

                    _ لاء مش عايزين_

دخلت صابرين الى غرفتها بينما نظرت مريم الى ساجد الذى جلس على الاريكه بجمود.

                         _ساجد_

                          _نعم_

            _انا اسفه والله مكنش قصدى_

                   _امممم وبعدين_

اقتربت منه وجلست بجواره ومسكت يديه فنظر هو الى يديهم المتشابكه ثم نظر لها لتهتف 

                _مش بتتكلم ليه_

                  _اقول ايه يعنى_

                    _كنت جاى ليه_

               _بدأنا فى طوله اللسان تانى_

   _ما هو انت مش بتتكلم فقولت اسأل انت_

نظر لها ساجد بسخريه وهتف

          _كتر خيرك ليه بتتعبى نفسك كدا_

               _ممكن بقى تبطل سخريه_

                        _بطلت اهو_

                         _ساجد_

                          _نعم_

                    _لسه زعلان_

                      _مش اوى_

       _طب اعمل ايه تانى اتسفتلك مرتين_

                 _متعمليش، انا همشى_

انهى جملته ونهض ولكن امسكت مريم يده وجذبته واتجهت به الى غرفتها واغلقت الباب غلفهم.

                _جيبانى هنا ليه_

هتف بها ساجد لتقول مريم بغضب

  _هاتلى سبب واحد يخليك مخاصمنى لغايه دلوقتى_

          _مش يمكن طوله لسانك_

  _والله، بص يا ساجد انا اتأسفت كتير وزى ما انا اتنازلت انت كمان لازم تتنازل_

           _اتناول ايه هو مين فينا الغلطان_

            _انا الى غلطانه بس اتأسفت_

      _الحكايه مش حكايه انك تتأسفى وبكدا مش هزعل الحكايه انك المفروض تبادلينى الثقه والحب_

صمت لثوانى ثم استكمل

  _انا لما خطبتك خطبتك عشام بحبك اما انتى وافقتى عشان اهلك مش اكتر، صح ولا لاء_

  _صح بس انت حاليا لو اتقدمتلى تانى مش هوافق عشام اهلى، هوافق عشان بحبك يا ساجد_

يتبع..