رواية قلوب متوهجة الفصل الرابع 4 بقلم إيمان كمال
 |
| رواية قلوب متوهجة الفصل الرابع 4 بقلم إيمان كمال |
رواية قلوب متوهجة الفصل الرابع 4 بقلم إيمان كمال
– اسكتي أنتي طيبة ومش فاهمه أي حاجة، أنا مجرمه، أنا اللي ساعدت ابوكي أنه يفرق بينك وبين نبيل.
– أيه اللي بتقوليه ده؟ مستحيل أنتي تعملي كده؟ طب إزاي ! اتوقع من اي حد الا أنتي ! أنا مليش غيرك صاحبه وأخت، أنتي ياشاهي تدبحيني بالشكل ده؟ أنا كنت بموت قدامك كل يوم الف مره، وهونت عليكي تسبيني كده، مش ممكن !
– سامحيني كان غصب عني، كنت بموت عشانك، بس مقدرتش أرفض، ابوكي استغل احتياجي للفلوس عشان عمليه بابا، كنت عايزة مبلغ كبير أوي، لما عرف أن حالة بابا صعبه ومحتاج عمليه خطيرة عرض عليا يجيب دكتور من بره متخصص مقابل أني أنفذ معاه خطته.
– خطة أية؟
– هقولك كل حاجة.
“اخذت نفس عميق، واخرجته ببطئ، ثم أكملت”
اتفق معايا إني اوريكي الفيديو اللي صوره، وأكد أنه طمعان فيكي.
– بابا…! بابا صوره إزاي؟ وهل نبيل كان عارف وواعي بكل ده؟
– ابدا والله مايعرف؛ ابوكي كان موصي حد يراقبه ويتابعه من زمان، ويبلغه بكل حاجة عنه، بحيث يستغل اي غلطة عشان يفضحه عندك، ولما فشل بالصدفه أكتشف أن واحد جاره ساكن معاه، بيحقد عليه وبيكره، واتخانق معاه؛ ابوكي خلى الراجل اللي بيراقب نبيل يتفق معاه، واداله مبلغ كبير اوي عشان ينفذ المطلوب.
قاطعتها باستفهام متسائله:
– اية هو المطلوب ده؟
– أنه يروح عنده ويعتذرله، ويبين آسفه الشديد، ولما يقبل اعتذاره، يطلب منه يشربوا شاي مع بعض، وفي لحظه يحطله مخدر قوي في الكوبايه، ولما يتأكد أنه نام خالص، يشيله يحطه على السرير، ويقلعه هدومه، والبنت اللي كان متفق معاها تدخل ويصور المشهد فيديو، وبعد ما خلص، لبسه الهدوم تاني، وكأن محصلش اي حاجة، والباقي أنتي عارفاه.
كانت تسمعها كأنها تسرد لها قصة فيلم سينمائي هابط، غير مصدقه لما تفوهت به، صدمتها في صديقتها أشد من صدمتها في والدها، الذي طوال عمره يفكر في أمر واحد في الحياة ويكيل الناس به؛ هو المال، من يمتلك المال فهو يستحق الأحترام والتقدير، أما المجتهد الذي يعمل بشرف ينظر له بأنه طامع في ثروته الضخمة؛ لذا كان يكره “نبيل” لأنه مكافح في الحياة، لقد أستغل أحتياج أعز صديقة لها لنشاركه في هذه المؤامره الحقيرة، والآن واقفه عاجزة أن تغفر لها، وتصفح، ظلت صامته ودموعها وعيناها هي من تتحدث، وتعاتب، نطقت “شاهي” بعد طول الصمت رادفه :
– ارجوكي بلاش تسكتي كده!
اشتميني، أضربيني حتى، أنا راضيه، أو اطرديني من حياتك كلها، بس بلاش تكتمي وتبكي عليا، أنا مستحقش دمعه واحده من عيونك، ربنا عاقبني ياندى أشد عقاب، اللي عملت عشانه كده، مات وسابني، كفاية عليا وجعي، ارحميني عشان خاطري.
– عشان خاطرك..! وأنا كان فين خاطري عندك ياشاهي لما اشتركتي ودبحتيني معاه؟ طب كنتي اطلبي مني وأنا اتصرفلك مهما كان المبلغ، كنت هحاول اجمعه ليكي، بدل ما تبعيني معاه.
– والله ما فكرت غير إني أنقذ ابويا، والدك مدنيش اي فرصة للتفكير، أستغل لحظة ضعفي، وضرب على الحديد وهو سخن، وكل حاجة جت بسرعه معرفش إزاي؛ زي ما أكون مغيبه ومش في وعي، خصوصاً أن حالة بابا كانت متأخرة جدا، ومحتاج لتدخل فوراً.
وحياة نبيل عندك سامحيني.
– نبيل…! أنا نفسي مش عارفه هقدر اواجهه إزاي، وأعتذرله بأي وش. أكدب عليكي لو قولتلك أني هقدر أسامحك، غير في حالة واحده.
– إيه هي قولي بسرعه؟ أنا مستعده أعمل اي حاجة تطلبيها مني.
– لو نبيل سامحني؛ هسامحك ياشاهي.
– أنا هعمل المستحيل عشان يسامحك، هقابله واعرفه أنك كنتي ضحية مؤامرة محبوكه من والدك، أنا هقوم حالاً وأروحله، ويارب يسمعني.
أنصرفت للذهاب إليه، وشرحت كل شئ له بالتفصيل، رفع يده وشكر ربه على ظهور براءته أمامها، لكن قلبه مازال ينزف دماً علي من أحبها ولم تقف وتكذب الجميع، جاهدت “شاهي” في التوسل إليه ليغفر لها ويسامحها، لكنه آبى بشده، وقال :
– اللي ينكسر عمره ما يتصلح تاني، وأنا جوايا شرخ عمره ما هيلتئم من جديد، وجرحي من ندى عميق أوي.
– أرجوك بلاش تظلمها، اديها فرصه ثانيه اسمعها فيها، والله ندى مظلومه وضحية أب أناني، مش بيفكر غير في الفلوس وبس.
– خلاص ياشاهي؛ اللي كان بينا أنتهى، وندى قطعت كل الخيوط اللي بتربطنا، وأنا يكفيني أن براءتي بانت وظهرت، مش عايز حاجة تاني.
شعرت باليأس من حديثه، وتركته حزينة إلى منزلها، فلم تستطع مواجهة صديقتها مرة أخرى؛ لكنها قررت أن تتركه وتعاود محادثته مره ثانيه.
“بـــــاك”
افاقت “ندى” من شرودها وتذكرها ما مضى، على صوت آلة تنبيه خلفها، لم تشعر أنها أقتربت من منزلها وتسائلت نفسها، كيف سارت كل هذه المسافة البعيده من منزله إلى هنا سيراً على اقداماها؟ كيف نسيت أنها لم تستقل سيارتها، وتركتها بجوار منزله؟
الهذه الدرجة كانت تائهه لا تعي، فاقده كل حواسها؟!
دلجت بالداخل وجدت والدها يجلس في هول القصر قال متسائل :
– كنتي فين ياندى؟
– كنت بصلح غلطي.
“قالتها بمرار”
نظر لها بتعجب وقال متسائل :
– غلطة أية ياحببتي؟
وإلى هنا تنتهي احداثنا عند هذا الحد لنتعرف غدا ماهي هذه الغلطة؟
يتبع..
