رواية مالك قلبي الفصل الرابع 4 بقلم بنت الصعيد
 |
| رواية مالك قلبي الفصل الرابع 4 بقلم بنت الصعيد |
رواية مالك قلبي الفصل الرابع 4 بقلم بنت الصعيد
في المدرج يدخل المعيد
المعيد …أنا هديكوا المحاضرة مكان دكتور مالك لأنه عنده ظروف وماجاش الجامعة انهاردة
مي ظلت شاردة طول المحاضرة وهي تفكر هل حدث له مكروه أم ماذا
انتهت المحاضرة وانصرف المعيد
مايا بخبث…..مي انتي قولتي للدكتور مالك انك مريضة
سها …..ايه يا بت المياعة اللي انتي فيها دي اه قالتله ياختي وموافق من كل قلبه اطلعي منها انتي بقا
مايا أحست من نظرات مي أنها لم تقول له شيئا
مايا ….باي بقا أنا ماشية
سها …. بهمس …في ستين داهية
مي ….سها انتي ليه قلتلها اني قلت ل مالك عن مرضي
سها…عشان أنا قلتله واتمسك بيكي اكتر لما عرف
مي ….بفرحة …بجد ….هاتي تليفونك مش الدكتور كلمك
سها …اه خدي اهو مسجلاه ب مي٢
مي ….بابتسامة …ليه يعني
سها ….انتي عايزة حمزة يقتلني دا مجنون
مي اتصلت علي مالك وكان مشغول
بقلمي :إيزيس بنت الصعيد
___________________________________
مالك يقود سيارته ويتحدث عبر الهاتف
مالك ….أيوا إن شاء الله هاقدر يا ماما متقلقيش ..أنا هعمل كل اللي اقدر عليه وربنا يحنن قلب جدي بقا
نادية …ربنا معاك يا حبيبي دا راجل صعب وابوك مالوش راي معاه ربنا يستر أنا خايفة عليك يا مالك
مالك …متقلقيش يا ماما خير ان شاء الله بقلك طب سلام بقا في حد بيرنلي
مالك …الو مين
مي ….أنا مي يا دكتور انت ليه ما جيتش الجامعة انهاردة انت كويس
مالك ….امم .انا تمام ..ماتخافيش انا رايح الصعيد يومين وراجع تاني ..اكيد طبعا انتي انهاردة فهمتي المحاضرة كلها عشان أنا مش موجود
مي ببراءة…ولا فهمت ولا حاجة ..أنا طول المحاضرة وانا قلقانة وبفكر انت ليه ما جيتش ..وايه حصل معاك
مالك ..بضحك…..يعني ولا نافع أنا موجود ولا مش موجود لا بقا انا عايز تقدير انتي فاهمة أنا هذكرلك لما ارجع إن شاء الله
مي…. تمام أنا هقفل عشان تاخد بالك من الطريق ..سلام
مالك …سلام يا قلبي
مي سمعت هذه الكلمة وتاهت غير مستوعبة
سها بمكر ….هو قالك ايه خلاكي تسيحي كده دا شكله شقي اوي وانا اللي فاكراه محترم
مي …انتي ايه يا بنتي الفاظك دي ولا حاجة قالي يا قلبي
مي لاحظت شرود أمل وأنها لم تتحدث منذ الصباح
مي…أمل فيكي ايه أنا ما سمعتش صوتك من الصبح خير
أمل ..والدموع ملأت عينيها …مافيش
سها …انتي هتشتغلينا ما تخلصي يا حجة
أمل …بعصبية ….سها أنا مش حجة ميت مرة قلتلك ما تقليش كده تاني فاهمة أنا ماشية(فضلا يا جماعة ماحدش يتريق علي ذات الخمار او النقاب وينعتها بالفاظ اكبر من سنها فهي تنفذ شريعة الله التي معظمنا تاركها هداني الله وإياكم ????)
سها مسكت ايدها …..أمل انتي عارفة اني بهزر صح
أمل …جلست مرة أخري…..ووضعت يديها علي وجهها لتخبئ دموعها …وقالت …يوسف اتجوز واحدة اجنبية ومش هيرجع مصر تاني
قامت مي وسها واحتضنوها
مي …أخص عليكي يا أمل وليه ساكتة دا كله كاتمة ف قلبك من الصبح ليه
سها …الواطي السافل المنحط ابن ال…..
مي نظرت إليها لتسكت
سها …ولا تزعلي نفسك بكرة تنسيه وتحبي واحد احسن منه بميت مرة
مي ….اهدي يا أمل يمكن يعرف غلطه ويرجع في يوم من الايام يوسف كان بيحبك اوي مستحيل ينساكي بسهولة كده
مي لمحت كريم وركدت نحوه
مي …انت فين يا ابني أنا استنيتك الصبح وانت ما جيتش تاخدني ليه
كريم بقلق …هي مليكة قالتلك حاجة امبارح
مي. ..بتعجب …حاجة زي ايه
كريم …زي اني جيت سألت عليكي بس خلاص مش مهم
أنا ماشي
مي ….هتاخدني معاك ولا هتستندل
كريم ….وانا اقدر استندل معاكي يا روح ابن عمك
مي…حبيبي يا كيمو????تمام أنا هجيب أمل نوصلها معانا
كريم …تمام أنا مستنيكي
بقلمي :إيزيس بنت الصعيد
_______________________________________
في الصعيد
مالك يدخل منزلهم الفخم كالقصر فجده رجل ثري وهو عمدة البلد
طفل عمره اربع سنوات ركد ناحية مالك
ابوي ..ابوي
احتضنه مالك …وتحدث بالهجة الصعيدية …عامل ايه يا زين وامك كيفها
زين…..اني كويس وامي كويسة انت كيفك
مالك …قبل زين ….اني كمان بخير يا حبيبي فين جدك
زين….في الدوار يا بوي
مالك ذهب لجده في الدوار
العمدة محمود السيوفي…..اهلا اهلا بالدكتور كيفك يا واد ادهم السيوفي
مالك ….أنا بخير يا جدي طول مانت بخير انت صحتك عاملة ايه
العمدة … الحمدلله يا ولدي نحمده علي كل حال…ماجلتليش(قلتليش) ايه اللي جابك فجأة أكده مش متعود تاجي من غير ما تتصل
مالك ..أخذ نفس طويل ….جدي أنا مش هلف وادور عشان عارفك تحب الكلام يكون دغري …أنا عايز اجوز واحدة من بحري(يقصد القاهرة)
العمدة ببرود…وماله من شابه أباه فما ظلم..ابوك عملها جبل(قبل) اكده
مالك ….بس انا مش هتجوز اتنين زي ابويا أنا هطلج(هطلق) ياسمين
العمدة بعصبية….انت اجنيت اياك كيف تفكر انك تطلج بت عمك دا لا يمكن يحصل ابدا …انت اتخبلت اياك …أنا موافج انك تتجوز تاني لكن ياسمين وزين مافيش تفريط فيهم فاهم والا لا دا أمر انكتب عليك
مالك …بتوسل ..جسي علي ركبتيه ومسك يد جده
احب يدك يا جدي أنا لو اتجدمت للبت اللي عايزها واهلها عرفوا اني متجوز هيرفضوا …حرام عليك يا جدي
العمدة …..خلص الكلام …اني جولت اللي عندي عاجبك ولا مش عاجبك
مالك … دا ظلم يا جدي
العمدة…بخبث….وانت ليه تعرف أهلها انك مجوز انت مش هتسكنها في في البندر …ماجيبش سيرة لناسها واني هواجف معاك بس تروح تجول لياسمين علي كل حاجة خلاص
مالك …بتردد….تمام بس لو عرفوا
العمدة ….ماحدش هيعرف جمد جلبك ماتبجاش خواف
…انصرف مالك وهو محبط تماما
عاد إلي المنزل فوجد ياسمين جالسة في انتظاره (ياسمين جميلة جدا عيناه عسلية وتشبه مالك بحد كبير هي تقريبا ٢٥سنة وهي طويلة ومتوسطة الحجم بيضاء
مالك ….كيفك يا ام زين
ياسمين …تواك ما افتكرت تسأل يا واد عمي
اني زينة بس زين اللي مش عيبطل يسأل عليك
مالك ….بجمود…اني مشغول وانتي عارفة أكده
ياسمين….ماعدتش تفرج المهم حمدالله علي سلامتك
تركته وصعدت غرفتها وتبعها مباشرةً
مالك دخل الغرفة واغلق الباب وجدها تجلس علي السرير
مالك …انا بحب
ياسمين …..نظرت له ببرود شديد
مالك ….ياسمين ردي عليا بجلك(بقلك) انا بحب واحدة تانية
ياسمين ..بصوت جوهري…وعايز مني ايه يعني اجوم ازغرط ولا ارجص انتوا حطمتوا حياتي وانت دلوجتي عايز تبتدي حياة جديدة بكل برود …انت اصلا مجرر انك تجوز هيفرج ايه رأي معاك ….ولو جلت مش موافجة هتلغي جوازتك
مالك اقترب منها وضمها الي صدره ولكن ضمة اخ ليس زوج
اني اسف يا ياسمين اني وانتي اتحطينا في الظروف دي غصب عننا واني والله حاولت علي جد (قد)م اجدر اني ابعد عن البت اللي حبيتها بس مش بيدي يا بت عمي الحب دا صعب جوي
ياسمين في نفسها …..(انت هتقولي)……خلاص يا مالك اجوز اني اصلا أكده ولا أكده عايشة عشان زين وبس
مالك قبل رأسها وقال لها …انتي بجيتي بخيلة أكده ليه اني جعان روحي حضريلي لقمة اكلها …بالحج فين امي فاطمة
ياسمين مسحت دموعها ….امي فاطمة راحت تعزي في واحد جريبها مات وزمانها جاية
مالك رن هاتفه .وياسمين لاحظت أنه لا يريد التحدث أمامها فانصرفت
مالك …. وحشتيني
مي …..انت وصلت الصعيد
مالك …امممم ..بس راجع قريب عايزة تعرفي أنا روحت الصعيد ليه
مي ….امم عايزة اعرف
مالك ….عشان اجيب جدي واجي اخطبك
مي ….بفرحة ….بجد
بقلمي: إيزيس بنت الصعيد
______________________________________
في منزل كريم
الفت (ام كريم) …..يا حبيبي مش هينفع تقعد لوحدك في الفيلا أنا مش هكون مطمنة عليك دانت ممكن تموت من الجوع هو أنا مش عارفاك …يابني خلينا نطلع العمرة أنا وباباك واحنا مطمنين عليك
كريم ….يا ماما يا حبيبتي انا مش صغير عشان تقلقي عليا
كده لو سمحتي بقا اهدي
الفت ….وانت ليه مش عايز تقعد في بيت عمك لغاية ما نرجع ها انت مش بتقول انك بتحب طنط سارة وبتحب اكلها جدا ودي فرصة ليك تقرب من مي وتصارحها بمشاعرك يا موكوس
كريم …..مي …بضيق ….خلاص سيبيني افكر بقا وابقي ارد عليكي ………..
تم