Uncategorized

رواية البنات بتحب مين الحلقة الرابعة 4 كاملة

 رواية البنات بتحب مين الحلقة الرابعة 4 كاملة

رواية البنات بتحب مين الحلقة الرابعة 4 كاملة

رواية البنات بتحب مين الحلقة الرابعة 4 كاملة

حاتم خرج من الحمام ورايح لهناك عندها… وهو بيفكر هيبدا الكلام ب ايه ، يبدا ب ايه…وخصوصا انه اول مره يتكلم مع بنت وبعد كدا ، افتكر انه مايعرفش اسمها لسه….
– اه صحيح انا معرفتش اسمك ايه ؟!
= انا منى ، وانت اسمك ايه
– حاتم ، شوفتي باه خرجنا مع بعض من غير ما نكون عارفين اسم بعض هههه
= شوفت انت باه هههههه
– عارفه البنت لما تخرج مع حد وهو مش عارف اسمها ولا هيا عارفه اسمه بيكون رايحين يعملو ايه اصلا ههههه
* البنت بتبرق لحاتم *
* حاتم بيعرف ان عك الدنيا وبيبرق هو كمان *
* صوت متكرر جوه دماغ حاتم بيقوله غير الموضوع ، غير الموضوع*
– انتي ليه كنت بتتخانقي الصبح مع الشخص الي مرتبطه بيه…
= هو انت كنت مراقبني؟!!!
*حاتم بيكلم نفسه*
-وبعدين باه ف العك الي عمال انيله من الصبح دا
* حاتم بيبتسم وبيقولها *
– وحد يقدر يشوف حد بجمالك ومايرقبهوش
*منى بتتكسف ، وبتبص فوق*
* حاتم كان عامل فرح جوه ف دماغه*
– كان بيخونك صح….قوليلي
= بيخوني….ياريت كان بيخوني….دا عاوز يسبني
-*حاتم بيتكلم مع نفسه *
– يلا احسن ، يابخت من زار وخفف…ثانيه واحده ، ثانيه واحده
* بيبصلها *
– انتي قولتي ياريته كان بيخونك!!!
= اه
– نعم!!…هو بيشرب شاي ، دا بيخونك…مش رايح يحلق شعره
= انت بتزعقلي ليه؟!
 – لا مش بزعقلك ، بس مستغرب من كلامك
= اصل انت مش فاهم انا بحب فرغلي جدا
– ثانيه واحده قبل ما تكملي . . اسمه فرغلي!!
=اه
* حاتم بيكتم ضحتكه *
= على فكره لو عاوز تقلش على اسمه اتفضل ، انا من ساعه ما حبيته وانا اتهريت قلش
– اصل فرغلي دا كان اخر حد اتسمى بيه كان صاحب محلات فرغلي وتقريبا خده حق احتكار عشان محدش بقى يسمي الاسم دا اهاهاهاهاهاهاهاهاهاهاها 
=خلصت ولا عاوز تكمل قلش
– اخر واحده ، اخر واحده
= ها اتفضل
– عارفه لما هتتجوزيه بعد الشر يعني  . . عشان انا هقتلك واقتله لو اتجوزتو
= نعم؟!!
– المهم انك لما هتجوزيه عمرك ما هتشربي عصير قصب من بره تاني
= اشمعنى يعني؟!
– عشان فرغلي بقى عندك ف البيت نيهاهاهاهاهاهاهاهاهاهاهاهاهاهاهاهاهاها 
= خلاص كدا!!
– اه خلاص ، اه يابطني ، اه يابطني…انا بطني وجعتني من كتر الضحك….نرجع لموضوعنا عاوز يسيبك ليه
= مش عارفه  ، ماهو دا الي هيجنني
– بصي يامنى….
* منى بتطلع الموبيل من شنطتها وبتحطه على ودنها وبتقوله ثانيه واحده *
– رد باه . . رد باه عشان خطري…
* حاتم من جواه عمل صوت اشبه بلي بنعمله واحنا نايمين وقال لفظ اعتراض قبيح شويه*
– هو انا للدرجه دي شفاف عشان تكلمي حد غيري  !!!
*منى بتتعصب ، وبعد كدا بتبعت فويس مسج *
= رد عليا عشان خاطري يافرغلي ، انا بحبك اوي والله ومش قادره ابعد عنك
*حاتم كان هاين عليه ان الارض تنشق وتبلعه ولا انه يتحط ف موقف زي كدا*
طبعا لحظات صمت كتيره بينهم هما الاتنين..وحاتم بيكلم نفسه وبيقول 
يارتني ماجيت .. انا الي استهال انا عارف من الاول انها مش بتحبني ومرتبطه اصلا…يبقى استهال والله….
فجاءه موبيل منى بيرن ، وهيا بتصرخ من السعاده  لانه كان فرغلي و حاتم الي قلبه عمال يتقطع من الحزن والجرح مع كل لحظه بيشوفها بتكلم فرغلي…كان باصص حزين ليها….كنت نظرته ليها نظره اخيره وهو بيقول لنفسه انا عمري ما هكمل ف العلاقه دي تاني او افكر فيها…
بعدها بشويه بيدخل راجل الكافيه الي هما فيه….بحركه سلو موشن .. رجل كانت عيونه خضرا وشعره اسو لكنه كان اشبه بشعر وائل كافوري…دقن خفيفه جميله….لدرجه ان حاتم لما شافه قال…
– اوه my God …دا فعلا لازم تزعلي عليه لما يسيبك وبعد كدا بيقرب منها ويقولها
– يعني ابوه اتعمى ف كل الاسماء ومالاقش غير فرغلي…مش لايق حتى عليه والله…
قرب منهم فرغلي وقعد ما بين منى وحاتم…ف حاتم قال ف نفسه
* خلاص مش قادر تقعد  بعيد عنها ، ما انت كنت من شويه هتسبها…دا انت غتت*
= حبيبي دا الشخص الي انقذني الي حكيتلك عنه
فرغلي بص على حاتم وقاله انا متشكر جدا ، انت ماتعرفش منى غاليه عندي وبحبها اد ايه
– والله كلنا بحبها مش انت بس
فرغلي ومنى ف نفس واحد
= نعم!!
* حاتم ف سره ، انا احسن حاجه اقوم اروح بدل ما انا بعك الدنيا من الصبح *
– قصدي يعني يابختك بيها ربنا يخليكم لبعض…انا هضطر استاذن واروح ، سلام عليكم
روح حاتم  ، وراح للورشه بتاعه النجاره الي بيشتغل فيها عشان يجيب منها مصاريف الكليه  ومصاريف البيت لامه واخته واخوه….وهناك احمد وابراهيم بعد الكليه عدو عليه ف الورشه
احمد : ايوه ياعم كانت بيضالك ف القفص النهارده
ابراهيم : فحبيبه قلبك ياولدي….
بيقاطع كلامهم حاتم وبيمد ايده ب 300 جنيه لاحمد وهو بيقوله خدهم
احمد : انت جبتهم امتى؟!…انت شغال هنا من بدري
حاتم بنبره فيها حزن : انا مصرفتهمش اصلا
ابراهيم : ليه يابني بس ف ايه مالك…
حاتم : اقعدو ، اقعدو .. انا هعمل شاي لينا واحكي الي حصل
بعد ما حكى حاتم الي حصل 
احمد : مش عارف اقولك ايه والله
ابراهيم : بص احنا باليل هنخربها بلايستيشن عشان تفك كدا
حاتم : ماشي بس محدش فيكم هيلعب بيوفنتوس
بيضحكو هما الاتنين وبيقولوله ماشي ياسيدي
عدى 3 ايام من ساعه اخر مره كان حاتم قابل فيها منى….وهو خلاص قرر انه ينساها…ويطلعها من دماغه
فجاءه موبيله بيرن وهو كان ف الورشه بيشتغل
– الو؟!
* صوت رقيق لكنه كان بيبكي*
= حاتم معايا 
– ايوه مين؟!!
= انا منى
– منى؟!!!!!!
= حاتم انا عاوزه اشوفك دلوقت ضروري  ، تقدر تيجيني عند كليتك انا مستنياك عند كليتك…ماتتاخرش عليا
– حاضر  ، حاضر مسافه السكه…
بيقفل معاها وبعد كدا بيسال نفسه….هيا جابت رقمي من فين؟!!!!
يتبع..
لقراءة الحلقة الخامسة : اضغط هنا
لقراءة باقي حلقات الرواية : اضغط هنا
نرشح لك أيضاً رواية حكايات عروسة للكاتبة آية موسى

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى