رواية أحببت صعيدية الفصل الرابع 4 بقلم ياسمين ابراهيم
 |
| رواية أحببت صعيدية الفصل الرابع 4 بقلم ياسمين ابراهيم |
رواية أحببت صعيدية الفصل الرابع 4 بقلم ياسمين ابراهيم
معاذ ــ بصي مش هسيبك يعني مش هسيبك
صفا ــ ياود عمي اكده مش هينفع، دلوك يعرفو اني مش في اوضتي وتبقي نصيبه
معاذ ــ مش هسيبك غير لما اخلص منك الحركه بتاعت النهارده،
صفا ــــ لا بقولك ايه، اوعا عقلك يقولك اني هبكيلك علشان تهملني اطلع، انا ممكن ارزعك علقه اكسر فيك حاجه
معاذ ــ يابت اتكسري عشان اعطف عليكي
صفا ـــ والله ما حد هيتكسر غيرك النهاردة، وبتمسك الفازه، بعد عني لا اخبطك بيها مخلكش تنفع تانى
معاذ ـــ بقااا كده، وبيمسك ايدها ويكتفها
صفا ـــ هملني يا ود المحروق يا قليل الحيه
معاذ ـــ الشيطان بيوزني عليكي ف بالذوق والادب اعتزري يمكن قلبي يحن
صفا ـــ تدوخ وبصوت واطي، هملني
معاذ ـــ صفا مالك، بيسيب ايدها ويسندها ويقعدها على السرير
صفا ـــ هممم مش قادره اقف، شويه ميه الله يخليك
معاذ بلهفه ـــ حاضر حاضر، بيسيبها وبيطلع برا الاوضه علشان يجبلها ميه
صفا ـــ يحرق الي جابك يا بهيم، وبتطلع تجري من الاوضه وتدخل اوضتها
معاذ ـــ جبتلك الميه اهو يا صف.. اه يابنت النصابه، عرفت تكدب عليه، ماشي مش هعدهالك
ـــــــــــــــــــــــــــــــــــــــــــــــــــــــــــ
في اليوم التالي،
صفا ـــ ياماي مش عارفه احبس الخروف في الزريبه
زينب ـــ هو طلع تانى، انا كرهت الخروف ده، مش عيبطل نطح فينا، مش عارف ميته يتدبح ونخلص منه
صفا ـــ عندك حق يامه، ده عاوز رجاله علشان تقدر عليه
زينب ـــ طيب وبعدين دا ابوكي طلع من بدري
صفا ـــ طيب ما تقولي ل ود عمي يجي يحبسو هو مش راجل ولا ايه
معاذ ـــ يطلع من اوضته ويبص ل صفا، بحده، سامع اسمي خير
زينب ـــ منستغناش يا ولدي
صفا ـــ ايه يامه انتي مكسوفه تقوليلو يجي يحبس الخروف اللي عاوز رجاله تحبسه
معاذ ـــ خلاص يا ستى تعالي وريني الخروف ده اللي مخوفك
زينب ـــ بلاش يا ولدي، ده خروف عفش وبينطح
صفا ـــ جرا ايه يامه وهو ود عمي هيخاف من حتت خروف، تعاله يا واد عمي
معاذ ـــ يبصلها بحده، جاي اهو، احنا لازم نربي البهايم اللي بتطلع من الزريبه من ورانا
صفا ـــ صح يا واد عمي وياريت تربي العجل عشان قليل الادب وعاوز الدبح
زينب ــــ خلاص يا ولدي تعاله هروح معاك نحبسه،
صفا ـــ لا يامه انتي ارتاحي اش قدرك انتي تحبسي الخروف، وبعدين ده ممكن ينطحك
معاذ ـــ صح يا مرات عمي، انا هروح اربيه واعلمه الادب واجيلك، اصل مش هينفع تشوفيني انا وبربيه
ـــــــــــــــــــــــــــــــــــــــــــــــــــــــــــ
معاذ ـــ بس ع فكره مش هنسالك حركة امبارح،
صفا ـــ ولا انا ناسياها، تعاله بس اهنه جمب باب الزريبه عشان تمسك الخروف وبعدها نتحدت
معاذ ـــ طيب فينه
صفا ـــ تفتح باب الزريبه وتنده على الخروف
معاذ ـــ يفتح عينيه على الآخر، ده خروف
صفا ـــ ههههه ايوه والحق نفسك عاد يا عريس، وبتزق الخروف نحيته
معاذ ـــ يجري حولين الزريبه والخروف وراه، وربنا لا اطحنك يا صفا،
صفا ـــ ههههههههههههههه اباي عليك امال امبارح كنت عامل فيها خط الصعيد ليه
معاذ ـــ يدخل الزريبه ويقفل على نفسه
وينهج بسرعه، انتي متاكده ان ده خروف مش عجل،
صفا ـــ ههههه يحرقك ياشيخ، دخلت مكان الخروف ،
معاذ ـــ طيب بطلي ضحك وبصي هناك كده
صفا ـــ ايه، وتبص خلفها، تلاقي الخروف باصصلها وبيخيط برجله علي الارض
يامصيبتي، وتذق الباب وتدخل
معاذ ـــ اممم تعاليلي بقا،
صفا ـــ لا يا ود عمي، احنا في الزريبه
معاذ ـــ وربنا ما عاتقك النهاردة
صفا ـــ تجري وسط المعيز،
هملني الله يخليك، الحقيني يامه
معاذ ـــ تعالي هنا قولتلك مش هسيبك ابقي خلي الخروف ينقذك من ايدي
صفا ـــ نهار اغبر الخروف وراااك
معاذ ـــ لا لا انسي مش هصدقك تاني
صفا ـــ يالهووووي
وفجاه الخروف يخبطه في مؤخرته يوقعه علي وشه في فضلات البهايم
صفا ـــ الحقوووني الخروف نطح ود عمي
معاذ ـــ يرفع وشه اللي مليان وسخ،
منك لله يا عمرو،
صفا ـــ تمسك عصايه وتضرب الخروف، عشان يبعد
معلش يا واد عمي، قوم بسرعه قبل ما يرجع
معاذ ـــ هه انتي قدرتي عليه
صفا ـــ ايوه
معاذ ـــ حسبي الله ونعم الوكيل فيكي
صفا ـــ تمسك ايده وتشده، ساعدني امال
معاذ ـــ هو انا بقا فيه حيل،
صفا ـــ قوووم عااد الخروف هيجي دلوك
ـــــــــــــــــــــــــــــــــــــــــــــــــــــــــــ
زينب ـــ يا حومتي، ايه حصل
معاذ ـــ ودوني الحمام، هاتولي ديتول، ومعقم
صفا ـــ طيب اتعدل اكده تعبتني
معاذ ـــ يمسح وشه بايده ويدهن في وشها،
صفا ـــ يختاااي، عتعمل ايه يا بهيم
زينب ـــ ربنا يحرسك يا ولدي، الله يقطع كل البهايم والله ماهو هيبات الليله دي
معاذ ـــ وذنبه ايه الخروف، كل الذنب علي الخروفه ويشدها من رأسها
صفا ـــ الحقيني يامه، هملني وتذقه بعيد
طالما انت متقدرش علي الخروف بتتحنجل قدامه ليه
معاذ ـــ يمسكها تانى ويحط رأسها تحت دراعه، ماهو انتي اللي زقتيه عليه علشان ينطحني
صفا ـــ بعد عني ياود المحروق ريحتك هتفطسني
معاذ ـــ وربنا ما هعدهالك يا صفا، كده عليكي تلاته
زينب ـــ يا حوستي تلاته كيف، عملتي ايه تانى يا هامله
صفا ـــ الله يقطعك بعد عاد، لا يامه مش زي ما انتي فهمتي
معاذ ـــ لا يا مرات عمي زي ما فهمتي بظبط، دي مش هينفع تعيش تاني
زينب ـــ يادي الفضايح يادي الجرس وتجري وراها
صفا تجري ـــ يامه افهميني وربنا ما حصل
معاذ ـــ تستاهل خليها تطحنها يكون نضفت،
ــــــــــــــــــــــــــــــــــــــــــــــــــــــــ
معاذ ـــ يااه النضافه حلوه، هما فين،
وايه الصوت ده ،
زينب افتحي يا هامله لازم اغسل عارك
صفا ـــ يامه احب على يدك تهدي ده كداااب
معاذ ـــ نهار اسود، دي كانت بتجري وراها من بدري
زينب ـــ يا نصيبتك في بتك يا زينب
معاذ ـــ خلاص يا مرات عمي انا اقصد ان عليها تلات عفريت انتي فهمتي ايه ههههه
زينب ـــ كيف يا ولدي، انا كنت هتصل ب ابوها علشان يغسل عاره
صفا ـــ تطلع من الاوضه، ارتاحتي اكده، بقا كده يامه تصدقي واحد بهيم في بتك
زينب ـــ معلش يابتي انتي عارفه كله الا الشرف
معاذ ـــ يرفع حواجبه بشماته، احسن احسن
صفا ـــ بقول ايه يامه،
زينب ـــ قولي يابتي
صفا ـــ انا تعبت من الجري ممكن تعمليلي شوية عصير من يدك العسل دي
زينب ـــ طيب يابتي، تشرب عصير يا ولدي
معاذ ـــ ماشي اشرب
صفا ـــ توقف قباله، تانى مره ابقي اتلم عشان المره الجايه العاقبه هتكون اني اسلط عليك العجل يطحنك
معاذ ـــ اممم اوك تمام
صفا ـــ ايوه كده ناس تخاف ومتختشيش
معاذ ـــ في سره، ماااشي انا هعرفك يعني ايه تلعبي مع معاذ
ـــــــــــــــــــــــــــــــــــــــــــــــــــ
باليل،
بدر ـــ عاوزين نتكلم في تفاصيل الفرح
محمود، ــ شوف اللي يريحك يا خوي وصفا بتك بردو
بدر ـــ طيب ايه رايكم نعمل الفرح الاسبوع الجاي
معاذ ـــ لا طبعا مش هينفع، وبعدين انا عندي شرط
محمود ـــ شرط ايه ده
معاذ ـــ انا عاوز اعمل الفرح في القاهرة،
محمود ـــ كيف يعني يا ولدي احنا لازم نعمل الفرح اهنه ونعزم كل البلد دي مش اي واحده، دي صفا
بدر ـــ خلاص انا عندي حل، احنا نكتب الكتاب هنا ونعمل فرح هنا ونروح القاهره، ونحجز في اي قاعه ونعمله تاني هناك
معاذ ـــ تمام دا حل كويس
بدر ـــ اتفقنا،
معاذ ـــ طيب ايه مش هنبلغ صفا بالاتفاق ده
محمود ـــ نبلغها، صفااا
صفا ـــ نعم يابوي
بدر ـــ ايه رايك يابنتي احنا اتفقنا نعملكم فرحين، فرح هنا ولما نسافر نعمل فرح تاني في القاهره
صفا ـــ همم متزعلش مني ياعمي، بس انا محباش العيش في القاهره، ومعرفش اتعامل مع الناس هناك
معاذ ـــ يعني ايه، قصدك اننا نعيش هنا
صفا ـــ ايوه
معاذ ـــ لا طبعا مش هينفع
صفا ـــ وانا كمان مقدرش اعيش في بلد انا غريبه عنها واقعد هناك كيف البهيمه
محمود ـــ صفااا ايه اللي بتقوليه ده، ود عمك ميقدرش يسيب شغله وحياته ويقعد في البلد
صفا ـــ يابوي ماهو اصل
محمود ـــ لا اصل ولا فصل خلاص
بدر ـــ اهدي يا خويا، انا عندي حل
محمود ـــ حل ايه ده
بدر ـــ احنا هناجل الفرح شهرين،
معاذ ـــ ازاي يعني
بدر ـــ استنا بس، وناخد صفا وعمك ومرات عمك يقعدو في مصر شهرين، لو صفا ارتاحت هناك كان بها مرتحتش، بعدين نشوف هنعمل ايه،
محمود ـــ كيف يعني اهمل حالي ومالي واروح اقعد في مصر شهرين
بدر ـــ ياسيدي بلاش انت نخلي زينب تيجي معاها وهي مش هتقعد عند حد غريب ولو علي قعدت معاذ ف هو يقعد في الشقه التانيه ايه رأيك
محمود ـــ ايه رأيك يا صفا
صفا ـــ موافقه
ـــــــــــــــــــــــــــــــــــــــــــــــــــــــــــ
اليوم التالي..
صفا ـــ تصحا من النوم وتفرك في عينيها، تبص على شكل الاوضته ، انا فين،
يامه يالهوي يامصيبتي، انا كيف وصلت هنه
معاذ ـــ هممم صباح الخير يا قلبي
صفا ـــ انطق انا كيف جيت اهنه
معاذ ـــ جيتي زي ما جيتي، المهم ان الليله كانت احلي ليله قضيتها في حياتي
صفا ـــ تضرب علي وشها، يا نصيبتي يا نصيبتي، يا فضحتك يا صفا،
معاذ ـــ انتي خايفه من ايه احنا هنتجوز يعني دي حاجه عادية وكانت هتحصل،
صفا ـــ تضرب فيه، ياود المحروق الله يقطعك
معاذ ـــ بزعيق صفااا اهدي خلاص اللي حصل حصل مش هنقدر نغيره
صفا ـــ ببكاء احب على يدك قولي انك عتكدب
معاذ ـــ اكدب عليكي ليه، صفا اللي حصل دا حاجه طبيعية بين اي اتنين بيحبو بعض وهيتجوزو
صفا ـــ انا مش عاوزه اتجوزك لو كنت اخر راجل مش هتجوزك بعد اللى عملته معايا،
وبتجري علي سكينه فوق طبق الفاكهه
وبتقطع شرايين ايدها
معاذـــ عملتي ايه يا مجنونه، وريني، وبيمسك ايدها ويسد الدم بالايشرب،
احنا لازم نروح لدكتور،
صفا ـــ تبتدي تفقّد الوعي، وبصوت مخفوت، بكرهك
معاذ بلهفه ـــ صفا صفا والله محصلش حاجه قومي ارجوكي صفااا
نهار اسود، عمي لو شافها هنا هتبقي مصيبة،
يفتح الباب ويبص،
الحمدلله مفيش حد ،
يرجع لصفا تاني
صفا، خلاص هنروح المستشفى،
بيشيلها علي ايديه ويطلع بسرعه،
عند باب البيت
محمود ـــ ايه اللي بيحصل ده
