رواية كنت لي عوض الفصل الرابع 4 بقلم رنا محمد

إياد:إوعدك يماما..بس أحكي أنتِ قلقتيني

كريمه:بص يبني

________فلاش باك من سنه________

احمد:أنتِ يبت أجهزي عشان جايلنا ضيوف

منه:حاضر ودخلت أوضتها ضيوف مين دول أحنا ملناش حد ومن ساعه مَ ماما اتوفت محدش جالنا ربنا يستر أنا قلبي مقبوض لبست وجهزت

___وبعد ساعه___

احمد:يلا يبت اطلعي جيبي العصير

منه بقلق وقلبها مقبوض طلعت وقدمتلهم العصير وكان صاحب باباها فِ ال40 أو اكتر كده

بعد نص ساعه بظبط

احمد:طب أنا هنزل اجيب حاجه م تحت مش هطول يمنه

البيت بيتك ي رجب

منه بقلق:رايح فين يبابا هتسبني ازاي معاه أنا معرفهوش طب خده معاك متسبنيش لوحدي يبابا انا خايفه

رجب بخبث:خايفه م أيه بس يحبيبتي ده أنا زي باباكي يعني

احمد بحده خفيفه:اقعدي يبت بلاش دلع ده زيي مفيش خوف يعني وسابها ونزل

منه بدموع:يبابا ونبي استني خدني معاك طيب متسبنيش لوحدي ونبي

رجب بيقرب عليها وبيضحك ضحكه قذره

رجب بقذاره:فِ اي بس يقمر مالك تعالي احنا هنتسلي لحد مَ احمد يجي وهو يقرب وهيا بتعيط وترجع لورا لحد مَ خبطت فِ الحيطه

منه بدموع ورجاء:بالله عليك أبعد عني ونبي أنا زي بنتك ونبي ابعد عني وهو بيقرب عليها…وحصل الِ حصل ????????

_____بااك للواقع_____

كريمه بدموع:بس كده يبني وم ساعتها منه خايفه من حازم أما يعرف حاجه زي دي هيرفضها فَ عشان كده رفضته هيا 

إياد:ازاي كدا بجد ازاي فِ أب يبيع بنته عشان الفلوس أقسم بالله لو كان عايش ل كنت موته أنا وحازم مكنش سكت

كريمه:إياد انت وعدتني إنك مش هتقول حاجه ل حازم

إياد:متخافيش ي أمي

______ف المستشفي_______

منه جهزت وخلصت ومشيت هيا وحازم

حازم:منه أيه رائيك نروح نشرب حاجه ونتكلم

منه بقلق خفيف:هاا..هنتكلم فِ أيه يحازم

حازم:هنتكلم عادي يمنه هاا أيه رائيك

منه:تمم موافقه

__وصلوا كافيه وقعدوا

حازم:ها تشربي أيه

منه:ممكن قهوه بالنوتيلا

حازم للجارسون:تمم واحده قهوه مظبوط وواحده قهوه نوتيلا

مشي الجارسون وإبتدا حازم يتكلم

حازم:منه ممكن أعرف سبب رفضك ليا مع أني متأكد انك بتحبيني زي مَ بحبك

منه والدموع اتجمعت فِ عيونها

حازم بقلق:منه مالك متخلنيش اقلق عليكي قولي فيكي أيه وأوعدك هكون معاكي فِ أي حاجه بس متعيطيش

منه بدموع:هحكيلك وهيبقي معاك سبب لرفضك ليا

جت القهوه وحازم قالها اشربي عشان تهدي وتعرفي تتكلمي

بعد مده قليله منه بدأت تتكلم وحكيتله كل حاجه حصلت معاها

منه بعياط:عرفت رفضت ليه الجواز منك عشان معنديش حاجه اقدمهالك..انا بعد الِ حصل معايا مبقاش عندي ثقه فِ أي راجل مبقتش بعرف اناام فِ بيتنا إلا اما اقفل باب أوضتي بالمفتاح بس اول مَ شوفتك حسيت بالأمان ودي اول مره احسها بعد وفاه ماما حسيت معاك أنك أب ليا وإياد اخويا الصغير الِ كنت بتمني يكون عندي أخ يحميني م الِ حصلي متمنتش أبدًا يكون عندي أخت بنت عشان ميحصلهاش الِ حصلي…ماما كريمه حسيتها أمي م ساعه مَ دخلت البيت وأنتو كل حاجه ليا ودلوقتي معاك سبب لرفضك للجواز مني

_كل دا وحازم ساكت وحاطط أيده ع وشه ومتكلمش خالص ودا فهم منه أنه خلاص مبقاش عاوزها

منه بعياط:أستأذنك نروح واخد هدومي وحاجتي عشان ارجع بيتي

حازم حاسب ع الحاجه ومشيوا وطول الطريق محدش اتكلم خالص وصلوا الڤيلا وجريت كريمه وإياد عليهم ومنه اترمت فِ حضنها وفضلت تعيط خدتها وطلعتها الاوضه وفضلت قعده فِ حضنها وكريمه بتطبطب عليها وبتقرالها قرآن 

__عند حازم وإياد

حازم:إياد كلم محمد وخليه يجي بكرا عشان يظبط ديكور الڤيلا عشان فرحي انا ومنه الاسبوع الجاي

إياد ب استغراب:اومال هيا بتعيط كده ليه يحازم انت غصبتها ع جواز

حازم بتعب:لا طبعا ي إياد هحكيلك

وحكاله الِ حصل وطبعا إياد عمل نفسه ميعرفش 

حازم:بس هو دا كل الِ حصل…محتاج منك تجبلي معلومات ع الِ اسمه رجب ده انا مستحيل اسيبه ولا اسكتله ع حاجه زي دي بس مش عاوز منه تحس بحاجه انا هطلعلها دلوقتي وأعرفها ع موضوع جواز. 

إياد:تمم ي حازم هروح انا

مشي إياد وراح حازم ع أوضته عشان يغير ‏وياخد شاور 

___عند كريمه ومنه

منه هديت وكريمه سألتها فيكي أيه يحبيبتي

منه:حكتله كل حاجه ي ماما كل حاجه حصلت معايا حكتهاله 

كريمه:طب قالك أيه

منه دمعت تاني:مردش عليا ولا اتكلم خالص ي ماما والله انا ماليش ذنب فِ الِ حصلي

كريمه:إهدي يبنتي وقومي خدي شاور عقبال م انزل اعمل الاكل يلا

منه هزت رأسها وحضنتها وقامت دخلت الحمام وكريمه نزلت تجهز الأكل

 حازم خلص ولبس تيشرت اسود وبنطلون اسود وكان حلو جدًا…خلص لبس وراح عند أوضه منه وكان باب مفتوح حبه وخبط بس مسمعش رد فَ دخل ملقاش حد فِ الأوضه وطلعت منه م الحمام وكانت لابسه بيجامه لونها اسود فِ احمر وكانت بتنشف شعرها وحازم واقف مبهور بجملها وبجمال شعرها ومنه اول مَ شافته اتفجعت ورفعت الفوطه ع شعرها

منه ب ارتباك:اا…انت هنا م امتي وجيت ليه اصلا

حازم نزل راسه بسرعه وقالها أنا أسف كنت مفكرك تحت مع ماما كريمه لما ملقتكيش هنا انا ماشي خلصي وإنزلي عشان عاوزك فِ موضوع وسابها ونزل 

خلصت منه ولفت طرحه ع شعرها ونزلت 

منه:خير ي حازم عاوز أيه..لو ع قعدتي فِ البيت فَ أنا بكره الصبح همشي ماليش شغل هنا تاني.

حازم بحده:ممكن تسكتي خالص دا بيتك ومفيش مرواح فِ حته…أنا بعرض عليكي جواز لتاني مره هاا أيه رائيك 

__كل دا وكريمه واقفه مبسوطه ومنه واقفه مصدومه

منه بصدمه:بعد كل الِ عرفته دا ولسه بتعرض عليا جواز.

حازم:عرفت أيه انا معرفتش حاجه خالص..ماما أنتِ عرفتي حاجه

كريمه بضحك:لا يبني معرفتش حاجه خالص

وجه إياد:ولا انا عرفت حاجه وضحك هو وكريمه

حازم:هاا يست البنات أيه رائيك بقاا 

منه:………

يتبع..