رواية عشق مخيف الحلقة الخامسة 5 الجزء 2 بقلم ندى
 |
| رواية عشق مخيف الحلقة الخامسة 5 الجزء 2 بقلم ندى |
رواية عشق مخيف الحلقة الخامسة 5 الجزء 2 بقلم ندى
دخلت سيلا مرة واحدة الاوضة بغضب شديد : انا مش موافقة اعمل فرح مع الكائن ده
فهد : كائن !!!
بيجاد : استني اسمعي بس الاول
سيلا : ابدا ، انا مش عايزة اسمع منه حاجة ، ياريت ميجيش هنا تاني
بيجاد: سيلا مينفعش كدة… اسمعيه الاول
حسام : يابنتي اهدي شوية واعرفي احنا عايزين ايه وبعدها قرري
سيلا : تمام قولولي انتوا كل حاجة بس مش عايزة اسمع صوته
فهد اتنهد واتكلم بانفعال: سيلا احنا هيكون فرحنا بعد بكرة .. ياريت بقي كفاية كلام وهري عالفاضي واسكتي بقي خلينا نخلص
سيلا بانفعال : انت بارد وبني ادم مستفز ، انت السبب في كل ده
فهد : وانتي كمان السبب ، انتي اللي عايزه تتجوزي واحد تاني
سيلا بغضب : انت واحد حمار، لا مش حمار بس وغبي كمان
حسام وبيجاد بيكتموا ضحكهم علي انفعالها وانها بتشتم فهد
فهد وقف قدامها وقال بهمس : لو رفضتي او عملتي حاجة هعمل اللي عملته تاني ومش هيهمني حد ، وبطلي شتيمة عشان مقطعلكيش لسانك الحلو ده
سيلا ضربته في كتفه بعنف : انت واحد حقير .. بابا خليه يمشي .. الحيوان ده بيهددني
بيجاد : سيلا مينفعش ناخد الامور كدة .. احنا قررنا نعمل الفرح خلاص لان مفيش حل تاني
سيلا بتكمل خطتها وقالت: تمام ماشي هوافق بس بشروطي
———
جنة وسلمي واقفين برة فرحوا جدا بأنها بتنفذ الخطة زي ما عايزين بالظبط .
سلمي بهمس : بنتك دي ميه ميه
جنة بتضحك بصوت خافت : طلعالك
سلمي : طبعا يابنتي انا دايما بقول سيلا دي بنتي انا مش بنتك معرفش عايشة عندك ليه
جنة ضحكت عليها : ششششش خلينا نسمع بقي
وسكتوا عشان يسمعوا سيلا وهي بتتكلم
——-
حسام: قولي اللي عايزاه كله وهيحصل
فهد بغيظ : لا مش كله
حسام يغمز لفهد: لا اي حاجة سيلا هتطلبها هتتنفذ ، ولا انت هتعترض كمان بعد اللي عملته
بيجاد : انا مع سيلا طبعا اي حاجة هتقولها هتحصل مهما كانت
سيلا قعدت جانب ابوها وقالت بثقة عكس توترها وخوفها اللي قلبها من فهد : اولا انا مش هخرج برة البيت ده يعني بعد الفرح هاجي اقعد هنا ، ثانيا مش عايزة اشوفه خالص بعد يوم الفرح ولا اسمع صوته حتي ، ثالثا انا هختار الفستان اللي هيعجبني وبمزاجي ومش عايزاه يتدخل في اختياراتي اطلاقا ، رابعا تطلقوني منه بعد شهر بالظبط
فهد بعصبية : ده في أحلامك
سيلا بببرود : هتطلقني بعد شهر ومش بس كدة هتطلقني بالتلاته
فهد : انتي اتجننتي ولا ايه
بيجاد : فهد ، سيلا قالت شروطها يا تقبل يا كل واحد يروح بيته وهنخسر بعض كلنا
فهد بصلهم بضيق : طيب موافق
بيجاد : بس فيه حاجة هتتغير في شروطك يا سيلا ده لو بتحبيني بجد هتسمعني الكلام
سيلا بحنية : طبعا يا بابا بحبك جدا
بيجاد : مينفعش تعيشي هنا بعد الفرح علطول ، احنا عاملين الفرح عشان نحل المشكلة اللي حصلت، يعني تعيشي حتي مع فهد الشهر ده وبعدها اعملي اللي عايزاه
سيلا : يا بابا عشان خاطري مش عايزة اشوفه
بيجاد : متشوفهوش هو كدة كدة هينزل شغله وانتي اقعدي في اوضة لوحدك براحتك وانا وجنة اكيد هنيجي كل يوم وعندك حسام وسلمي كمان موجودين.. بس انا مش عايز حد من الناش يقول حاجة عليكي .. فاهماني
سيلا بحزن : فاهمه حاضر
حسام : تمام كدة بكرة نجهز القاعة والنهاردة هنعمل الناس عشان الوقت وبعد بكرة شقة فهد هتكون جاهزة
بيجاد بابتسامة: تمام يا صحبي
——–
جنة وسلمي واقفين برة مستغربين رد فعل بيجاد وكلامه
سلمي بحسرة : جوزك اتجنن .. يعني سيبتوني اخلي سيلا تنتقم من ابني .. وجوزك بوظ الدنيا
جنة بضيق : انا اسفة يا سلمي بس انا مش عايزة سيلا تبقي في ضغط او خوف بسبب فهد .. انا مش موافقة علي الجوازة دي
سلمي : يا حببتي انتي ام اكيد خايفة علي سيلا ، بس اصبري نشوف ايه اللي حصل وبعدها نحكم ونخطط من الاول تاني
جنة حضنتها بحب : ربنا يخليكي ليا احلي سلمي في الكون كله
سلمي : اسكتي بقي ويلا ندخل كأننا منعرفش حاجة
دخلت سلمي وجنة بعصير
جنة : اتفقتوا ولا ايه
بيجاد : الفرح بعد بكرة ان شاء الله ، نبدأ التجهيزات بقي من النهاردة عشان نحلق
سلمي غمزت ل سيلا تقلل توتر سيلا الملحوظ : مش متسرعين كدة ، يعني نستني كام يوم
فهد بصلها بدهشة : يا ماما اصل انا هسافر ف عايز نخلص الموضوع قبل السفر
سلمي بصدمة : مسافر تاني علطول كدة
فهد: ايوة
سيلا حست بحزن كبير ، ودموعها علي وشك النزول .. قامت بسرعة خرجت برة الاوضة ودخلت اوضتها تعيط بقهرة و صدمة : انا بعيط ليه دلوقتي ، انا مش عايزة احبه لا، ياسمينه بتحبه ، هتقولي ايه لما تعرف موضوع الفرح ده ، هيسافر تاني اساسا ، ليه يعمل فيا كل ده انا اذيته في ايه بس، يارب هو ليه دايما بيسيبني ويمشي ، ليه بحس انه حابب شغله اكتر مني ، انا عارفة انه ميعرفش اني بحس قدامه بمشاعر مختلفة بس انا عمري ما هقوله كدة ، انا بكرهه بعد اللي عمله ده .. والله لاندمك يا فهد
———–
جنة بصت ل بيجاد بنظرات حزن علي رد فعله مع جنة
بيجاد بص لفهد بضحك وقال : فهد ..جنة هتقوم تموتني فهمها بسرعة الدنيا ايه عشان نظراتها مش مطمناني
فهد ضحك وقال لجنة وسلمي علي القصة من اولها
سلمي بحزن : اخص بجد عليك يا فهد تعمل كل ده ومتقوليش
جنة بضيق : يعني ده اللي همك واللي عمله في سيلا مش مهم
سلمي : مش قصدي يا حببتي بس انتي عارفاني فيا روح شريرة شوية
جنة : حرام عليك يا فهد والله انا كان قلبي بيتقطع كل ثانية بسبب اللي حصل
فهد : انا اسف والله بس معرفش اتصرفت كدة بتهور فاجأة .
سلمي بسعادة : ايوااا يعني عندنا فرح بقي بجد بجد .. حضنت فهد : مبروك يا حبيبي ..
جنة باباستامة: مبروك يا فهد انت عارف لو زعلت سيلا مرة هاخدها منك ومش هتشوفها تاني
فهد : مقدرش ازعلها
حسام : طب يلا بقي بينا ولا ايه .. بيجاد ابقي قول لاخوك بقي
بيجاد : اكيد
حسام خرج هو و سلمي وفهد
جنة حضنت بيجاد بسعادة : مش قولتلك قصتهم هتبدأ
بيجاد ضحك : اااه يارب انا كنت بموت كدة يا جنة .. هو ابني وهي بنتي ، مكنتش قادر اتخيل علاقتي بفهد هتبقي ازاي لو ده حصل فعلا
جنة : الحمدلله علي كل شئ ، يلا نجهز للفرح بقي .. وهاروح اقول ل بسنت زمانها قلقانة
بيجاد : خديني معاكي اقول لجاد بالمرة
———
ياسمينة بصدمة : مين هيتجوز مين
جنة بفرحة : فهد و سيلا .. انتي شاربة حاجة ولا ايه
بسنت : مبروك بجد فرحت اوي .. هي كويسة صح
جنة : ايوة الحمدلله
ياسمينة: انا هاروح ل سيلا
جنة : تمام يا حببتي
خرجت ياسمين بحزن شديد من الشقة وراحت لسيلا
سيلا بدموع فتحت الباب لقت ياسمينة
ياسمينة لسه بتفكر تزعقلها بس شكل سيلا قدامها خلاها تتراجع: مالك .. انتي مش مبسوطة
سيلا بدموع : لا يا ياسمينه .. مش عايزة اتجوزه .. انا تعبت بجد ، انا بكرهه اوي
ياسمينة : طب ايه اللي يجبرك علي كدة
سيلا : عشان اللي حصل يومها.. انا عايزاه يسيبني في حالي بقي .. ياسمينة انا اسفة والله انا عارفة مشاعرك بس حقيقي مش في ايدي حاجة
ياسمينة بدموع: بلاش فهد يا سيلا، انا بحبه اوي ، انا مش عارفة اقولك ايه بس انا مش هقدر اشوفكوا سوا
سيلا: انا اسفة .. بس هو شهر وهنتطلق اساسا متقلقيش .. انا مش عايزاه اساسا .
ياسمينة بفرحة : بجد
سيلا : ايوة ياستي هنتطلق كمان شهر .. هنعمل فرح عشان الناس وكدة وبعدها هنتطلق
ياسمينة : طب متعرفيش هو بيحبني ولا لا
سيلا بصت لها بحزن .. ازاي ياسمينة تبقي انانية كدة في تفكيرها ، مش بتفكر في سيلا المهم نفسها وبس
ياسمينة : ساكتة ليه
سيلا : ولا حاجة .. انا معرفش بيحبك ولا لا بصراحة
ياسمينة : طيي خلاص بصي احنا نقوم نجهز للفرح عشان الشهر يعدي بسرعة بقي .. انا مش عارفة هستحمل ده ازاي بس عشانك انا موافقة
سيلا بحزن : كتر خيرك والله
———-
بدأ تحهيزات الفرح وخلال يومين كل حاجة كانت جاهزة و سيلا لبست فستانها والنقاب وكذلك فهد لبس بدلته السوداء وقضوا شوية وقت وسط الناس وخلاص كل حاجة خلصت
———–
دخلت سيلا شقه فهد بتوتر
فهد : نورتي
سيلا سكتت شوية وقالت : فيه اوضتي
فهد : اخر اوضة عاليمين
سيلا دخلت اوضتها وغيرت هدومها ونامت
فهد قعد في اوضتها بيفكر في الفترة الجاية هيعمل ايه مع سيلا واستسلم لتعبه ونام
تاني يوم
صحي فهد من نومه واخد شاور وخرج يشوف سيلا كانت واقفة في المطبخ بالاسدال بتجهز فطار
فهد : صباح الخير
سيلا : فيه حاجة
فهد: ابدا .. انتي عاملة حسابي في الاكل ولا لا
سيلا بغيظ : لا اعمل لنفسك
فهد بمشاكسة : اممم مش بعرف اعمل اكل طيب
سيلا : خلاص خليك جعان
فهد رفع حاجبه ليها : والله
سيلا بصتله نفس البصة : والله
فهد : طيب ماشي ياختي هعمل لنفسي الاكل وسعي
سيلا : لا استني لما اخلص اكلي وبهدها ابقي ادخل انت اعمل اللي عايزه
فهد : مينفعش عشان عندي شغل .. وسعي بقي
سيلا واقفة قدام التلاجة وبصاله بغيظ وبعدها بعدت واخدت اكلها وخرجت
بعد ساعتين بيجاد وجنة واحمد راحوا ل سيلا
احمد حضن اخته : عاملة ايه
سيلا : وحشتني جدا
احمد : وانتي كمان
سيلا حضنت مامتها وباباها
بيجاد : الولا ده عملك حاجة
سيلا بثقة : ميقدرش اساسا
ضحك بيجاد
جنة بهمس : الخطة بتاعتنا ماشية صح
سيلا بضحك : ايوة معملتلهوش فطار
جنة : استمري
قضوا وقت سوا لحد ما بيجاد قرر يمشي عشان شغله
جنة : تمام يلا بينا
سيلا : خليكي شوية طيب
احمد : انا هقعد مع سيلا
بيجاد : لا مينفعش
سيلا : بابا عشان خاطري خلي احمد يقعد معايا النهاردة
جنة : عادي يا بيجاد بدل ما هي قاعدة لوحدها
بيجاد : ماشي بس بالليل هاجي اخدك
احمد: اشطا
بعد خروج جنة وبيجاد
سيلا بنظرة شيطانية : احمد عايزة اعمل مقلب في فهد
احمد بتفكير : يلا بينا
سيلا : هنعمل ايه
احمد : مش عارف
سيلا : فكر معايا مش تقول مش عارف
احمد : منا بفكر اهو
سيلا : اممممم
احمد : ممكن نقطع هدومه
سيلا : لا حرام هيشتري غيرها و انا اللي هلمها في الاخر
احمد : ممكن ندخل نبوظ اي حاجة بتاعته
سيلا : زي ايه
احمد : نخبي حاجاته مثلا.. نحطها في مكان تاني
سيلا بفرحة : فكرة حلوة اوي … ميرسي يا حمادة .. يلا بينا
دخلت سيلا واحمد اوضة فهد
غيرت ترتيب هدومه .. غيرت شكل الاوضة .. حتي البيرفيوم بتاعه نقلته لمكان تاني في الاوضة
سيلا بتعب : انا تعبت اوي كفاية كدة
احمد بضحك : الاوضة شكلها بقي معفن اوي
سيلا : احسن… نبقي نشوف هو هيعمل ايه بقي
احمد: هو هيجي امتي
سيلا : مش عارفة بس تقريبا بالليل
احمد : الحمدلله هكون مشيت
سيلا : يا واطي هتسيبني لوحدي
احمد : عشان فهد طيب
سيلا : والله .. مش من شوية كنت بتساعدني
احمد : طيب يلا اكليني بقي .. انا جوعت
سيلا: وانا كمان والله
——–
بيجاد : جنة
جنة : نعم يا حبيبي
بيجاد : هو ليه بتخلي سيلا تكمل خطتها معاكوا
جنة : عشان اللي فهد عمله مهما كان مش شوية .. ولازم تحس اننا معاها مش ضدها .. هي مش عارفة تحدد مشاعرها لحد دلوقتي ولحد ما تحددها لازم نكون معاها في كل حاجة ..
بيجاد : بس غلط كدة
جنة : بالعكس هي اساسا كانت هتطلع عينه من عير ما تقولنا .. ف ليه نسيبها تتصرف وتغلط واحنا في ايدينا نبقي عارفين اي خطوة بتعملها
بيجاد ابتسم : حببتي عاقلة يا ناااس
جنة ضحكت : قصدك ايه ها
بيجاد : بحبك
جنة : وانا كمان
———-
مجهول ١ : فهد حسام المصري
مجهول ٢: ننفذ امتي
مجهول ١ : يوم التلات الجاي الساعة 12 بالليل
مجهول ٢ : تمام… فين حقي
مجهول ١: هديك اللي عايزه لما تنفذ
مجهول ٢ : عايز جزء من المبلغ قبلها
مجهول ١ : تمام هبعتهولك قبلها .. بس تنفذ في المعاد بالظبط .. لو اتأخرت هتتحاسب
مجهول ٢: اوامرك يا باشا
مجهول ١ في نفسه : اخيرا هنتقم منك يا حسام في ابنك …ده انا مستني اللحظة دي من زمان .. خلاص هانت واخد حقي منك
يتبع..
لقراءة الحلقة السادسة : اضغط هنا
لقراءة باقي حلقات الرواية : اضغط هنا
نرشح لك أيضاً رواية وحدة شغف للكاتبة ندى.
