سكريبت الخيانة الفصل الخامس 5 بقلم ياسمينا

ادم بهدوء : عايز اتغير لو عملت الي انت عايزو مستحيل اتغير انا كدا بغلط اكتر مش كل الي قلبنا بيدق ليه يبقا خلاص حبيبنا انا اخوها وبس ومش هقدر اشوف غير كدا وبعدين انا معرفش هخف من الأيدز ولالا 

حسين بغضب : دي امانه في رقبتك وانت حر فيها 

ادم ببرود : تمام ياعمو انا حر وياريت متدخلش 

حسين بغضب : ماشي ياادم خليك براحتك 

حسين مشي من قدام ادم 

هنا بستغراب : هو مالو كدا 

ادم بهدوء : عايزني اتجوز سلمي علشان يفضحني في كل مكان ويقول اني اتجوزت اختي اصلو مبيحبنش علشان انا قاسم معه كل فلوسو أو بمعنه أصح مراث جدو 

هنا بستغراب : مهو ممكن يفضحك بلايدز أو حتي بحكاية مراتك 

ادم بضحك : لا يابنتي افهمي لو فضحني بلايدز مستحيل المستشفي دي تشتغل والكل هيتقلب عليه أما خيانة ليلي هو طبعا مش هيحب يفضح بنت إختو حبيبتو 

هنا : اممم فهمت 

ادم : من صغري وانا بحاول اقف قدامو كدا وعمل نفسي معرفش انو عايز ياذيني 

هنا :  طب وهتعمل ايه في سلمي 

ادم مسك النضاره وقال : ياحبيبتي علشان البس نضاره دي درست كتير اوي انا ذكي مش غرور لا ثقه هتشوفي انا هعمل ايه 

( الواد ادم ده شبهي????????)

هنا بضيق : ايه ياعم هو محدش دخل طب غيرك ولا ايه مانا هندسه 

ادم : نعم عايزه تجيبي طب لي هندسه 

هنا بضيق : قصدك ايه 

ادم بابتسامه : لا قصدي هندسه اجمل بكتير 

هنا : ايوا كدا 

ادم  قرب من سلمي وشالها وقال : هوديها اوضه عاديه 

هنا : تمام 

ادم وهنا طلعو من اوضه العمليات وادم دخل سلمي اوضه عاديه وهنا تلفونها رن وردت 

هشام : الهانم عندها امتحان ومتعرفش

هنا بصدمه : احلف 

هشام : اقسم بالله في امتحان دلوقتي انتي بقتي مهمله 

هنا بضيق : اسفه يادكتور معلش جايه اهو 

هنا قفلت التلفون وبصت علي ادم وقالت :  انا لازم امشي عندي امتحان وهسقط انا  كدا كدا هسقط لو حضرتو بس اهو اسمي حضرت 

ادم بسخرية : مش ملاحظه انك رغايه

هنا بضيق : انا غلطانه ماشيه 

ادم : استني اوصلك 

هنا : لا خليك معا سلمي

ادم : استني بس انا هوصلك وارجع بسرعه 

هنا وهي بتجري يبقا بسرعه بقا 

ادم بغضب : حسبي يابنتي انتي شايله 

هنا بستغراب : شايله ايه 

ادم : شايله حياه 

هنا بضيق : ياشيخ خضتني يلا بسرعه بقا هسقطططط 

هنا جريت لغيت لما وصلت للعربيه وادم جاه وركبو وتحركو وهشام رن تاني علي هنا وهنا ردت 

هشام بغضب : انتي فين

هنا : جايه اهو يادكتور 

هشام بضيق : انجزي 

ادم خد التلفون من هنا وسمع هشام وهو بيقول : مش عارف انتي ازاي مهمله كدا يعني لو مكنتش فكرتك كنتي مجتيش 

ادم ببرود : هو عادي أن دكتور يتصل طالبه و يقولها أن عندها امتحان 

هشام بصدمه : نعم انت مين 

ادم : جوزها وهي مفتكرتش لان احنا كنا في شهر العسل وصحيح هي حامل في مش عايز بقا ضغط عليها علشان مرفضكش وانهي مسيرتك كلها 

ادم قفل التلفون وداه لي هنا 

هنا بصدمه : انت جرئ اوي 

ادم : ايوا من صغري وانا كدا بعمل الي في دماغي قوليلي صحيح فتى احلامك ايه 

هنا بسرعه : يبقا حنين ده اول حاجه ويحبني موت يحلم بيا كدا ويغنيلي اغنيه يارحانه كلها منك غيرانه” ما انتي بتسحري بامنه لو اغيب اشوفك قلقانه في خيالي

“يا كرزبي انتي في قلبي هتتحبسي”لو شفتك تفحي نفسي

ادم : ايه ايه الكلام ده 

هنا بضحك : وانا اغنيلووو عمال بتسيطر سنة سنة صحصحت مشاعري النايمة ننة من اول مرة احنا اتقابلنا واخد ليه قلبي معاك

ادم : لا والله

هنا : ايوا تبقا العلاقه كدا فرفوشه اكره ماعلي قلبي النكد 

ادم بضحك : لا متخافيش مبحبش النكد

هنا بضحك : بس اعذرني يعني فلي هقولو انت مش فتي احلامي اشكر ربك بس اني هعبرك وهتجوزك 

ادم بصلها بصدمه وهي بدأت تضحك وهو ضحك وقال : في فرق شاسع بنا صح 

هنا بضحك : ياعم اتنيل يعني هو في فرق بين طبق الفول الي انت بتكلو في طبق ازاز والفول الي انا باكولو في طبق عادي 

ادم : انا مبكولش فول اصلا 

هنا بصدمه : ياعيني عليك يابني فاتك نص عمرك 

ادم بابتسامه : عندك حق 

هنا : بص احنا اه حياتنا صعبه بس انتو حياتكم اصعب 

ادم : ازاي 

هنا بهدوء : انت متسغرب ازاي بضحك معاك كدا وانت اخد شرفي والخ بس عايزه افهمك اني لما شوفت جثه اختي خلاص انا سعتها اتوجعت كل الوجع الي في العالم كلو ومبقتش احس بلوجع الي انت عملتو فيا وبعدين انت جبلتي حقي وانا من الواجب عليا افضل جمبك لغيت لما تخف اما بنسبه لي بنتنا انا مبسوطه بيها حاسه ان ربنا بعتلي حياه تاني غير الي ماتت واقسملك بالله انا لما فرحت أن المرض من عندي مش فرحت لنفسي فرحت لي بنتي اي كان بقا جوازنا ده عامل ازاي بس صدقني انا هعمل واجبي 

ادم : بعد الكلام ده عرفت اني اخترت صح 

هنا بضحك : هبقا اكلك فول ياعم ولا تزعل 

ادم : طيب ياستي اهو وصلنا 

هنا نزلت بسرعه من العربيه وقالت : تمام وانت امشي 

ادم : طيب هبقا اجبلك لما تخلصي 

هنا : اوك 

هنا دخلت الجامعه بسرعه وبعدين دخلت القاعه باعتها لقت الامتحان بدأ وهشام كان واقف في اول القاعه 

هما : احم انا اسفه علي تأخير 

هشام بغضب : اتاخرتي اتفضلي برا مفيش امتحان

هنا بصدمه : ليه بس ارجوك دخلني 

هشام بصوت عالي : براااا

هنا جايه تطلع من القاعه بس اتخبطت في ادم واتصدمت من وجودو 

ادم بهدوء : مش قولتلك أنها حامل وبلاش ضغط عليها 

هشام بغضب : مين سمحلك انك تدخل هنااااا 

ادم ببرود : الي مشغلك 

مدير الجامعه دخل القاعه وقال : ادم باشا هيحضر معا مدام هنا مراتو الامتحان 

هشام بصدمه : بس ده مش هينفع 

المدير بغضب : انا قولت الي عندي وتقدر ترفض وتاخد استقالتك وانت ماشي 

هشام بص لي ادم وادم ابتسملو ابتسامه كلها شماته 

هشام بيحب هنا جدا وهنا بتحبو بس مقلوش لبعض لأن مامت هشام حذرتها تبعد عن هشام لان مستواه اعله منها وفعلا هنا مبقتش تروح الجامعه بسبب ده 

هنا بصت لي ادم وقالت بهمس : ليه الدوشه دي كلها 

ادم ببرود : بتعرفي تمشي لوحدك وتروحي مكانك ولا اشيلك

هنا بصتلو بضيق ومشيت راحت تقعد مكانها وادم قرب من هشام وقال : رقم مراتي يتمسح من عندك انا هبقا أفكرها بلامتحان

هشام بضيق : ماشي 

ادم ابتسملو وبعدين رجع يقعد في المدرجات جمب هنا وفضل باصص عليها وهي بتحل  وهنا كانت سامعه وشوشه البنات عن ادم ف اضايقت وكملت الامتحان بسرعه علشان يمشو وبعد نص ساعه هنا خلصت ومسكت ايد ادم جامد وقالت : يلا خلصنا ولا عجبك القعده 

ادم مسك تلفونو وقال وهو بضحك: دانا خدت ارقام الدفعه كلها

هنا بصتلو بضيق وبعدين قربت من هشام وادتلو الورقه وادم بص للبنات وقال : تشرفت بمعرفتكم تلفونات بقا 

هنا مسكتو من تشرتو بغضب وطلعو برا القاعه وادم كان بيضحك 

ادم : ايه يابنتي اهدي 

هنا بغضب : امشي قدامي تعبانه 

ادم بلهفه : بجد لتكون حياه حصلها حاجه 

هنا بغضب : انت مش خايف غير عليها وبس 

ادم بضحك : لا بهزر تعالي بس لازم نروح مشوار علشان بس نخلص من كلام الناس 

هنا بغضب : وانت ماشي تجبلي شوكولاته شكل حياه يتحب شوكولاته 

ادم بسخرية : ونبي عمرك كلتيها

هنا بسخرية : لا سبنهالك يابتاع الايدز 

ادم بصدمه : يخربيتك 

هما : بص يابني علشان نسلك معا بعضينا كل واحد كدا يحترم التاني 

ادم بسخرية : ماشي تعالي اجبلك الشوكلاته الي عمرك ما كلتيها 

هنا مشيت من قدامو بغرور وقالت : وانت تعال اغديك فول الي عمرك ما كلتو يافقيرررررر

ادم بضحك : حوشي حوشي يختي الدهب عمال يقع منك 

هنا بصتلو وقال : انت اشعرفك انت تعرف ان شعري ده عمله بكام في الكوافير قبل مااجي ولا البس الي انا لابسه ده 

ادم بضحك : شبه زغلول تعرفيها 

هنا قربت منو ومسكتو من كتفو : ايوا اعرفها طبعا يابكيذه 

ادم بصدمه : نعم 

هنا بضحك : انا بعرف اقصف خلي بالككك 

ادم بضيق : قدامييي 

هنا مشيت قدامو وقالت : فعلا قدامك خليك انت ورايا  دايما 

ادم بغضب : يابنت…

هنا جريت من قدامو وهي بتضحك وهو جري وراها …..

(تفاعلو علشان بوست مش يتمسح ولي بيقرا في صمت ونبي مش هتخسري حاجه لو علقتي انا كتبت وانا تعبانه عايزه حقي ????) 

_________________________________________

*عند سلمي سلمي فاقت بهدوء ولقت حسين قاعد قدامها 

حسين بخبث : ادم مسمعش كلامك واهو راح للمأذون علشان يتجوز البت الجربوعه دي 

سلمي بدموع : بجد 

حسين بشر : قال مستحيل احبها دي اختي مش كفايه ربتها بعد ما بابا وماما ماتو 

سلمي بصدمه : مستحيل

حسين : حتي بعد ما عرف انك عندك القلب 

سلمي بدموع : ادم عمرو ما يعمل كدا 

حسين بخبث : كان عندي مريضه نفس حالتك وفي الاخر انتحرت

سلمي بصتلو وقالت : انتحرت 

حسين مسك كوبايه من علي ترابيزه وقال : مسكت كوبايه كدا وكسرتها وعورت أيدها اه وقفلت باب الاوضه عليها بلمفتاح علشان محدش يدخل ينقذها

حسين قام بخبث وقال : انا همشي

حسين مشي وقفل الباب وراه بلمفتاح وسلمي بصت علي كوبايه بحزن وقربت منها ووو…….

( متنسوش تتفاعلو????ولي بيسرق اسرقي براحتك مهي كدا كدا خربانه????)

________________________________________

* عند ادم نزل هو وهنا من مكتب المأذون خلاص هي بقت مراتو 

هنا بضيق : انا عايزه فرح زاي باقي البنات

ادم ضحك 

هنا : ايه ياخويا قولت نكته 

ادم بضحك : لا بس حياتي كلها نكته امبارح اكتشف أن عندي الايدز واكتشف أن مراتي بتخوني وبعدين انهارده اكتشف أن هيبقا عندي بيبي ودلوقتي اتجوزت 

هنا  : والله ياحبيبي انت لو كنت محترم مكنش حصلنا كل ده 

ادم  : طب امشي قدامي أحسلك 

هنا : هنتمشا وهاكلك أكلنا مش اكلكم الي يصد النفس ده 

ادم  : طيب يلا بس تحكيلي عن هشام ده 

هنا وادم بدأو يمشو 

هنا : بص ياسيدي مش هينفع اقولك عنو لانو خلاص صفحه وتقفلت علشان انا دلوقتي متجوزه ومش ينفع اتكلم عن راجل غيرك دي تعتبر خيانه 

ادم ابتسم وقال :ونعمه الزوجه صالحه

هنا : مهو انت كمان لازم تعمل كدا حتي لو جوزنا علشان البيبي لازم تحترمني 

ادم : لا متخافيش من نحيه دي 

هنا بسخرية : هنشوف تعال يلا 

هنا قربت من عربيه بتبيع كشري وطلبت اتنين كشري والعربيه كانت جمب الكورنيش هنا خدت ادم وقعدو علي كرونيش …. والراجل الي بيبع الكشري بص علي شخصين واقفين بعيد وكانو لابسين كاب وشخص منهم شاورلو

ليلي : انت متاكد.ان راجل ده هيحط سم في طبق هنا 

الشخص : متخافيش واخد فلوسو وهيظبطنا 

ليلي بتوتر : خايفه يكشفنا يا باسم 

باسم بهدوء : خالك هيبعت حد يقتل خالد وطبعا الشرطه هتتهم آدم وسلمي هتنتحر وابنو وهنا هيموتو يعني اقل حاجه يجيلو حاله نفسيا ويترمي في سجن وهو عندو الايدز 

ليلي بشر : ايوا وناخد فلوسو …..

الراجل بتاع الكشري قدم لي هنا الطبق الي فيه السم واداه الطبق التاني لي ادم وهنا بدأت تاكول وتقول : دي لحمة الغلابه 

ادم بابتسامه : شكلو حلو 

ادم بدا ياكول وهنا قالت : كنت باجي انا وحياه هنا وكنا بناكول سوا وكنا بنغني نقول ايوا ياحبيبي 

ادم قطعها وقال : انا صوتي حلو هغنيلك المهم تقفلي بوقك ده 

هنا بضيق : قصدك أن صوتي وحش 

ادم بسخرية : هو وحش بس

هنا بغضب : نعممممممم

ادم بدأت يغني : أيوه يا حبيبي بحبك أوي كنت فين وبعدت ليه عني أيوه يا حبيبي وحشني أوي من زمان البعد جنني

هنا بصوت عالي : ولا أقولك بلاش الملامه سيدي أنا حمد الله على السلامه

ادم بصدمه : يخربيتك فضحتينا 

هنا ضحكت وقالت : سوري اندمجت 

ادم ابتسم وبعدين تلفونو رن ورد بهدوء وقال : الو 

باسم كان مغير صوتو وقال : عندك تلات أشخاص هيموتو دلوقتي اول واحده سلمي هتنتحر تاني واحده هنا هتموت مسمومه أما تالت هسيبك تكتشفو انت لوحدك ياتره هتنقذ مين 

ادم بص لي هنا برعب وقال بغضب : انت مين 

هنا حطت أيدها علي بطنها وقالت بوجع : اهاااااا بطني بتوجعني 

ادم بصلها بصدمه 

باسم بشر : البس يامعلم ……………