رواية توأمان وقلب واحد الحلقة الخامسة 5 بقلم إيمان المهدي
 |
| رواية توأمان وقلب واحد الحلقة الخامسة 5 بقلم إيمان المهدي |
رواية توأمان وقلب واحد الحلقة الخامسة 5 بقلم إيمان المهدي
أمير. ماما انت بتقولى ايه ازاى يعنى اتجوز حبيبه
ازاى اصلا اتجوز بعد حور ارجوكى ياماما قفلى على الموضوع دا نهائى
هاله يابنى ال انت عامله ف نفسك دا ميرضيش حد ولا حور خارقة مرتاحة ف قبرها وإنت كدا
وماله حبيبه فيها ايه دى اكتر حد بيفهمك وبعدين طول عمركم صدقتكم قويه وهي ال بتربى بنتك يابنى بنتك هتحتاح أم فى حياتها تراعيها وتهتم بيها
أمير انت لسه قايله ان حبيبه بتربيها
هاله وهي حبيبه هتعيش تربيلك بنتك بكرة يجلها ابن الحلال هتعمل ايه ساعتها وانا مش هعشلك
أمير متقلقيش ابقى اجيبلها مربيه
هاله أمير انت عارف بتقول ايه انت ليه بتعمل كدا حبيبه اكتر حد بيهتم ببنتك وهيراعيها
أمير. ماما ارجوكى افهمينى انا مش عايز اتجوز
هاله أنا امشى من قدامك أحسن. بس عندك فرصة تفكر قبل ما تخسر حبيبه جايز ربنا يكون عوضك بيها
يسرا حور عامله ايه النهاردة يابيبه
حبيبه كويسه يا ماما االحمد لله
يسرا. مش بتتعبى يا حبيبتى. أنا هاخدها شويه عشان تعرفى تنامى طول الليل سهرانه بيها وطول النهار بتجهزى معرضك
حبيبه ماما أنا كويسه ومش تعبانه ولا حاجة وبعدين فيه حد يتعب من حوريته
يسرا حبيبه هتعملى إيه بعد كدا
حبيبه بعدم فهم. أعمل ايه ف ايه
يسرا بكرة تتجوزى هتعملى ايه مع حور
حبيبه. انا مش هتجوز ياماما
يسرا كلام ايه دا هو فيه حاجة اسمها مش هتجوز كل البنات بتتجوز انتى هتترهبنى
حبيبه حور بنتى ومقدرش ابعد عنها حتى لو اترهبنت ياماما بعد إذنك هروح المعرض ساعة وراجعة قبل ما حور تصحى
هاله. قوليلى عملتى ايه
يسرا هو أنا لحقت اقول حاجة أول ماجبت سيرة الجواز نطت زى الهبله لأ وكمان بتقول اترهبن ولا انى اسيب بنتى
هاله. كنت عارفة انها هترفض فكرة الجواز عشان حور اومال لو عرفت ان عايزين نجوزها زوج اختها هتعمل ايه
يسرا وامير رأيه إيه
هاله دا على أساس ان مش نفس طباع بنتك المفروض تستنتجى لوحدك. رفض طبعا
يسرا طيب وبعدين. لازم نعمل حاجة
هاله سيبينى بس وانا هدورها ف دماغى بس مش هحل عن انى اجوزهم
خالد. مبروك يا حبيبه
حبيبه خالد الله يبارك فيك عرفت منين العنوان
خالد اخدت العنوان من حمزة بس ماشاء الله التجهزات شكلها حلو
حبيبه أه دا مبدأى لسه باقى تجهيزات كتير عشان يبقى زى ما رسمته ف خيالى أنا وحور الله يرحمها
خالد الله يرحمها انا عارف ان دا كان حلمك انتى وحور انكم تعملوا معرض خاص بيكم تعرضوا فيه الروسمات
حبيبه أتمنى المعرض ينجح
خالد هينجح خالى عندك ثقه
حبيبه شكرا يا خالد على اهتمامك
خالد. أنتى عارفة اهميتك عندى. انت وحمزة طبعا
حبيبه مبسوطه جدا من الكلام ال حمزة قاله عنك أنك بطلت شرب وسهرات بس نفسى افهم انت اصلا مكنتش كدا ليه الفترة دى بقيت كدا ورجعت تانى لطبيعتك
خالد يمكن مقدرش اقولك السبب بس اقدر اقولك كلنا بنمر بظروف نتصدم فيها ومش بنقدر نقاوم وبنعمل المستحيل عشان نخرج من واقع مؤلم صعب تغيره
وانت اهو صدمه وفاة حور غيرتك كتير ياريت ترجعى لطبيعتك بلاش تحبسى نفسك فى صورة حور دايما كل شخص مميز بذاته يا حبيبه
حبيبه طيب استأذنك يا خالد عشان متأخرش على حور
خالد لنفسه لو تعرفى سبب تغيرى كنت عذرتينى يا حبيبه مش سهل أنك تشوف روحك كانت بتموت قدامك وانت واقف متكتف مش قادر تعمل حاجة. اتمنى تفهمينى ف يوم
فى الجامعة.
رحمه مالك يارنا بقالك فترة متضايقه حساكى متغيرة
رنا أعمل ايه بس يا رحمه سمعت بابا بيتكلم مع عمى ف الفون على ارتباطى ب رحيم ابن عمى
رحمه. معقول طيب وحمزة وازاى اصلا عمى يوافق يجوزك رحيم دا تفكيركم مختلف دا غير ان حياة الصعيد مختلفة عن هنا كتير
رنا. أنا لا يمكن اتجوز غير حمزة أنا هكلم حمزة يصرف
رحمه. دكتور محمود عارف حمزة بيحبك واكيد هيكلم باباكى انتوا جيران واصدقاء من سنين
رنا يارب يا رحمه ادعيلى. المهم انت عامله ايه مع خالد
رحمه. تفتكرى هعمل اي واحد اصلا مش شايفنى هعمله ايه بس
رنا طيب حاولى تكلميه
رحمه انت هبله اكلمه اقوله ايه بس لا طبعا مقدرش أنا فين وهو فين وكفايه ان بشتغل ف مستشفى باباه
تقريبا مكتوب ف قدرى أن احب حد مش شايفنى ولا حاسس بوجودى
فى المساء
دخل أمير ليجد الكل على طاولة الطعام.
محمود تعالا يا أمير
أمير بألف هنا ياعمى. استأذنكم اشوف حور واروح ارتاح
حبيبه طيب أنا جايه معاك عشان لو صحت
أمير. لا ملوش لزوم أنا هشوفها واخرج من غير ما اقلقها تصبحوا على خير
دخل أمير بهدوء غرفة حبيبه الساكنه ليجد حوريته انهم بنوم هادئ على سرير حبيبه. هو يعلم ان حبيبه تبذل قصارى جهدها ف الإعتناء بطفلته ويعلم ان كلام والدته على حق ولكنه يخجل من نفسه كيف له ان ينسى حبه وسنوات عشقه الماضيه لحور. على حد عمله ان حور هي حبيبته هى رفيقه السنوات الماضيه
وليست حبيبه
تقف هاله من وراء أمير. وهو ينظر للطفله. … جميلة مش كدا
أمير. اوووى يا ماما تشبه الحوريات
هالة بتحبها يا أمير
أمير. ايه السؤال دا دى بنتى يا ماما أكيد بحبها أكتر من روحى
هاله بتدوس على وجعه أكتر ولما انت بتحبها اوووى كدا بتظلمها ليه عايز تبعدها عن أمها ليه
أمير تانى ياماما
هاله تانى وتالت يا أمير لحد ما تعقل وتفهم وتشوف الأمور من وجهة نظري بنتك محتاجة لحبيبه وحبيبه ف أى وقت ممكن تتجوز اتجوزها انت انت ياقلب أمك عشان خاطر بنتك بلاش تتحرم من حنان الأم مرتين
فكر ياقلب أمك وإنت هتقتنع بكلامى
يسرا. بمحاوله لتجذب انتباه حبيبه … والله أمير دا صعبان عليا اوووى لحد امتى هيفضل كدا
محمود. ماله أمير
يسرا يعنى انت مش شايف حالته طول الوقت حابس نفسه ف اوضته قليل لو اتعامل مع حد بقا دا أمير ال كان بيهتم بيشاكته وبنفسه وكان محب للحياة أمير ال بسمه مكنتش بتفارقه. النهارد مبقلهاش طريق ليه ملامحه باهته وعلى طول حزين
محمود عندك حق والله بس هو خسر مراته ودا مش سهل ربنا يعوضه ويصبره فراقها ويصبرنا
حبيبه بتحاول بقدر الإمكان ما تتضعفش قدامهم كان عامله نفسها انها مشغوله ف اكلها ومتجاهلة كلامهم بس مع كل كلمه امها بتنطقها كان القلب بيتألم وبيتوجع والعيون خائنة وبتخزلها استأذنت تروح ترتاح قبل ان تخزلها عينيها الشبيهتان السماء والمحيط ف زرقاوهما
هاله تفتكرى كلامك هيجيب نتيجة
يسرا أتمنى تفوق وتفهم ويرجع قلبها يدق تانى لأمير زي زمان
الروائح بتنزل حصرى على صفحة إيمان المهدى
حمزة. بس دا مش قلب حبيبه ياماما دا قلب حور وهو بالفعل مليان بحب أمير
بس عقل حبيبه بيكابر مش مصدق انها تقدر تتقبل زوج اختها. أنا حاسس بيها وعارف انها ف حيرة
يسرا سواءكان قلب حبيبه او حور. القلبين كانوا بيحبوا نفس الشخص
محمود قفلوا دلوقتى على الموضوع دا
أه بقولك أشرف وخالد عازمين نفسهم بكرة على الغدا
ف صباح يوم جديد طلبت رنا من حمزة يقابلها
حمزة. فيه ايه يارنا انتى كويسة
رنا. أنا كويسه ياحمزة
حمزة اومال ايه سبب أنك طلبتينى الصبح بدرى وقولتى ضرورى نتقابل
رنا بدموع بابا ياحمزة عايز يجوزنى إبن عمى كلمنى بليل ومصمم على جوازى منه
حمزة ازاى يعنى ايه يجوز غصب عنك
رنا ياما قولتلك تعالا اتقدم أعمل ايه انا دلوقتى يستحيل اتجوز غيرك
حمزة اهدى وانا هتصرف متقلقيش ويالا هوصلك الكليه واطلع المستشفي
رنا الوووو يارحمه فينك يابنتى مجتيش ليه الكلية
رحمة بحزن. معلش يارنا حبيت ارتاح شويه بس
رنا. رحمه انتى كويسه. مال صوتك
رحمه مفيش ياحبيبتى أنا بس صاحيه من النوم
رنا. طيب تحبى أجيلك
رحمه لأ ياحبيبتى أنا تعبانه النهاردة وهرتاح باى
قفلت رنا مع رحمة بس قلقها زاد هيا عارفة رحمة كويس بنت طيبه ومستحيل تحرج حد بالشكل دا أكيد فيه حاجة رحمه مخبياها عليها
رحمه بدموع يارب انا مش عارفة أعمل ايه حياتى كلها اتهدت ومستقبلى ضاع يارب ساعدنى مليش ذنب ف ال حصل اللهم دبر لى
أمير يطرق باب غرفة حبيبه المفتوح .. ممكن أدخل
حبيبه اتفضل يا أمير
أمير كنت ف أوضتى وسمعت صوت حور بتبكى
حبيبه أه ياسيدى نزلت أجهزلها ببرونه اللبن وإتأخرت عليها فعملت ازعاج للبيت كله
حور بصراحة هيا مش عامله ازعاج ولاحاجة هي بس تعباكى معاها
حبيبه لا تعبانى ولا حاجة بالعكس حور أجمل هديه الدنيا عطتهالى
أمير انا عارف ان متقل عليكى وانتى عندك معرضك وحياتك كنت بفكر أجيبلها دادة
حبيبه بعصبيه لم يفهمها أمير. انت بتقول ايه دى بنتى ومستحيل حد يربيها غيرى إياك تقول كدا تانى مستحيل حد يبعد حور عنى وكانت تمسكها بقوة وتحتضنها بشدة حتى لاحظ أمير ان حبيبه غير واعيه لنفسها وخوف شديد يظهر ف عينيها
أمير بهدوء حبيبه اهدى تعالى اقعدى أنا عارف انك بتحبيها حاضر ياستى مستحيل تتفرقوا بس ارجوكى اهدى
حبيبه ببكاء هيا سابتنى ومشيت قبل كدا وانا مش هخليها تمشى تانى ولاتبعد عنى حبيبه وحور روح واحد مستحيل يفترقوا فنحن كوتين القلب فيه الحياة لو انقطع انقطعت الحياة
أمير فهم ان حبيبه بتتكلم عن أختها وبوجود حور الصغيرة خلاها فاهمه انها متحرمتش منها عشان كدا تعلقها شديد بحور طيب ازاى هي لازم تفوق وتفهم ان ليها حياة ومستقبل وان وجود حور معاها مستحيل يتقبله شخص تانى
حبيبه. أمير اوعدنى أنك مش تبعدها عنى ارجوك
أمير. أوعدك يا حبيبه
شبح الإبتسامه أعتلى وجهها وبدأت تلاعب حور هي وامير أصبحوا منسجمين بعض الشئ
كانوا مراقبين من هاله ويسرا
يسرا. أنا كدا عرفت اقربهم ازاى والكلام ال هقوله هيجبرهم يبقوا مع بعض
فى المساء كان الجميع يجتمع على طاوله الطعام وأيضا خالد وأشرف
بعد انتهائهم كانوا يتحدثون ف عدة مواضيع حتى نطق خالد بما صدم الجميع والجمهم
خالد عمى محمود بعد إذنك أنا طالب منك إيد حبيبه عايزة اتجوزها مش هلاقى افضل منها زوجه ليا
صمت ساد المكان
حتى نطق هذا الشخص الذى كاد قلبه ان يخرج من بين طلوعه من شدة اللهيب الذى بداخله
أمير. انت اتجننت حبيبه مين ال تتجوزها طبعا لأ مستحيل اصلا ….
صدمه اعتلت وجوه الجميع ……
يتبع..
لقراءة الحلقة السادسة : اضغط هنا
لقراءة باقي حلقات الرواية : اضغط هنا
نرشح لك أيضاً رواية القوية إذا أحبت للكاتبة ندى الشريف.
