رواية أحببت مجنونة أطفال الفصل الخامس 5 بقلم مي ابراهيم

وقفنا فى الجامعه لما حد نده على هنا ودا كان ادهم 

ادهم:دكتورة هنا ممكن اتكلم معاكى

هنا:انت اي يا اخى زهقتنى هو انت بتراقبنى

ادهم:اسمعينى يا هنا انا والله بحبك وعايزك تكونى مراتى 

هنا:اسمعنى انت وافهمنى انا مبحبكش ومفيش بنا كلام ومش عايزه ابقى مراتك انا انت طلبت كتير وانا رفضت و ماخدتش موقف يضرك انا لحد دلوقتى محافظه علي مركزك يا دكتور ومش عايزه اضرك 

ادهم:انتى بتهزري انا بحبك مهو مش هسيبك لحد تانى مهما كان مش هينفع يبقي فى حياتك غيرى انا مش هسيبك كدا بالساهل يا ست الدكتورة انا حبيتك 

هنا:افهم بقي يا ادهم انت بالنسبة ليا مش اكتر من زميل ومش هينفع تبقي حاجة زيادة عن اذنك عشان عندى محاضرة يا دكتور

ادهم في نفسه منا مش هسيبك لحد غيرى انا حبيتك 

(دا لان ادهم طول عمره مدلع اى حاجة بيطلبها بيلاقيها لان عيلته غنية بيحب الامتلاك جدا بس هنا عمرها ماحبته لان قلبها مشغول) 

بتروح هنا محاضراتها وتنهيها على الساعة 1خلاص بتاخد عربيتها وتطلع علي المستشفى بتفضل تحت وتتصل بآيات تنزلها 

هنا:ايوه ياست هانم اتفضلى انزليلى عشان نخلص 

ايات:مش هتطلعى تطمنى على الاطفال 

هنا:لا مش انتى اطمنتى خلاص هنلف وبعدين واخده نبطشية بالليل انزلى يلاا وعرفى دكتور حسين ووصى عايدة وعزه على الاطفال 

ايات:حاضر نازلة 

قفلت معاها وقعدت شويه فى  العربيه وبعدين وصلت ايات 

هنا:دا كله بتهببى اى يا نيله انتى 

ايات:معلشي حسن كان بيسألني لو عايزه حاجة وبيشوفنا رايحين فين

هنا: هو ماله اصلا

ايات:عشان هيقابلنا بعد ما نخلص يلا بقا اطلعى وبطلى رغى

هنا:سواقة ابوكى انا متجبيلك عربيه

ايات:معلشي يا نونو نردهالك في الافراح ان شاءالله

هنا:خلاص انتى هتشحتى هنروح فين 

ايات:المول يا روحى يلاا

وصلوا ولفوا كتير راحوا اتيليه الاول وايات اختارت فستانها الابيض وكان تحفه عارى لانها هتبقي بشعرها ضيق من فوق وواسع من تحت بديل بسيط وطرحه طويله 

وبعدين راحوا محل لبس خروج عشان يشتروا دريسات 

ايات كان ناقصها لبس اشترته واشترت فستان لكتب الكتاب بعد اسبوع واشترت فستان سيمبل للحنة اما هنا  اشترت 3فساتي لكتب الكتاب والحنة والدخلة وهنا اشترت شوية لبس بيتى ليها وخلصوا خلاص على الساعة 7وايات اتصلت بحسن وعرفته وهو رايحلهم

هنا:فاضل ساعة علي النبطشية يا اخرة صبرى وعايزه اروح اغيرى 

ايات:مش هينفع يا هنا لازم نتغدى سوا حسن هيجى دلوقتى اقعدى بقى 

هنا:امرى الى الله هقعد ؛ قاعدوا وطلبوا حاجة يشربوها لحد ما حسن يجي بس ايات وحسن كان خططوا لحاجة وهى 

في المستشفى بعد ما ايات كلمت حسن

حسن:بقولك اى يا دكتور احمد 

احمد:يعنى ياحسن احنا زمايل وكدا ممكن تقولى ياحمد عادى 

حسن:كويس سهلت عليا اصلا

احمد:بتقول اى

حسن:بقولك نبقي اصحاب يابرو

احمد:اكيد طبعا شرف ليا يابني

حسن:الله يشرفك طيب ماتيجي معايا بقي اعزمك على الغدا 

احمد :دا انت ما صدقت

حسن:لا ياسيدى اصل ايات وهنا نزلوا يشتروا فساتين للفرح وانا رايحلهم عازمهم هنتغدى ونروح بس عشان ايات بتنكسف تقعد معانا لوحدها وعشان مشاعرها وكدا بقولك تجي معانا

احمد:اه يعنى انت عازمنى عشان هنا متبقاش عزول وسطيكم

حسن:الصراحه اه متزعلش مني يعني هنا عندى زي اختى وبخاف على مشاعرها الصراحة و ايات بتحبها اوى

احمد:طيب ياسيدى يارب تعزمهم كل يوم عشان اتعزم معاهم بقي

عند هنا و ايات هنا تليفونها رن وكان دكتور حسين

هنا:الو يا دكتور هى نص ساعة ان شاءالله وهاجى والله مش هتاخر

حسين:اهدى يا هنا براحتك مش شرط تيجى النهارده انا عارف انك مع ايات 

هنا:ازاى بس يا دكتور مينفعش

حسين:كدا كدا فيه ممرضين نبطشيه والاطفال وضعها مستقر ومفيش حاجة تقلق خليكى انتهى انبسطى انتى بقالك كتير ما اخدتيش اجازه لانك هتشيلى اليومين الجاين بدل ايات 

هنا:تمام يا دكتور اللى تشوفه حضرتك مع السلامة 

ايات:يلا ياستى عشان تقعدى براحتك بقى 

هنا:لا مهو اليوم اتحسب عليا اجازه وانا من زمان ما اخدتش اجازه هتتفضلى قدامى حضرتك نروح اغير انا من الصبح كدا ومش طايقه نفسي

ايات: يا نونو ياروحى هفضل هنا عشان حسن لما يجى وروحى انتى بس متتاخريش وخدى حاجاتنا معاكى

هنا:تمام سلام يا واطيه 

بعد ما هنا مشيت بشويه جه احمد وحسن 

حسن :اومال فين هنا يا ايات 

ايات:روحت ازيك يا احمد

احمدوهو بيبص لحسن:الحمد لله ازيك انتى يا ايات طيب اسيبكم تقعدوا لوحدكم 

ايات وهي كاتمه الضحكة وبتبص لحسن:استنى يا احمد هنا جايه شويه بس وهنتغدى سوا ونسهر حبه 

قعدوا ربع ساعة وهنا جت وكانت لابسة بنطلون اسود وعليه شميز اسود فوق الركبة بحبه حلوين وعليهم جاكت نبيتي وطرحه نبيتى وكوتشي اسود

هنا:متاخرتش عليكم صح وشافت احمد معاهم 

ايات:لا خالص غيرتى يا اختى واستريحتى 

هنا:بس يابت ازيك يا ابو على 

حسن:الحمد لله يا نونو عامله اى 

هنا:الحمد لله ازيك يا احمد 

احمد هو اصلا كان بيغلي لما شافها ببنطلون وغلى اكتر لما هزرت مع حسن وهو دلعها  بس حاول مايبينش :الحمد لله هنا:طيب يا ابو اتفضل اطلب الاكل عشان هموت من الجوع الست هانم دوختنى وكمان مستعجلة 

ايات:رايحه فين

هنا:النهارده اجازه وعايزه اتفسح الف شويه واروح ملاهى واكل ايس كريم واتمشي علي الكورنيش 

ايات وحسن في نفس واحد:انتى مجنونه 

هنا:شكرا ها يا احمد مش عايز تقول حاجة

احمد:لا انا معاكوا عادى 

كلوا وخلصوا راحوا الملاهى ولعبوا كتير واحمد كان مع هنا طول الوقت وجابوا ايس كريم وغزل بنات وبعدين طلعوا علي الكورنيش واكلوا حمص الشام وهما مروحين  وبعدين 

روحوا وعدى اسبوع وكان احمد بيحاول يقرب من هنا وهى برضوا وبقوا اصحاب 

يتبع…