رواية كانسر الفصل الخامس 5 بقلم آية السيد
 |
| رواية كانسر الفصل الخامس 5 بقلم آية السيد |
رواية كانسر الفصل الخامس 5 بقلم آية السيد
أسر /حور…
أحمد بنفاذ صبر /يا بني اخلص بقا وطمنا فيه ايه
أسر /عندها… عندها كانسر
أحمد فضل يضحك اول لما سمع كلام أسر
أسر استغرب رده فعل ابوة اما ايمان فبصت لأسر وهي مصدومه من كلامه واتصدمت اكتر من رده فعل احمد جوزها
أحمد بضحك حتي دمعت عيناه /ههههههه بطل هزار بقا يا أسر وعيب تقول كده علي اختك
أسر بص لابوة بحزن وبص في الارض /بس.. بس انا مش بهزر يا بابا مع الأسف حور فعلا عندها كانسر
أحمد قام عند أسر وفجأه ضريه بالقلم وأسر اتصدم من اللي ابوة عمله
أحمد بغضب وهو يهز أسر بعنف /انت مجنون انت عارف وواعي انت بقول ايه
أسر باصص في الارض ومردش هو مقدر حاله ابوة بس هو مش عارف يقول ايه لان هو نفسه حاسس انه متكتف ومش قادر يعمل حاجه
أحمد زقه بغضب وقعد علي الكرسي وبيحاول يلتقط انفاسه
إيمان قامت وراحت عند أسر ورفعت وشه وخليته يبصلها
ايمان بدموع لا اردايه وهي تنظر له باستعطاف /أسر.. أسر حبيبي رد عليا عشان خاطري قول ان اللي انت قولته كلام كذب وانك بتهزر معانا زي عادتك والله وانا مش هزعل منك
أسر بص في الارض ومش بيرد ودموعه بتخونه وبتنزل
ايمان بدموع /ي… يعني ايه انت… انت مش بتهزر… ي.. يعني حور… حور…. اهههه يا رب وأخذت تبكي بشده حتي لم تعد تستطيع الوقوف فوقعت علي الارض
ايمان بعياط شديد /اهههه يا بنتي اهه … وبعدين مسحت وشها بعنف /لا… لا… اكيد فيه حاجه غلط… لا بنتي مش هتسيبني اههه يا رببببب
أسر قعد جنب والدته وحضنها وهي حضنته هي كمان وبتعيط اكتر
أسر بعياط ولكن يحاول التماسك عشان اهله واخته /اهدي… اهدي يا ماما عشان خاطري حور محتاجه لينا جنبها مينفعش نقع لأننا لو وقعنا هي كمان هتقع بالله عليكي اهدي وهي هتبقي كويسه والله وهتتعالج وكله هيبقا تمام
ايمان بعدت عنه وبصتله بامل /ه.. هي هتبقي كويسه صح!!!
أسر بايماءه /اه والله بس عشان خاطري اهدي
ايمان هزت راسها بالايجاب بس دموعها بتخونها وبتنزل
أسر سابها وراح قعد جنب ابوه
أسر /بالله عليك يا بابا اهدي حور محتاجه لينا جنبها لازم نبقا سندها ونقويها
أحمد بص لاسر وهز راسه بايماءه بمعني ايوة وبعدين بص علي وشه اللي لسه معلم مكان ضربته وبعدين حضن ابنه جامد
أحمد /سامحني يا بني سامحني
أسر وهو يضم ابوة /مش زعلان منك يا بابا والله ما زعلان
أسر بعد عنه /بس عشان خاطري حور هتستقوي بينا لازم منضعفش
أحمد مسح دموعه واتكلم /معاك حق يا بني
أسر مسح دموعه وبصلهم /انا هروح اشوف حور وانتوا حاولوا تهدوا الأول
أسر ساب والده وقام راح ناحيه الباب وفتحه ولقي حور واقفه ودموعها شبه الشلال وعيونها حمرا شبه الدم وبتحاول تكتم شهقاتها ومنظرها يبكي الحجر
أسر جري علي اخته وحضنها وهي استسلمت لحضنه وبكت بشده
ايمان واحمد خرجوا ولقوا أسر حاضن حور
ايمان واحمد جروا عليها وحضنوها
ايمان بدموع /ه…هتبقي كويسه والله متخافيش
حور بصتلها بدموع وبعدين بصت لأحمد
أحمد /كله هيعدي يا حبيبتي كله هيعدي والله بس ثقي في ربك
حور حضنته وتبتت في حضنه
___________________
تاني يوم في منزل المحمدي
ايمان دخلت اوضه حور ولقتها نايمه ودموعها علي خدها
ايمان قعدت جنبها وفضلت تملس علي شعرها بحب ودموعها خانتها ونزلت علي حال بنتها واللي حصلها
ايمان بدعاء /يا رب انت القادر علي كل شئ يا رب يا رب اشفيها شفاء لايغادر سقما يا رب
حور حست بأيد علي دماغها وفتحت عيونها بالراحه لقت والدتها جنبها
حور بصت لأمها ولاحظت دموعها /ماما
ايمان انتبهت لحور اللي صحت ومسحت دموعها بسرعه /ها صباح الخير يا حبيبتي
حور اتعدلت في السرير /صباح الخير
ايمان وهي تحاول رسم الابتسامه علي وشها عشان بنتها/يلا يا قلبي قومي صلي عشان نفطر سوا
حور بخفوت /حاضر
ايمان /طب يلا انا هخرج وانتي قومي يلا وحصليني
حور هزت راسها بهدوء ولم تتحدث
ايمان بصت ليها بالم وخرجت وراحت علي المطبخ بسرعه ودموعها خانتها ونزلت
احمد كان بيدور عليها /يا ايمان… ايمان… دي راحت فين دي
أحمد راح يشوفها في المطبخ لقاها واقفه وضهرها للباب وحاطه ايدها علي بقها وجسمها بيتنفض لأنها بتحاول تكتم شهقاتها
أحمد راح ناحيتها وحط ايده علي كتفها
ايمان اتخضيت ومسحت دموعها بسرعه وبعدين لفت لقته احمد
ايمان بصت ليه وبعدين بصت في الارض وهو في خلال ثواني كان حاضنها وهي كأنها ما صدقت لقت حضنه دا
أحمد فضل يطبطب عليها وبيحاول يهديها وبيحاول يمسك دموعه
أحمد بحنيه /هشش اهدي اهدي هتبقي كويسه والله وهتتجوز وهنفرح بيها كمان
ايمان بعدت عنه وبصتله وهو هز دماغه بمعني ايوة
أحمد مسح دموعها واتكلم بحنيه وابتسامه /يلا بقا اهدي واعملي لينا فطار من ايدك الحلوة وعشان نروح المستشفى لما نخلص
ايمان بابتسامه /ح.. حاضر
أحمد بأس دماغها وسابها وخرج
______________________
في اوضه أسر
أسر كان قاعد علي السرير وباصص علي الاشئ ودموعه بتخونه وبتنزل علي اخته وبيفكر في المرض اللي عندها وقطع شروده صوت موبايله
اسر فاق من شروده ومسح دموعه ومسك الموبايل لقاها فايزه خطيبته
أسر بصوت حاول جعله طبيعي /السلام عليكم
فايزة بهدوء /وعليكم السلام ازيك يا أسر
أسر /الحمد لله انتي عامله ايه
فايزة /الحمد لله تمام
أسر /يا رب دايما
فايزه بقلق من نبره صوته /أسر انت كويس؟!
أسر دمعه خانته وحاول يتكلم بهدوء /ا.. اه تمام
فايزة /بجد!!!
أسر /اه متقلقيش
فايزة /طيب انت هتنزل أمته من البيت تروح الشركه
أسر /مش هروح النهارده يا فايزة
فايزة باستغراب /ليه بس ممكن تفهمني فيه ايه وصوتك مالك
أسر بعصبيه /يوووووه انتي مش بتفهمي مش قولت مش متزفت جاي مش بتسمعي الكلام ليه كل حاجه اسأله اسأله انتي ايه عينوكي واصي عليا
فايزة عيطت من نبره صوته وخافت /ا.. انا.. اا… اسفه
أسر حاول يهدي لأنها ملهاش ذنب في النهايه /فايزة انا…
فايزة بعياط /انا ا… اسفه سلام
فايزة قفلت الخط وفضلت تعيط كتير
أسر رمي الموبايل جنبه بعصبيه وفضل ينفخ بضيق وسمع صوت خبط علي الباب
أسر مسح دموعه وحاول يهدي /ادخل
أحمد دخل وقعد جنبه علي السرير
أحمد بهدوء وهو يضع يده علي كتفه /صوتك كان عالي علفكره
أسر /اسف يا بابا بس….
احمج /مفيش بس يا أسر فايزة ملهاش ذنب يا ابني وانت جرحتها انا عارف انك زعلان علي حور واللي حصلها بس كمان فايزة بتحبك وشرياك فبلاش تقسي عليها يا ابني
أسر بدموع /يابابا انا تعبان ومش عارف اعمل ايه حاسس اني عاجز ومش عارف اتصرف ولا اساعد اختي
أحمد قام ووقف جنبه /سلم امرك لربنا يا بني وحور ان شاء الله هتبقي كويسه بس بردوا اللي عملته مع فايزة غلط
أسر /يعني اعمل ايه يا بابا
أحمد /كلم خطيبتك يا بني وطيب خاطرها بكلمتين دي غلبانه بلاش تيجي عليها يا أسر يا بني
أسر /حاضر يا بابا بعد المستشفى هقابلها.
احمد /ربنا يهديك يا بني
____________________
في منزل المحمدي
كان يجلس الجميع علي الترابيزة المخصصه للطعام
مالك بابتسامه عذبه /صباح الخير
الجميع /صباح النور
ريهام /يلا يا حبيبي عشان تفطر
مالك /لا يا حبيبتي هفطر في الشركه عشان اتاخرت يلا مش عاوزين حاجه
ابراهيم /خلي بالك من نفسك
مالك /حاضر ثم نظر لانجي اللي كانت بتلعب بالمعلقه في الطبق ومش بتاكل
مالك بتساؤل /انجي… انتي يا بنتي
انجي بانتباه/ها
مالك /مالك؟.
انجي /مفيش… كنت عاوزني
مالك /هعديها بس لينا قاعده… المهم مكلمتيش حور
انجي بنفي /لا
مالك باستغراب /غريبه بحاول اكلمها امبارح تلفونها مقفول ولما رن وادا جرس مش بترد
انجي /مش عارفه حاول تاني
مالك /اكيد هعمل كده يلا سلام
الكل /سلام
بعد مده مالك وصل الشركه ودخل مكتبه وقعد وبعدين سمع صوت خبط علي الباب
مالك بأمر /ادخل
دخلت منه السكرتيره
منه /صباح الخير يا مستر مالك
مالك بايماءة /صباح الخير… الاستاذ أسر جه
منه بنفي/لا هو اتصل وبلغ باجازة النهارده
مالك باستغراب /مقلش السبب
منه /لا
مالك /ماشي يا منه اتفضل علي مكتبك انتي واجلي الاجتماعات بتاع النهارده لغايه ما الاستاذ أسر ياجي
منه بايماءه /حاضر حاجه تانيه؟
مالك /ايوة عاوز كوبايه قهوه
منه /حاضر عن اذنك
مالك /اتفضلي
منه خرجت وقفلت الباب وأسر مسك موبايله وكلم أسر
بعد مده
مالك /ايوة يا أسر ازيك
أسر بهدوء /الحمد لله انت عامل ايه
مالك /الحمد لله مجتش الشركه ليه
أسر /ابدا بس مش هقدر اجي النهارده
مالك باستغراب لان دي مش عاده أسر انه ميجيش الشركه /فيه ايه يا أسر وحور مش بترد عليا ليه
أسر بارتباك/ابدا متقلقش ممكن لسه نايمه
مالك /طيب ممكن تشوفها وتديها التليفون تكلمني
أسر /بس….
مالك /معلشي يا أسر بس لازم اكلمها ضروري لأنها من امبارح تليفونها مقفول
أسر باستسلام /حاضر
أسر راح اوضه حور وخبط عليها
________________________
في غرفه حور
حور كانت سامعه التليفون بيرن وكانت عارفه انه مالك بس خايفه ترد عليه وحاسه انها متردده ترد أو لا وبعدين التليفون فصل
وهي اتنهدت بهدوء وخايفه من مواجهه مالك ومش عارفه تقوله اي وايه هتكون رده فعله و قطع افكرها صوت خبط الباب
حور /ادخل
الباب اتفتح ولقيته أسر
أسر بابتسامه /صباح الفل يا حوري
حور /صباح الخير يا حبيبي
أسر /مالك عاوز يكلمك
حور اتصدمت لأنها مكنتش راضيه ترد عليها غير ما تعرف هتعمل ايه.
اسر بص بحور وفهمها بس شاور براسه بمعني كلميه.
حور اخدت التليفون من أسر وكلمت مالك وأسر انسحب بهدوء عشان يسيبها تكلمه
حور /الو
مالك /ايوة يا حور مش بتردي عليا ليه
حور بجديه/مالك ممكن نتقابل الساعه 4 في نفس الكافيه اللي بنتقابل فيه.
مالك باستغراب من طريقتها /فيه ايه يا حور
حور حاولت تمسك دموعها /اما نتقابل.
مالك /حاضر بس انتي كويسه
حور /ايوة سلام
مالك استغرب طريقتها /سلام
مالك فضل طول اليوم يفكر فيها وفي طريقتها واتنهد بضيق وحاول يخلص شغله
____________________
حور خرجت من الاوضه وقعدت جنب أسر علي السفره
أحمد بهدوء /حور احنا هنخلص اكل ونروح المستشفى
حور بايماءه /ماشي
ايمان حطت ايدها علي ايد حور وابتسمت /كل حاجه هتبقى كويسه
حور ابتسمت وبصت في طبقها
وإيمان بصت لأحمد اللي طمنها بنظراته
خلصوا اكل وراحوا المستشفى وأسر راح معاهم
_____________________
في المستشفى وخاصه في غرفه دكتورة مختصه بالاورام
الدكتوره نورهان /التحاليل دي بتقول ان الانسه حور عندها ورم فعلا
ايمان بخوف /طيب ايه الحل يا دكتوره
نورهان بهدوء /متقلقيش ان شاء الله خير بس بردوا فيه تحاليل تانيه اهم هتتعمل وساعتها هنقدر نحدد هنعمل ايه
أحمد بشكر /شكرا يا دكتوره عن اذنك
وخرج الجميع من المستشفى
حور /بابا بعد اذنك انا هقابل مالك النهارده
أحمد /ماشي… هتقوليله
حور بنفي /لا
احمد /بس…
حور /كده احسن انا همشي
أحمد /خدي بالك من نفسك
حور /حاضر
وبعدين حور راحت الكافيه عشان تقابل مالك وبعد كده جه واتكلموا
_________________باااااااك
حور فاقت من شرودها علي صوت موبايلها
حور بعياط/الو
انجي بخوف /انتي كويسه!!!!
حور وفجأه حور صرخت جامد /اههههه و…….
يتبع…..
لقراءة الفصل السادس : اضغط هنا
لقراءة باقي فصول الرواية : اضغط هنا
نرشح لك أيضاً رواية جوازة غصب للكاتب عمرو خالد
