رواية فرح ولكن الحلقة السابعة 7 بقلم مروان فرج
 |
| رواية فرح ولكن الحلقة السابعة 7 بقلم مروان فرج |
رواية فرح ولكن الحلقة السابعة 7 بقلم مروان فرج
عمتي سليمه…بس انا عندي موضوع ف راسي ورح يعجبك
انا..شن هوا ????
سليمه….شن رايك يافرح نزوجك لي امين هوا زي ماتعرفي مكمل قرايته ومواليد90 ويخدم ع حاله وعنده الشقه يلي فوق حوشنا ومش ناقص زي ومنها تقعدو معانا ف الحوش زي قبل زي تالي ونا هكي نكون تطمنت عليك ورضيت وخي ❤️
انا…بس ياعمتي انا مانبيش توا انا نبي نكمل قرايتي ومس مفكره ف موضوع الزواج نهائى ????
سليمه…اها قصدك ماعنديش خاطرك عندك يافرح وبعدين حتي امين هوا يلي يبيك وطلب من اني نكلمك ونا وافقت لانك بنت خوي
انت….معاش عرفت كيف نتكلم بكل بس ياعمتي اااء ااء انا…
عمتي سليمه….فكري انتي يافرح ومعاش مافيش حد يغصبك علي شي وحتي لو رفضتني مش رح تتغير معاملتنا معاك مهم يلي تبيه انتي تمام
انا…ربي يخليك ليا وقعدت ندير معاها ف الحلويات وتعلم فياا وشوي كنت لابسه كت ورافعه سروالي ماهو كنت مقعمزه لوطا علي خشت امين
امين….ماكانش يعلم بيا اني ف المطبخ خش بدون لايدير صوت وشافني كيف مقعمز????????قعد يتامل فياا شوي وبعدين دار صوت
انا…لميت بعضي وقعمزت زين
سليمه….تعال ياامين خش مافيش حد غريب
امين ….خش وكان متحمش شوي اهلين يافرح شن حالك
انا….تمام كيفك انتا إنشاء الله بخير
امين….تمام بخير وسكتت
سليمه…. شن تبي ندير شي تاكله والل مش جيعان????❤️
امين….هههههه لالا بس بنقولك اليوم معزومين ف حوش العيله مدايرين لمه وطلبو مني اني نكلمك وقالو ضروري فرح معاك وشافلي
انا….درت روحي متحشمه ونزلت راسي وقعدت نشوفا ف الوطا????
سليمه….باهي كويس بكل خلاص يافرح امشي وتي روحك معاش مزال هلبا ع المغرب ونوضي ساحده بالمره
انا…. تمام ياعمتي ونضت طلعت من جنب امين وحسيت بريحته علياا ????
خشيت نجري للدار ولقيت ساجده قعدت راقده تقولي ليها يومين مش راقده وقعدت انوض فيها وهيا نومه زي الهم ماتنوضش بكل الا بالضرب وبعدها معانت ناضت بالسيف وقولتها وتي روحك بنمشو
ساجده….خليني نرقد مانبيش نمشي اليوم نبي نرقد وبس
انا….ههههه تي مش وقت النوم توا هيا عادت امك قاتلي نوضك وفكينا من العراك بعدين هيا انا بنجهز روحي
ساجده …..باهي تمام
قعدت نوتي ف روحي ونساوي ف شعراتي وهكي حاجات معا البنات❤️????
#عند أمين
امين….كان قاعد يدور في المطبخ جنب امه ومش عارف شن يدير والل ليش قاعد ف المطبخ اصلا
سليمه….تي خيرك شن فيك يامين ليش تدور علياا من بكري شن تبي مني
امين….ااء بنقولك شن كلمتيها فرح ف موضوع هداكا ولالا
سليمه….اي موضوع ياعيني وشن الكلام هدا وبعدين من امتا بديت تتكلم في مواضيع انتا????
امين….امييي عاد مش وقت بصارتك معاي تعرفيني مانحبش البصاره نا ومش جوي قوليلي معاش تحرقيلي اعصابي
سليمه….ههههههه اي كلمتها بس شن بنقولك ياامين حسيتها انا ماعندهاش نيه ف الموضوع او مافهمتش كيف لما كلمتها قاتلي نبي نقرا ومانفكرش فيه الموضوع متاع الزواج توا
امين….كيف وانتي شن قوتليها بعدين ياام
سليمه….تي شن بنقولها مانقدرش نغصبها بالسيف واصلا الزواج قسمه ونصيب لو ماتزوجت فرح ف الف غيرها خيرك انتا شاد ف الموضوع هدا
امين….لاني نبيها يام زيدي كلميها وحاولي تقنعيها وراسك ياام
سليمه …تي وسع من قدامي واياك نسمعك مكلمها والل غاصبها ع شي بدون ماتكون هيا يلي واخد القرار فاهم ولالا
امين….وووك باهي وطلع من جنب امه وهوا يفكر لو فرح ترفضه كيف بدير هوا وشن السبب يلي يخي فرح ماتبيش قعدت امين يفكر ف اي طريقه عشان يخلي فرح تقبل تتتزوجه بالسيف
#عند فرح
انا…قعدت نساوي ف شعري بالاستشوار ونفكر ف كلام عمتي ونا ناحيه تانيه مانبيش نتزوج كنت نبي نكمل قرايتي ونولي دكتوره بس كيف بندير توا نخاف لو رفضت العيله يكرهوني ومعاش حد يحبني وهكي نكون ف شي ونخش ف شي تاني
وفي نص تفكيري تدكرت كلام بوي لما كان يقولي ماتتخليش ع حلمك ابدا وديما ديري يلي تشوفيه الصح وترتاحي عليه ونا بجد مش متريحه للزواج من حد الفتره هادي فخديت قراري يلي هوا مش رح نتزوج????
كان اصعب قرار ناخده ف حياتي كلها????
وفي عز تفكيري حصلت ضربه من ساجده ع راسي لاني قريب عيطت????
ساجده هياا عاد حولي وانتي من بكري توتي ف روحك تقولي ماشيه للعرس
انا….باهي هي وتي روحك وبنخش نبدل معاش مزال وقت بكل راهو
ساجده …تمام هي
وتيت روحي انا وساجده وعمتي وجي المغرب وكان امين يلي رح يوصلنا ركبنا معاه ومشينا لحوش العيله وخشيت والكل استقبلوني استقبال حلو الحق ماكنت متوقعه انا رح يكون هكي بالشكل هدأ
خشينا وكان الجو حلو والكل كانو يحبوني ومايبوش يحسوني اني وحيده يلي جي يهدرز ويحكي معاي وكانو بجد احلي نااس????❤️عمامي وعماتي وهك
دارو عشي وتعشينا معا بعض وخشينا بعدين نحنا البنات معا بعض للدار عشان نهدرزو معا بنات عمامي وعماتي لعند ماسمعنا برااا صوت عالي وعركه كنت مش عارفه شن يلي صار بره????
ناضو عمامي وطلعو عماتي عشان يعرفو شن القصه ومنو سبب المشكله براا وماخلوش حد يطلع وكانت المشكله بين امين وخالد ولد عمه????????
جت ساجده وكلمتني وقاتلي هيا قاتلك امي بنروحوو تواا
انا….ليش شن في بس قاعد ماجتش حتي الساعه 9
ساحده مش عارفه بس امين قالو متعارك معا ولد عمه وضاربين بعض وخلوني نروحو عشان بوي يحل المشكله وخير ماتكبر
انا….باهي هي لميت روحي وركبت ف السياره وروح بينانا احمد ولد عمتي الصغير وصلنا للحوش وخشيت ونا كنت نفكر ونبي نعرف شن سبب المشكله هادي وليش بالدات امين وخالد يتعاركو????????
ساجده…كانت مانعلم بشي حتي هيااا روحت عمتي وراجلها ورح معاهم امين وكان واضح عليه انا متعارك ومحصل كدمات ومباش حد يقولنا شن سبب المشكله يلي بيناتنها
انا …قولت ممكن مشكله عادي ومافكرتش فيها رقدت وقعد في بالي موضوع يلي قاتلي عليه عمتي وكنت مترده الحق
#تسريع الاحداث
مرور اسبوعين وعرفت انا سبب المشكله بين امين وخالد هي انا والزوز كانو يبو يخبطوني وكانو الكل يتكلم في الموضوع هدا لين حسيت بروحي موقفي وله اخييي بكل خصوصا لما نمشو لحد او حد يمشينا مش عارف كيف يكون ردت فعلي كنت متحمله وخلاص
وامين….كان يكلم في امه عشان تضغظ علياا ونقبل نتزوجه بالسيف بس انا كنت واخده قراري ويلي هوا لا لعند ماجت عمتي وكلمتني وقاتلي شن فكرتي يافرح????
انا….اها فكرت بس مانبيش تزعلي من عمتو ????
سليمه….قولي مافيش شي يزعل اصلا
انا….مانبيش ندير مشاكل بين حد واحسن شي اني مش رح نتزوج وانا نبي نكمل قرايتي ونولي دكتوره
سليمه…. هدا قرارك النهائي يعني
انا…اها قراري النهائي
سليمه…. باهي تمام ع راحتك ومشت كلمتك أمين وكان راقيله بكل بس مباش يدير اي شي ونا كنت خايفه من ردت فعله توقعت يدير شي بس الحمد لله مادار شي
مشو ايامات ورحعت للقرايه وجي تقدمي خالد ورفضه ومشو ايامات وشهور وساحده كانت تكلم فيا ع امين بس قوتلها قراري مش رح نغيره بكل ????لا يعني لاااا
ساجده زعلت مني هلباااا ماكنتش متوقعه اني رح نرفضها طلب بالرغم من اني كنت نحبها هلباا بس كان الشي مش بيدي بكل معاش بت تكلم وتحكي معاي زي قبل ????
وحتي لما نمشو الثانويه تقعمز هيا ف مكان ونا ف مكان وفالحوش كل واحد ف حاله وحسيت حتي عمتي مش زي قبل حسيتهم مش عارفه كيف زي ماتقولو تغيروو بالرغم من انهم مازعلونيش بي ولا حرف
بس انا معاش كنت مرتاحه زي قبل وكنت لما نكلم في عمتي نقولها نبي نمشي لحوش بوي تقولي كلمت امين وقالي مش فاضي وهكي
يعني معاش تكلميني بكل قعدت ساكته ومتحمله لانا ماكانش عندي مكان نمشي نسكن فيه ونرتاح من العداب هدا مشت عليااا سنه صعبه بكل وكنت مضايقه ومش عارفه شن ندير
لعند مافي يوم جي راجل عمتي وكلم عمتي وقاللها جيبي فرح للمربوعه نبيها ف موضوع وتعالي معاها
انا….كنت راقده ع السرير ونفكر ف بابا ودموعي ع خدودي وساجده كانت بحداي وتشوف فيا لما نبكي بس مابتش ادير اي ردت فعل بكل تغيرت ساجده180درجه معاي من لما رفضت الزواج من امي
المهم سمعت صوت عمتي تنادي فيااا مسحت دموعي ورديت عليها
سليمه….فرح تعالي للموبوعه يبيك عمك يلي هوا راجلها
انا….استغربت عشان كان اول مره يحكي معاي ويبيني ف موضوع نضت غسلت وجهي ولبست وشاح وكنت نمشي ومتردده شن يبي مني وصلت للدار طقطت وفتحت الباب انصدمت….????
يتبع..
لقراءة الحلقة الثامنة : اضغط هنا
لقراءة باقي حلقات الرواية : اضغط هنا
نرشح لك أيضاً رواية ملاك أوقع شيطان للكاتبة ريم محمد.
