رواية خطة رنا الفصل الثامن 8 بقلم روني محمد
 |
| رواية خطة رنا الفصل الثامن 8 بقلم روني محمد |
رواية خطة رنا الفصل الثامن 8 بقلم روني محمد
أمجد : انتي واقفه كده ليه ؟
رنا بغيظ : واقفه اشاهد جمالكم..
أمجد : طب يا نرمين روحي انتي دلوقتي وانا هفكر وأرد عليكي…
رنا : وهي لسه فيها تفكير لأ قولها موافق … يلا يلا قولها موافق
أمجد : معلش يا نيرمين انتي عارفه رنا اعصابها تعبانه طالعة من خطف وكده
نرمين : لا عادي المهم متتاخرش عليه هستناك النهارده او بكره بالكتير
رنا : وتستنيه ليه يا حبيبتي لا خشوا ريحوا جوه وانا هقفلكم هنا اخلي بالي من الطريق…
أمجد بغضب : لأ بقى دانتي اتجننتي راسمي..
رنا : انا الي اتجننت ماشي يا امجد بقى انا تخوني مع الحيزبونه دي ، طب كنت بتخطبني ليه ها كنت خليتك معاها ….
نرمين: انا مسمحلكيش…….. انتي فاهمه غلط !!
امجد : امشي يا نرمين لو سمحتي ، وانا هبقى اكلمك …..
رنا بغضب : لا تمشي ايه وانا يفوتني واجب الضيافه بردو ده حتى يبقى عيب في حقي….
———–خطة رنا بقلمي روني محمد
الام : اطلعي شوفي يا ريم ايه الصويت الي فوق ده
ريم : يالاهوي ده صوت رنا بتزعق ، هو ايه الي بيحصل ..
خرجت ريم مسرعة تسمرت مكانها بعدما وجدت رنا ممسكه بشعر نرمين تجرها خلفها على السلم بينما أمجد يحاول ان يخلص شعر نرمين من يدها الى ان قامت رنا بفعل جنوني لم يتوقعه أحد……..
بعد وقت
الأم : أهدي بس يا بنتي هي مكنتش تقصد…
نرمين : لا انا ولله ما هسكت انا هروح اعمل محضر اثبات حالة….. عااااااا انا اتعض من واحدة مسعورة زي دي دانا بس مش هاخد واحد وعشرين حقنه لا دانا هسافر برة اعمل تجميل…..
رنا : طب سافري يا حبيبتي خلي بلاد بره تنور بيكي ، وتنسي بقى الي هنا ، روحي شوفيلك واحد من الي بتلبسلهم القصير والمحزق والملزق ، وسيبي جوزي في حالة..
أمجد : ولله يا رنا لو ما سكتي دلوقتي لهزعلك وهندمك عالبلوة السودا الي عملتيها دي
رنا : اه مانت لازم تحاملها ماهي عشمتك بسهره حلوة النهاردة او بكرة…..
ريم بهمس : اسكتي بقى خلي الموضوع يعدي على خير امجد على اخره منك فاضله تكه ويجي يولع فيكي…
أمجد : يلا يا نرمين انا هوصلك ولو حابه تروحي لدكتور ولا حاجه انا متكفل بكل حاجة…
رنا : اه وديها لدكتور بيطري في واحد كويس عالناصيه هيكشف عليها وهيوصفلك العلاج ….
اخذ أمجد نرمين واستعد للخروج ثم ألتفت الى رنا قائلا
-: انا ليه حساب معاكي لما ارجع….
————–خطة رنا بقلمي روني محمد
الام : عجبك كده الي بنتك عملته تروح تعض البت كده في دراعها وتعملها عاهة
الاب : انا عاوز اعرف بس هي طلعت ولقيتها بيعملوا ايه وخلاها تتجنن كدة…
قاطعتهم رنا
-: بقولك ايه يا بابا انا عاوزه اطلق
الأب : أهدي بس يا رنا واحكيلي ايه الي حصل
رنا : احكيلك ايه واقولك ايه ان امجد طلع رجل عصابات وبتوع المافيا عرفينه ولا أقولك ان الحلوه الي كان خاطبها بتتفق يروحلها النهاردة او بكرة ، لا وبكل بجاحه بتتفق عالميعاد قدامي…
أمجد : انا مش مصدق ان امجد يعمل كده ، اكيد انتي فاهمه غلط…
رنا : يا بابا انا شيفاه بعيني وسمعاه بوداني في ايه اكتر من كده…
الاب : طب روحي دلوقتي يا رنا ارتاحي وانا لما امجد يجي ليه كلام معاه….
رنا : ماشي… وابقى اقوله يطلقني قبل ما يروحلها…
———–خطة رنا بقلمي روني محمد
بعد اسبوع
رنا : انا قررت أشتغل..
الاب : تشتغلي ازاي وانتي لسه مخلصتيش جامعتك..
رنا : بابا احنا في اجازة وبعدين انا زهقت من قعدة البيت و اهو انت شايف بنفسك ، انا حياتي بقيت واقفة وبصراحة انا اتخنقت ….
الاب : طب اعملك ايه يا رنا انا بعت لأمجد اكتر من مره عشان اتكلم معاه وهو مكنش فاضي واهو سافر ومش عارفين راجع امتى…
رنا : بابا انا تعبت حاسه اني كنت بحلم وصحيت ، بين يوم وليله امجد بقى واحد تاني بيعرف ناس غريبه ومش بعيده يكون واحد من العصابة ونرمين الي كان خاطبها بكل بجاحه جايبها البيت…
الأب : اهدي بس يا رنا وانا ليه حساب معاه
رنا : ميهمنيش كل ده المهم اني عاوزه اشتغل
الاب : هتشتغلي فين طيب واهني شركة هترضى تشغلك…
رنا : في دكتور عندنا فالجامعة فاتح جاليري لوحات وتحف وحاجات خاصة بمجال الفن والنحت وعرض علية اشتغل معاه وانا وافقت…
الاب : ماشي يا رنا روحي يا بنتي وهخلي كريم يوصلك ويبقى يجيبك..
رنا : ماشي يا بابا شكرا ليك من بكرة باذن الله هنزل الشغل…
—————- خطة رنا بقلمي روني محمد
مهاب (صاحب الجاليري ودكتور رنا) : يارب يا انسة رنا تكوني مبسوطة فالشغل هنا..
رنا : اكيد مبسوطة انا استفدت كتير لما جيت هنا واكيد ده هيفدني في مجال دراستي…..
مهاب باعجاب : انتي فعلا يا رنا شخصية ذكية وحد مميز جدا…
رنا : شكرا بجد لحضرتك….. عن اذنك بقى عشان اخويا جه … لو حضرتك مش محتاجني في حاجه اقدر اروح ؟
مهاب : اه طبعا اتفضلي…. وخلي بالك من نفسك
رنا : شكرا ليك…
خرجت رنا بينما مهاب ظل ينظر الى الفراغ امامه ويبتسم الى ان اختفت عن انظاره……..
يتبع…..
لقراءة الفصل التاسع : اضغط هنا
لقراءة باقي فصول الرواية : اضغط هنا
نرشح لك أيضاً رواية عريس من ديزني للكاتبة ندى حمدي
