رواية حكاوي جوازة غصب الحلقة الثامنة 8 والأخيرة بقلم عمرو خالد

_ اول ما طلعنا الاوضه لقينا الأكياس اللي فيها الهدوم مولعه كلها ومفيش حاجه فيهم كويسه، جريت تسنيم تطفي النار على أمل انها تلحق حاجه منهم، وهى بتعيط بهستيريا من المنظر بتاع الاوضه والنار، أخدتها وقومنا، شلت الأكياس اللى باظت كلها ومبقاش فيهم حاجه كويسه، واخدت تسنيم ونزلنا تحت تاني  .. “

تسنيم بعياط _ مين اللي عمل كده ف الهدوم دي باظت كلها مفيش حاجه كويسه فيهم كل الهدوم اتحرقت

يوسف” أهدى طيب حصل خير يمكن ف حاجه مسكت فيهم

تسنيم بزعيق _ هيولعوا لوحدهم يعني في حد بيشرب سجاير في الاوضه مثلا

يوسف ” طيب خلاص اهدي عشان خاطري واحنا الهدوم نجيب بدالها يعني 

تسنيم _ حاضر بس اعرف مين اللي عمل كده ولي يعمل كده

يوسف ” خلاص اهدي وكل حاجه تتحل

_ غريبه خالص حكايه الهدوم تتحرق لوحدها دي، دى بفعل فاعل مش حاجه لوحدها ابدا، هديت تسنيم شويه وقولتلها مش تقول لحد حاجه عشان متحصلش مشاكل مع حد ويعدي الفرح علي خير ..”

________________________

فاطمه _ مالك بتضحكي لي كده ومبسوطه يعني

ندى” عادى مبسوطه لوحدى

فاطمه _ لوحدك ..؟  لا لا مش كده

ندى ” بصراحه ولعت في الهدوم بتاعت تسنيم ويوسف الجديده

فاطمه _ بتقولي اي ..؟

ندى” زي ما بقولك كده ومبسوطه اووي اووي

فاطمه _ الله يحرقك يابنتي

ندى” طيب امشي يلا منها

________________________

منه _ طيب خلاص اهدي عشان يوسف ميزعلش

تسنيم” لي تعمل كده هي طيب وهتستفاد اي من كل اللى بتعمله دا طيب

منه _ عشان اخدتي منها يوسف

تسنيم” وانا عشان يوسف استحمل اي حاجه تحصلي

منه _ وهي هتولع اكتر منكم في خلي بالك من جوزك ونفسك

تسنيم ” ربنا يستر

منه _ بقولك شهد صحيتي معاها نقاب اسود مخليها لخطوبتها اى رايك اجبهولك ..؟

تسنيم ” لا لا بلاش

منه _ اسمعي مني بس وهي مش هتقول حاجه

تسنيم” لا منه انا معايا لي أخد بتاعها طيب، بس مش معايا كوتشي 

منه _ الكوتشي عندي

تسنيم” طيب هاخد الكوتشي بس

منه _ اللى يريحك يا حبيبتي خلاص

تسنيم ” انا هطلع اشوف يوسف

_______________________

_ زعلان علي تسنيم واللي بيحصل معاها هي متستاهلش كل دا، متستاهلش غير كل حاجه حلوه بس، مينفعش انها تزعل رغم أنها هبله ومجنونه بس طيبه وعاقله وتتحب، بس محدش يحبها غيري عشان مزعلهاش، فضلت افكر كتير لحد ما دماغي وجعتني ودخلت تسنيم عليا الاوضه  .. “

تسنيم _ اى لسه صاحي لحد دلوقتي ..؟

يوسف” اه مستنيكي يا حبيبتي

تسنيم _ معلش كنت قاعده مع منه تحت

يوسف ” ولآ يهمك احنا تحت امرك انتِ والست منه هانم محدش يقدر يتكلم طبعا

تسنيم _ يا روحي بتغير  ..؟

يوسف” اوعي ايدك دي بتتكلمي مع ابن اختك

تسنيم _ يوغني كميلا اضحكي كده

يوسف ” الصبر يارب

تسنيم _ صبره يارب عشان هو طيب وغلبان وبحبه وهو زي القمر كده

يوسف ” بتعاكسي صح بتعاكسي قولي صح متتكسفيش

تسنيم _ بعاكس يا يوسف في حاجه يا حبيبي

يوسف ” حصل خير بهزر الاه انت مبتهزرش يا حج كامل

تسنيم _ ايوة كده يبقي تتلم وتسيبني اعاكس جوزي اطلع انت بس من الحوار دا

يوسف ” طلعت اهو

تسنيم _ شاطر يا حبيبي

هي هبله اه وكل حاجه بس دا ميمنعش اني بحبها بردو، عشان هي قمر قمرين تلاته اربعه كده، وتستاهل انها تتحب، ممكن تاخدني في عالم تاني بعيدا عن الزعل والحزن، بتوه في ضحكتها القمر دي، انا نقطه ضعفي ضحكتها اصلا  ..”

تسنيم _ يوسف طلقني 

يوسف” بت اسكتي

تسنيم _ بقولك طلقني يا يوسف

يوسف ” بتتكلمي بجد  ..؟

تسنيم _ مش بهزر طلقني

يوسف” طب فكري

تسنيم _ مش هفكر يا يوسف هتطلقني يعني هتطلقني

مشيت ووصلت عندك الباب ورجعت تاني  .. “

تسنيم _ خلاص يلا نرجع

يوسف” مش موافق

تسنيم _ طيب فكر ..؟

يوسف” مش هفكر  ومش هنرجع يعني مش هنرجع

تسنيم _ يووووووسف

يوسف ” خلاص نرجع

تسنيم _ شاطر يا حبيبي

هبله هبله مفيش كلام، هي كده دايما ممكن تطلع ب اي حوار عشان تنكد، بس للأسف احنا هنقول البنت أنها بتعمل كده عشان تنكد، بس ف الحقيقه هي بتكون محتاجه حد يطمنها، يحتويها، يطمنها بوجوده وثقتها ف نفسها، هي عايزه شويه احتواء مش نكد، نمنا عشان نجهز نفسنا للفرح طبعا، وصحبظينا بدري لقيت البيت كله هايص ماهو فرح ابوهم هو منعرفش ننام بسببهم، صحيت تسنيم كمان وجهزت لينا الفطار، وقعدت شويه وجت منه أخدتها، وانا حاسس ان منه مشركاني فيها، دي اربعه وعشرين ساعه مع بعض، طب انا جوزها ومش بشوفها غير وقت النوم يبشر، من حقي أشوفها ساعه طاب، عدى نص اليوم ومعاد الفرح جه، وانا جهزت نفسي وخلصت، لبست بدله سوده قميص وبنطلون وشوز بُني وساعه بُني بردو، عدلت هدومي وخرجت لقيتهم كلهم جاهزين، ولقيت تسنيم قاعده مع منه ولابسه نقاب سماوي قمر عليها، وقاعده مستنياني، أخدتها واخدت منه معايا في العربيه وهما ركبوا عربياتهم ومشيوا، وصلنا القاعه ومنه راحت لصحبتها، وانا اخدت تسنيم ودخلنا جوه وانا مسك ايدها وحاسس أن الكل بيتفرج علينا كأننا العرسان، أخدتها وقعدنا على تربيزه لوحدنا بعد ما سلمت علي صحابها .. “

يوسف _ بصي يا ست هانم لو لقيتك بترقصي هزعلك، لو لقيتك قايمه من على الكرسي هزعلك، لو لقيتك بتسلمي على حد هزعلك بردو، متعمليش اي حاجه متتحركيش متبصيش متتكلميش متعمليش حاجه

تسنيم” اي رايك اموت احسن  ..؟

يوسف _ بعد الشر عنك

تسنيم ” بتكلم بجد امال اي كل دا يا كلب البحر انت

يوسف _ بتحترمني اووووي

تسنيم ” ماشى تعرف ما الاقيك واقف مع بنت ولا بتكلم وحده ولا بتسلم على حد يا يوسف هدبحك واقلب الفرح عزا

يوسف _ طيب اي يا وحش أهدى كده حصل خير حاضر

تسنيم ” شاطر يا حبيبي هروح اشوف صحابي

راحت ل صحابخا وقعدت معاهم، وانا طول الفرح بتفرج عليها وعلى حركات ايديها وبصاتها ليا وببقي عارف انها بتضحك بضحكتها القمر دي اللى بتخطف قلبي، بعد شويه العرسان وصلوا والفرح اشتغل وكله فضل يرقص ويغنوا، لقيت تسنيم قاعده لوحدها بعد ما صحابها سابوها عشان يرقصوا وفضلت قاعده لوحدها، حبيبتي شاطره بتسمع الكلام، أخدتها عشان نرقص .. “

_____________________

كنت قاعده زهقانه وخلاص كنت هقول ل يوسف يلا بينا نمشي، بس لقيته جاى عليا وشكله هيقول هو يلا نمشي من غير ما أقوله انا اهي جت من عنده ..”

يوسف _ ما تيجي نرقص سلو زيهم

تسنيم ” بتعرف يا حبيبي  ..؟

يوسف _ وه طبعا بعرف

تسنيم” طيب يلا تعالي

روحت معاه وفضلنا نرقص مع العريش والعروسه، مكنش في غيرنا علي المسرح، ونسينا الفرح وفضلنا نتكلم ونضحك، ومره وحده لقيته شالني من الأرض وبيلف بيا علي المسرح، ووقف قالي ( بحبك وانا لسه في حضنه) لسه هجري منه لقيت اللي في الفرح كلهم بيبصوا علينا ومفيش غيري انا وهو على المسرح، روحت رجعت في حضنه تاني  .. “

تسنيم _ متسبنيش تانى عشان بخاف من غيرك