رواية حبيبتي منذ الصغر الحلقة الثامنة 8 بقلم نيرة وائل
 |
| رواية حبيبتي منذ الصغر الحلقة الثامنة 8 بقلم نيرة وائل |
رواية حبيبتي منذ الصغر الحلقة الثامنة 8 بقلم نيرة وائل
اسيل كانت متعصبه وطالعه من البار فجأة حد مسك ايدها و قال
Very pretty!
(جميله جدا!)
طبعاا دا كان واحد اجنبى وعجبته اسيل ف عايز ياخدها
اسيل ردت Let go of my hand
( سيب ايدى)
ساعتها الراجل دا ضحك ومسك ايديها بقوة وشدها عليه
وقال You are mine tonight
( انتى ملكى الليله دى)
اسيل بعصبيه you are crazy
(انت مجنون)
وزقته بقوه لسه رايحه تمشي مسك ايدها تانى
هنا سامر شافها وشدها من ايده ولسه طالع الراجل ضربه ووقعه فى الارض……
اسيل صرخت: سااااامر
سامر كان سكران شويه بس قام وضربه وفضلوا يضربوا بعض لحد اسيل ما ندهت على الامن
و قدروا يخلصوهم من بعض
سامر خد اسيل ومشي وفضل ساند عليها طول الطريق لأنه كان متعور جامد وكان سكران
طلعته اوضته ودخلت معاه… جابت علبه الاسعافات وطهرت الجروح
سامر: ايه الجيبه اللى انت لابساها دى
اسيل: مالها الجيبه….؟ ( افتكرتوا الحوار دا..بتاع الفلاش باك فى البارت الاول ????)
سامر: اتخطبتى لحمزه ليه
اسيل جت تقوم مسك ايدها وقعدها تاني
وقال وحشتيني اووي وحضنها جامد اسيل دموعها نزلت وحضنته فضلت تتكلم وتقوله انت عملت فيا كدا ليه خنتنى ليه يا سامر انا بحبكك ومش قادره اعيش من غيرك ارجعلى يا سامر ارجوك انا بحبك اوى وبتبص لسامر لقته نام اتنهدت وقالت: شكلك مش عايز تسمعني نهائياً
نيمته على السرير وفضلت تبص عليه بعدها جت تقوم لقته ماسك ايديها حاولت تشد ايديها لكن سامر فضل ماسكها بقوه.. اسيل باست ايده وفضلت تبكي لحد ما نامت هى كمان…راسها كانت على السرير وبقيه جسمها فى الارض
سامر فاق الصبح اتصدم لما شافها جنبه…. بعدها حس انها بدأت تفوق…عمل نفسه نايم…اسيل فاقت بصت عليه لقته نايم طلعت تجرى من الاوضه… دخلت اوضتها وقفلت الباب لقت حمزه بيرن اول ماشافت اسم حمزه على موبايلها اتنفضت وفضلت تعيط وتقول: انا اسفه ياحمزه… انا اسفه انا خنتك و خنت ثقتك فيا…. انا اسفه
سامر فاق و مكنش فاكر اللى حصل امبارح وكان مستغرب ازاى اسيل كانت فى اوضته… خد شاور..وبعدها بص فى المرايه شاف جروح فى وشه و افتكر العركه …. سامر كان مستغرب طيب ليه فضلت بايته معايا… السؤال دا كان محيره جدا…
“NairaWael”
اسيل فضلت تفكر في كلام سامر لما قالها وحشتني اووي.. وفضلت تقول: معقول تكون لسه بتحبني.. طيب لو لسه بتحبنى هتخونى وتتجوز غيرى ليه..قطع تفكيرها صوت الباب بيخبط.. فتحت لقيت سامر فى وشها…جت تقفل الباب بسرعه… سامر زقه ودخل..
اسيل: فى ايه
سامر: خروج لوحدك تاني ممنوع… لبس قصير تاني ممنوع…. انتي فاهمه
اسيل بعصبيه: وانت مالك
سامر:طول ما احنا هنا انتى مسؤليتى…تخيلى لو مكنتش موجود امبارح كان ايه اللى حصل
اسيل بطريقه طفوليه: كنت هطلب الأمن
ضحك سامر على شكلها الطفولى فابتسمت اسيل لما شافته بيضحك كانت مشتاقه لضحكته جدا وهو كمان اتبسط جدا لما شاف ابتسامتها الرقيقه
بعدها قالها بجديه: فاكره الامن كان هيساعدك………. هاتى رقمك
اسيل://////(الرقم)
سامر: تمام سجلته… الوفد هيجى من استراليا بعد بكره
اسيل: لسه بعد بكره… احنا هنا بقالنا 3 أيام
سامر: احنا جايين هنا نتحايل عليهم يقبلوا الصفقه تانى… لازم نستحملهم
اسيل: تمام ماشي
سامر كان بيبص لأسيل وعايز يسألها ليه باتت عنده امبارح واسيل كانت عايزة تسأله هى بجد وحشته ولا كان بيخرف عشان سكران
وانتهى الحديث بينهم من غير ماحد فيهم يسأل السؤال اللى محيره
نزلت اسيل مطعم الفندق عشان تتغدا
سامر شافها راح قعد معاها على نفس الترابيزه
اسيل بصتله واكتفت بالصمت
الجرسون جه ياخد الطلبات قالوا بصوت واحد بيتزا بالخضار (طبعا قالوا كدا بالانجلش)
بصوا لبعض بابتسامة لأن دى اكلتهم المفضلة من لما كانو اطفال… بعدها بدأو ياكلو وسامر كان بيبص لأسيل بشغف ونفسه يسألها ليه خانته وليه باتت جنبه امبارح …. اسيل كانت بتاكل رفعت راسها لقيت سامر بيبص عليها نزلت وشها فى الارض وفضلت تاكل…
بعد كدا اسيل طلعت من الفندق وسامر شافها طلع يجرى وراها..
سامر: اسيييل….اسيييل
اسيل سمعت صوته وقفت مكانها وقالت بصوت واطى (قفشنى ????)
سامر: رايحه فين
اسيل: عايزة اتفسح شويه..عندك مانع
سامر: لا معنديش مانع بس هاجي معاكي
اسيل : اييه…لا..مستحيل
سامر: طيب يلا بينا نرجع الفندق
اسيل: لا
سامر: قولتلك طول ما احنا هنا انتى مسئوليتى
اسيل بعصبيه: انا مش طفله يا استاذ سامر
قالها ببرود: مفيش خروج لوحدك
اسيل بصتله بغيظ ومشيت ..سامر كان فاكر انها هترجع الفندق بس لقاها كملت مشي..
مشى وراها بعدين فضلت تمشى فى شوارع غريبه وسامر ماشى وراها بيضحك.. بعدها تاهت خالص ومعتش عرفت تروح فين…بصت لسامر كانت بصتها زى الاطفال تشبه الايموشن ده????
(????????)
Nairawael
سامر شدها من ايدها وهي بصتله وبرقت …
سامر: عايزة تروحى فين
اسيل بعفويه: الملاهى
سامر ضحك بشده وقالها: ماشي … يلا بينا
ابتسمت له اسيل برقه..راحوا الملاهى واسيل كانت بتتصرف زى الاطفال… ركبت كذا لعبه وسامر كل ده واقف بيتفرج عليها وبيقول في نفسه: عفويتك وطيبه قلبك متغيروش ازاى قدرتى تخونى وتجرحى …
اسيل جت ووفقت جنب سامر…
سامر:هاا خلصتي
اسيل: لا…انت اللى اختارت تيجى معايا يبقى تستحملنى
سامر بصوت واطى: منك لله
اسيل: بتقول حاجه
سامر: لا
اسيل: طيب كويس… تعالى ناكل ايس كريم
سامر بنفاذ صبر : يارب صبرنى
اسيل كانت بتتصرف بعفويه وكأنها نسيت المشاكل اللي بينهم
بس هى كانت عايزه تعرف منه ايه معنى كلمه وحشتيني اللى قالها امبارح فكانت بتحاول تقرب منه وتسحبه واحده واحده عشان تعرف في ايه كان عندها بريق امل انهم ممكن يرجعوا لبعض تاني ..
سامر: اهو الايس كريم… حاجه تاني يا انسه
اسيل: لا شكرا
سامر: كلى بسرعه عشان نروح
اسيل: لالالالالالالالا …..
سامر: هو ايه اللى لالالالالا…. اخلصي يلا
اسيل باستفزاز: لسه اليوم طويل
سامر: ليه…وعيونه اتملت دموع
اسيل بصت باستغراب..
اسيل: هو ايه اللي ليه
سامر اتنهد: وقال هتروحي فين تاني
ردت اسيل: عايزه اروح السينما
سامر: ماشي يلا
اسيل مشيت قدامه ومبقتش فاهمه ايه الدموع اللى كانت فى عنيه وهو بيقولها ليه… حست ان في حاجه… بس سكتت… اما سامر كان بيبص عليها بحزن وقال بينه وبين نفسه بقا مش عارفه هو ايه اللى ليه….. ليه خنتينى يا اسيل…ليه
♕Naira wael♕
راحو السينما سوا وطول الفيلم سامر مشلش عينه من على اسيل…. بعد فتره اسيل نامت شويه و رأسها ميلت على كتفه… كان شكلها زى الملايكه وهي نايمه… سامر بصلها و قال بصوت واطى ازاى الملاك دا يخون ويجرح… انتى متغيرتيش يا اسيل عفويتك وقلبك الطيب وتصرفاتك كلها بتقول انك مستحيل تعملى فيا كده…
ورا الوش اللى كنتى لابساه من ساعه ما جيت فى اسيل اللى انا عارفاها اقلعى الوش دا يا اسيل عايز اعرف حقيقتك….
اسيل فاقت لقت سامر بيبصلها ابتسمت ابتسامه رقيقه وفضلت تبص فى عنيه شويه… بعدها الناس بدأت تقوم لأن الفيلم خلص.. بس اسيل كانت لسه بتبص لسامر… سامر بصوت واطى: مش عاوزه تمشي
اسيل بعدت عنه بسرعه.. ومشيت
طلعت من بوابه السينما وسامر جنبها لقوا الدنيا بتمطر جامد.. اسيل نزلت فى الشارع وفضلت واقفه تحت المطر ورافعه رأسها للسما
سامر: اسيل اطلعى هناا..اسيل بطلى جنان
بصلته بابتسامه رقيقه وفضلت واقفه
سامر نزل عندها..وقالها هتفضلى مجنونه لحد امتى… هدومك كلها اتبلت… وقلع الجاكت وحطه على كتافها وقالها يلا نرجع الفندق
اسيل قالت لا
سامر: يلا يا اسيل هتتعبى بلاش جنان
اسيل:لا برضو
سامر: يلا
اسيل: لا..لا…لا
سامر شالها وطلع يجرى
اسيل برقت وقالتله بصدمه: انت بتعمل ايه
سامر بصلها وفضل ماشي بيها والمطر زاد جدا..
اسيل: سامر نزلنى…مردش عليها… سامر بقولك نزلنى…. نزلنى يا سامر هنا سامر وقف و بصلها والدنيا بدأت ترعد مره واحده بقوه اسيل مسكت فى رقبته زى الاطفال وخبت وشها…. سامر فضل يضحك عليها وقالها لسه بتخافي من الرعد هزت اسيل راسها ب ايوه …. سامر كمل مشي…واسيل فضلت بصاله ومشلتش عينها من عليه
♡Nairawael♡
سامر وقف واسيل فضلت تبصله باستغراب
سامر: كنتى عماله تقولي نزلنى نزلنى من ساعتها… ولما وصلنا مش عايزه تنزلى…
اسيل خدت بالها انهم وصلو الفندق.. ونزلت بسرعه كانت هتقع بس سندها بصتله وكان نفسها تسأله السؤال اللى محيرها…بس سكتت وطلعت تجرى على اوضتها وهى مبسوطه انها قربت منه وحست انه لسه بيحبها من نظراته ليها وتصرفاته وطريقته كل حاجه كانت بتقول انه لسه بيحبها حست ان فى بريق امل انهم يرجعوا…..
دخلت الاوضه و قفلت الباب وهى بتقول بحبك يا سامر بحبك اوى
وفجأه سمعت صوت ضحك عالى…. اتنفضت ولفت وشها ناحيه الصوت و اتصدمت لما لقت……….
يتبع..
لقراءة الحلقة التاسعة : اضغط هنا
لقراءة باقي حلقات الرواية : اضغط هنا
نرشح لك أيضاً رواية ملاكي للكاتبة منه حسن.
