اسكريبت حوريتي الفصل الثامن 8 بقلم آمنة آدم
 |
| اسكريبت حوريتي الفصل الثامن 8 بقلم آمنة آدم |
اسكريبت حوريتي الفصل الثامن 8 بقلم آمنة آدم
“حور دخلت الحمام عشان تلبس وخرجت لقت يونس قاعد على السرير ومستنيها”
حور بكسوف: يلا؟
يونس بإبتسامه: يلا، “كمل بجديه” متضحكيش ولا تبتسمي احنا ونازلين عشان الزفت ده
حور حاولت متبتسمش: حاضر
“يونس اخدها ورسم على وشه الجديه ونزل بس ملقاش سفيان”
مامة يونس: يا بني براحه على اخوك معلش هو دماغه صغيره بس متزعقلوش كده تاني انتو في الاول وفي الآخر اخوات
يونس: يعني يا امي عايزاه يبقا بيعاكس ف مراتي ويشدها من ايدها واسكتله؟”حور قشعرت لما قال مراتي لانه اول مره يقولها”
مامة يونس بزعل: حقك يابني والله،انا بس مش فاهمه هو بيعمل كده ليه مع انه كان دايما يقوليويا امي اول ما ترجعو عايز اخطب ندى اخت حور
حور بصدمه: بجد يا طنط!
مامة يونس: ايوه يا بنتي والله
يونس: خلاص يا امي،لما نرجع نبقا نشوف الحوار ده،عن اذنك
مامة يونس: اذنك معاك يابني
“يونس خرج هو وحور وركبو العربيه وحور لسه مكسوفه من يونس”
يونس بصلها: اربطي الحزام
حور بغباء: حزام ايه
يونس قرب عليها وكان قريب منها جدا وربطلها الحزام: الحزام ده
حور بتوتر: طيب خلاص اتربط ممكن تبعد بقا
يونس لسه قريب عليها وبيمثل الزعل: هو انا كل ما اقربلك تقوليلي ابعد ده انا جوزك والله حرام
حور ضحكت على طريقته: طب معلش ابعد
يونس: طب بشرط
حور: لا بقا مش كل مره هتشرط عليا عشان تبعد انا مش موافقه
يونس:خلاص خليني كده
“حور قالت هتسيبه شويه لحد ما يزهق عشان هي عارفه الشرط بتاعه وعارفه انه لما يزهق هيبعد ويسوق”
يونس لسه مقرب عليها ومزهقش وباصصلها
حور بزهق: مزهقتش؟
يونس بيحرك راسه بمعني لا وبيقول: تؤ تؤ، هو في حد يزهق وهو باصص للقمر؟
“حور اتخضت واتكسفت ف نفس الوقت وودت وشها الناحيه التانيه ويونس باسها في خدها وبعد بسرعه “
حور بخضه وكسوف وصوت بتحاول تطلعه بتضربه ف كتفه: ايه اللي انت عملته ده، ان… انت مجنون!
يونس ببراءه: آه مجنون وممكن الف وارجع البيت دلوقتي “بصلها” بس انا مش مسئول عن اللي هيحصل هناك
حور انكمشت في الكرسي واتكسفت اكتر واكتر واكتر ومن هنا للصبح
يونس وقف العربيه على البحر وقالها تنزل يتمشو شويه
حور فرحت اوي لانها بتحب تتمشى على البحر
حور بفرحه: ممكن اتمشى انا من جوه؟
يونس ابتسم ووسعلها وهو ساكت وهي دخلت من جوه وبتتمشى وهي فرحانه وبصه للبحر
حور بتعب: ممكن نقعد انا تعبت من المشي
يونس: ماشي تعالي هنقعد على الشط هناك في كراسي
حور: ماشي
“يونس وحور قعدو مع بعض على الكراسي”
يونس: حور
حور بصتله: نعم
يونس: احنا متجوزين بقالنا اسبوعين ومعرفش اي حاجه عنك إلا ان اسمك حور
حور: طب بص يا سيدي،انا حور وعندي 23 سنه وف كلية طب وفي السنه اللي قبل الاخيره “اتنهدت” بس بابا وقف الجامعه بتاعتي من بعد ما اتجوزت
“يونس اتضايق لانه حس انها مكملتش تعليمها بسببه “
يونس: وانا يونس عندي 28 سنه وعندي شركات استيراد وتصدير وعندي منها فروع كتير الحمدلله “بصلها ف عينها” وهخليكي تكملي تعليمك
حور برقت وبصتله بصدمه: نعم؟
يونس ضحك على شكلها وقال بتوضيح: بقولك هخليكيي تكمليي تعلييمكك
حور بزعل: بس بابا ممكن ميرضاش
يونس:مين ده؟عمي؟ بصي انا هقنعه
حور فرحت جدا ومن غير وعي قامت حضنته وبعدين بعدت بكسوف
حور بكسوف وهي باصه في الارض: ان..انا اسفه والله بس…بس من الفرحه يعني،غصب عني
يونس بمرح: نفسي تبطلي تتأسفي لما تحضنيني،انا زي جوزك وربنا
حور ضحكت وبعدين يونس اخدها وروحو
يتبع….
لقراءة الفصل التاسع : اضغط هنا
لقراءة باقي فصول الرواية : اضغط هنا
نرشح لك أيضاً رواية عريس من ديزني للكاتبة ندى حمدي
