رواية حورية الجاسر الفصل التاسع 9 بقلم ندى صلاح

مر أسبوع بأكمله و حور تتجنب الالتقاء بجاسر طوال الوقت حتى انها تأكل في غرفتها اصبحت منطوية لا تتحدث مع احد الا منى و انعام الذين يحاولون بقدر الامكان معرفة ما حدث لها يجعلها بتلك الحالة المزرية ناهيك عن جدها القلق عليها معظم الوقت تقضي معظم وقتها مع نغم و مازن الذين لاحظوا تغيرها الشديد و دائما ما تفسره لهم على انه ضغط لقرب موعد امتحانات نهاية العام.

أما عن جاسر قفد كان قلق عليها بشدة يطوق لرؤيتها اشتاق لها بشدة حاول قدر الإمكان ابعاد تفكيره عنها و صب غضبه في العمل على الصفقة الجديدة

في مجموعة شركات الدمنهوري

يجلس جاسر مع حازم يراجعون ملفات عرضهم القائم على الصفقة حازم بارهاق : اه هموت مش قادر بقالي يومين منمتش

جاسر.  متنشف في ايه

حازم. والنبي اتلهي انت نفسك مش قادر تقف على رجلك مش عارف فيك ايه وانت مش راضي تقول اكيد ده كله مش من الصفقة الي انا متأكد اننا هنكسبها

جاسر بتهرب . كده كل حاجة جاهزة مش فاضل غير الإجتماع مع العملاء

حازم. اتهرب اتهرب بس مصيري اعرف ايه الي فيك

جاسر بحدة. اخرس خالص و اطلع عاين الموقع و ابعتلي مدير الحسابات

حازم . ماشي

خرج حازم من المكتب وكل ما يشغل تفكيره هو وضع جاسر ما الذي قلب كيانه طوال هذا الاسبوع تصرفاته اصبحت غريبة سيئ المزاج دائما ليس كسابق عهده و عزم على فعل شيئ يعرف به ما حدث.

تجلس في غرفتها شاردة منذ اسبوع مضى كانت تمرح و تلعب هنا وهناك و ترقص على انغام أغانيها المفضلة لكنه دمر مرحها الدائم بفعلته الشنيعة كما اسمتها نزلت دموعها على خدها الناعم كالمطر تريد ان تنسى ما حدث لكنها لا تسطيع ابدا تستغفر الله و تدعو ان يسامحها افاقت من شرودها على صوت طرقات باب الغرفة مسحت دموعها بسرعة و تصنعت البسمة عندما وجدت جدها يطل عليها بابتسامته الحنونة ، جلس سليم بجانبها على الفراش وقال

سليم. مالك يا قلب جدو بقالك كم يوم مش عجباني

حور بابتسامة مصطنعة. مالى بس يا سلومتى ما انا بخير اهو انا بس تعبانة شوية من المذاكرة

سليم. والي تعبان من المذاكرة يفضل طول الوقت معزول عن الكل كده شوفي انا مش عارف فيكي ايه بس اكيد من حقى ان احتفل بعيد ميلادك على طرقتي

سرحت قليلا نعم فإنها سوف تتم الواحد و العشرون بعد ثلاثة أيام من الآن ولم تتذكر حتى عيد ميلادها بسبب ما حدث حرك كفه على وجهها لتفيق من شرودها مردفا: ها رحتي فين يا حبيبة جدو

حور.  هاا لا ابدا تصدق نسيت خالص بس قولي انت عرفت منين يا نمس ان عيد ميلادي قرب

سليم. عيب عليكي انا سليم الدمنهوري مش واخدة بالك و لا ايهحور بمرح . لا في دي عندك حق وانا اقدر اقول حاجة بس ايه الخطة بقى

سليم. لا دي بقى مفاجأة

حور بعبوس. يعني مش هتقولي

سليم. لا مش هقول وما تحاوليش تأثري عليا عشان انا قلبي ضعيف

زمت شفتيها بطفولية. يعني مفيش فايدة خالص

حرك رأسه موافقا. خااالص و يلا بقى عشان نتغدى مع بعض

حاولت التحدث ولكنه قاطعها. لا مش هقبل اي عذر يلا انا مستني تحت متتأخريش

تنهدت بقوة بعد خروجه و عزمت على نسيان الامر و العودة لحياتها المرحة مرة اخرى متجنبة جاسر للابد

ابدلت ملابسها ببنطال اسود واسع مع قميص أحمر ذو اكمام طويلة عليه رسمة قلب سوداء و حجاب اسود اللون رشت عطرها المميز برائحة الياسمين وخرجت عازمة على تجاهل ذلك المغرور.

نزلت بشموخ عائدة الى طريقتها المعتادة في التحية على الجميع بروح بشوشة و مرحة

حور.  مساء الورد

انعام بفرح. مساء الجمال على ست البنات كلهم و اخيرا نزلتي

حور بغرور مصطنع.  انا بس قولت احرمكم من طلتي شوية بس لما لقتكم مش قادرين على بعدي قولت اعفو عنكم واجي اتغدى معاكم ما انت عارفة قلبي طيب

قهقه جميع الخدم على مزحتها و روحها الجميلة كجمال وجهها المشرق

سليم. طيب يا ستى اتكرمي و اقعدي

حور.  حاضر يا سلومتى انت تؤمر

ضحكت انغام على تلك المشاغبة التى اعتبرتها بمثابة ابنتها التى لم تجنبها

دوى صوت خشن تعرفه جيدا وهو يلقي تحية المساء عليهم

جاسر.  مساء الخير

انعام.  مساء النور يا حبيبي تعال اتغدى معانا

جاسر.  لا معلش يا دادة مش قادر انا هاخد شوية اوراق تخص الصفقة و راجع الشركة

سليم بجدية . اقعد يا جاسر انت بقالك كم يوم مش بتتغدى معانا وكل يوم ترجع متاخر اتفضل اقعد من غير نقاش

زفر بضيق وهو يجلس بجانب جده يتناول طعامه بصمت

سليم. عايزك باليل بعد ما ترجع في موضوع مهم عايزة اكلمك فيه

جاسر.  حاضر هحاول ارجع بدري

سليم.  مفيش حاجة اسمها هحاول انا هستناك

جاسر بضيق.  حاضر

كانت حور تتابع الحديث بصمت و هدوء لم تنطق بكلمة واحدة لم يحاول النظر إليها ابدا و كما توقعت لا يعتبرها شي ابدا مجرد فتاة رخيصة بنظره.

صعد جاسر لغرفته لجلب اوراق العمل بينما حور ذهبت لتحادث نغم على الهاتف ، كانت في الطريق لغرفتها عندما اصطدمت بجسد صلب شارفت على الوقوع لولا  تلك اليد القوية التى أحاطت خصرها تمنعها من السقوط اغمضت عينيها بخوف شديد حتى تسللت رائحة عطره الفاخرة الى انفها تخبرها بهوية محاصرها سمعت صوته الهامس قائلا : فتحيبدأت بفتح عينيها ببطئ ليضيع بغابات الزيتون خاصتها يقسم انه يسطيع ان يمضي حياته كلها في النظر اليها و الغوض بها دون ملل ، ادركت وضعهما فابتعدت عنه بعنف و عينيها تشتعل غضبا

حور بغضب . اوعى تفكر  تلمسني تاتي انت فاهم

وضع يديه في جيب بنطاله و أردف ببرود . مش فاهم و قوليلي بقى هتعملى ايه

حور.  من ناحية هعمل فانا هعمل كتير ابسط حاجة ممكن اقول لجدي على انت عملته

اقترب منها وقال بخبث. وانا عملت ايه

قالت بارتباك.  انت انت قليل الادب

جاسر. ما انا عارف و ضيفي عندك سافل ومش متربي وقال بهمس بجانب أذنها.  تحبي اثبتلك

قهقه بشده و بمكر ادرف .  وعلى ايه ما انت مجربة

حور.  حقير

وذهبت مسرعة الى غرفتها تحت نظرات جاسر الخبيثة

في المساء عاد جاسر الى القصر بعد انهاء الصفقة التى كسبها بكل براعة بعد عدة مناوشات مع صديقه الاسبق و عدوه في عالم الاعمال هو يعلم جيدا أهمية تلك الصفقة لرعد الشرقاوي اظلمت فيروزتاه عندما تذكر ذلك الماضي الذي فرق بينه وبين رعد قفد كان هو و رعد اكثر من اخوة مع ضلع مثلثهم الثالث حازم الشافعي كان يستطيع و بكل بساطة جعل رعد يكسب الصفقة و لكنه اصر على تعليمه درس على عدم ثقته به في الماضي ، فاق من ذكرياته على صوت الخادمة تخبره بضرورة ذهابه لسليم في المكتب .

جلس جاسر على مكتب جده يستمع لحديثه الذي اتى من أجله

سليم. انا كنت عايزك تنظم لي حفلة عيد ميلاد حور

جاسر كان يعلم جيدا أن جنيته الصغيرة عيد مولدها اقترب وكان ينتظر الوقت المناسب ليفجر مفاجأته التى حضرها في حفلة عبد ميلادها

جاسر.  اه طبعا انا تحت امرك بس انا كنت عايزك في موضوع

سليم بحزم. لا اجل موضوعك لبعدين انا عايزك في موضوع اهم

جاسر باهتمام. اتفضل

سليم. اسمعني يا جاسر…………………

نهض صباحا بكل نشاط و البسمة لا تفارق شفتيه لقرب موعد تحقق هدفه المنتظر بشدة ذهب الى المرحاض لينعم بحمام يعيد حيوية جسده  بعد ربع ساعة خرج يلف منشفته حول جزئه السفلى و بالأخرى ينشف خصلات شعره المبللة ، ارتدى ملابسه المكونة من بدلة رمادية اللون تحتها قميص بالون الابيض الناصع مع حذاء اسود انيق لتكتمل طلته بعد ان نثر عطره المفضل ذو الرائحة النفاذة واتجه الى شركته و البسمة تعلو شفتيه .

انتهت من ارتداء ملابسها المكونة من بنطال جينز واسع و قميص ازرق فاتح اللون مع حجاب ابيض اللون وخرجت مسرعة الى جامعتها فاليوم الاول لامتحانات نهاية الفصل .

في الدمنهوري جروب

وصل جاسر بهيئته الخاطفة للانفاس حيث كان جميع الفتيات بالشركة هائمات بمنظره المهلك شديد الوسامة توجه الى مكتبه بعدها امر سهى بالاتصال بحازم ليحضر سريعا

بعد قليل فتح حازم الباب وقال بمرح. قالولي انك طلبتني اكيد وحشتك

جاسر.  وحش لما يلهفك اترزع عايزك

حازم. احم انا شكلى بتهزأ مش كده

جاسر.  وايه الجديد اتفضل

حازم . اوبا ده الموضوع كبير بقى قول يا معلم سامعك

جاسر.  فاكر الي حصل من تلات سنين معانا

حازم بحزن.  و ده موضوع يتنسى بس ايه الي فكرك بيه دلوقتي

جاسر بغموض. ناوي اكشف الورق كله قدام رعد

حازم بخوف. لا يا جاسر بلاش ارجوك انت كده مش هتخلص من شره هو لازم يعرف الحقيقة

جاسر بصراخ. اوعى يا حازم هو كده هيدمر

حازم بغضب . و صداقتنا الى ادمرت دي ملهاش معنى سنين عمرنا الى كنا فيها مع بعض ضهرنا في ضهر بعض ملهاش قيمة عندك

جاسر بغضب مكتوم.  كنت عايزني اعمل ايه يعني وانا بشوفه بيدمر قدامي كان لازم اعمل كده عشان ابعدها عنه

حازم.  تقوم تأذي نفسك لا وياريته صدقك دا كذبك وفضل يحاربك لغاية دلوقتي و مصر يخسرك مل حاجة احنا كنا اصحاب اه بس مش هسمحلك تتأذي اكتر من كده سامحني يا صاحبي مش هقدر اسكت اكتر من كده

جاسر بحدة.  اوعي تعملها يا حازم سعتها هتخسرني للابد

حازم بحزن. اخسرك احسن ما اخسر نفسي و اسكت عن الحقيقة انا ماشي سلام

قبل ان يذهب اردف بمرح قائلا: انا متأكد مش هتقدر تستغنى عني

فرغ شحنة غضبه كاملة على مكتبه الفاخر بعد ان أزاح كل ما فيه بغضب وعيون مشتعلة.

ركب حازم سيارته مسرعا متوجها الى مجموعات شركات الشرقاوي للحديد الصلب يفكر كيف كانت حياتهم منذ ثلاث سنوات مرحين مشغابين دائما ما كان  يطلق عليهم ايام الجامعة مثلث برمودا لغرابة ارتباطهم لم يسطع احد التفرقة بيهم و لا يسمحون لاي دخيل يمر بينهم حتى اتت تلك اللعينة و حطمت مثلثهم كان غارق في افكاره لدرجة انه لم ينتبه لتلك الشاحنة التى ظهرت أمامه حاول تفاديها لكنه لم يستطع فاصطدم بها واحس بدوامة من الظلام تسحبه اليها.