رواية انفصام الفصل التاسع 9 بقلم سما محمد

انا مش عندي انفصام انا ليا اخ توأم 

فريدة:اييه 

مراد:دي الحقيقة اللي امي خبتها عليكي اقنعتك اني مريض عشان تحبيني وتقربي مني علي اني مريض وتتجوزيني وطبعا انا لسة عارف كل حاجه امبارح وطبعاً اتفقت مع مروان اخويا أنه يمثل أن أنا وهو واحد 

فريدة بدموع ومش مصدقة اي حاجه:ازاي ،ازاي كل ده طب هو ازاي في سني ويبقي اخوك التوأم

مراد:هو توأمي بس مش في سنك يافريدة للمرة التانية ضحكوا عليكي وطبعا عشان يظبطوا الموضوع فهموا مروان كل حاجة وعرفوه كل معلوماتك وهيلعب عليكي ازاي وطبعا عشان مروان ليه في البنات فلعبها عليكي صح

فريدة قالت بإنفعال:مشيني دلوقتي لو سمحت روحني

مراد بحزن:حاضر 

ركبوا العربية وروحوا فريدة دخلت اوضتها فضلت تعيط مراد دخل وقالها: اسمعي اللي هقوله دلوقتي عشان مش تتعبي اعتبري كل اللي فات محصلش وانك دلوقتي بتبدأي حياة جديدة هنبنيها سوا وهنعدي كل حاجة هنبدأ من الاول يا فريدة وانا مش هسيبك ياريت متعيطيش

فريدة بصتله وقالت:ابدأ اية أنت متخيل بتقول اية أنا دلوقتي مش عارفه انا حبيت مين فيكوا ولا مين اتجوزني منكوا ولو شوفت اخوك هعرف افرق بينكوا ازاي 

قعد جمبها وحضنها 

بعدين قال:بس بس اهدي كل حاجة هنحلها سوا انتي حبتيني اعتبريها كدة تمام وحبيني انا لاني جوزك وانا اللي اتجوزتك مش تخافي واه بمناسبة تفرقي بينا ازاي انا عندي شامه في رقبتي كبيرة لما تشوفيها هتعرفي اني جوزك وحبيبك وغير كدة نبرة صوته اتخن شوية من صوت مروان ومروان أقصر مني شوية والأهم من كل ده اني حبيتك 

خد ايديها وحطها علي قلبه 

بعدها كمل:لما تحطي ايدك هنا هتعرفي اني جوزك وحبيبك ولا انتي مش بتحبيني ولا اية 

ابتسمت وقالتله:لا بحبك بس انا تايهه اوي يا مراد 

مراد:مش تخافي هشيل التوهه دي من عقلك بالرغم أن اللي عملوه صعب بس هو كان السبب في قربنا من بعض وده اللي مخليني عاوز اشكرهم

بعدين قال بهزار: وبعدين بقي اليوم باظ مننا والخروجة باظت يلا نعمل حاجه حلوه

فريدة :مش ليا نفس في حاجة بقي النهارده كفاية كدة

مراد:تؤتؤ مش انتي اللي هتقرري ياروحي 

شالها وخدها المطبخ نزلها

 وقال:بصي بقي يا حبيبتي احنا هنعمل فشار وشاي بلبن حلو كدة وعشا صغير كدة عشان هجهز فيلم حلو 

فريدة:خليني انا اجيب فيلم حلو

مراد بحنيه:انتي تؤمري يا روحي

مروان:بصي يا ماما انا لعبت معاكي اللعبة وخلاص سيبيهم في حالهم متخربيش حياة ابنك بإيدك عاوزة تنتقمي من الولية انتقمي منها هي مش من بنتها كفاية اللي عملناه

هدي:بس 

مروان:مبسش ياماما واجهي صاحبتك اعرفي عملت كدة لية اسمعي مبررها يا امي متحكميش كدة وبعدين انتي قولتي انك حبيتي ابويا لية بتعملي الشغل ده بقي

هدي:مش عارفه بس انا دايما بشوفها احسن مني في كل حاجة شكل وشطارة وكل حاجة كان جوايا نار من ناحيتها وزي ما اكون قولت اخلص دي في دي

مروان:مكنتش اتوقع انك بتغلي منها كدة اسمعيها يا امي وانا متأكد انك هتعرفي حاجة متعرفيهاش لأن الست دي محترمة متخونش صاحبة عمرها عشان راجل.

مش مروان وسابها وهي بتفكر في كلامه 

في الاخر حسمت أمرها:مروان عنده حق انا لازم أسمعها واشوف ردها

_فريدة اية الفيلم ده

فريدة:احم ده شركة المرعبين المحدودة

مراد بضحك _هتفرجيني علي كرتون؟

فريدة:انا بحب الفيلم ده وكنت مقررة اني اول لما اتجوز اتفرج عليه انا وجوزي بس لو مش موافق هغيره

باس ايديها وقال:طالما كانت رغبة عندك مستحيل ارفضها هاتي بطانية بقي عشان نتغطي واحنا بنتفرج 

فريدة:حاضر 

راحت جابت بطانية واتغطوا بيها سوا

راح واخدها مراد في حضنه وهما بيتفرجوا 

بعد وقت طويل لقاها بتعيط 

مسك وشها وقال:مالك بتعيطي لية

فريدة:اصل الحته دي بتخليني اعيط بالذات لما بتقوله قطتي وهو بيقول قطتك لازم تروح الحته دي بتزعلني اوي 

مراد خدها في حضنه وقال:يا روحي علي طفلتي 

_بس انا مش طفلة

:تؤتؤ انتي طفلتي انا ام قلب ناعم ورهيف

فريدة حضنته اكتر وقالت:بحبك

مراد_وانا كمان بحبك

المرة دي مراد كان مقتنع من اللي قاله وحس قد اية هو بيحبها وأنها تتحب وأنه غلط لما زعلها في يوم

بص عليها لقاها نامت غمض عنيه هو كمان ونام

_ازيك ياهدي

:بخير ياصفاء،اقعدي عشان عاوزاكي في موضوع مهم

صفاء:في اية ياهدي خضتيني

هدي :انا جاية أسألك عن الماضي يا صفاء

صفاء:كنت حاسة انك في يوم وهتسألي

هدي: ودلوقتي من حقي اعرف اية اللي خلاكي تتجوزي عادل وانا قايلالك اني بحبه 

صفاء بتنهيده:هحكيلك