رواية لو كان خيراً لبقى الحلقة التاسعة 9 بقلم نورهان صبري

رواية لو كان خيراً لبقى الحلقة التاسعة 9 بقلم نورهان صبري 

رواية لو كان خيراً لبقى الحلقة التاسعة 9 بقلم نورهان صبري

رواية لو كان خيراً لبقى الحلقة التاسعة 9 بقلم نورهان صبري 

عند يزن و روان فى العربيه..

يزن :لى ماحكيتيليش عن اخوكى قبل كداا..

روان :مش عايزة اشوف نظرة الشقه فى عيون حد.. انا اتعودت ابقى قوية.. و مش هسمح لحد انه يقولى معلش..

يزن :بس انا مش حد يا روان.. دانتى تتخبى من الكل فياا.. معقوله يبقى داا تفكيرك عنى..

روان بدموع :ماكنش قصدى.. بس و الله مابحبش اتكلم عن الموضوع داا.. انا اسفه..

وماقدرتش تكتم عياطهاا اكتر من كداا و انهارت فى العياط

يزن وقف العربيه بسرعه و شدها لحضنه :ششش انا اسف.. اسف و الله.. ماكانش قصدى ازعلك..

روان :كان هو سندى فى الحياة بعد بابا.. كنا اكتر من اخوات.. كان بيحمينى من اى حاجه و كان صحبى الوحيد.. وحشنى اووى يا يزن.. وحشنى اووى..

يزن و هو بيهديهاا :صدقينى يا روان هكون ابوكى و اخوكى و جوزك و حبيبك و صحبك و كل حاجه.. هعوضك عن اى زعل زعلتيه فى حياتك.. خلاص بقاا بطلى عياط.. قالهاا و هو بيمسح دموعها..

فضل يطبطب عليهاا لحد ما حس انهاا هديت شويه..

يزن :هاا بقيتى كويسه!

روان و هى بتمسح دموعها :انا كويسه.. كويسه ماتقلقش..

يزن :انا جمبك.. و الله عمرى ما هسيبك.. بس انتى خليكى معايا..

روان بامتنان :متشكرة اووى يا يزن..

يزن بحنق :فى واحده تقول لجوزها متشكرة.. اتعدلى ياختى اما اروحك..

روان و هى بتضحك وسط دموعها :اسفه..

يزن :و كمان بتقول اسفه.. يا رب.. انت اللى شايف يا رب..

روان ضحكت بصوت عالى..

يزن بحب :ادفع عمرى كله عشان الضحكه دى.. خليكى دايما بتضحكى..

روان بابتسامه خجله :بجد.. انا ربنا عوضنى بيك عن كل حاجه فى حياتى..ماكنتش اتخيل ابداا انك تكون فى حياتى..

يزن و هو بيمسك ايديها :روان انتى كنتى زى نجمه عاليه فى السما.. اكبر حاجه ممكن اتخيلها انى ابص عليهاا.. لكن فى حكايتى.. وصلت للنجمه و بقيناا واحد..

روان رمت نفسها فى حضنه و هى بتعيط بصمت و بتشكر ربنا و هو حضنهاا بابتسامه عاشقه..

عدى كام يوم على زين ماكنش بينام فيهم من التفكير فى روضه.. يا ترى هو حبهاا و الا داا مجرد إعجاب.. طب دى مواقفهم سواا لا تكاد تذكر.. بيشوفها صدفه بس لما بتيجى الكافيه لروان..

بعد تفكير كتيير زين قرر يتكلم مع روضه عشان يحط النقط على الحروف..

فى نفس الوقت عند روضه.. قاعده فى اوضتهاا و بتتفرج على صورها مع مازن و روان.. 

روضه :وحشتنى اووى.. كان نفسي تبقى معايا دلوقت.. كان نفسي تشوف روان و هى بتتجوز.. سبتنى لوحدى ليه.. هنت عليك يا مازن.. انا قررت انى مش هتجوز بعدك ابداا.. ما اقدرش اتخيل نفسى مع حد غيرك.. بس روان بتقولى ان لازم اعيش حياتى.. طب هو انا اقدر اعيش حياتى عادى.. هقدر انساك.. طب مين هينسينى.. 

قطع كلامها رنة فونهاا باسم زين.. 

رجعت بصت للصورة تانى و للفون فى نفس الوقت.. :زين!

روضه :الو.. زين!

زين :الو يا روضه..

روضه :خير فى حاجه!

زين بتنهيده :محتاج اتكلم معاكى ممكن..

روضه باستغراب :تتكلم معايا فى اى..

زين :هتعرفى لما اقابلك.. ممكن اقابلك كمان شويه..

روضه :الموضوع مهم للدرجادى..!

زين :مهم اووى.. معلش لو هتعبك..

روضه :لا خلاص و لا يهمك.. هقابلك فين..

زين :فى كافيه (…) دا بتاعى برضو..

روضه :تمم مسافة السكه..

زين :هستناكى..

روضه لبست دريس أخضر لايق على لون عيونها و طرحه مشجره من نفس اللون.. و راحت الكافيه.. اول ما دخلت لمحت زين اللى ماشالش عيونو من عليهاا..

روضه :السلام عليكم..

زين :و عليكم السلام.. اتفضلى..

روضه قعدت و استنته يتكلم..بس هو كان ساكت و بيبص عليهاا و بس لحد ما اتكسفت..

روضه :احمم خير كنت عايزنى فى اى..

زين :ممكن اسالك سؤال و اتمنى ماتفهمينيش غلط..!

روضه باستغراب :اتفضل..

زين :انا عرفت انك كنتى متجوزة قبل كداا.. كنتى بتحبيه !

روضه :حبيته! انت بتسألني! انا معرفتش الحب غير و انا معاه..

زين :انا اسف.. مش عارف انا بسألك ليه دلوقت.. بس يمكن لانى بقالى فتره ما بفكرش غير فيكى.. معرفش ليه.. يمكن حب او إعجاب بشخصيتك.. بقالى ايام مابنامش من التفكير.. لحد ما حسمت قرارى انى اكلمك.. لازم تعرفى اللى جوايا و بايدك القرار.. انا مش هجبرك على حاجه.. انا بس عايزك تفكرى فى الموضوع.. و ما تاخديش قرارك قبل ما تفكرى..

روضه ماكنتش مستوعبه هو بيقول اى اصلا.. مين اللى بيتكلم! زين! طب ايمته حس تجاهها بالمشاعر دى.. طب اعمل اى.. هى مش عايزه تعيش مع حد غير مازن.. محدش هيقدر ينسيهاا مازن.. معقوله زين! زين ممكن ينسيهاا..

فجأه قامت بسرعه.. :عن اذنك.. لازم اروح..

زين مسك ايدهاا بسرعه.. قامت هى بصتله انه يشيل ايده.. فسابهاا.. :انا اسف.. بس ارجوكى استنى..

روضه :مش هينفع..

زين :انا بس عايزك تفكرى.. ارجوكى.. انا محتاجلك فى حياتى..

روضه :بس انت ماتستاهلنيش.. انا مش هنفعلك يا زين.. انت تستاهل واحده احسن منى..

زين :بس انا شايفك احسن منهم كلهم..

روضه :انا كنت متجوزة.. فاهم يعنى اى كنت متجوزه.. يعنى كنت بحب جوزى.. بحبه اووى.. يمكن ما قدرش اديك نص الحب داا.. عشت معاه..تفاصيل و حياة.. و حاجات كتيير.. معقوله هتقبل بداا.!

زين :مايهمنيش الماضى.. اللى يهمنى انى عايزك فى حاضرى و مستقبلى..انا اكيد بتضايق لما اتخيلك و انتى مع حد تانى.. لكن مقدرش اغير الماضى.. بتمنى لو كنت قابلتك قبله.. يمكن كان كل حاجه اتغيرت..

روضه :بس انا كنت بحب مازن.. كنت و مازلت و هفضل احبه.. مستحيل يخرج من قلبى..

زين :هزرع حبى فى قلبك.. هحاول على قد ما اقدر انى اسعدك.. بس انتى ادينى فرصه.. فرصه واحده..

روضه :سيبنى افكر يا زين.. سيب الايام هى اللى تقرر..

زين :اوعدينى انك تفكرى..

روضه بعد صمت طويل :اوعدك..

يتبع..

لقراءة الحلقة العاشرة : اضغط هنا

لقراءة باقي حلقات الرواية : اضغط هنا

نرشح لك أيضاً رواية حكايات مريم وزين للكاتبة راندا حسن.