رواية ليل الفصل التاسع 9 بقلم ياسمين خالد

بينزلوا 

مؤمن بيودع سهيله 

_سهيله بتقرب علي انس مش هتسلم عليا 

_ لا،بيبعد 

“لحد مايتصدم ف العربيه ودمه يسيل”

مؤمن بصدمه ويصرخ أنسسسسسس،انسسسسس،قوم ياحبيبي،دموعه بتنزل لا ياانس قوم 

_سهيله واقفه بصدمه،لا لا لااااا استحاله،استحااااله،

“رودينا شافت المنظر من البلكونه بعياط شديد اتصلت ب ليل 

_ ايه انتي بتقولي ايييييه،انسسس!!!!

_______________

المسافه بين بيت ام ليل وبيت مؤمن مش كبيره 

جت بفزع ابعدوا انس انس قوم ياحبيبي،انس قوم هقول لولادي ايه،مش قولتلك هقولهم انك اخوهم الكبير،قوم ونبي”بتصرخ وتعيط جامد” قومممم ياااانسسسس،ونبي قوووم 

_مؤمن بعياط: عربيه خبطته وهربت 

“بتضربه ع وشه انس،انس”

بهستريه مؤمن انس مبيردش

“ليل بتقوم بحُرقة ودموعها مغرقه وشها إنتي السبب صح!!!  هديتي بيتي وخربتي علي بيتك عشان شايفه بس ناس احسن منك إنتي السواد إللي فيكي ده كان كله ليـه!!! ليـه حقيقي، ده ربنا هو اللي بيقسم الارزاق والنصيب الحقد اللي جواكي وصلك لإيه غير إنك خسرتي إبنك كمان وقتليته، قتليته بجحودك وجبروتك 

” سهيله ف صدمه، مبتنطقش باصه علي أنس إللي مرمي ف حضن مؤمن والدم نازل علي وشه الدموع إبتدت تنزل منها زي السـيـل، بتلعثُم فِ الكلام أنـ أنـا أنـا مقتلتش إبني، إنـتـ إنتـي السبب كرهـ كرهتيـه فيا 

_ليل بعياط:  ربنا شاهد إني عُمري ماكرهته فيكي بالعكس كان دايماً بقولهُ دي ماما ياأنس كان كل مره يحاول يقربلك فيـهـا كـان بيلاقي الكره فيكي من ناحيتي والأذي بيزيد وانا معملتلكيش حاجه “ليل بزعيق وعصبيه” انا ليا بالنتيجه دلوقتي!!!!! النتيجه إيــه! 

_ “سهيله حاطه إيديها علي وشها وكانت بتترعش من شدة الموقف،وبتردد ف بؤها لأ انا مقتلتش إبني لأ أنا مقتلتش إبنـي!!!!!

________________

“عربيه الموتيٰ بتيجي” الكل ف عياط مُستمر، حتي كل الجيـران كانوا بيعيطّوا فِ الخلفيه كل شخص كان بيفتكـر خفه وروح أنس،لابقتهُ فـِ الكّلام هزاروا وشقاوته إللي عمرها ماكانت مُزعجه بل بالعكس كان بتقلب بخفة دم ومشاكسه،كل شخص أنس إشتري منه عيش،كل شخص أنس إشتري منه قلم أو كشكول،صاحب مطعم الفول كان بيقول بصوت عالي المواقف إللي أنس عاملها وهو بيشتري السحور مع مؤمن كل شخص بقي بيرد علي التاني بالموقف إللي أنس قالوا عم محمد الجزار إللي هيبته بتهز المنطقه بحالها الدموع كانت متجمعه فـِ عينـهُ ساب أثـر طيب ف قلوب كل الناس 

“قبل م ياخدوه علي عربيـة الموتيٰ، ليل ومؤمن بيحضنوه بشده وبيعيطوا سهيله مستحملتش المنظر وغابت عن الوعي 

________________

فِ المُستشفي

_مؤمن: طب إشربي حتي عصير المغرب أذِن وإنتي مش راضيه تحطي حاجه ف بؤك

= مش هحط حاجه،” كانت وقتها حاضنه رودينا”ماليش نفس لأي حاجه،أنس راح وراحت معاه كل حاجه حلوه يامؤمن 

“مؤمن بقله حيله،وبيبص لأم سهيله”: ربنا يرحمهُ

“بيقرب عليها” أنس حفيدك مات،بنتك خربت بيتها وموتت إبنها بس إن الولد مكنش حتي حابب قُربها منهُ.. لو أنا هنا أنا وليل حتي لو مش طايقيـّنها وامي وابويا حتي يوسف جيه ف ده عشان العيش والملح  وإحنا ولاد أصول أنا عارف إنك كويسه وقلبك طيب ياأم سهيله بس أعذريني سهيله مشيت ف طريق خراب بيوت وأكيد حكايلك كل حاجه

_بعياط ندم: ايوه يابني حكيتلي كل حاجه مقدرش أنكر بس بعد إيه،بعد م نفذت وخربت بيتها 

_مؤمن: إنتي غلبانه ياست الكل لو قدرت أحكيلك علي إللي عملتهُ..تقريبا إنتي شخصياً هتتبري منها،أو هتقولولنا إمشوا.

_ بصتله كإن عيونها بتقول انا عارفه كل حاجه ثم وطت راسها ف الإرض من الخجل وفضلت تفرك فـِ إيديها: كل حاجه عرفتها يامؤمن

= إيه! 

إمبارح بعد ما  خلصت صلاة التراويح عشان مبقدرش أصليها فـِ المسجد،سهيله دايماً كانت بتبقي قافله عليها أوضتها..كنت دايماً بخاف من عمايلها وشيطانها إللي مسلماله نفسها،بس شيطان إيه،دي النفَس يابني،نَفسها إتملت بالجشع والطمع والكره والأذي وإبني..! إبني بعد ماأبوه مات إتجه لشرب المُخدرات،حسسوني ياإبني إني عاجزه قبل أواني وإني كمان معرفتش أربيهم رغم إني مبسيبش فرض،رغم عودتهم من صُغرهم علي الصلاه وطاعة الله..بس لما كبروا كل واحد فيهم إتجه لطريق سَترتها وإشتغلت علي ماأجمع جهازها وربنا يعلم رغم تعبي بس بسدد باقي الديون اللي عليا.. والتاني سعيت إنه يقدم ف وظيفه وأهو بيضيعها منه دلوقتي بيروح يوم أه وعشره لأ والمدير ساكت عشاني،عشان إشتغلت كتير ف الشركه وكنت عامله نظافه لكن مع الوقت الشغل تعبني ومشيت منه وروحت  ف مكان أحسن واهو ربنا كرمني بشغل احسن مع معاش ابوهم وبقيت بساعد ف البيت .. كل حاجه بنيتها بقت تتهد قدام عيني المهم سامحني يارب انا كنت داخله الأوضه عادي يعني اقولها انا صحيت تعالي نشرب حاجه سوا ف الصاله بدل قعدت الاوضه دي سمعت صوتها عالي وبتتكلم براحتها لإنها كانت فاكراني نايمه لإن بعد صلاه العشا قولتلها هنام شويه وأصحي أصلي التراويح..كنت لسه هخبط أستوقفني الكلام إللي كنت بسمعوا حسيت إني معايا شيطان..شيطان حقيقي،إتصنت برا علي الباب لاقيتها بتقول

___________

ғlaѕнвacĸ

____________

 بكره شهر رمضان يخلص،وتبقي معايا تاني يادانيـال،حقيقي من غيرك الدنيا وحشه إنت بتقف معايا ولا الذُل لحور الغبيه إللي كل دقيقه برأي..

بعدها جاتلها مكالمه من حور “بتضحك ب إستهزاء” 

كنت عارفه ان خطتي هتنجح،هقوم أنا بقي بدوري عارفه يابت ياحور كنت لسه بشكر فيكي بيني وبين نفسي..بقول انك ذكيـّه وشاطرة،طبيعي ليل الهبله هتصدق إن البطاقه جت عندي البيت وأكيد كمان عارفه إني أقصد أعمل كده عشان أوقع بينهم..زمانها قاعده ياحرام بتعيط وجو ليه عملتوا فيا كده وتستعطف الناس المعيوبه إللي مبتخلفش دي 

=…………

_ وإنتي مالك بتدافعي عنها ياحور ليه! ايوه أنا إللي عملت العمل بس محدش يعرف غيرك منعتهم من الخلفه،مؤمن مش هيخلف من أي واحده تاني غيري لسه بعد شهر رمضان العمل إللي عملتوا جديد انا وانتي هيشتغل ودانيال هيساعدني كتير كمان ..وصدقيني لو حد عرف “بتريقه”هزعل دادي ومامي علي حور القمر ام شعر مِسبسب أوكاي!

=…………..

_ بصي بصي متقوليش مش واثقه فيكي..لأ انا واثقه فيكي عشان هدفنا واحد إننا نكسر عينها ونعرفها إننا أحسن منها..وإن إحنا الإتنين بس إللي قدرنا عليكي وقدرنا نكسر غرورك وثقتك بنفسك 

_………..

= عارفه إنك لو خايفه منها مش هتساعديني،بس هو ليه لؤي سابك!

=……

– طب وإيه يعني أخته،كإنك مرسال وخلاص بس ولا يهمك يابت الرجاله كتير وبكره يجيلك الأحسن

“امها بتفتح الباب”

طب يلا إقفلي ولو ف حاجه بلغيني..يلا باي 

___________________

إيه ياماما صحيتي إمتيٰ! 

_ صحيت من وقت ماعرفت إن بنتي بقت من سلاله الشيطان.. عارفه ربنا كان مفروض يحسبك معاهم

سهيله بتوتر:  ليه ياماما ف إيه 

=” بتقرب عليها “.. وسهيله تبعد”.. إيـه خايفة ليه هي إللي زيك خافت من ربنا لما هتخاف من أمها!.. عايزه اسألك سؤال ياسهيله 

_ بص ياماما مش فاهمه بتتكلمي علي إيه!  بس إسـألي

_ بنظره مكّر:  لأ إنتـي عارفه عارفه.. أنا سمعت كل حاجه سمعت إنك حرمتي واحد وواحده من كلمه بابا وماما.. لأ والغريبه إنك لما بتحطي راسك علي المخده بتنامي عادي.. ضميرك مش بيأنبـك لأ بتروحي ف النوم بتتلذذي لما بتشوفيهم تعبانين.. طب كانت مبتصعبش عليكي وهي نفسها مكسوره.. مبتصعبش عليكي لما كانت فاكره إن دي حاجه بإراده ربنا ومتعشمه وعندها أمل انها تخلف.. عاوزه تضيعي من عمرها كام سنه!.. سؤالي ليكي هو إنتي عارفه إنك ف يوم هتنزل القبر لوحدك وما أدراكي وما ظُلمه القبر ياتعيشي مُنعمه بـ أعمالك الحلوه وسيرتك الطيبه.. ياأول ماتموتي الناس تقول يااه إرتاحنا خليها تغور ريحتنا منها خالص.. طب هو إنتي فاكره إن الدنيا دي دايمه!  فاكره إن بيبعد عن طريق ربنا بيعيش كويس ومرتاح البـال!طب سيبك من ده كله.. هتقدري تسمعي منها أنا خصيمتك قدام ربنا لحد يوم القيامه!!  طب هتقولي لربنا إيه وإنتي واقفه قصاده وليل واقفه وتقوله يارب انا مش مسمحاها.. يارب هاتلي حقي.. أنا ف الدنيا صبرت وإتحرمت من نعمه الخلفه عوض تعبي وعياطي كل يوم هتقدري تستحملي لدعه بس من نار جهنم!  ده إحنا لما بس الجو بيبقي حر حبتين وتحت التكيفات ومش بنبقي قادرين ومفرهدين لو بنحمر فرخه وطرطشه الزيت جت علينا بتقعد طول اليوم وجعانا وبنفضل ندعي اللهم إجرنا من النار.. ليه يابنتي.. ليه يابنتي تعملي ف نفسك كده

= وأكيد ربنا ميرداش بالظلم ده حبيبي أنا وهي خدتهُ مني.. انا بكرها أوي مستعده أتعذب طول عمري ف النار بس أشوفها متعذبه ومقهوره ف الدنيا.. مشوفتيهاش ونظرات الكل ليها وبيحبوها إزاي!! مشوفتيش بتبقي عاوزه تاكل الكل بكلامها ازاي حتي عيالي.. عيالي مبقوش طايقني بسببها هي عايزة تاخد كل حاجه!! مش عايزه تدي لحد غيرها حاجه! “بتتكلم بجحود”  أيوه أنا عملتلها عمل بمنع الخِلفه.. ولسه العمل الجاي أقوي وأصعب.. أيوه بعمل خطط وبنفذ ولسه.. لسه إللي جاي أشد ياماما

= بس متقوليش ياماما بس.. عاوزه أفهمك حاجه واحده مفيش واحده ست بتخطف راجل لو ف قلبه واحده  بيحبها يعني مؤمن لو كان بيحبك مكنش سابك.. بعد فتره خطب وخلاص كل واحد من طريق.. تفتكري لو يوسف ده كان طلع مش اخو مؤمن كنتي هتدوري ع مؤمن وتإذيه!  ولا هتقولي خلاص هبص لبيتي وأعيش حياتي يابنتي ربنا عمروا ماظلم حد ربنا إسمه الحق، العدل عارفه يعني إيه!! ممكن يكون يوسف طبعه احسن من مؤمن ف حاجه ممكن يوسف يسامح علي حاجه ممكن مؤمن ميقدرش يسامح فيها.. ممكن يوسف حنين طيب مؤمن لا مثلا .. ربنا بيقسم الأرزاق ربنا يمكن جمعكم تاني ف بيت واحد عشان يختبرك.. ويختبر إخلاصك لجوزك وإنك رضيتي حتي لو لسه بتحني لمؤمن أول ماشوفتيه كنتي تطلبي من يوسف تعزلوا ف مكان يوسف جدع كان هيوافق كنتي تطلبي من ربنا يخرج مؤمن من قلبـك عشان خاطر متخونيش جوزك حتي لو مجرد تفكير ف مؤمن بس مش حاجه تاني.. ليل معملتش حاجه ولا قصدها تاكل منك الجو ليل إتعاملت بطيبتها أنا نفسي بحب البنت دي جداً  تلقائيه قساوه الدنيا معرفتش تغير ف قلبها حاجه لسه نَقِّي زي ماهو يمكن العمل إللي عاملتيهولها كمان زود حبها ف قلوب الناس أكتر مبقوش عاوزين يجرحوها بكلمه ولا بحاجه عشان نفستهم حتي لو كانت بتشوف ف نظرتهم ليها إن مؤمن يتجوز ويخلف.. بس محدش فكّر ف يوم يقول كده مع الوقت اثبتت لنفسها وللكل وكمان مؤمن اثبت معاها عشان بيحبها إن حتي لو مخلفوش ربنا هيعوضهم ف حاجه تانيه فوقي لنفسك يابنتـي وصلي وإرجعي لربنا.. انا هخرج أنا وانتي فكري ف كلامي وحاولي تتصرفي وإمنعي العمل ده.. الطريق ده أخرته نفق مقفول مش هتعرفي تخرجي منو.. 

_…….. 

________________

вacĸ

____________

خرجت وقتها يابني من الاوضه ومعرفش إنها راحتلكم ولا أعرف أي حاجة 

_لازم تساعدينا ياأمي ان هي تخرج من اللي ف وتطلع الجبروت اللي ف قلبها ده ابنها مات مفروض تتعظ 

“الدكتور بيقاطع كلامهم” 

_ فين مامتها! 

=الكل بيقوم بفزع”و بتوتر بتقوم “: واضح إن المريضه جاتلها أزمه عصبيه حاده ولازم تتعالج عند دكتور نفسي..المريضه فاقت بس لسه تحت تأثير البينج وعماله تردد إسم أنس وتقول أنا مقتلتهوش هو إللي بعد عني..

_ مؤمن: طب يادكتور مش مفروض ف طبيب نفسي بيكون ف المستشفي عشان الحالات إللي زي سهيله

= أه فِ دكتوره ندي مصعب..هي أكتر واحده متميزه عندنا بس ده غير حساب المستشفي لإن ده علاج تاني 

_مؤمن: مش مهم التكاليف يادكتور المهم ممكن تخف ف قد إيه 

“ليل بصت بغيره لمؤمن وحست إنه خايف عليها”

_ علي حسب إراده المريض وقدرته علي تخطي الأزمه إللي هو فيها..

_ ماشي شكراً لحضرتك،نلاقي دكتور ندي فين 

“بيقاطع صوتهم ندي،كانت وقتها حاطه إيديها ف جيب البالطو الأبيض وحاطه المصاصه فِ بؤها وداخله بقلب جامد وبتوجهه نظرها للدكتور: فين المريضه ووريني التقرير

_الدكتور بخجل وبيتكلم وهو بيتك علي سنانه: أنا لسه كنت بشكر فيكي إيه إللي عاملاه ف نفسك ده بس!

= إيه يعني ماكلش مصاصه مالها المصاصه بموهبتي!

_ساره بتجري عليها: ندي إنتي هنا إزاي!! إتعينتي إمتي!!

= بخضّه: إيه ده مالك ف إيه”بتبص حواليها” إيه ده أهلك كلهم هنا ليه!!! ف إيه 

_ “ساره بتشيلها المصاصه من بؤها” كسفتيني ف دكتور تاكل مصاصه،متخافيش بتقرب عليها بصوت خافت دي سهيله اللي جوا 

_ بتعلي صوتها وتضربها ف كتفها طب ياشيخه طمنتيني مش مهم سهيله 

“بصت حواليها لما لاقت الكل بيبصلها هوب هوب هوب هو انا عكيت ف الكلام ياساره”

_ أم سهيله  بتقرب علي ساره: يابنتي إنتي تعرفي الدكتوره!

= أه ندي صاحبه عمري ومعايا ف الكليه،كليه أداب علم نفس بس م شاء الله هي متمكنه أكتر مني لأنها كانت بتقرأ كتير وفاهمه،ولو مكتتش شاطره مكنتش بقت دكتوره..اطمني علي سهيله 

ندي: بعون الله ياحجه بنتك هتاخديها علي كرسي متحرك 

ساره بتضربها علي كتفها

_ بهزر معاكوا إن شاء تكون كويسه 

= بتميل علي ساره: هو لؤي مجاش معاكم ليه 

_ عشان مش طايق سهيله ولا حور 

= بفرحه: بجد! 

_ ولا طايق نفسه حتي ياختي، روحي شوفي شغلك مش وقتك 

“بتعلي صوتها” طب أستأذنكم انا ياجماعه 

“بتدخل” 

الدكتور بيوجهه كلامه للكُل  : مالهاش لازمه قاعدتكم ياجماعه ف الوقت الحالي..يُستحسن تيجوا بُكره تطمنوا عليها 

_ امها..طب مينفعش انا يابني اكون مُرافق معاها 

= لا ينفع ياحجه..روحي شوفي الإجراءات اللازمه 

_مؤمن: خليكي إنتي وانا هروح أعمل الإجراءات وانتي إستريحي هنا 

_ليل: إستني أنا هاجي معاك

_”بيمسك إيديها” تعالي ياحبيبتي

= شايفاك خايف علي سهيله يعني يامؤمن!

_ أنا خايف علي الست الكبيره لو علي سهيله ف انا والله م عاوز أساعدها إللي شوفناه منها كتير أوي أوي 

=…………

_ قالبه البوز دي وراها غيره أنا عارف.

= “بتودي وشها الناحيه التانيه” لأ انا مش غيرانه يامؤمن 

_ “بيتبت علي ايديها أكتر” إنتي ماليه عيني ياليل..بس انتي سمعتي مامتها وأظن مكنش ينفع مساعدهاش 

= ماشي..

_ طب خلاص..خلاص بقي وبصي لسه ماسك العصير من ساعتها إشربي حاجه عشان متدوخيش إنتي أصلاً الإنيميا عاليه عندك..مينفعش تقعدي وقت طويل متاكليش،ومع ذلك صايمه وعيطي كتير،ف اشربيه عشان خاطري

_ مش عايزة منك حاجه يامؤمن 

= “برفعه حاجب”أمال هتعوزي من مين!

_ هعوز من حبيبي القديم بقي 

=”بيتك علي إيديها جامد ويجز علي سنانه” أنا مفيش غيري ف قلبك،متعصبنيش وصوتي يعلي لا ده وقته ولا ده المكان اللي نتخانق فيه ها 

_ طيب ماشي 

= ليل 

_ نعم

=بلاش أرجوكي تزعلي.. مساعدتي لسهيله ف هي مجرد بس عشان خاطر مامتها وحرقه قلبها عليها..وغلاوة انس عندك م تزعلي

_أنس.. “عيونها بيتجمع فيها الدموع” ماشي ياحبيبي،يلا نشوفلها الإجراءات

= يلا 

________________

داخل الغرفه مع سهيله وندي

_____________

سهيله بتحاول تقوم 

_ انا فين..!،وإنتي مين! وإيه الأجهزه دي كلها 

= إنتي شايفه إيه هتكوني ف النادي!،ف المستشفي ياماما ف المستشفي

_ فين أنس،انس إبني فين! 

=لا إحنا نرمي المصاصه عشان شكل الموضوع كبير 

“بتمسك الورقه والقلم،ها إحكيلي”!

_ إنتي مين إنتي اساسا عشان أحكيلك أخرجي برا 

=” بتبص لفوق”يارب انا لسه متعينه النهارده مش عاوزه أرتكب جريمه أنا واحده مجنونه وبتعالج 

“بتقرب الكرسي علي سهيله”

_ بصي ياسهيله،أنا إسمي دكتور ندي.. وجودي  هنا فَ هو عشان أساعدك وأخرجكك من إللي إنتي فيه طبيبه نفسيه..من الواضح إنك إتعرضي لأزمه نفسيه أنا هنا عشان أسمعك 

_”بتكبر ” أنا مش مجنونه عشان أتعالج عندك،”بتفك الكاليونا من إيديها أنا عاوزه أمشي،أنا عاوزه أشوف إبني 

_”طب إهدي” إهدي وأقعدي..هساعدك إنك تمشي بس إسمعيني الأول..

“بتركبلها تاني الحاجه إللي شالتها وبتخليها ترتاح علي السرير”

بُصي ياسهيله الدكتور النفسي عُمروا ما كان أبداً دكتور للمجانين ولا عُمر الدكتور النفساني كان عبيط ولا مجنون الدكتور النفساني ماهو إلا شخص بيقعد يسمع الشخص إللي حالته النفسيه وحشه وبيشوفوا حل سوا كإنهم صحاب بس الفرق ان الطبيب النفسي عمروا مايغدُر بيكي ولو قلبتوا علي بعض يفضحك والكلام إللي بيدور بين الصحاب..ف فرق بين المرض العقلي والنفسي لكن للأسف الناس إتعودت دايماً علي إنهم ينقلوا الكلام من بعض حتي لو كان الكلام غلط..التعب النفسي عمروا ماكان جنون..دي تراكمات وحاجات محوشاها جواكي مش عارفه تتكلمي فيها مع حد.

_”إقتنعت بكلامها وإبتدت تتكلم ” أنا مقتلتش إبني مقتلتهوش والله..”بنبره كُره” ليل هي السبب ف كل حاجه خلت إبني يكرهني أنا بسلم عليه عادي لاقيتهُ بيرجع لورا..والعربيه خبطته..أنا حاسه بشرخ فِ قلبي،هي ليه مصممه تبني الحقد جوايا ليها أكتر 

= ليه محاولتيش تواجهيها ليه محاولتيش تسمعي وجهه نظرها هي كمـان يمكن متقصدش

_ هه..متقصدش إيه بس 

انا حرقت قلبها بدل المره ألف لكن لسه ثابته واقفه مكانها بتنجح ف حب الناس وأنا لأ هي زياده عني ف ايه!! “بلغه كلها حقد” إيه اللي فيها مش فيا عشان تاخد كل حاجه ليه انا قلبي يوجعني كده علي إبني وهي لأ..يمكن..يمكن لو فكيتلها العمل بتاع الخلفه تخلف!! تخلف وأحرق قلبها وتحس بيا!!

ندي بدهشة: إنتي مقتنعه بـ اللي بتقوليه حرمتيها من الخلفه من احلي حاجه ف الدنيا ولسه بتسألي قلبك إتحرق ليه..انا مش بهاجمك بس ده درس..درس من ربنا ليكي عشان تفوقي..

_ أفوق..أنا فعلا هفوق ومش هسكت غير اما اخد حق إبني 

= فكّري ف عذاب ربنا مش عارفه ف إيه أصعب من موت الإبن يفوقك من شر أعمالك..إنتي غلط ياسهيله غلط 

_ أنا مش غلط..انا صح ومحدش فاهمها قدي 

= إرتاحي ياسهيله وبكره نكمل باقي جلستنا 

ندي شايفه نظره الغل والإنتقام فِ عين سهيله 

“بتخرج برا علي صوت مؤمن..انا خلصتلك الإجراءات ياحجه تقدري تباتي مع سهيله 

_ كتر خيرك ياابن الاصول،روحوا انتو يابني 

= والده سهيله: طمنيني يادكتوره بنتي كويسه 

_ دي اسرار مرضي ياحجه بس كل اللي طلباه منك..إنك تحاولي تهديها وأقرألها قران..لو فضلت علي قرارها سهيله هتتعب 

_ليل:قرارها إللي هو إيه ياندي

= خلي بالكم من نفسكم جميعاً مقدرش أتكلم أكتر من كده..موت إبنها أثر علي حالتها بالسلب بعد إذنكم ياجماعه 

مامتها بتعيط: يارب فوضت أمري لـيـك يارب أنا بنتي مش خايفه من بكره..ولا خايفه من عذاب ربنا يوم القيامه 

_ليل بتبوس علي راسها: إهدي ياأمي..ربنا يهديها 

=سامحيني يابنتي..سامحيني بالنيابه عنها 

_متقوليش كده..ربنا بس يصبرنا علي فراق أنس.

= يارب يابنتي يارب 

” مؤمن بيروح يشتريلها أكل من الكاڤتيريا وبيجي”

“بتطبطب علي إيدو”كتر خيرك يابني

_ لو عوزتي أي حاجة كلميني  

= حاضر يابنـي..

_  نستأذنك إحنـا 

= اتفضل يابني

____________

بتدخلها الأوضه 

_بتلاقيها بتعيط 

=إدعيله يابنتي،إدعيله بالرحمه 

_”بتشد الملايه ب ايديها من كتر العصبيه”

هترحم عليه لما اجيب حقه 

_ مامتها بعصبيه: كفايه بقي..كفايه يابنتي إيه مابتحرميش ف إيه أكتر من موت إبنـــك!!!!

_مفيش وجع أكتر من كده وهخليها تدوق نفس الكاس 

هانت رمضان فاضل عليه عشر أيام..

_ قصدك ايه!

= بنبره تهديد”بكره الكُل يعرف.

____________________

ليل ف العربيه بتسند علي كتف مؤمن..وتساله: تفتكر هعرف اروح البيت وانس مش فيه 

_ بيطبطب علي إيديها”: ربنا يقوينا ياحبيبتي.. ربنا يقوينا.

=يارب..يارب بجد 

__________________

“بيروحوا البيت.. البيت كله ساكتْ وف حاله حُزن..” 

يوسف ف حاله صدمه الكل بيكلمهُ مبينطقش 

_ مؤمن: شد حيّلك يايوسف عشان بنتك مينفعش كدة 

= كنت دايماً بعيد عنهُ.. أه بحبه بس مكنتش مهتم.. مكنتش باخدوا افسحه محستش بقيمته غير لما راح يامؤمن.. إبني راح مني من قبل م يشوف مني حنيه.. أه إنت كنت معوضه بالحنان والحب إنت وليل بس كنت مفروض بردو اهتم بيه يعني لا يبقي أم ولا أب يحسسوه بالأمان! 

= إبنك بيحبك.. وعمروا م إشتكالي منك.. ابنك عارف إنك كنت مشغول متأنبش نفسك

_ طب حتي متصلتوش بيا ليه أودعوا قبل م تدفنوه! ليه يامؤمن 

= كنت عارف انك ف شغلك وان دي صدمه كبيره بالنسبالك.. إتلاهينا ف سهيله ولما روحت لاقيتك عارف من البيت رودينا 

_ “بيعيط فِ حضنه بحُرقه”  .. مشي قبل م أشبع منه يامؤمن 

_بيطبطب عليه” خلاص ياض بقي متعيطش كده وإنشف.. إبنك ف الجنه ياض ف احسن مكان 

_ “بيمسح دموعه”  انا هدخل اوضتي شويه، تعالي يارودينا معايا 

= حاضر يابابا 

__________

بيدخلوا الاوضه

_____________

_ يلا ياحبيبتي إقرأي قران ونامي 

= بابا هو أنس مش هيرجع تاني 

_ لا هنشوفه.. بس هنشوفه ف الجنه.. تعالي ف حضني 

= هيوحشني اوي يابابا.. انا زعلانه اوي اني ضيعت وقت ومكنتش بلعب معاه وكانت ماما دايماً تزعلني منو وتقولي عاقبيه ومتلعبيش معاه 

_ امك سبب كل حاجه وحشه بتحصلنا.. نامي يارودينا ومتفكريش ف اي حاجه 

= حاضر يابابا.. 

_____________

بعد مرور ٣ أيام.. 

فـِ اليوم الرابع.. فاضل ٦ أيام علي رمضان 

_____________

_مؤمن انا محتاجه أروح لتيتا فاطمه 

= ليه ياحبيبتي! 

_محتاجه أتكلم معاها 

= فيكي حاجه!! 

_ لأ متقلقش 

= خلاص نفطر ونروحلها 

_ماشي ياحبيبي 

“حور بتتصل” 

______________

_ألو ياحور! 

=……… 

-الحمدلله كويسة، انتي عامله اية 

=…….. 

_ لا لازم تروحي وتشوفيها وتتكلمي معاها.. ومعلش لؤي بردو نفسيته تعبانه منك 

=…….. 

_ عارفه انك ساعدتيني، بس هو حس انه اتخدع.. محسش إن دي حور إللي حبها ف شخص بيسامح بسهوله وف شخص زعله بيطول.. لؤي بيحبك بس زعلان افضلي وراه وإثبتيلوا إنك بتحبيه.. 

_….

=حضرلك الخير، خلاص روحيلها بعد الفطار ولو سهيله قالتلك حاجه بلغيني ضروري 

_…..

=حضرلك الخير، هقفل عشان أحضر الفطـار، باي

___________________

=خالتها: شايفاكي ماسكه نفسك ياليل.. ده اللي راح أنس 

_مش كل شخص يبان ثابت يبقي من جواه كده.. ف شخص واحد الكل بيعتمد عليه ف بيضطر يبان بالثبات ده عشان يطمن غيروا حتي لو هينهار بينهُ وبين نفسهُ 

_ ربنا يقويكي يابنتي، حطي السلطه علي السفره 

= حاضر ياخالتي 

______________

“بعد الفطـار”  

________________

_يلا ياحبيبي نطلع نجهز 

= رايحين فين

_ رايحين مشوار كده ياأمي وراجعين 

= ماشي ياحبيبي 

“بيطلعوا سوا” 

_لازم نودها..مش عاوزين ننسيٰ الجِميل بتاعها..وقفت جمبنا كتير وساعدتنا 

= عندك حق ياحبيبتي،طب هناخدلها ايه معانا فاكهه ولا ايه 

_بس عشان بس خاطر سنانها..ممكن ناخدلها موز وطبق حلويات حاجات طريه علي سنانها

_ ماشي ياحبيبتي

_______________

“بعد مرور ربع ساعه”

_ يلا أنا جاهزه

= وانا جاهز

_ لابس بدله ليه..هتتجوز!

=لا لابسها عشان هي الوحيده السودا اللي عندي والقميص الاسود بقالي ٣ ايام لابسوا 

_ ماشي يامؤمن 

= مالها وحشه

_ لا حلوه اوي..وشكلي هتخانق مع بنات كتير النهارده

= بنات!

_ هو فِ بنات غيرك ف الكوكب أصلاً!

– بكاش أوي..يلا ننزل 

= يلا ياحبيبتي

________________

“بيشتروا الحاجه وبيروحوا لبيت الست بيلاقوا الباب مفتوح.. والنور الشاسع هو اللي شغال وحواليها بنات كتير 

_ليل بصوت خافت: يبدو ان دول البنات ولاد جيرانها إللي بيستعيروا منها الكُتب 

_ طب خلينا واقفين نسمع بتحكيلهم إيه! 

” كانت بتقول”

_______________

_ بقولكم ياولاد تيجي احكيلكم قصه اصحاب الكهف 

= الكل ب اهتمام.. اه ياتيتا ياريت 

_ بس هتاكلوا الكنافه الاول.. هي اه نشفت شوا بس الرك علي الطعم

= لا دي جميله اوي ياتيتا 

_بالهنا والشفا ياقلب تيتا 

_بصوا ياحبايبي كان زمان قريه مشركه ضل الملك بتاعها واهلها عن الطريق الصحيح وحاشا لله كانوا بيعبدوا مع الله ٱلهةً لا تضرهم ولا تنفعهم ف شئ.. عبدوهم من غير دليل ومع ذلك كان لو حد هاجم الألهه دي كانوا بيدافعوا عن الالهه دي وبيهاجموا الناس دي وبيأذوا إللي مبيأمنوش بيها وبيعذبوها

في المجتمع الفاسد ده ظهرت مجموعه من الشباب العاقلين رفضت السجود لغير الله عز وجل الذي بيده كل شئ.. ف ربنا ثبتهم وزاد في هداهم والهمهم طريق الرشاد

مكنوش أنبياء ولا رسلاً لكن كان إيمانهم قوي لكن مكانوش رسل ف مقدروش يستحملوا العذاب اللي كانوا بيمروا بيه الانبياء فقرروا يروحوا ويهربوا ويسيبوا بيوتهم المزينه والمريحه والجميله ويتجهوا لكهف مظلم لكي ينجو من الملك وتعذيبه لهم.. قرروا يمشوا لمكان امن يعبدون الله فيه فالقريه فاسده واهلها ضالون 

خرجوا وكان معاهم الكلب بتاعهم بس دي مش حاجه غرييه علي شباب حب الله ف قلبهم كان بالنسبالهم الكهف المظلم ده قصر ف ربنا هيعوضهم خير علي اللي عملوه.. ناموا الولاد دول وسابوا الكلب بتاعهم يحرس الكهف وحصلت معجزه ربنا هنا.. تخيلوا معايا انتو كده لما بتناموا ١٢ ساعه ف اليوم مامتكم بتقولكم ايه! 

_ بتقول ايه مزهقتيش من النوم ده كله.. متعبتيش 

= طب معجزه ربنا أنه خلاهم يناموا 309.سنه 

= الكل ف دهشه.. بجد ياتيتا 

_ اه والله.. وكانوا بيتقلبوا كإنهم مستيقظين وعادي  كانت  الشمس بتشرق عن يمين الكهف وتغرب عن شماله فلا تصيبهم أشعتها لا في اول النهار ولا اخر النهار 

بعد ٣٠٩ سنه دول  بعثهم الله مره اخري يعني احياهم تاني  .. قاموا من نومهم الطويل ده وكان اثر النوم الطويل باين علي هدومهم القديمه اللي كانت علي حسب عصرهم والتراب بهدل هدومهم فسالوا بعضهم قالوا هو احنا نمنا قد ايه!!  ف قالوا ممكن يوم او اكتر شوفتوا معجزه ربنا محسسهمش بالوقت فخرجوا الفلوس اللي كانت ف جيبهم وقالوا لازم واحد فينا بس يروح المدينه ويجيب لينا اكل ويجي برفق من غير ماحد يشوفه عشان الملك وجنوده واهل القريه الظالمين ميعذبوناش  لو عرفوا مكانا وكانوا هيخرونا ياأما نشرك بالالهه بتاعتهم ياإما الرجم بالنار حتي الموت خرج واحد منهم للقريه بس ف جميع القريه مش ده الزمن ولا دي الناس لقد تغيرت الناس والاماكن والوجوه اتغيرت.. ولكن معجزه الله امنوا اهل المدينه وهلك الملك الظالم وجنوده واللي كانوا بيسمعوا كلامه الناس فرحت بيهم لانهم اول شباب امنوا بالله وهاجروا من قريتهم والمعجزه هنا هي معجزه الله ف احياء الموتي وايقنوا اهل القريه ان ربنا قادر علي كل شئ اخذ الله ارواح الفتيه فلكل نفس اجل ولا بد لها ان تموت.. القصه هدفها ان ربنا قادر علي كل شى ايه رايكم ياولاد ف القصه؟

مؤمن بيدخل:  لا ياتيتا ده انتي عديتي ليل بطريقتك الجميله دي 

بفرحه:  يالهوي علي الفرحه ايه انتو هنا من امتي 

ليل:  بتحط الشنط ع الارض وتجري تحضنها.. من وقت م ابتديتي تحكي القصه 

– وحشتوني اوي ياولاد 

_ وانتي كمان ياتيتا

_ ايه التكلفه بس دي كلها 

“البنات بيستأذنوا ويمشوا” 

_ مفيش تكلفه ياتيتا ولا حاجه 

= ها بقي مالكم شكلكوا خاسس ليه 

_هحكيلك ياتيتا عشان محتاجه مُساعدتك..

= احكي ياحبيبتي

=…………

– طب بصي هتعملي كل اللي هقولك عليه..

= حاضر 

“……….”

_ حاضر هعمل كده 

= حور بتتصل 

_ ايوه ياحور!

=ليل لسه نازله من عند سهيله وحقيقي شايله منك اوي..ولولا ف دكاتره دايما حواليها ومامتها معاها عاوزه تمشي من المستشفي وتنتقم منك 

– “بتضحك ب استهزاء”..مش هتعرف تعمل حاجه احنا حاطين حراسه متخافيش 

= طب عيد ميلاد لؤي بعد بكره تفتكري اعمله مفاجاه!

_ اه اعملي كده 

= هتساعديني!

_ هساعدك ياحور انا ف مشوار هخلص واكلمك 

_ ماشي ياليل 

____________

مؤمن بخوف:  ف حاجه ضروريه! 

= لا بتقول ان لسه سهيله بتهدد بأذيتي.. مفيش فايده.. نستأذن إحنا ياتيتا 

_ خلو بالكم من نفسكم 

= حاضر ياتيتا 

_______________

بتفكري ف ايه ياليل.. 

_ بفكر ف حاجات كتير اوي.. المهم تعالي نعدي علي بيت اهلي قبل م نروح 

= ليه! 

_ عاوزه اتكلم مع لؤي.. حور بتحبه مش عاوزاهم يخسروا بعض بسببي 

= مشوفتش احن منك بجد 

_ ولا شوفت احن منك ولا واقف ف ضهري زيك ربنا يباركلي فيك.. 

= وفيكي ياحبيبتي

_ بس مش ده إتجاه بيتنا 

= عارف.. هنعدي علي بتاع الكريب هجيبلك كريب كفته اللي بتحبيه الاول.. 

– صدقني شبعانه 

= انتي فضلتي تلعبي بالمعلقه ف الفطار ومكلتيش حاجه 

_ انت مراقبني! 

= محلتيش غيرك ياحبيبتي 

_تعالي ناكل سوا عشان انا كمان جعان.. 

= حاضر 

____________

بيطلبوا الاكل ويتمشوا شويه.. 

_ تفتكري كل ده هيعدي ياليل 

= هيعدي.. وهنكون كويسين وهنرجع احسن بكتير.. ربنا مبيخيبش ظن عبد فيه أبداً 

– ونعم بالله ياحبيبتي 

=” بنت بتبصله” 

إيه ايه ده ماتتفضليه! وكمان بترفعي حاجبك يابجحه.. بتمسك ايدو ” الدبله اهي.. اهي ياعاميه 

“مؤمن بيضحك ويحط ايدو علي بؤها”  خلاص.. خلاص البت خافت ومشيت 

_ طب امسك كريبك سديت نفسي 

= علي فكره انتي بلعتيه مفاضلش غير ربعه

_ بصلي بقي ف الاكل 

= طب خلاص.. خلاص متبوزيش انا ذنبي ايه! 

_ مش ذنبك حاجه ياخويا.. انت حلو وانا اولع بالغيره عادي

= بعد الشر عليكي.. ده هما اللي يغيروا منك ياعبيطه انا معاهم ولا معاكي 

– معايا ومتقدرش تكون مع غيري.. ده انا أخذقلك عينتينك دول علي راي ساره اما قالت لحسن 

_ لو بصيت لحد خذقيلي عيني وبؤي وايدي وكله كله 

_ مقدرش

= ليه! 

_ عشان لو هشحت كده محبش اللي انت جاري وحبيبي وروحي وكل ماليا 

= طب يلا يابكاشه نطلع عند اخوكي 

-يلا 

______________

“بيطلعوا ويبتدوا يسلموا عليهم وبتسال علي لؤي مامتها قالتلها ف البلكونه، دخلتله” 

_ انا جايالك ورقبتي قد السمسمه

= ليه! 

_ ايه ده بس ثواني من امتي بتشرب سجاير! 

= ملكيش دعوه 

– بتكلمني كده ليه! 

= عرفت انك خليتي حور تساعدك وولا كإنها عملت فيكي حاجه 

_ انت عارف حور اكتر مني البنت ندمت وفعلا أثبتتلي انها كويسه.. حور ساعدتني ف حاجات كتير أوي أوي هتعرفها مع الوقت.. البنت كل يوم تكلمني ومنهاره وعاوزاك ترجعلها.. ربنا بيسامح احنا بشر مش هنسامح.. وبعدين اختك اللي اتعمل فيها سامحتها 

_ مخنوق منها.. ومقفول 

.. مكنتش متخيل اتخدع فيها كده ياليل مكنتش مصدق اصلا..مش قادر ومش عارف اعيش من غيرها ولا عارف هكمل مع غيرها ازاي بس جوايا حاجه قفلاني منها.. تاذي اختي وتتفق مع سهيله ليه! 

_ البنت بتحبك وغلطت وعرفت غلطها وندمت.. وانا سامحتها.. عشان خاطري حاول 

_ حاضر 

= بص انا جيبالك إيه! 

“بيبص ف فرحه”  اللله ده كوتش الكوره اللي كان نفسي فيه!! 

= اه هو، بمناسبه عيد ميلادك اللي بعد بكره عشان متنصبش وتقولي مجبتيش ليه هديه 

“بيحضنها” 

مؤمن بيدخل عليهم.. الله الله ده انا بقالي قرن مخدتش الحضن ده 

_ ياسطي جابتلي الكوتش اللي نفسي فيه 

_ يابني ده جننتني محتاره مابين الاسود والاحمر وف الآخر إستقرت علي الاحمر ف اسود.. 

_ بيبصلها بحُب.. تعيشي وتجيبي ياحبيبتي 

_ حبيبي، بس وعد تحاول ترد علي حور وتسمعها 

= حاضر 

_ هروح اشوف البت ساره جوا.. وانتو اتكلموا هنا سوا 

_____________

بتدخلها اوضتها 

______________

“بتتكلم ف الفون” 

ها كملي ياندي معاكي 

=حالتها مبتتحسنش ياساره بجد.. غلاويه اوي انتي عارفه انك لولا صاحبتي مكنتش هقولك بس حاولوا تتصرفوا 

ليل بتقولها افتحي المايك”

حاطه ان ليل عفريته قصادها وكل يوم بتسالني رمضان فاضله قد ايه، كإنها مستنيه رمضان يخلص عشان تنتقم 

_ “ليل بتضحك بسخريه”  .. 

حاولي تخلي ليل تخلي بالها من نفسها، ومن مؤمن 

= حاضر.. هقفل ع ماما بتنادي عليا 

_ ماشي باي 

_____________

_ناويه تعملي إيه ياليل.. 

_هعمل حاجات كتير الفتره اللي جايه، المهم خليكي جمب يوسف الفتره الجايه.. 

_ حاضر انا معاه، بس نفسيته تعبانه ربنا يسترها 

= خير ان شاء الله 

_ ليلي عامله ايه وبنتها 

_ اهم كويسين.. سافروا شرم ياختي 

= خليهم يغيروا جو، ربنا يهدي سرهم 

انا هقوم اروح عشان الوقت ميتاخرش 

_ماشي خلي بالك من نفسك.. 

= حاضر وانتي كمان 

_____________

“بتطلع الصاله وتسلم ع مامتها وباباها  وتنادي علي مؤمن.. يلا ياحبيبي عشان نمشي 

_ حاضر يلا 

________________

” بيروحوا بيتهم 

________________

_بيجي عيد ميلا لؤي.. 

____________

لؤي كان ف الشغل ليل بتتصل بيه.. إلحقني يالؤي!! 

_ بخضه:  ف ايه مالك!!!!! 

= عاوزاك ضروري تدورلي علي إسم الدوا ده.. عشان مؤمن ف الشغل ومش قادره اتحرك من التعب، انزل من البيت حالا.. 

طب حاضر انا كنت لسه بصلي المغرب اهو وهنزل حالا استحملي ياحبيبتي 

_ حاضر 

ليل وحور ومؤمن كانوا مستخبين تحت البيت ومستنين لؤي يمشي عشان يطلعوا يجهزوا الحاجه 

اعملوا الموبايلات سايلينت ياجماعه 

لؤي متاخرش ونزل جري وخرج علي برا

_لييل:  قلب اخته والله ربنا يحميك كدبت عليك معلش بس لازم الخطه تمشي 

حور:  طب افرض لقي الدوا بسرعه 

_ليل:  متخافيش انا بعتله اسم الدوا ع الواتساب والدوا ده أصلاً برا مصر ولما بيخلص بطلبه اونلاين يعني هو هيلف حبه 

_ طب يلا نطلع بسرعه

_______________

“بيطلعوا البيت ويجهزوا البلالين بمساعده ساره ومامه ليل.. 

تمر ساعه وعلي وشك انهم يخلصوا 

_ لؤي بيتصل بليل بترد:  يابنتي لفيت ف كل الصيدليات قالوا مش موجود غير برا مصر 

_ طب انت فين 

= انا واقف ف الشارع 

” ليل بتعمل ميوت “

بقولكم ايه احنا تقريبا خلصنا لموا باقي الحاجه بسرعه وهقوله خلاص روح وع ميلفش مع صحابه هقوله ماما تعبت 

_ الو يابنتي

=طب ياحبيبي خلاص روح.. وروح بسرعه ع بتصل أكلم ماما قالتلي تعبانه 

_ ماشي هطلع بسرعه 

= بيقفلوا النور 

_ بيفتح الباب بالمفتاح 

= ايه ده بسم الله..ماما انتي فين!!

ربنا يجعل كلامي خفيف عليكم

بينور النور 

“بيضربوا الصورايخ” 

_ ايه ايه..أمنت بيك يارب

“بدهشه والفرحه باينه ع ملامحه وعيونه حور بتقرب عليه بالتورته” 

حقك عليا..كل سنه وانت معايا 

_ بيرفع حاجبه ” ياسلام،بيبص ل ليل..بقيتي شرانيه وبتعرفي تخططي ها 

= عيب عليك 

_حور: خلاص سامحني 

= بيبوس راسها: ولو اتكرر اللي عملتيه تاني..!

_ ساعتها سيبني 

= بيبص علي الدريس لبساه والحجاب..لبستي ده عشاني!

_ لا عشان خاطر ربنا..وعشان اكون البنت اللي تليق تشيل اسمك..عشان انا قدوتي رسول الله والسيده عائشه لازم أقتدي بيهم 

_ انا حقيقي فرحان بيكي أوي اوي 

= لسه بتحبني!

_ ومقدرش احب غيرك

= طب البس الدبله ياجزمه ومتتقلعش تاني انت فاهم

_”بيضحك..حاضر”

“بيروح ل ليل ويبوس راسها”..شكرا بجد،انتي احلي اخت ف الدنيا،مهما كنتي تعبانه ف فرحه غيرك اهم حاجه عندك

= ربنا يباركلي فيك يارب ومتبعدوش تاني ابدا 

يلا حطوا التورته ع السفره وقطعوها عشان اصوركم 

“فعلا بتصورهم وبياكلوا سوا..”

مؤمن كان ف البلكونه بتاخد طبق التورته والبيبسي بتاعه وتدخله 

_ الجميل سرحان ف ايه

= “بياخد منها الطبق” مفيش ياحبيبتي،مشكله كده ف الشغل،ويوسف كمان صعبان عليا،وسهيله هنعمل معاها ايه 

_ متشيلش هم حاجه..كله هيعدي،ثواني وجايه 

_____________

_ ها بقي ايه رايك

_ الله الجاكيت الجلد  اللي كان نفسي فيه،وكمان قُمصان 

= ايوه،بقالي كتير مفرحتكش 

_ كفايه عليا اشوفك قصادي 

= غمض عينك وخد نفس طويل 

“بيعمل كده” 

_ بحبك 

= وانا كمان بحبك 

______________

بيمر الوقت ويجي قبل مارمضان يخلص بيوم يعني فاضل بكره ورمضان يخلص 

_____________

_قاعده مبوزه ليه!

= “بتبص ع التلفزيون” مش سامع الاغنيه 

“والله لسه بدري والله ياشهر الصيام..هلل بدري بدري..والايام بتجري”

_ معلش ياحبيبتي،ان شاء الله ربنا يبلغنا بيه كل سنه.

= يارب ياحبيبي

_ بس انتي لابسه رايحه فين!

= هنروح لسهيله!

_ليه!

= رمضان هيخلص بكره..ولسه رسايل التهديد شغاله..الجن هيلبسني اول يوم العيد..لازم اروحلها واعرف حاطه مكان العمل فين

_ تفتكري هتوافق..

_ مفيش حاجه بدون مقابل 

= وايه المقابل..اوعي يكون اللي ف بالي!

_ اه هو..يلا نمشي 

_______________

“بيروحوا لسهيله”

_بتقعد ع الكرسي قصادها..

_ ليل برفعه حاجب..رمضان فاضل عليه يوم واحد بس.

= سهيله بغل: ده انا بعد بالساعه..

_ بقيتي كارت مكشوف كل ورقك باين قصادي..

= سهيله بصدمه: قصدك ايه 

_ ليل بمكر: قصدي إن ف مقابل مش هتعرفيه غير لما نروح سوا وتعرفيني حاطه العمل اللي هياذيني بعد رمضان 

_ انتي عرفتي ازاي!!!

= دي لعبتي بقي..

_ وايه المقابل؟!

= هتعرفيه أوعدك بعد م نروح سوا وتحرقي العمل ب ايدك

_ وانا اضمن منين!

= انا قد وعدي ياسهيله 

“سهيله فكرت بينها وبين نفسها حتي لو حرقت العمل..وليل مفيش وعد ولا حاجه ف انا عليا دانيال اقوي من اي عمل وهياذيها انا هوافق”

_ موافقه،بس عرفتي ازاي حور صح! حور كانت الجاسوسه بينا 

_ “ليل ب استهزاء” حور ايه يابنتي،حور دي عيله وكمان ناسيه انها اذيتني معاكي!،هتقومي تلبسي وتيجي معايا لمكان العمل تمام 

_ تمام 

= المكان فين!

= المقابر 

_ “ليل قلبها بيتقبض وبتبص لمؤمن” ماشي ياسهيله عارفه المقبره!

= اه عارفه 

ليل بتكلم مامه سهيله..هستاذنك ياامي تروحي مع ساره تستريحي هنا ف البيت ومش هنتاخر 

_ ماشي يابنتي 

________________

“بيروحوا المقابر”

_ سهيله: عاوزه  موبايل 

_ ليل بشك: هتعملي ايه!

= مش شايفه الدنيا ضلمه..هتصل بيه وكمان هو هيساعدني ف مكان المقبره 

_ ماشي ياسهيله 

“بتتصل بيه عشان يجيلها” 

=بيجيلهم وف ايدو كشاف كبير 

_ مؤمن بنبره تهديد: لو لعبتي بديلك المرادي محدش هيتأذي غيرك ياسهيله،اللي عندنا اكبر من اللي هتعمليه 

= “بينها وبين نفسها” حتي انت هنتقم منك يامؤمن..حتي انت كنت بتلعب بيا وموقفتش جمبي وواقف مع ليل..تمام تمام 

لا متخافش يامؤمن

_ بيروحوا علي التربه اللي دافنين فيها العمل وبتقول للحانوتي هات ولاعه بيديلها الولاعه..وبتحرقه لحد م يتحول لرماد 

_ مبقاش ف عمل ياليل 

= تمام،وانا هنفذ وعدي 

_ بياخدوها ف العربيه،ويركبوها ورا وبيقفلوا الباب ب اللوك 

” بيروحوا لمكان مهجور 

_ سهيله بان الخوف ف عينيها 

“قربوا عليها ومسكوها اتنين بودي جارد”

_ بزعيق خدعتيني ياليل..خدعتينيييي!!!

= ليل ببرود..تؤ تؤ تؤ متقوليش كده انا فعلا قد وعدي 

“بيدخلوها اوضه ضلمه مفيش غير شباك تهويه فوق حديد..

مؤمن بيوجهه كلامه للبودي جارد خلو بالكم منها وخلوها تاكل وبكره الساعه ١١ بالظبط 

“بيديلهم كلبشات..هتربطها بيهم..واحنا هنكون ف الطريق اوعوا تنسوا وتليفوناتكم مفتوحه دايما”

_ حاضر 

“بيقفلوا الباب عليها”

سهيله بزعيق والله لهتندموا والللله

________________

بيمشوا 

________________

_فاخور بيكي أوي 

_ لولاك مكنتش هقدر اعمل حاجه

_____________

_ بيروحوا البيت وبياخدوا ام سهيله علي بيت مؤمن سالت برعب بنتي فين!

= متخافيش رجعناها المستشفي 

_ طب مين هيقعد معاها

_ ندي هناك وكل الدكاتره متقلقيش،تعالي باتي معانا وبكره هتروحيلها 

= ماشي يابنتي 

_________________

“بيتجمعوا كلهم..وبيجيبوا صواني الكحك والبسكوت”

_ يوسف: ليكو نفس تعملوا كحك وابني ميت 

= ليل: هنعملها رحمه ونور عليه 

_ بيسيبهم وينزل 

“الجيران بيتجمعوا المسيحي والمسلم ف بيت العيله”

ليل: بصوا ياجماعه هنقسم نغسنا ع مجموعات اتفقنا!

_ اتفققنا 

= ناس هتعمل،وناس هتسوي ف الفرن 

_ ونبي يامارينا ناوليني الساج الفاضي من عندك

_ حاضر خدي..

“فضلوا سهرانين لحد م كل الجيران ساعدت بعض”

ليل: كل سنه وانتو طيبين ويعود علينا الايام بخير

= وانتي طيبه ياحبيبتي ونفرح بولادك 

_يارب ياخالتي يارب

______________

بيتسحروا ويناموا 

____________

_ بكره يوم مهم ياليل 

= عارفه..لازم ميكونش ف غلطه واحده

_ خير ان شاء الله 

______________

تاني يوم بعد الفطار..

بيعدوا ع تيتا فاطمه بيخدوها 

_اركبي انتي ورا براحتك ياحبيبتي

_ ماشي ياحبايبي

بينزلوا ع الساعه ١٠ 

ف نص الطريق العربيه عطلت..

_ليل بصيتله بصدمه: مؤمن الساعه ١٠ ونص وكده هنتأخر!!!