Uncategorized

رواية البنات بتحب مين الحلقة التاسعة 9 كاملة

 رواية البنات بتحب مين الحلقة التاسعة 9 كاملة

رواية البنات بتحب مين الحلقة التاسعة 9 كاملة

رواية البنات بتحب مين الحلقة التاسعة 9 كاملة

حاتم بص لمنى وقالها
بقولك ايه انا اتاخرت هتيجي تروحي معايا ولا اسيبك معاهم وشذى تحرق دمك؟!
اتاخرت ايه ياحاتم !! دا انا بنت اهو وماقولتهاش؟!
امي بتخاف عليا ياستي ، بتقولي ماعندناش ولاد تروح الساعه 10 باليل ارتحتي ؟!.. ها.هتيجي معايا ولا اسيبك!!
جايه اهو جتك القرف
شكرا لذوقك
منى بتبص لفرغلي وشذى
طب احنا هنستاذن عشان انا وتومه هنروح لسه سينما
فرغلي رد طب نيجي معاكم ونخش كلنا الفيلم
رد عليه حاتم بغيره
تيجي فين ياعم انت ، ماقالتلك هنخش الفيلم لوحدنا !! انت راشق معانا كدا ليه .. ياساتر * بصوت شوبير *
فرغلي رد عليه
انا مش عارف انت مضايق مني ف ايه ؟!
لسه حاتم هيتكلم ويرد عليه
منى مسكته من ايدي عشان يمشو ويروحو
قامت شذى ناحيه حاتم وباسته من خده ف وسط ذهول كلا من فرغلي ومنى وحاتم ذات نفسه وقالتله
هتوحشنا ياتومه خلينا نشوفك تاني
رد حاتم وهو مستغرب :
هو خدي دا مالوش اهل يسالو عليه؟!!!..وبعدين هو انا حليت ف عينكم النهارده فجاءه دي تبوسني ودي تبوسني
ردت شذى
دي مين ؟!
لا ولاحاجه اشوفكم ف شرم ان شاء الله تعالى
وهو ماشي مع منى ناحيه باب الخروج ميل عليها وقالها
طبعا احنا مش رايحين انتي كنتي بتهزري…اكدبي عليا وقولي بتهزري
اهزر ليه يابني ما الخطه ماشيه كويس اهي
خطه ، خطه ايه ؟!
الخطه الي انت قولت انها هتخلي فرغلي يغير عليا ويحبني
اه صح…لا حيث كدا فنلذهب ورائهم الى شرم
حاتم ومنى وهما مروحين ف عربيه منى…حاتم فضل طول الطريق سرحان ف عيون منى لدرجه ان منى اخدت بالها وسالته وهيا بتضحك
الي واخد عقلك ؟!
رد حاتم بعفويه وهو لسه سرحان ف عينيها
انتي…
منى وقفت العربيه على جنب وبصت لحاتم وهيا مذهوله وبتقوله
انت لخبطتني ياحاتم ، احنا اتفقنا اننا اصحاب وبس
حاتم كمل بص ف عينيها وقال ف سره
لخبطتك ؟!…انا من ساعه ماشوفتك وانتي ملخبطاني اساسا !!
وقالها انتي عمرك وقفتي ف كورنيش مع حد
لا
فرصتك جاتلك يابنت المحظوظه يلا بينا
وهما واقفين على الكورنيش وباصين على النيل
حاتم قالها
عارفه يامنى
منى بصلته وهو كمل كلامه
عارفه لما تحبي حد بجد وهو مش حاسس بيه….عارفه لما تبقي بتفكري فيه ف كل ثانيه…عارفه…
قاطعت كلامه وهيا بتقوله
اه عارفه زي ما انا بحب فرغلي وهو ماش حاسس بيا
رد حاتم ب استغراب وهو رافع حاجبه
فرغلي ؟!
راح قال ف سره
حيت اعمل شبح واخليها تحس بيا خلتها حست بفرغلي…اني اسف
قومي يامنى روحي…
بس انا كنت لسه هكملك كلامي
قومي ياماما روحي تلاقي فرغلي قلقان عليكي
بس انااااا…
قومي باه ماتخنقنيش
طب اروحك ف طريقك
لا هخدها موصلات ماتقلقيش عليا
بعد ما مشيت منى .. حاتم بيكلم نفسه
ازقها طب قدام تريلا تدوس على وشها رايح جي تعملها بوستر على الاسفلت ولا اعمل فيها ايه بالظبط؟!
عاوزين تعرفو حاتم عمل ايه بعد كدا ؟!
طب منى هتحس بيه ف الاخر وتحبه؟!
طب فرغلي هيتصرف ازاي ؟!!!
يتبع..
لقراءة الحلقة العاشرة : اضغط هنا
لقراءة باقي حلقات الرواية : اضغط هنا
نرشح لك أيضاً رواية حكايات عروسة للكاتبة آية موسى

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى