رواية أحببت معلمة ابنتي الحلقة التاسعة 9 بقلم أمل صالح
 |
| رواية أحببت معلمة ابنتي الحلقة التاسعة 9 بقلم أمل صالح |
رواية أحببت معلمة ابنتي الحلقة التاسعة 9 بقلم أمل صالح
هبَّ واقفا من مكانه بعد أن أخبره احد الخدم بارتفاع درجة حرارة “ملاك”
-:ايه يا مراد في حاجة
هتف بها “محمد” والده بعد رؤيته لإبنه وهو ينتفض هكذا فأردف مراد وهو يعتذر من عائلة إسراء :انا اسف لازم امشي عشان ملاك تعبانة
وقف “رائد” هو الاخر بخوف على “ملاك” مرحبا فلطالما اعتبرها ابنته…فقال:طب استني واحنا جايين معاك
اردفت” فاطمة” بقلق وهي تربت على كتفه:سلام وابقى طمني عليها يا مراد يبني
-:اكيد ياطنط.. بسرعة يا رائد
هبطوا من بيت “إسراء” فتوجهوا جميعا للبيت..فصعد مراد سريعا لغرفة ابنته ليجد مربيتها “منى” فأردف وهو يجلس بجانبها :مالها يا دادة
-:انا طلعت اشوفها صحية ولا نايمة لقيتها سخنة جدا
طرق الطبيب الباب بعد أن هاتفه رائد..ثم ولج للداخل مردفا بعد الكشف عليها :هي فعلا حرارتها عاليه شكلها اكلة حاجة او ملغبطة في الأكل ودي روشتة بالعلاج ده تاخدوا بعد الفطار وبعد الغدا وبعد العشا لحد ما الازازة تخلص وبعدين تجيلي إعادة بقى
-:ماشي شكرا يادكتور
شكره مراد فوقف الطبيب متجه للخارج برفقة رائد
♥اليوم التاني♥
★في الفلة★
نهض من أعلى سريره متجهاً لغرفة ابنته..وجدها ترتدي ملابسها بمساعدة “مني”…اردف وهو يجلس بجانبها بعد مغادرة “منى” :بتلبسي ليه يا ست
-:والله يا عسل انت عارف ان النهاردة معاد فسحتي
قالتها بطريقة مضحكة لينفجر هو بالضحك..فواصلت حديثها:اه وهتأكلني حمص شام
-:لا طبعا انتي شوفتي كنتي تعبانة ازاي امبارح عشان اقولك كفاية يا ملاك تقوليلي اخر علبة يا بابي لحد ماكلتي علبتين حمص شام يمفترية و بعدين ايه اللي انتي لابساه ده الجو برد
– :لا مش برد
-:يلا البسي حاجة تكون تقيلة عشان متتعبيش تاني
-:اما نشوف اخرتها
ــــــــــــــــــــــــــــــــــــــــــــــــــــــــــــــــ
★في بيت آية★
استيقظت مبكرا كعادتها يوم الجمعة..تقوم بتنظيف البيت وغسل الثياب وأشياء أخرى عديدة
غسلت الثياب ثم قامت بتعليقها لتجف..ثم قامت بتنظيف البيت من كنس ومسح..اخذت بعض الأموال حيث تهبط للسوق وتقوم بشراء الملابس وأحيانا البعض من الفواكه والخضروات
ــــــــــــــــــــــــــــــــــــــــــــــــــــــــــــــــ
★في بيت اسراء★
– :قومي ياشيخة بقى قومي مكنش يوم اجازة
صاحت بها “فاطمه” لإبنتها التي مازالت نائمة..فأزالت الغطاء عن وجهها مردفة بنعاس :اديكي قولتي اجازة يعني مش تقوميني وتقوليلي اعملي وسوي ماشي
– :لا بقى يحااااااااااااااج…. تعاااااالي…. شووووووف…… بنتك ياحااااااج
أزالت الغطاء عنها بالكامل بغضب وحدة تتمتم ببعض الكلمات : ايوة ايوة هما الحبتين بتوع كل جمعة وفي الآخر بقوم والجزمة فوق دماغي
-:ايه صوتك جايب لآخر للعمارة
هتف بها “حسين” وهو يدلف لغرفة ابنته بعد أن استمع لصوت صياح زوجته
اردفت “إسراء” وهي ترسم على وجهها علامات البرائه :قولها ياباشا قولها
أشارت على ابنتها مردفة :بقالي سنة بصحي في الطور اللي نايمه دي
-:مش صحت؟
– :اه صحت بس بعد ما سمعت صوتنا للناس… قومي يختي قومي
-:ياماما انام ربع ساعه بس
قالتها بترجي لتعود “فاطمة” للصراخ مرة أخرى :نامت عليكي حيطة ياشيخة قووومي
-:قومت قومت خلاص
توضأت تؤدي فروضها ثم تناولت بعض القميات وتوجهت لوالدتها مرة أخرى تردف بتساؤل:ها هبدأ يومي بايه
-:روحي طلعي الهدوم من الغسالة حوتيهم في التنشيف واعمليها على 5 دقايق وتعاليلي
ــــــــــــــــــــــــــــــــــــــــــــــــــــــــــــــــ
كانوا يجتمعون جميعا على طاولة الإفطار فقال”رائد” :الا صحيح انا هخطب امتى
-:اه صحيح يا مراد ابقى كلم الحاج حسين وطمنوا على ملاك
-:حاضر يابا
اردفت بتساؤل:مين الحاج حسين يا حاج محمد
– :ده ابو إسراء يا لوكا
-:على اساس اني عارفة اسراء
– :إسراء تبقي عروسة انكل رائد
شهقة خرجت من بين شفتيها لتردف بحزن :كدا يا انكل تروح تتقدم من غيري لا كدا قفل معايا
عقد حاجبيه يسألها بزهول:وايه قفل معايا دي كمان
اكملت هي بحزن شديد اجادت اصطناعه :خلصانة انكل رائد مش بيحبني
رفع عينيه ببلاهة مردفا :خلصانة وقفل معايا وربنا احنا ما عايشين
ربت على ظهرها مردفا :حقك عليا واحنا بنشتري الدبل ناخذك معانا
ــــــــــــــــــــــــــــــــــــــــــــــــــــــــــــــــ
★في بيت اسراء★
– :تعالي بقى اعملي السلطة عشان الغدا
قالتها فاطمة لإبنتها التي تعمل منذ الصباح في هذا وذاك..اردفت وهي تجلس بإرهاق :ياماما أقسم بالله كدا حرام
وضعت يدها بخصرها مردفة :ليه يختي عملتي ايه
فتحت اعينها على مصرعيها..ثم اخذت تعد على اصابعها :حتيت الهدوم في التنشيف وكنست الاوض كلها والصالة والانتريه وبعدين مسحتهم وبعدين غيرت ملايات سريري وسرير سارة مع انها مسافرة وغيرت ملاية سريرك انتي وبابا غير البطاطين اللي نفضتها وطبقتها وبعدين طلعت الغسيل ونشرته ونضفت الحمام والمطبخ وغسلت المواعين كل ده عملت ايه انتي ايه ياشيخة
رفعت وجهها للسماء تردف بحسرة :ياحبيبى يا رائد يابني هتجوز حيوان كوالا مش عايز يعمل اي حاجة
-:يختي مين قالك جوزهولي؟!
رفعت المغرفة أمام وجهها مردفة بتحذير:اخلصي يابت
-:الله يرحمك يا امومة
-:قولت اخلصي
-:حاضر… حااااااضر
يتبع..
لقراءة الحلقة العاشرة : اضغط هنا
لقراءة باقي حلقات الرواية : اضغط هنا
