رواية مصائر مجهولة الفصل التاسع 9 بقلم سما محمد
 |
| رواية مصائر مجهولة الفصل التاسع 9 بقلم سما محمد |
رواية مصائر مجهولة الفصل التاسع 9 بقلم سما محمد
جليلة في التليفون:
أيوة يا توفيق أنا اتطلقت وهجيلك
توفيق: خلاص تعالي انا موجود في الفيلا القديمة اكيد فاكراها
جليلة بضحك:اكيد فاكراها وجايه اهو
زين بعد ما لبس فريدة الدبلة قال:ما تجيبوا المأذون بالمرة يا جماعه الله يرضي عنكوا
فريدة:مأذون اية لسة بدري
زين :ياستي عاوز اتجوززززز جوزوني يا ناس
الجد:اقفل بوقك بدل ما انت مصدعنا قولنا هنجوزكوا بس مش دلوقتي
عمر:يا جدو عم زين بيتكلم صح الصح والله وانا كمان عاوز اتجوز صراحة
وليد وهو بيضحك: اصبروا شوية تتعرفوا علي بعض
عمر:لا يا عمي مش عاوزين نصبر نبقي نتعرف عليهم وهما علي ذمتنا
زين:هو ده الكلام
الجد: رأي العروستين اية؟
فريدة وملك بصوا لبعض وقالوا:موافقين
الجد:علي بركة الله هروح ارن علي المأذون
عمر بص لملك وقال:احسن قرار ممكن تتخذيه اه والله
ملك ضحكت
فقالها:هتبقي مراتي يا ست ملك وهتبقي حرم عمر توفيق
ملك اتكسفت ومردتش
ف زين قال لفريدة: عشان تعرفي أني مؤدب ومش برضي اكسفك زي العالم دي
فريدة:انت هتقولي بردو ماشاء الله عليك مؤدب جدا
زين: تقدري تشككي في كدة
فريدة ضحكت وقالت: لا طبعا
فضلوا كلهم يضحكوا وعدا نص ساعة والمأذون وصل
شيرين وكريمة زغرطوا
المأذون قال سمعت ان في جوازتين
الجد: بإذن الله يا مولانا
المأذون:طب نبدأ بأنهي
الجد قال:ابدأ بالكبار الاول
زين بفرح:يسلم بوقك يا جدو يا سيد الناس وبص لعمر وقال:شايف ياابني المعزة
عمر:شوفتها يا اخويا خلاص اخلص بقي عشان أنا مستعجل
زين ضحك وقال:مش اكتر مني والله
زين قعد جمب المأذون ومصطفي ابو فريدة قعد قدامه
وبدأ المأذون يكتب الكتاب
وبعدين قال:بارك الله لكما وبارك عليكما وجمع بينكما في خير
شيرين زغرطت وراحت حضنت فريدة وقالت:الف مبروك يا حبيبتي
فريدة:الله يبارك فيكي ياماما
زين بص لشيرين وقال:حاسبي كدة يا حماتي عاوز احضن انا كمان
شيرين ضحكت
مصطفى قاله بضحك:يا اخي احترمنا حتي
زين:يا عمي دي مش فيها احترام ده مستني اليوم ده بقالي سنين
حضن فريدة وباس راسها وقالها:بحبك يامراتي
فريدة اتكسفت ومعرفتش ترد
ف عمر قال:جماعة خلصونا عاوز اتجوز
زين:محسسني أن الجوازة هتطير
الجد ضحك:مين بيتكلم
ضحكوا علي زين
ف عمر راح قعد مكان زين و وليد مكان مصطفي
والمأذون كتب وقال:بارك الله لكما وبارك عليكما وجمع بينكما في خير
وكله بدأ يباركلهم
عمر باس راس ملك وحضنها
وقعدوا كلهم مهيصين وبيغنوا ويزغرطوا
ف زين قال:عاوز أخرج شوية مع مراتي كفاية كدة
مصطفى بإبتسامه:ومالو اطلعوا وانت ياعمر خد ملك اتفسحوا وانبسطوا
عمر:كنت لسة هقول كدة فعلا
الجد:ربنا يهنيكم يا حبايبي ومتتأخروش
علا قربت وحضنت فريدة وملك وباركتلهم
وبعد كدة كل واحد فيهم خد مراته وخرج بعربيته
عند جليلة
جليلة:انا وصلت يا توفيق خلاص
توفيق:خلاص ادخلي أنا شوفتك اهو
جليلة دخلت فتحلها توفيق وقال:طولتي في الغيبه عليا
جليلة دخلت وقعدت وقالت:ابنك يا اخويا هو اللي جابلي المصايب
توفيق :ازاي يعني عمر عمل اية وقابلتيه فين؟
جليلة؛اتاري ابنك عاوز يتقدم لبنتي وشافني وقال علي كل حاجة عملناها زمان
توفيق:اوعي تقولي جاب سيرتي
جليلة:مش تقلق اوي كدة محدش قال عنك حاجة أنا اللي اتهانت واتطلقت
توفيق:وايه اللي فيها انا وانتي نتجوز وخلصت وبعدين افتكري اننا شركاء في اللي حصل زمان ولا افكرك
جليلة:مش ناسية ومش لازم كل شوية تفكرني
توفيق:عدتك تخلص ونتجوز
وقال في سره:انا مش ضامن تمشي من هنا تفضحي كل حاجة أنا اتجوزك وبعد كدة ابقي اخلص منك
جليلة:ماشي موافقة
توفيق:ده الكلام الصح
عند فريدة وزين
زين:انا مبسوط اوي اننا اتجوزنا
فريدة:وانا كمان
زين: بجد؟
فريدة:احم اه
زين مسك ايديها ف هي اتوترت
قالها:مش تخافي احنا هنتمشي حبه في الجو الحلو ده زي ما بتحبي وهنقعد علي الكورنيش حبه
فريدة:لسه فاكر احلامي زمان
زين :ودي حاجه تتنسي
فلاش باك
فريدة لما كان عندها ١٨ سنه وزين عنده ٢٢ كانت قاعدة مع زين وقالتله:تعرف يازين انا لما اكبر نفسي اوي احقق امنيه من امنياتي بعد الجواز
زين بإبتسامه:اي هي؟
فريدة:اني امسك ايد جوزي ونتمشي بليل والجو سقعة كدة وبعدين نقعد علي الكورنيش وناكل ترمس بقي ونجيب قهوة ونقعد نبص للبحر
زين:احلامك بسيطة بس مميزة و لما تتجوزي هحققلك الحلم ده
فريدة:ازاي؟
زين:احم انا قصدي أن شاء الله تحققي الحلم ده يعني
فريدة:ااه
باك
فريدة:مكنتش اعرف ساعتها انك هتفضل فاكر للنهاردة وأنك ممكن تتجوزني وتحققلي حلمي البسيط ده
زين بإبتسامه:احلامك البسيطة بالنسبالي شئ كبير جدا
فريدة:شكرا لانك فاكر كل حاجة تخصني وحابب تسعدني
زين:ده انا اللي عاوز اشكرك علي وجودك في حياتي
عند عمر وملك
خدها وراحوا مكان هادي ولطيف
عمر: انا مبسوط اوي انك غيرتي لبسك عشان ترضي ربنا ومهتمتيش بالناس
ملك:وانا كمان مبسوطة أني اتغيرت كدة
عمر:كلام الناس يهون عشان رضا ربنا ،رغبتنا في شئ تهون عشان رضا ربنا
خديها قاعدة كل حاجة في سبيل رضا ربنا تهون مهما كانت
ملك: عندك حق
عمر فضل يكلمها عنه وعن حياته وملك بردو بتحكيله عنها
فجأة وصلت رسالة لعمر
ف بص لملك وقال:هشوف مين بسرعة ممكن
ملك:ماشي
عمر فتح الرسالة واتخض
بص لملك وقال:لازم اروحك عشان عندي مشوار ضروري
يتبع…..
لقراءة الفصل العاشر : اضغط هنا
لقراءة باقي فصول الرواية : اضغط هنا
نرشح لك أيضاً رواية نبض السيف للكاتبة سارة محمد
