Uncategorized

رواية لعنة سلطان الحلقة الثانية بقلم أحمد عبدالله

 رواية لعنة سلطان الحلقة الثانية بقلم أحمد عبدالله

رواية لعنة سلطان الحلقة الثانية بقلم أحمد عبدالله

رواية لعنة سلطان الحلقة الثانية بقلم أحمد عبدالله

” بداية اللعنة “
حلقة ” 2 “
بقلم : أحمد عبدالله
.
قراءة ممتعة ❤️
.
محمود : باهي انتي حتقسمي عليا
سلطانة : لا طبعا هذه ملعونة لازم نحرقها كلنا او حنموتوا
رويدة : ????
سعاد : شني
فاضل : صلي علي النبي يا سلطانة
سلطانة : عليه افضل الصلاة و السلام
فاضل : يلي صار معاك يا سلطانة موت زوجك و مرضك و كل يلي صار هو قضاء و قدر فقط
محمود : و يلي تقولي فيه هذا كفر
رويدة : لازم تفكري يا عمتي و تنحي الوسواس من راسك
سعاد : هذا الصح يا سلطانة هذا وسواس
سلمي : الحاجات هذه مستحيل تكون من الفلوس يا عمتي
اسلام : هذا خيالك يا خالتي
.
سلطانة : يعني قررتوا انكم تاخدوا حتي بعد ما حذرتكم
الكل سكت
سلطانة : الواضح انكم مش مصدقين ، حتي انا كنت زيكم بس بعدين تأكدت
حياة : انا مصدقاتك و مش حناخد
الكل : ????????
رويدة : ????
سلطانة : قررتوا انكم حتاخدوا
الكل ساكت
سلطانة : الاجابة وصلت ???? العدد الاكبر حياخد ، انا مش حنعطي الا ما الكل يوافق فهذه الحالة حنعطيكم الثروة لكن ديما تذكروا اني حذرتكم من ???? لعنة سلطان ???? و حتقتلكم واحد واحد ☝???? اللهم بلغت اللهم فشهد
” تلفتت و مشت “
الكل : ????????????
” كلهم يشوفوا لبعض “
فاضل : كلام سلطانة مش منطقي ابدا
محمود : طبعا مش منطقي
سعاد : كلام تخاريف
خيري : بس شن يلي يخليها تقول هكي
فاضل : يجاوبوا الاطباء ، تكلموا خيركم سكتوا
رويدة : انا عارفة
فاضل : تكلمي يا بنتي
رويدة : عمتي ليها 25 سنة عايشة بروحها و الوحدة كانت اساس في حياتها فا اكيد عقلها يقوللها و هي تصدق
خيري : و شن دخل الوحدة في الكلام هذا
ياسين : كلام رويدة صح ، الوحدة و انها تكون عايشة طول عمرها بروحها فا لما صارتلها الحاجات هادي موت زوجها و انها معش تجيب علي طول ربطت الاحدات بلفلوس
سلمي : انا اتوقع حتي السن
فاضل : ممكن
ياسين : بس مع هذا لازم نحطوا كلامها في عين الاعتبار حتي لو كذب
اسلام : كلام شني و النبي اللعنة و ما لعنة
ياسين : انا قلت حتي لو كذب
فاضل : المهم توا احني ناخدوا الثروة و الفلوس منها افضل ما تتصرف و تحرقهم
سعاد : صح يا فاضل في النهاية هذه نعمة
محمود : احني جايين بنشوفوا اختنا و بنلموا العيلة يعني حتي الفلوس ما كانتش في دماغنا لكن اهي جت لعندنا فا ناخدوها
الكل : صح
فاضل : و لازم حتي انتي يا حياة تاخدي
حياة : ???????? ليش
سعاد : هذا حقك يا بنتي
محمود :طبعا
فاضل : طالما حناخدوا احني لازم تاخدي لان اي واحد فينا مش حياخد كانه يقول ان يلي خدوا طامعين
خيري : صح يا بنتي هذا الكلام السليم
حياة : حاضر حناخد
فاضل : تمام نتلاقوا الصبح بأذن الله و نتفقوا
.
“حياة :ما كنتش نتوقع ان بعد الجلسة هادي كانت البداية???? “
.
أسماعيل : تفضلوا يا بشاوات غرفكم جاهزة
” ناضوا كلهم “
.
سلطانة : يوم ما نجمعهم و ننصحهم ان عندي فلوس معلومة يعاندوني و يكذبوني و ياخذوها ???? حيموتوا حيموتوا
.
” بدي أسماعيل يوري لكل حد غرفته “
” سلمي و حياة و رويدة “
أسماعيل : تفضلوا يا هوانم هذه غرفتكم
سلمي : شكرا
حياة : شكرا
” خشوا “
رويدة : هي وين غرفتي
اسماعيل : معاهم
رويدة : ???? شني ، انت عقل يوك انت حمار
اسماعيل : سلطانة هانم تبيكم ال 3 مع بعض
رويدة : امان ياربي امان ، امشي امشي
” خشت و هي معصبة “
” وقفت “
” حياة و سلمي يحطوا في دبشهم “
رويدة : يعني خديتوا السراير الكبيرة و انا الصغير
سلمي : ????
حياة : تجي تاخدي سريري
رويدة : لا خلاص عادي شكرا ????
حياة : ☺️
……………
أسماعيل : تفضلوا يا بشوات
” اسلام و ايوب “
اسلام : تمام منور
ايوب : شكرا
ياسين : و انا
اسماعيل : الغرف هذه سريرين بس فا حنعطيك غرفة بروحك
ياسين : تمام
اسماعيل : تعال وراي
…….
اسلام : الدار مليحة
ايوب : ايه كبيرة
اسلام : و بلكونة و الجو مليح
ايوب : ايه
اسلام : لكن خيره الحوش ما فيشي تلفزيون
ايوب : الحياش الكبيرة ديما ما فيهاش تلفزيونات
اسلام : خسارة
” تحرك اسلام طاحت من جيبه كيسة “
ايوب : ???????? هذا شني
اسلام : لالا شي حبوب مهدى ليا
ايوب : معش تاخذهم يا راجل فكك منهم
اسلام : لالا الدكتور قالي كويسات ليك للنوم
ايوب : اها تمام
………
اسماعيل : تفضل هذه غرفتك
ياسين : تمام شكرا
اسماعيل : العفوا
” خش للدار “
…….
اسماعيل : تفضل يا باشا هذه غرفتك
فاضل : شكرا
” خش فاضل “
……….
اسماعيل : تفضل يا باشا غرفتك
محمود : طمني رويدة كويسة
اسماعيل : الحمد الله
محمود : لو قالتلك كلمة ما تعدلش علاها تمام
اسماعيل : حاضر
” خش لداره “
…….
اسماعيل : تفضل يا باشا غرفتك
خيري : شكرا يا ولدي
” خش خيري “
…….
اسماعيل : تفضلي يا هانم هذه غرفتك
سعاد : صحيت يا ولدي
” خشت لدارها “
……..
رويدة : باهي كلكم حطيتوا ملابسكم في الدولاب و اني وين بنحط ملابسي
سلمي : مش لازم كل دبشك ينحط في الدولاب حطي المهم
رويدة : ما تدبريش عليا شن نحط و شن ما نحطش
سلمي : قصدي اني عطيتك رائي
رويدة : خلي رايك لروحك و بعدين ما تقارنيش لبسك بلبسي
سلمي : ااااااااه شن تقولي
رويدة : زي ما سمعتي حبيبتي
حياة : هدو بالكم خيركم
سلمي : قصدي شوفيها كيف تحكي معانا و انا ساكتة علي خاطر بنت عمي و اول مرة نشوفها
حياة : خلاص خلاص انحي دبشي اني و حطي انتي
رويدة : و النبي اسكتي حتي انتي ، اني طالعة و مخليتها الدار اقعدوا فيها
” طلعت و بدت تنادي “
رويدة : يا أسماعيل يا أسماعيل
” كلهم : ???? “
” فتحت سلطانة الباب “
سلطانة : فيه حاجة حبيبتي رويدة
رويدة : الدار يلي انا فيها ضيقة و الزوز يلي معاي بضاعتهم هلبا و انا بضعتي اكتر منهم
سلطانة : أسماعيل شوف غرفة لرويدة
أسماعيل : ما فيش مدام
سعاد : تعالي يا بنتي عندي سرير في الدار تفضلي
سلطانة : خلاص اهي نحلت بري مع عمتك سعاد
رويدة : ????
” رفعت بضاعتها و مشت “
.
سلمي : وقحة و قليلة ادب و مش محترمة
حياة : خلاص فوتيها
سلمي : لا بجد غير ما نبيش مشاكل اقسم بالله ما تاخد فايدي غلوة
حياة : لالا فوتيها فوتيها
.
سعاد : تفضلي يا بنتي الديار واسعة
رويدة : مير سي ????
سعاد : ????
.
???? الفجر
” سلطانة تحلم “
” تشوف في طاولة الصالة “
” فيها مزهرية عليها 10 أحصنة “
” كل مرة يختفى حصان “
سلطانة : ???? لاااااااااااااااااااااااااا حتموتوا حتموتوا
” فجاء ناضت “
سلطانة : ” حطت أيدها علي صدرها ” اه اه اه اعوذ بالله من الشيطان
اعوذ بالله من الشيطان
.
????صباح يوم الجديد ” جردينة الحوش ⛲️ “
” ناضوا الكل “
” فاضل و محمود و خيري و سعاد يهدرزوا “
” و الشباب مقعمزين “
” رويدة شادة نسكافي و تلعب بتليفون “
” نزلت حياة من دارها “
حياة : صباح الخير
الكل : صباح النور
” مشت قعمزت بحدا سلمي و ياسين “
حياة : كيف حالكم
سلمى : الحمد الله
ياسين : كيف كانت النومة في القصر
حياة : الحق مش مريحة
سلمي : كيف كنت نقوله
ياسين : انا الحق رقدت ، نصبلك قهوة حياة
حياة : لالا شكرا
” نزلت شهيرة من الدار “
” شافت للمزهرية “
” بلعت ريقها “
( طلعت للجردينة ⛲️ )
شهيرة : صباحكم خير
” الكل وقف “
الكل : صباح النور
” قعمزت علي الكرسي “
شهيرة : كيف كانت اول ليلة في حوش سلطان
سعاد : رجعت لينا الحياة
محمود : حلم و تحقق و اللهي
فاضل : اريح نومة
شهيرة : و انتم يا احفاد سلطان
اسلام : تمام تمام
ياسين : لا نومة كويسة
ايوب : و راحة الحق
شهيرة : و انتي يا رويدة
رويدة : باهية
شهيرة : كويس أهم شي راحتكم ، فطرتوا
الكل : ايه
شهيرة : تمام تمام … تعالوا وراي
” مشو وراها “
” قعمزوا في الصالة كلهم و كل حد علي كرسي “
.
سلطانة :شن اتفقتوا
فاضل : الحقيقة يا أختي احني اتفقنا ان ناخدوها
محمود : بس لازم تعرفي ان مش طمع ابدا
فاضل : احني حناخدوها لان هذه نعمة و حرام تضيع
خيري : و الاهم عندنا انك ما تزعليش
سلطانة : طيب لو قلتلكم انكم حتموتوا ، و اللهي و اللهي ملعونة ، الفلوس هذه ملعونة يا ناس صدقوني
” كل حد يشوف لتاني “
( مسحت دموعها )
سلطانة : تمام حاضر حنعطيهالكم ، بس شن صار في حياة حتاخدي
حياة : ” هزت براسها بمعني أيه “
سلطانة : ( الدموع في عيونها ) تمام حنكلم المحامي يكون أهني
” ناضت و ركبت “
( سكرت علي روحها الباب )
فاضل : يا جماعة اختنا حالتها معش تطمن
رويدة : صح يا عمي
محمود : اني غير نكمل موضوع الفلوس و نرفعها معاي
خيري : لالا تروح معاي
سعاد : لالا اختي و تروح معاي
اسلام : تي غير نشوفوا قصة الفلوس هذه و بعدين قسموها حتي بيناتكم
” وصل المحامي “
” خشينا كلنا للمكتب “
” و سلطانة مقعمزة بحدا المحامي “
المحامي : اهلا و سهلا بيكم تشرفت بيكم الكل
الكل : اهلا
المحامي : كلمتني استاذة سلطانة علي موضوع ثروة سلطان
سلطانة : ايه قسم الثروة عليهم و قوللهم علي التقسيم يلي بينهم
محامي : حاضر ، كل أبن من أبناء عائلة سلطان حياخد 40 مليون دينار ، علمآ بأن سلطانة الاخت الصغيرة فيكم تخلت عن كل ثروتها و حتتقسم عليكم
فاضل : ????
سعاد : ????????
محمود : ????
خيري : ????
المحامي : تفضلوا هذه الورقة و يلي حياخد يوقف و يوقع
” ناض فاضل و سعاد و محمود و خيري “
” وقعوا ???? “
سلطانة : ???????? ” الدموع في عيونها “
المحامي : وين الاخت نهى
سلطانة : متوفية بس بنتها موجودة نوضي يا حياة
” ناضت حياة “
” وقعت ???? “
محامي : و بهذا تكون عندكم الاحقية في ثروة سلطان كل واحد فيكم ياخد ورقة نسخة ليه و نسخة حتكون عندي و مع السلامة
سلطانة: شكرا ليك
المحامي : العفوا يا هانم
” طلع المحامي “
.
سلطانة : مبروك عليكم و ان شاء الله تصرفوهم هل الخير و الصحة و الحقيقة نتمني من الله عز و جل أني نكون كذابة
فاضل : حشاك
سعاد : حشاك يا سلطانة
سلطانة : لو سمحتي خليني نكمل ، بجد بجد نتمنى يطلع كلامي كذب و لا فيه لعنة و لا شي ، و نشووفكم ديما معاي
خيري : باذن الله ديما معاك يا سلطانة
محمود : انتي الخير و البركة يا غالية
.
اسماعيل : الغداء جاهز يا هانم
سلطانة : تفضلوا الغدى جاهز
” ناضوا و بدو ياكلوا “
سعاد : صامط نبي زيادة ملح
سلطانة : يا أسماعيل جيب ملح
” تغدوا و كملوا “
رويدة : عمتي الحقيقة نفكر اننا اليوم نتعشوا برا
سلمي : ????
سلطانة : نتعشوا برا
فاضل : ايه ليش لا حتي نغيروا جو شوي
محمود : صح يا رويدة يا بنتي فكرة حلوة و اللهي
فاضل : فكرة تجنن
اسلام : تي اقسم بالله انتي احسن وحدة
رويدة : ????
سلطانة : خلاص خلاص حاضر نتعشوا برا اليوم
اسلام : هذا الصح
الكل : ????
………..
” الساعة 7 المغرب “
” رويدة مقعمزة في الصالة هي و اسلام “
رويدة : هي هادم وينهم
اسلام : اقسم بالله حالة خلي نركب نشوفهم
رويدة : برا امشي
” ركب اسلام “
اسلام : هي يا ياسين
ياسين : خلاص كملت شوية بس
.
سلمى : خيرك حياة معصبة
حياة : الحق ما نحبش الطلعات ابدا
سلمي : اهو تغيير جو
.
” لبس فاضل و محمود و خيري و نزلوا “
.
اسلام : ها شني واتي ايوب
ايوب : واتي يا غالي
.
” طلعت سلطانة لدار سعاد “
سلطانة : هي سوسو واتية
سعاد : لالا برو غيروا جوكم اني ما عنديش جهد
سلطانة : خيرك اللطف غيري جو معانا
سعاد : لالا بطني توجع فيا و رجليا. بروا انتم و بعدين نعسانة بندير حمام و بنرقد
سلطانة : تمام نعوضهالك المرة الجاية انا و ياك بس
” طلعت سلطانة من الدار “
” نزلت “
.
فاضل : توا كيف حنركبوا في السيارات
محمود : خلي الشباب يمشوا مع بعض و احني مع بعض
خيري : فكرة
.
اسلام : ياسين انت وصل البنات ، اني بنمشي مع ايوب بروحنا
ياسين : تمام
.
” ركب فاضل و ركبت سلطانة و خيري و محمود في نفس السيارة “
” و ركب اسلام و معاه ايوب “
.
ياسين : هيا اركبوا
” ركبت سلمي من قدام بحدا ياسين “
” ركبت حياة من تالي “
” جت رويدة “
” فتحت باب سلمي “
رويدة : بليز حبيبتي ممكن تنزلي نركب انا من قدام
سلمى : عفوا شن تقولي
رويدة : ممكن تنزلي ضهري نحب نركب من قدام بليز انزلي
سلمى : لا حبيبتي مانيش نازلة ، كان ضهرك اركبي ارقدي في الدار و اذهني ضهرك
.
سلطانة : خيره ياسين واقف
فاضل : بنت محمود و سلمى بنتي يتعاركوا
.
ياسين : هدوا بالكم خيركم
سلمى : لا حبيبتي جو الصوت العالي و الهيبة ما يمشيش معاي
سلطانة : كلام شوارع
حياة: صلوا علي النبي يا بنات خيركم
” نزلت سلطانة “
.
سلطانة : شن فيه خيركم
سلمى : الحق الموضوع معش يطاق ، كل شي تبيه بكيفها و حركاتها المستفزة
سلطانة : شن فيه شن السبب
سلمى : لقتني مقعمزة قتلي نوضي نبي المكان
” شافت سلطانة لرويدة “
سلطانة : الزوز مش حتركبوا اهني ، سلمي تعالي معانا ، و رويدة اركبي مع اسلام و ايوب و انت يا ياسين حياة معاك بس
ياسين : تمام
.
” مشت سلطانة ركبت سلمى معاها “
رويدة : اني حنركب اهني
اسلام : معانا
رويدة : ايه و نبي من قدام
ايوب : متاكدة حتركبي
رويدة : ايه متاكدة
” و ركبت رويدة مع اسلام من قدام و ركب ايوب من الخلف “
.
” ياسين يشوف في حياة “
ياسين : تعالي قعمزي من قدام و لا حابة من الخلف لو حابة عادي
حياة : لالا حنركب
” فتحت الباب و ركبت من قدام “
.
” طلعت السيارات من حديقة القصر ???? “
.
ياسين : الوحيدة يلي نحسك مش داخلة في المود العائلي
حياة : بلعكس
ياسين : احساسي ان محدش مشي مع مودك
حياة : لا و اللهي فرحانة بيكم
ياسين : انتي طيبة يا حياة
حياة : و انت عقلاني يا ياسين ☺️
ياسين : ????
.
ايوب : اضرب علي 180 بسرعة
اسلام : 200 و انت الصادق
رويدة : لا لا بشوية بشوية بشوية
لاااااااااااااااااااااااااااا????
فاضل : ولد سعاد يجري هلبا
محمود : معاه رويدة
فاضل : معاه حتي ايوب ولدي ، هلبا متهور
سلطانة : ????????
” وصلوا للمطعم “
” نزلوا الكل “
” نزلت حياة و ياسين “
.
” فتحت رويدة باب السيارة “
رويدة : ااااه ااااه ااااه يا قلبي
اسلام : مزال في المرواح التصطريب علي اصوله
رويدة : تمشي امشي اني مزال نركب معاك ، اني نركب فوق حمار و لا نركب معاك انت و المهبول التاني
اسلام : ????
ايوب : ????
….
” خشوا للمطعم و طبعا سلطانة حجزت الطاولات و كل شي “
” 4 طاولات لاصقين في بعض “
” قعمزوا علي الكراسي “
” و بدت العصائر توصل “
….
في القصر ????
سعاد : اه يا رجليا اه
” خدت دبشها و خشت للحمام “
” عبت الحوض أمية “
” و قعمزت بحداه “
” فجاء تسمع في صوت “
” تلفتت “
سعاد : ????????????
ااااااااااااااااااااااااااااااااااااااااااااااااا????
.
سلطانة : شن رايكم في الاكل
فاضل : يجنن يا اختي سلطانة اقسم بالله
سلطانة : صحة هناء
.
” ياسين مقعمز علي يمينه حياة و علي يساره رويدة “
” تلفت يمين “
ياسين : عجبك الاكل
حياة : حلو الحق و انت
ياسين : عجبي
حياة : صحة و هناء
ياسين : سلمك
” تلفت يسار “
ياسين : نطلبلك كافي بريك و لا حتي الببسي كويس
رويدة : ???? ها ها ها
ياسين : نبصر عليك
رويدة : مش حلوة بصارتك
ياسين : غير قلت نذكرك بلكافي بريك
رويدة : ما تخافش ما نسيتش حتي القهوة السادة يلي معاها السكر
ياسين : ????
رويدة : ????
……………..
سلمي : كانت تشوفي المهبولة شن صار فاها
حياة : مني قصدك
سلمي : رويدة
حياة : خيرها
سلمي : ركبت مع ايوب خوي و اسلام و هما يجروا ، نشوف فيها مقعمزة وجها لاصق في المرش
حياة : ???????? اس راهو تسمعنا
سلمي : طز
.
” ناض اسلام “
ايوب : وين ماشي
اسلام : شوية للحمام و نجي
ايوب : تمام
.
سلطانة : الله و اللهي فكرة رويدة تبع العشي جميلة جدا جدا
رويدة : ديما الحاجات الحلوة تطلع منى ????
سلمي : ????
سلطانة : و بمناسبة الاشياء الحلوة شن رايكم نديروا زيارة لحوش بابا القديم
فاضل : هو قاعد
سلطانة : طبعا قاعد
محمود : نتذكر انه قدامه بحر
سلطانة : قاعد البحر و منها الشباب تتفرج علي جمال بحر ???? المرسي
خيري : فكرة حلوة شن رايكم
رويدة : فكرة تجنن طبعا
سلمى : ????
” ناض ايوب “
فاضل : وين يا ولدي
ايوب : حنمشي نشوف اسلام عطل هلبا
فاضل : باهي
” ناض و مشي للحمام “
ايوب : اسلام اسلام
” فتح الباب بلغلط “
ايوب : ???????????? شن هذا
” بودرة علي الرخام و اسلام يشم “
ايوب : نكلم فيك شن هذا
اسلام : ???? ا ا
ايوب : حرام عليك يا راجل صحتك
اسلام : ايوب بالله عليك رد بالك حد يعرف
ايوب : امك تعرف
اسلام : لا بالله عليك يا ايوب
ايوب : انت لازم تبطل
اسلام : باهي حاضر غير اسكت توا و نهدرزوا فيه الموضوع بروحنا
ايوب : ????
” طلع ايوب و اسلام من الحمام “
.
سلطانة : هي أنوضوا
الكل : هي
” ناضوا الكل “
.
” مشت رويدة تجري لياسين “
رويدة : ياسين ياسين
ياسين : تفضلي
رويدة : نبي نروح معاك الزوز هادم متهورين هلبا
ياسين : لكن حياة مقعمزة من قدام
رويدة : ????????
ياسين : لو ترضي تفضلي
رويدة : ???? نرضي
” جت و وراه “
” لما شافتها حياة نزلت من قدام “
حياة : تبي اركبي من قدام
ياسين : حياة اركبي
حياة : بس
ياسين : قتلك اركبي و قعمزي في مكانك
رويدة : ????????
” ركبت رويدة من تالتي و تشوف لياسين في المرايا “
…..
” سلطانة في السيارة “
سلطانة : الجو يجنن بجد حاجة تفرح ياريت نقعدوا هكي
……
اسلام : ” يشوف لايوب و هو ساكن “
اسلام : خيرك يا ايوب خلاص عاد معش تزودها ، توا نسيب خلاص ، انت كبرتها لل…
ايوب : هي كبيرة يا اسلام ، كبيرة هلبا ، لازم تدير حل و تبطل ، حرام عليك امك كبيرة مش حتتحمل ابدا
اسلام : باهي خلاص انسي توا الموضوع و خلي الجو مليح
بالله عليك
…….
” وصلوا السيارات للحوش ⛲️ “
” بدو ينزلوا من السيارات “
” خشوا للحوش “
” و كل حد ركب لداره “
سلطانة : اه يا رجلي اه
” قعمزت سلطانة في الصالة “
” و كل في داره “
” ركبت رويدة للدار خشت “
رويدة : عمتي سعاد
عمتي
عمتي
” فتحت باب الحمام “
رويدة : ???????? ااااااااااااااااااااااااااااااااااااااااااااااااه
الكل : ????
” طلعوا يجروا من ديارهم “
.
سلطانة : ????????????
” سمعت صوت العيطة تلفتت علي المزهرية “
سلطانة : فيه حصان ناقص ، فيه حصان ناقص ????????
سعااااااااااااااااااااااااااد????
…………………………………..يتبع
أحدات و تشويق في الطريق و ضحايا ، لعنة سلطان مستمرة ، هل هي لعنة ، او موأمرة ، او …….????
لغز القصر كبير ???? و يلي جاي اسوء
.
رايكم في الرواية و أحداتها لحد الان ❗️
نتلاقوا غدوا في تاني حلقة من الرواية ❤️
تصبحوا علي الف الف الف خير ……..أحمد عبدالله
لقراءة الحلقة الثالثة : اضغط هنا
لقراءة باقي حلقات الرواية : اضغط هنا

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى