رواية عشقت ميمونة الفصل العاشر 10 بقلم هاجر محمد

مر عدة أيام علي ميمونه بعد ارتدائها النقاب كانت مثل الفراشه المحلقه في سماء السعاده لم تتوقع أن تكون لذة الطاعه بهذا الشكل ومالك معها يجعل حياتها جنه علي الأرض..

كانت ميمونه تجلس بين كتبها فغدا أخر يوم لها في الامتحانات في مادة مالك  التي تذاكرها وهي تحسبن عليه وتتوعد له في كل حرف

ميمونه بحنق :- إيه ده.. إيه الكلام اللي مش راضي يركب ده ماشي ابن أمينه.. لما نشوف رجع من المستشفي ولا لسه

أخرجت هاتفها وطلبت رقمه  عدة مرات ولكنه لم يرد كررت اكثر ونفس النتيجه ألقت بهاتفها أرضا و:- وكمان مش بترد مممممماشي يعني المستشفي دي جت علي دماغي أنا.. أعمل إيه ياربي شكلي هيبقي زفت أوي قدام مالك لو لو.. لا لا إنتي قدها ياميمو إن شاء الله  تفائلي بالخير

أمسكت الكتاب مره أخري وبعد التسميه والدعاء بدأت في المذاكره…. وفي المنتصف ألقت بالكتاب أرضا و:- لا مش عارفه لازم اتصرف

=====================================

في المستشفي خرج مالك من غرفة العمليات بعد فتره وجيزه دلف إلي مكتبه متعبا وألقى بنفسه علي الكرسي لفتره… فتح عينيه علي طرقات الباب و:- اتفضل

عشقت ميمونه. هاجر محمد. حبيبة

_دلفت فتاه تقريبآ في منتصف العشرين :-  مسآء الخير يادكتور مالك

اعتدل مالك في جلسته وحم حم بحرج و:- أهلا دكتوره نادين اتفضلي.. بس معلشي ممكن تسيبي الباب مفتوح

تركت نادين الباب ودخلت و:- حضرتك دكتور ممتاز أنا بقالي سنين بدخل عمليات بس أول مره أشوف المهاره والحرفيه دي.

مالك بابتسامه وهو ينظر إلى الأرض :- شكرا ده فضل من الله .. بس مش للدرجه يعني

جلست نادين علي الكرسي و:- لا دي حقيقه انت بسم الله ما شاء الله علم وأدب وأخلاق… صمتت قليلا و:- وجمال

عشقت ميمونه. هاجر محمد. حبيبة

ابتسم مالك لها ابتسامه مجامله و:- هذا من فضل ربي

تأملته نادين للحظات من الصمت و:- تعرف يامالك… ده إذا سمحت لي يعني اني أقول مالك .. أنا دعيت ربنا كتير إنه يرزقني بزوج مواصفاته زيك كده2

_ضربه شديده علي الباب جعلت نادين تقف مفزوعه من مكانها تحت نظرات ميمونه التي ستأكلها و:- وربنا استجاب دعوتك وإن شاء الله تقابليه في الجنه لما اطلع بروحك في أيدي2

لم يتحرك مالك من مكانه ونظر لها بابتسامه جانبيه وهدوء و:- أهلا دكتوره ميمونه اتفضلي

حركت نادين نظريها بين الاثنين مالك وتلك الشرسه التي يظهر من عيونها أن ستنقض عليها الآن. :- م ما مالك مين دي

اغتاظت ميمونه أكثر واقتربت أمامها وهي تشير بسبابتها و:- إسمه دكتور مالك وياريت تلزمي حدودك وما تقربيش من المكتب ده تاني

التفتت نادين إلي مالك و:- مين دي؟؟؟

_ مالك :- دي. دكتوره ميمونه مراتي

وضعت ميمونه يدها في خصرها و:- عرفتي بقي ابقي ولا لسه.. يلا هوينا بقي علشان الدنيا حر

بدت ملامح الصدمه علي نادين ونظرت الي مالك بعدم تصديق :- إنت إنت متجوز

ميمونه بغضب :- مجنونه دي ولا إيه . وعدك بالجواز مثلا وخلا بيكي ولا إيه أنا مش فاهمه.

تركتها نادين وخرجت دون أن ترد عليها.. اغلقت ميمونه الباب ونظرت إلي مالك بأعين جاحظه.. تراجع مالك إلي الخلف بطريقه مضحكه وهو يضحك و:- إيه النور ده كله كنت مستني القمر ده يشرفني من زمان

ضغطت ميمونه علي أسنانها بغضب و:- إيه اللي شوفته ده

مالك بحده مصطنعه :- سيبك من اللي شوفتيه… وقولي لي إزاي تيجي هنا من غير ما تقولي لي

ميمونه :- لا ياشيخ… رد عليه يامالك البت الملزقه دي بتعمل إيه هنا.

عشقت ميمونه. هاجر محمد. حبيبة

مالك :- كانت جايه تقولي لي انها معجبه في أدائي في غرفة العمليات بس كده 

ميمونه بحنق و:- والله.. ماشي يامالك. أنا غلطانه إني جيت علشان أشوفك.. أنا همشي

خطت عدت خطوات وقبل أن تصل الي الباب لحق بها مالك وأغلق الباب محاصرا اياها بين ذراعيه و:- إيه اللي يزعلك دلوقتي… والله ما رفعت عيني فيها وإنتي عارفه كده كويس

_استدارت ميمونه ورفعت عينيها في عينيه و:- أنا عارفاك إنت بس مش عارفاها هي. وعندي ثقه مالهاش حدود فيك إنت.. بس هي لأ .. إنت ما شوفتش شكلها لما عرفت إني مراتك

مالك :- وأنا ذنبي إيه في كده.. شكلها هي حره فيه

زمت ميمونه شفتيها بعبث و:- لا طبعاً ليك ذنب .. إنت حليوه وزي القمر وكمان يعني كلامك يجذب أي حد ليك ده أنا بأشفق علي البنات منك.. من المفروض النقاب يبقي فرض علي الفتنه المتحركه اللي زيك

ضحك مالك بقوه و:- ده أعتبر ده معاكسه ولا إيه.. وامسك بيده النقاب ليسحبه الي أسفل لكن توقف علي صراخها وهي تمسك يده و:- عاااااااااااا بتعمل إيه

قضب حاجبيه بدهشه و:- عايز اشوف القمر اللي وحشني

انسحبت ميمونه من تحت ذراعه و:- لللللللللا مش هتشوف وشي أبدا  أبدا أبدا

قوس مالك فمه بتعجب و:- ده اللي هو إزاي يعني… لاااااا ده أنا معايا قسيمه من مأذون أوديكي بيها البيت الحرام نعمل زياره ولا حد يهمني 

جلست ميمونه علي الكرسي ووضعت قدما فوق الأخري و:- والله لو هتوصلني الفردوس الأعلى ما هرفعه غير بعد فرحنا ولحد ميعاد الفرح بقي ياحلو إنت وخليك إنت في أوضة العمليات علشان تنفعك

جلس مالك علي ركبتيه أمامها وامسك بيدها وقبلها وبعدها رفع عينيه للحظات يتأملها حتي رأي السعاده والحب ينبع منها إبتسم إبتسامه جانبيه وضيق عينيه و:- طب لو قولت لك إني مش داخل العمليات تاني وهركز علي العناية المركزه هتفضلي مصره برضه

_نهضت ميمونه ونزعت يدها منه وهي تتابع ضحكه و:- مش بقولك رخم  أنا همشي

لحقها مالك سريعاً و:- هههههه خلاص والله بهزر   استنى..

ميمونه بغضب :- علي فكره انا لو ما كنتش عاوزاك تذاكر معايا ما كنتش جيت أصلا

أمسك مالك كتفها و:- يعني جايا مصلحه.. وأنا اللي قولت زوجتي العزيزه اشتاقت لي كما عيني اشتاقت للنظر في عينيها  وقلبي يصرخ بإسمها ليرطب من نار عشقها الحارقه

تبسمت ميمونه ضاحكه و:- الله عليك ياشاعر.. المهم يلا بقي نمشي علشان تذاكر معايا لأني صفر على الشمال

عشقت ميمونه. هاجر محمد. حبيبة

بادلها مالك الابتسامه وهو يحاوط كتفها بذراعه و:- حبيبتي ما تنفعش تبقي صفر علي الشمال.. يلا نرجع نصلي ركعتين قضاء حاجه وكل حاجه هتبقى زي الفل إن شاء الله

:٪/:٪/:٪/:٪/:٪/:٪/:٪/:٪/:٪/:٪/:٪/:٪/:٪/:٪/:٪/

*في صباح اليوم التالي في مكتب خالد الجندي

خالد الجندي :- مش عايز تخلف ياكمال أنا كنت وعدتك بكده لو كنت اتجوزت ميمونه وكل حاجه بقت تحت إيدنا إنما خلاص كل حاجه راحت

ضرب كمال علي المكتب ونهض غاضبا و:-   وأنا ما ليش في اللي إنت بتقوله ده أنا نفذت اللي إنت عاوزه وإنت اللي خطتك فاشله   ولا تكون فاكر إنك هتضحك عليه زي هاني لا1

صمت خالد لفتره و:- أنا موافق اديك أكتر من اللي قولت لك عليه كمان لو نفذت  اللي أنا هطلبه منك من غير أي غلط وعد 12 ٪ من أسهم الشركه ليك.

كمال :- أضمن حقي الأول مش هتضحك عليه تاني

خالد :- هو أنا كنت ضحكت عليك اولاني.. وعلي العموم ماشي موافق هتاخد 5 ٪ دلوقتي والباقي بعد ما اللي قولت لك عليه يتم

وافق كمال بعد تفكير و:- موافق.. قولي اللي عندك2

:٪:/:٪:/:٪:/:٪:/:٪:/:٪:/:٪:/:٪:/:٪:/:٪:/:٪:/:٪:/:٪:/

في بيت الحاج متولي خرجت همسه من غرفتها في المساء وهي تحمل حقيبه كبيره بين يديها

ووقفت أمام أبيها و :- الحاجات دي ما تلزمتيش يابابا

اعتدل متولي في جلسته وهو يبتلع رشفة من كوب الشاي و:- حجات إيه دي؟

وضعتها همسه في الأرض و:- بتاعت ابن الحاج فاضل  أنا مش قادره أكمل في الجوازه دي

نهض متولي من مكانه بغضب و:- إنتي رجعتي للجنان بتاعك تاني. رجعي الحاجات مكانها واعقلي الراجل كان مستني تخلصي امتحاناتك هو وابنه علشان يحددوا ميعاد الدخول. وعمالين يجهزوا في الشقه والعفش وأمك راحت تختار السجاد والستاير … وإنتي جايا تقولي ارجع الحاجه.. واقولهم إيه معلشي أصل بنتي بتدلع

همسه بحده وأسلوب جاف :- لا يابابا هتقولوا كل شيء قسمه ونصيب وأنا مش مرتاحه في الجوازه دي وكنت موافقه علشان خاطرك لكن دلوقتي خلاص مش هكمل فيها يعني مش هكمل ولو إنت مصمم أنا هاجي قدام المأذون وأقول لأ أنا مش قاصر ومن حقي أختار شريك حياتي براحتي .وده آخر كلام عندي سواء وافقت أو لأ .. بعد إذنك.. وتركته وغادرت إلي غرفتها واغلقت الباب

ضرب متولي كفا علي علي آخر و:-  لا حول ولا قوة الا بالله العلي العظيم.. دي مش همسه بنتي اللي عمرها ما صوتها علي عليه

*في نفس الوقت دلفت السيده فاطمه زوجته وهي تبتسم بسعاده و:- سلام عليكم ياحاج متولي

متولي بحزن :- وعليكم السلام ورحمة الله وبركاته

جلست فاطمه جواره وهي تنزع حجابها و:- اللهم صلي على النبي ياحاج نسايبنا دول لو لفينا الدنيا مش هنلاقي زيهم تخيل ام كريم كانت ما بتختارش غير الغالي  وأنا لما أجي اتكلم تقولي لأ هي مش موجوده يبقي نختار أغلي وأحلى حاجه وك

قاطعها متولي بصوت حزين :- خلاص يافاطمه مالوش لازمه ده كله

وضعت فاطمه يدها علي فمها و:- الشر بره وبعيد ياحاج بدل ما تقول ربنا يتمم لهم على خير

أشار متولي إلي الحقيبه التي اخرجتها همسه :- بنتك خلاص عايزه ترجع الحاجه

عشقت ميمونه. هاجر محمد. حبيبة

ضربت فاطمه علي صدرها بصدمه و:- إيه ياحاج الكلام اللي بتقوله ده

متولي :- يعني ما فيش لا فرح ولا جواز وبنتك هتخلي رقبتي زي السمسمه قدام الناس

ترقرقت الدموع في عين فاطمه و:- ده الفرح خلاص قرب والناس فرحانه وما عملوش معانا غير كل خير يكون ده جزاتهم  هنقول لهم إيه

نهض متولي من مكانه :-  هنقولهم كل شيء قسمه ونصيب. أنا هقوم أكلم فاضل واقوله يبعت حد ياخد الحاجه الصبح.. لله الأمر من قبل ومن بعد…1

بعد دخول متولي إلي غرفته قامت فاطمه وتوجهت ناحية غرفة ابنتها التي اعتدلت مفزوعه فور دخول أمها المفاجئ وهي تصرخ بها و: – لييييييييه لييه عازه تكسري فرحتنا إن… توقفت فاطمه عن الكلام وحخظت عينيها وهي تشاهد صور مالك تملأ شاشة الحاسوب الخاص بها صاحت وهي تلطم علي خدها و:- يالهوي إنت لسه بتفكري في الدكتور مالك لسه إنتي إييييييه حرام عليكي ده بقي راجل متجوز وانتي معاكي راجل تتمناه ست ستك

اغلقت همسه الحاسوب ووقفت مقابل امها و:- أيوه ياماما لسه بفكر فيه وعمري ما هنساه ولا هسيبه لغيري.. أنا عملت كل حاجه علشان يحبني ويقرب مني نقاب ولبست دخلت كلية درسات إسلاميه علشان يحبني  دعيت ربنا علشان يقربه مني وما استجابش. ليه يختار ميمونه ويسيبني أنا ليه هي تاخد كل حاجه وأنا لأ ليييه هي جميله ودكتوره ومالك يحبها وكل حاجه عندها أحسن مني2

_كانت فاطمه تتأمل ابنتها بعدم تصديق وعدم استيعاب لكمية الحقد والكراهيه الدفينه بداخلها و:- إيه كمية السواد اللي جواكي دي  إيه ده أنا مش مصدقه إنك بنتي اللي أنا ذرعت فيها الحب بس شكلي ما راعيتش الزرعه كويس علشان كده طلعت شوك.

كتفت همسه يديها علي صدرها و:- كل شيئ متاح في الحب وأنا بعشق مالك ومش هرضي بغيره وما فيش حاجه تخليني اتنازل عنه غير الموت

حركت فاطمه رأسها بيأس و:- ما حدش هيدفع نتيجة شرورك دي غيرك.. كل خوفي علي أبوكي  اللي هيروح فيها بسبب بنته اللي ما خلفش غيرها الحيله  النبيله.. قامت من مكانها وهي تتمتم بتحسر و:- العوض من عندك يارب  العوض من عندك يارب

====================================

في بيت حليمه صدح صوت ضحكات الجميع علي ركض مالك خلف ميمونه في اصرار منه ليري وجهها

وهي تقف خلف الاريكه تكيد في مالك و:- مش هنزل النقاب يامالك ومش هتشوفني غير بعد الفرح ????

استدار مالك ليلحق بها و:- وأنا مش هسيبك غير لما أشيله

صرخت ميمونه وهي تركض خلف حليمه :- الحقيني ياماما

حليمه بضحك :- ياولاد اعقلوا مش كده خلونا نخلص اللي ناقص.. وإنت يامالك خلاص ياحبيبي الفرح بعد يومين وتكون وحشتك شويه

_جلس مالك جوار أمينه و:- أقنعتيتي ياليمه خلاص يلا نشوف إيه اللي فاضل

عشقت ميمونه. هاجر محمد. حبيبة

*ظلو يتحدثون عن بعض الأشياء الخاصه بترتيب الزواج.. لفتره وبعدها قام مالك مره واحده وانقض علي ميمونه وحملها بين ذراعيه و:- يابنتي ده أنا مالك والأجر علي الله

اتجه بها مالك ناحية السلم وهي تصرخ و:- نزلني يامااا لك عاااااااااااا الحقيني ياوليه إنتي وهي1

صعد مالك إلى عرفتها وأغلق الباب ونظر إليها بابتسامه شامته و:- دلوقتي بقي نصفي حسابنا دلوقتي

ميمونه وهي تتراجع إلي الخلف و:- برده مش هنزل النقاب  يابن أمينه لو عملت ايه

امسك مالك بذراعها وجذبها إليه وهو يضحك و:- آوريكي ابن أمينه ممكن يعمل فيكي إيه يابنت حليمه

تحركت ميمونه وهي تحاول الافلات من يده و:- علشان خاطري يامالك بجد أنا حابه إنك ما تشوفنيش غير يوم فرحنا  علشان خاطري والنبي والنبي

عشقت ميمونه. هاجر محمد. حبيبة

ضغط مالك عليها لتكف عن الحركه و:- ما عنديش اغلي من خاطرك ياعيون مالك.و اللي إنتي عاوزاه اعمليه بس مبدئيا كده ما فيش حاجه إسمها والنبي لان ده يعتبر شرك بالله(من كان حالفا فاليحلف بالله أو ليصمت) وتاني حاجه بقي أنا وحشتني الصلاه معاكي وعاوز نصلي ركعتين قيام الليل مع بعض

ميمونه بابتسامه :- وأنا كمان وحشني صوتك جدا  جدا

تركها مالك و:- اتوضي بسرعه وأنا هستناكي

أمسكت ميمونه بالنقاب لتزيله فأمسك مالك سريعاً بذراعها و:-  إنتي نسيتي ولا إيه لسه بعد الفرح

ميمونه :- طب اتوضا إزاي وهنصلي إزاي؟؟؟

مالك :- ادخلي اتوضي جوه… وعند الصلاة أنا مش هشوفك

*دخلت ميمونه وتوضأت وصلا عدة ركعات  وبعدها أمسك يدها كما اعتاد بعد أن جعلها تخفي وجهها عنه واخذ يسبح ويستغفر عليها وبعد فتره نظر إليها وقبل يدها و :- ربنا يرزقني خيرك وتكوني زوجتي في الدنيا ورفيقة دربي إلي الجنه

ابتسمت ميمونه وقبلت يده وهي تأمن خلفه :- اللهم امين… إنت ليه كل مره بنصلي فيها بتدعي الدعاء ده من أول مره صلينا فيها مع بعض

مالك :- لأن ده الشيء اللي يتمناه من ربنا  وعلشان ربنا يقبله مني لازم الح لأن الله يحب العبد اللحوح

ميمونه :-  طيب  هو أنا ليه حاسه إنك عاوز تقول حاجه

حرك مالك رأسه وهو يتنحنح و:- احم احم هو بصراحه فيه  بس قبل ما أقولك عاوزك تحسبيها من ناحية إنه خير لوجه الله وما تاخديهوش بشكل شخصي

ضيقت ميمونه عينيها بشك و:- شكلك عامل مصيبه يادكتور اعترف

عشقت ميمونه. هاجر محمد. حبيبة

ضربها مالك علي رأسها بخفه و:- ياهبله بقولك خير لوجه الله تقولي لي مصيبه.

ميمونه :- طب ما تقول بقي يلا علشان انا  مش متطمنه

صمت مالك قليلا و:- في مركز تحفيظ للقرآن هيتعمل في الحي هنا  وعايزين إني أشارك فيها 

ميمونه :- جميل جدا.. فين بقي الانه اللي في الموضوع ادخل علي طول

بعد تردد اغمض مالك عينيه و :- ص ص صاحبة المركز همسه بنت عمي متولي

قضبت ميمونه حاجبيه وصمتت للحظات وبعدها نهضت واقفه و:- نعم نعم نعم نعم نعم يابن أمينه  انا قولت إني مش مرتاحه لكن علي جثتي الموضوع ده يحصل

يتبع…..