رواية مقايدة تغير حياتي الفصل الأول 1 بقلم رحمة أيمن

_ انت قليل زوق و تربيه 

= وانتي غبيه 

_ يبني هخبطك بالكوبايه دي علي نفوخك

= وريني هتعملي كده ازاي وانا امسح بيكي البلاط

_ لاء انت اتجننت رسمي !

عمتو بزعيق : باسسس اي ، اي يخربيتكو في اي ..

= سكتي البت دي يا عمتو انا مش ناقصها 

_ بت لما تبقي تبتك ، انا بقيلي تكه معاك وهنزل عليك بالكوتشي الي انا لبساه ده

= هاها ضحكتيني واي كمان 

عمتو : كلمه كمان وانا الي هطردكو انتي وهو 

_ متشوفي يا عمتو ده مجنون 

= الله ما طولك يا روح 

عمتو : ممكن تهدو ونتكلم 

_ اتفضلي يا عمتو 

=…..

عمتو : انا ما صدقت لقيتكو تمام بعد السنين دي كلها ، انا مش عايزه جنان وافهمو حاجه لازم علاقتكو تكون احسن من كده عشان نتفاهم 

_ انا مبتفهمش مع ناس غبيه 

= يا بت انا سكتلك من الصبح ومش عايز امد ايدي عليكي عشان بنت ومش اصول 

_ طب فكر تقرب سنتي وانا اوريك تمد ايدك عليه ازاي 

عمتو : بت انتي وهو … انا تعبت منكو اتفضلو بره نتكلم بعدان.. غورو يلا

= غبيه !

_ متخلف ! 

رحمه ياسر 24 سنه كليه سياحه وفنادق … يتيمه وقعده مع خالتي علي خمس عيال انا اكبر وحده فيهم غير واحد اكبر منا كلنا بشتغل عشان التكاليف والمصريف … وانا سافرت روحت الجامعه هنا وواخده ساكن مع صحبتي وبنشتغل عشان نسد الايجار والأكل والشرب واشيل حمل عن خالتي شويه .. قصيره ورفيعه ورغايه وبكره الولاد وبحسهم ملزقين ، وعيني مشجره و بس كده 

صقر خالد 27 سنه كليه اداره الاعمال وتخرج منها ومكملش فيها وغير المجال خالص وبيشتغل مع صحبه في تصليح العربيات… طويل زي الحيطه ، عصبي وغبي زي ما انتو شيفين كده ول طيقاه ول طيقني .. عينه عسلي فاتح وشعره اسود وابيض شويتين وزكي جامد اوي اوي 

* نص مليون جنيه!

_”والاكل في فمها ” امم

* هتبيعي نفسك ول اي ، حتي لو كنا مزنوقين اوعي اوعي تخسري النص مليون يا رحمه ، ها هتنحرفي امتي بقي ؟ 

_ ابيع نفسي ونحرف اي يا بنت … امشي من وشي حالا يلا 

* طيب هتعملي اي عشان تديكي كل الفلوس دي 

_ معرفش لسه هقبلها المره الجيه مع كائن غبي مفروض يكون ابن عمي اصلها ناقصه

* اوبااا بقي شباب 

_ ييعع

* هبله ياض

دي صحبتي القمر “هنا” ، هبله وروشه ورطاطه زي حلاتي كده ودماغها عمرها ما فكرت صح ابدا وبتجرجرك لرزيله وانتي قاعده مكانك كده … مخزن اسراري وكانت معايه في الجامعه واخر مره حسيت انها عاقله فيها كان ….ام… مش فاكره الحقيقه 

______________________

مجدي : يا مدام انتي جبتيهم هنا لي ودورتي عليهم تاني

عمتو “مني” : من يوم ما اخواتي عمله حادثه والعيال دي كانت لسه عندها 4 سنين رجعت يوم الجنازه ودورت عليهم ملقتهمش سافرت تاني وبعد ما جيت مصر للمره التانيه اكيد مش هضيعهم من ايدي تاني وخصوصا اني بقالي 3 شهور برقبهم 

مجدي : يعني عايزه تعملي اي 

عمتو : الشركه بتقع وبتضعف التسويق والوجها  ضعاف جدا والعيال دي لو تعاونه سوي هيوقفوا الشركه دي علي رجليها تاني صقر عبقري في الاختراع ودماغه عليا ورحمه عندها قوه وتعامل اجتماعي غير انها بتفهم في الازياء والموضه بس محتاجه الفرصه وهيه ملقتهاش وهيكونو فريق رائع وزي ما كنا الشركه الاولي من 20 سنه هنرجع نقوي تاني 

مجدي: بس انتي عرفه هما لو قاعدو مع بعض هيولعو نار وبنزين في بعض دول ممكن يموتوا بعض 

عمتو : اعرف كويس ان المحبه مبتجيش غير بعد عدواه ول اي هه

مجدي : يعني هتعملي اي يا هانم 

عمتو : هجوزهم 

مجدي : نعم ! 

………………..

في المقابله التانيه …

مجدي : اتفضلي من هنا 

_ الله اي البيت لاء اي القصر القمر ده 

مجدي : جايز يكون بتاعك بعد شويه 

_ ههه لاء اكيد بتهزر 

مجدي : ادخلي يمين هتلقي المدام قدامك 

_ شكرا يا…

مجدي : مجدي 

_ تمام شكرا يا مجدي

“تدخل تجد العمه وصقر بجانبها “

_ استغفر الله العظيم 

=”ينظر لها بغضب ويتجاهلها “

عمتو : اهلا يا ولاد ، زي ما قلتلكو كل واحد هياخد فيكو نص مليون جنيه بس لازم يكون في شرط

= اي شرط اكيد المهم اخدهم 

_ اي يا عمتو الشرط ؟

عمتو : انكو تجوزو

_ نعم !

= انتي بتهزري صح ؟!

يتبع ……